東港海鮮酒家 (已結業)

今日（6/11/2021）同朋友行山，行到翠竹花園，在商場一入，即見到這食店，食午餐，順便休息一陣再繼續。這食店不大，只有十多張枱，一入即有位。四個人，點了八個點心，好飽。晶瑩蝦餃皇蟹籽燒賣皇潮州蒸粉果蜜汁叉燒包香茜叉燒腸上湯水餃，水餃好齋無肉，以為是素餃，再看餐牌，無寫是素餃。鮑汁大雞腳，夠入味，雞腳及花生都好淋脆皮燒腩仔，好正，熱辣辣，皮好脆。點心質素及賣相唔錯，上菜快，下次行山行到附近，亦可再來食餐。

涼瓜骨、北菇鵝掌、椒鹽鮮魷、另蒸魚，頭2味菜偏鹹，椒鹽鮮魷夠鬆化，內有腰果同炸，非常美味，蒸魚一向有水準，可借有位高級員工態度非常散慢，揮了幾次手，該員工只望一望沒任何回應，今時今日疫情後能繼續經營，應該感恩好好工作，希望餸菜能有更好進步，散慢態度能改變。

位於黃大仙翠竹商場有間東港海鮮火鍋酒家，嗰度地方較偏僻，所以在假日不用等位，下午茶自選孖寶點心$24.8💰今日點選咗皮蛋瘦肉粥、生煎蓮藕餅、鮮蝦炸雲吞家鄉鹹薄罅及一碗燒腩瀨粉🍜，食物味道一般，如果🏠住得近不妨可以試試。

已經無幾可食呢間當邨唯一酒家，終於領會到呢間所謂獅子山下的酒家的「超頂」的服務水平，那就是一間上至經理下理樓面對午市茶客服務水平如此不知所謂所謂的中式酒家，不論小至加水、以至叫點心都對茶客愛理不理，叫極等十世也睬你都傻！為何不乾脆專做麻雀會？！（仲要唔知有無牌)我一心促進獅子山當邨經濟，但呢間野仲咁不思進取，食就肯定唔會再食架啦，唔駛再擔心佢後欄有無老鼠，唔駛再睇佢地樓面啲x面你地繼續打牌啦！哈哈！

今日係農曆大年初二，我們所有人都去同舅父舅母拜年，但上去舅父屋企前我們一齊去咗附近翠竹商場嘅「東港海鮮酒家」飲中午茶！我們叫咗晶瑩蝦餃皇嘅餃皮好晶瑩煙韌，蝦肉相當爽甜彈牙！鮮蝦菜苗餃比較令我們覺得驚喜，就係平日食開嘅餡料通常菜苗多過蝦肉，但呢度係蝦肉多過菜苗，而餃皮亦都幾晶瑩剔透！蜜汁叉燒包嘅包質都幾軟熟，蜜汁嘅味道都幾香甜！紅燒乳鴿外皮都幾香脆，肉質好鬆化軟滑！鴻圖窩麵嘅份量都幾多，但伊麵嘅麵質腍咗啲！乾燒伊麵就咁睇賣相色澤平日食開嘅淡色，以為味道會無乜味，但食落就覺得好惹味！菜遠牛肉炒河嘅河粉麵質好煙韌彈牙，牛肉嘅肉質就好鬆軟嫩滑！髮菜蠔豉粥嘅粥底煲得都幾綿，蠔豉嘅味道都幾甘香！髮菜南乳燜豬手嘅豬手燜得都幾腍幾入味，南乳汁嘅味道唔會過鹹！黑白芝麻煎堆相當金黃香脆，質感非常煙煙韌韌！

服務勁差.特別系經理.淨系打牌吾食飯就黑人面.吾想做生意甘.一系就吾好有呢個服務喇老闆要再訓練下管理層囉我就成日黎既.以前個經理態度就好好而家呢個就真系呢.上樑不正下樑歪架乍

星期六佛誕同媽咪去左呢間O係黃大仙一個商場仔既酒樓食晏個位置都幾偏僻可能係咁公眾假期都冇咩人等位不過唔使等位仲好地方唔算大有廿幾張細枱...原來仲有D大房我揀左我最鐘意既卡位(好少酒樓有卡位...)個環境好開揚係好似FOOD COURT既感覺2個人叫左2個點心同一個炒飯1. 蛋散份量都幾多冇其他地方食果D咁痴"立立"感覺油唔算多都幾薄幾鬆脆2. 炸"九"菜角第一次見到炸既好似幾得意咁就叫左碟食落仲脆既皮都算薄可能係炸既關係個涵就油左D3. 瑤柱蛋白炒飯超足料又唔多味精D飯又炒到一粒粒又唔乾正!!份量又多2個人都食唔晒3個人應該差唔多$50個炒飯夠3個人食真係抵到爛啦味道同環境我覺得都幾好呀我覺得味道仲比一般街坊酒樓好係少人左D可能個位置真係幾偏僻個商場唔夠附近既竹園商埸起眼不過少人都有少人好處唔使咁嘈上菜又快DD菜都煮得好D唔使趕到求祈煮下就上可以一試

翠竹商場內的酒家已經轉手無數次, 因地點位置問題, 居民不是在黃大仙或樂富消費, 便是在九龍塘又一城飲飽食醉才回來. 因此, 平日入坐率一般不到一半, 週六及週日早午茶市卻是全院滿坐, 甚至要坐入旁邊空置的舖位內, 及走廊上. 第二次光顧買外賣, 因天氣太熱, 不想下山又不想跟人迫, 但又想飲茶, 惟有在家泡好茶, 開冷氣, 好好休息一下. 今次點了奶皇流沙飽, 蜜汁叉燒飽, 千層馬拉糕, 蝦餃皇, 蟹子燒賣皇, 四寶滑雞扎, 家嫏糯米卷, 香茜叉燒腸, 蔥花炸兩腸等等 特點 $22大點 $13.80中點 $10.8小點 $8.80 千萬不要有什麼祈望, 蝦餃皇皮太厚, 燒賣皇就是一團肉, 糯米卷及腸粉的皮均十分厚, 食完很油膩的感覺. 飽類較佳, 皮及餡料的份量適中. 總結食物新鮮的程度及調味均是一般水平, 但價格算是便宜. 街坊生意, 將價就貨, 尚算合格.

今日財爺宣佈人人派六仟,實行支持本地消費品,先食一餐.這間酒樓開了幾個月,己食了五次飯,正式平靚正.是晚三個人,叫了五個菜1. 梅菜扣肉煲,肉不肥但又唔勒,送飯一流.2. 沙汁燴雞球,味OK,非常香口及脆身.3. 紅燒北菇豆腐,這味豆腐非常滑.4. 牛肉炒芥蘭,味道一般,牛肉下得食粉太多.5. 芝士白汁蝦球伊面,有十幾只小蝦,味道只是一般. 還有飯後甜品紅/綠豆沙,多豆不太甜. 是晚因有伊面,沒有叫白飯,還打包了只吃了一片肉的梅菜扣肉.結帳: $205