東海薈 (HomeSquare)

营业中

休息中

唔出街飲茶，叫啲點心外賣食下。堂食風險高，屋企食感覺安全啲👍🏻蘿蔔絲酥餅好酥脆，完全唔會油淋淋。蘿蔔好夠。韮黃蝦春卷炸野真係整得唔得。外賣都無話淋左，蝦同韮黃都幾好味。燒賣好大粒下，個皮唔會蒸到爛晒。個餡調味幾好。蝦餃皮厚薄適中，一樣無蒸過龍。蝦仁幾爽，有筍爽口好食。山竹牛肉食得出真係牛肉，有口感調味都係唔錯，腐皮都厚身，唔係碎上😅鮑汁福建炒飯炒飯同個汁分開上，真係幾好。外賣都唔會唔好食。炒飯乾身好食😋

東海薈埋單$377 既羊腩煲，個煲裡面有10粒細細舊既羊,但係8舊都係骨黎既！何來有舊腩肉！經理重話離貨係咁喎～ 吹脹！！生意難做，我明既～ 但都唔駛賺到咁盡既，比少少良心出黎！話晒你地都係大集團，煮d咁既下欄野比客人食，真係覺得過份！味道又唔係出色，味精多！食完口喝到爆！幾粒粉嘅貢丸，簡直唔知自己食過d乜！阿服務生重好無禮貌，用對講機同廚房講，“有個男人投訴喎，話d羊……”，好心大集團train下d員工啦，就算幾唔like, 都比番少少禮貌丫！不知所謂！呢間野，堅係伏！

服務唔使講差到不得了！想叫餐經理扮睇你唔到。叫左餐d餸自己係咁上，食緊蟹，大佬，於是d餸凍晒！終於食哂完全凍嘅片皮鴨，蝦，牛肉粒，等半個鐘都唔上小籠包，再追佢小籠包，佢話我冇叫起小籠包，我即刻同佢講：之前我夠冇叫你上啦，又自動上哂所有野，搞到全部凍哂⋯⋯⋯等湯圓又等多半個鐘。明明叫雞湯烏冬，又上左辣肉燥烏冬，上錯都算，個侍應竟然想放低叫我哋照食，成餐飯6點食到9點都未完，食法國菜都唔使食3個鐘啦大佬，冇下次啦！你估唔使錢咩！

見到東海薈的宣傳廣告《大閘蟹。盛極六人套餐》所吸引，便諗住去試一試。我哋決定叫咗個六人餐，因為星期一至三係有75折，決定到沙田東海薈home square去試一試。入到去酒樓的面積不是十分大，但都坐滿了客人，樓面的人手真是不夠，服務態度不用多講了。我哋落單後，首先，1️⃣ 拎黎是京滬順嫂魚羹，這更簡直同普通快餐沒有多大的分別，第一口吃落去是凍的羮，廚房並未有保溫，就盛載出嚟比客人吃，這一點已經大打折扣。2️⃣粉小籠包也是不外如是，普通到唔普通。唯一可取的是蒜片澳洲和牛粒， 是稍為好吃的。3️⃣跟住再來的是酸菜肉燥手打烏冬，每人一碗。何謂酸菜？一點酸也沒有，是一碗由阿姐推車仔逐枱派，架車遊花園後，才送到你張枱，ㄧ碗又是普通的烏冬。4️⃣好戲在後頭，以為大閘蟹可以給我們有最後的驚喜。這驚喜簡直是震驚，不是籠仔蒸大閘蟹，而是用ㄧ大碟捧出來，一揭開出嚟成個大閘蟹蓋都是霉的大閘蟹肉，找不到一點蟹膏，蟹腳黐住蟹腳的殼，簡直用棒棒都拔不出來。我相信，我出去街市買一隻50蚊嘅，總好過這店整出來的大閘蟹，簡直是唔知係死左幾耐的大閘蟹呢🦀？咁樣都比得客人食既！如果你試過，ㄧ定有這難忘、深刻的經歷。現有相片為證。我相信，我

幾年未食過大閘蟹，的起心肝去食一次。點知一黎上咗碟炒飯先，已經有啲愕然，跟住再上埋啲菜。蟹粉小籠包同食公仔點心小籠包冇分別，啲嘢可能因為坐嘅位太凍全部都係凍…🥲🥲🥲終於等到大閘蟹嚟，係熱嘅…..但係食唔出大閘蟹嘅味道😵‍💫雖然有糕，但係都令我好沮喪⋯⋯自己買返屋企蒸冇咁嬲. 服務態度我都已經唔要求，但係都相當之唔理想⋯⋯送到啲嘢埋黎，企喺度見到張枱冇位就呼喝我地「喂，拎開啲嘢啦！，」好，我心諗我咪喺度公告天下囉🙄🙄🙄

2人位要等兩小時，仲要問佢嘅時候才說今日二人座位只得兩張枱，你等到就等。今時今日是什麼的服務態度? 完全唔識變通，四人枱都可以安排二人入座姐！全部等位嘅都已經入晒去開餐，有些遲過我來到的還吃完買單走人，門口仍剩下2人等位的顧客，長者又已經企到腳痛，價錢卻及得上五星米之蓮，但卻換來這樣的服務。真係只此一次！。疫情之下不是對飲食業影響很大嗎？為什麼情況稍有改善就不珍惜眼前顧客? 仍有工開的酒樓知客，奉勸你珍惜！

平日價錢係優惠嘅，我哋嗰日去係有六折優惠。味道正常未有特別驚喜。蝦子琵琶豆腐豆味濃郁，椒鹽軟殼蟹味道未如理想，油冧冧。東星班蒸得幾滑。片皮鴨有啲so味，麻麻地。羊肚菌燒豆腐味道正常。福如東海炒飯呢個好有驚喜炒得好乾身入味。龍蝦伊麵正正常常。百花蟹鉗水準之上。

今日去到沙田行街不少地方都有不少人，最後見到這間有宵夜價小菜半價再加上八逹通優惠，最後二人來折$280元都幾抵食，這裡坐得都舒服，但不知是不是比較夜所以待應不太足夠。蟹粉小籠包在宵夜價$28一粒都少貴但又想試就叫了一粒，蟹粉味的確不錯幾濃，湯都多，不過感覺不夠熱。薯仔牛肉粒有失望，牛肉梳打味太勁，味道一般，黑椒味不夠，薯仔口感可以。南乳菜煲，味道都幾濃郁，份量不少，不過食多會偏咸。黑醋骨少炸口感不錯，肉質可以，味道不錯醋味都夠。白飯口感不錯，份量都不少。

今日黎飲早茶，坐低左十分鐘，舉極手叫人開茶，都冇人黎，明明係你隔離行過都睇你吾到，叫到出晒聲吾該都係冇人理。隔離枱阿叔叫左幾次都冇人理，直頭追住個阿姐問佢，阿姐你係吾係真係睇我吾到，都要重覆2次個阿姐先知同緊佢講野，然後答吾好意思，我真係睇你吾到。食物方面，點心款式比較少，皮蛋瘦肉粥，燒賣，蝦餃都正常，好食，叉燒腸味道差，有陣怪味，肉餅飯，個飯底好食，不過舊肉餅有酸味，牛肉球正常，不過價錢吾抵，$4x。環境舒適，酒樓黎講算寧靜，乾淨

睇完傢俬，入左Home Square唯一呢間酒樓，見裝修唔錯入去試吓。兩個人坐梳化卡位都幾舒適，個冬瓜盅幾多料，另外叫左3個例牌菜，琵琶豆腐都唔錯，去到呢度都感覺滿意。點知嚟料，佢地有個每人8蚊甜品放題好抵咁，第一張單我地入左4款，等左陣嚟左3款，全部迷你版，紅豆糕芝麻糕得一舊仔，食完就等左差唔多半個鐘，另一款無嚟過，咁樣收我地16蚊加一又唔抵喎，再入第二張單叫左4款，點知等極唔嚟，中間有個鄉音阿姐，催左我地3次問埋單未? 我地答左佢3次話d甜品未嚟，佢面黑黑咁走左，隔左陣佢拎左張甜品紙嚟，超級晦氣咁話你而家tick多次爭d咩，我入廚房睇有就有無就無，我心諗有就有無就無? 咁個甜品放題扼人架? 過左陣個阿姐終於拎返嗰幾款甜品嚟，但每一樣佢都係好大力咁掉落枱，係半空掉落枱，再黑面走左。其實個阿姐咁唔滿意客人食甜品放題，應該自己同佢公司講唔係將氣出係客人度，其他員工都正常嘅，一個差劣員工足以影響晒成間酒樓形象。

I have accompanied my parents to visit doctor in the upper level of Grand Central Plaza. We have decided to have dim sum from the closest location and we just walked in this restaurant. It used to be Jasmine Restaurant but it has changed to this restaurant. I don’t usually come here so I have no clue about the changing. I love the presentation of the dim sum and it looks petite to me. There is only one dim sum in each bamboo basket and the dim sum is considered quite different than other restau

因為openrice外賣自取有折，加上不同日子不同信用卡有額外優惠，所以已經幫襯過好幾次，而今次點櫻花蝦脆皮蝦腸同龍門鴛鴦炒米（細份），因為滿$80用MasterCard減$20，埋單係$68.5。蝦腸嘅腸粉皮係傳統香港式比較厚，唔係石磨腸粉咁薄，但裡面嘅蝦肉餡好飽滿同仲脆脆地，同埋估唔到咁大碟，食完碟腸粉都已經飽飽地。鴛鴦炒米係我嘅至愛，係粉絲加米粉，有幾隻中蝦、魷魚絲、叉燒、香芹等好足料，最重要炒得好香乾身唔油，雖然係細份但都有大半盒，最後食唔哂，要留返一半第二日食。依家直接去酒樓買外賣全日都有58折，好抵食！

幾好食（燒乳鴿，甜品）地方好坐，但穿西裝的樓面，似經理級及其他伙記全部態度差到絕頂你叫餸時，很多餸是有例牌$188和小份$98/88給你選擇，我們選多幾個小份，女待應便給你説話，話小份好少喎，唔係呀，叫咁少！然後我哋叫甜品時，餐廳的甜品是all u can eat, 我們問可否給我們數個吉碗大家share來吃，無謂浪費食物。西裝樓面的女經理樣的職員竟大聲說，要咁多碗做乜？我們只是取七個吉碗，又不是多叫all u can eat的甜品，也好似我哋既要求唔啱。當我們只說可否給我們盒包走吃剩的餸菜，佢又突然無情情講甜品唔可以pack走！我們從來冇諗過pack走綠豆沙！總之整晚D西裝阿姐比說話枱枱客聽，好似D客好cheap咁尖沙咀東海薈絕對不會咁！

地獄飲茶地方。坐低咗咩都冇，menu、落單2D barcode 咩都冇。以為會有人攞黎，結果係冇。d 餐具勁污糟，好多污跡，要自己慢慢逐一清潔。大家要睇清楚，因為佢d杯碟係黑色既，污糟咗都唔會睇到。嘢食款式少，選擇唔多，佢menu d 圖片一d都唔吸引 🤣d 蝦餃、燒賣原來係逐件叫。黎既時候真係O嘴，價錢$12件但唔算好食。個鮮竹卷好硬，炸太耐、蒸太短時間。個蒸飯實際係個湯飯，個底勁濕，好難食。員工又唔夠，嘢食要成30分鐘先黎。總之，好難食。肯定唔會再去。

佛誕日，入沙田 Home Square 東海薈嘆茶，因為之前去過，感覺唔錯，有質素，所以再食多次。泊好車，等大約20分鐘就有位。同大部分連鎖餐廳一樣，改用手機點餐，新推出有優惠，下午茶時間"應該" 會有全單減10蚊。手機點餐，個人覺得有個唔好處係，會唔覺唔覺點多左野食，今次，係明顯叫多左，雖然冇做大嘥鬼，食曬，但飽到夜晚。先黎叉燒例牌，叉燒半肥瘦，唔錯，但個蜜糖好似燒完再浸落去，甜到過份，所以只俾3/5分。叉燒腸，不過不失，皮厚，3分之作點心類，呢間酒樓好處係大部分點心可以按人頭叫食物，我地叫左蝦餃，小籠包，叉燒包，雲耳勝瓜餃，蒸蘿蔔糕，及影漏左的珍珠雞。蝦餃：皮薄，多蝦，但冇筍小籠包：多汁，但汁偏咸叉燒包：正常雲耳勝瓜餃：冇份食，所以唔知味道珍珠雞：正常臘味蒸蘿蔔糕：得好少臘味同幾條蘿蔔，完全同細個食到的蒸蘿蔔糕好大分別，冇心整不如好似其他酒樓，唔做好過做整體黎講，點心都係2至3分之作。金菇瑤柱炆伊麵：叫做正常，但唔係好覺有瑤柱絲，普普通通，正正常常龍蝦湯泡飯：聞落有海鮮味，但食落似一般湯泡飯，都算足料，3分之作。瑤柱花菇灌湯餃：比上次差了很多，湯勁咸，2分。分數偏低唔代表食物難食，