東海堂 (已結業)

牛油曲奇 ~ 買早餐個陣見到$12一盒有成18塊 , 所以為食既我就買黎試下做下午茶啦 , 結果一試之下竟然有驚喜 , 鬆化得黎又重牛油味道 , 而且又唔會太甜wor , 估唔到東海堂都有d水準 , 最緊要係價錢唔抵買丫嘛。

栗子tart都幾滿意呢件~栗子味濃~有cream~個tart都幾脆呀,栗子迷要試!虎皮芝士我覺得好好味,虎皮應該係橙味,之後既cheese好軟滑,再之後有層chocolate +strawberry既海棉蛋糕...yummy!

從未試過東海堂 cheesecake 之類 ge 物體，今日買了四件試試。全部$8件，真係好平。輕盈cheesecake: 真係輕盈o架，cheesecake 味不重，也不是實得得嘅cheesecake，而是軟軟地身、淡淡芝士味的cheesecake...o岩晒我呢個唔多好濃味cheesecake ge 人！虎皮芝士：呢個都唔係成舊係芝士，只係頂1/3 係cheesecake, 比輕盈cheesecake實一點，中間1/3 係choco mousse and last 1/3 is strawberry 味嘅蛋糕，呢個combination 都幾"騎呢"。味道不過不失啦。朱古力mousse cake: 朱古力+ d 提子味道有點怪，唔知點形容...choco mousse好膩，也不算特別滑，幸好不太甜。仲有一件類似tiramisu，上面有coco powder, 中間係mousse & 蛋糕，無咩特別。

tiramisu杯~~好好食呀!估唔到佢會咁好食.....芝士好軟好滑亦有coffee味食左個杯仲可以留返......$15真係好抵~

細妹生日,今年無買正式既生日蛋糕,反而係母親大人買左四件東海堂切餅番黎,四款都係唔好口味,包括芒果切餅,黑森林切餅,輕乳酪蛋糕,同埋藍莓拿破崙。芒果切餅: 毋庸置疑,呢個係number one,唔單止係呢四件餅裡面既no. 1,我覺得佢分分鐘係東海堂所售蛋糕/切餅裡味美味程度no. 1之選!真係唔係誇,一食就感受到蛋糕軟綿綿既質感,最好味係果d芒果mousse,同蛋糕一層一層相間,又無乜我唔喜歡既忌廉喎(係蛋糕同鮮芒果片之間有好少,用黎黐實芒果片),mousse的確比cream,又有芒果味又無咁甜,其次係蛋糕面既一層芒果片,甜甜的,唔酸,份量又唔少,感覺又新鮮,真係配合得很好,所以成個切餅都好美味!黑森林切餅:呢個都幾好味,雖然比起唔少蛋糕,忌廉唔算多,不過對我黎講,都係多左少少忌廉,佢勝在比我預期中多提子味啫喱,粒烞啫喱好好味,蛋糕面既朱古力碎又係好味既部分,OK啦!輕乳酪蛋糕:呢個蛋糕可以分層黎講,原來最底係一層好薄既酥皮,初頭真係睇唔到,不過呢層酥皮唔好食,唔脆,好靭,唔知係咪因為俾上面兩層責到淋晒;酥皮上係主要果層蛋糕,雖然鬆軟,但係無乜味道,再上係半圓形狀既輕乳酪/芝士,真係

好耐無去東海堂買包食咯,尋日心血來潮買左個日式提子賓,幾軟熟,又大條,夠晒飽肚,心以前,我覺得多左提子,幾好,因為出面好多提子乜乜提子物物既包,都係得個名,但係呢個日式提子賓都算多提子,啖啖都有好幾粒,個包味道少甜又夠軟,而且唔油,食得過!同時買埋個吞拿魚包食,但係唔係咁得,頗油…

東海堂的面包蠻乾蠻硬呢！買了四個包，只有一、兩個是合格的。花生醬多士：賣相好似唔錯，但其實只係將幾塊麥包，塗上花生醬，再夾埋一齊。外表金黃，但唔脆口，—面包好乾身，真係唔一度飲水一度食好easy就會哽親。南瓜包：呢個好少少，面包無咁硬，無咁乾，仲有好多餡藍莓包：都尚算合格，餡都幾好幾多，也不算太甜，但都係即食藍莓醬，無乜特別

一直覺得，在同等價位的西餅店中，東海堂要高出美心、大班、君蘭一班，麵包間差距似乎還不大，而蛋糕就甚為明顯了。今次要了朱古力提子、朱古力慕絲同栗子撻。朱古力提子比較甜，cream量很多，可是吃完卻並不覺得膩。朱古力慕絲與杯裝不同（都是15蚊），此件是硬身，但味道同樣不錯，出面是膠質慕絲，中間則相對細軟，餅底則是酥皮的，都幾脆身。栗子撻的栗茸飽滿軟滑，不過栗子味如果能更實淨則會更美味；內裏又有少量cream，豐富了口感；撻很有牛油香，不過比較硬身，酥脆不足。東海堂各類西餅價位在8、12、15蚊，個人覺得12蚊一件的芝士蛋糕系列相對弱些，而另兩類就真是各有各好，都幾抵食。

六穀高纖提子包$10 ~ 幾有嚼口,提子都幾大粒多汁,但數量較少.

　　　由於晚歸的關係，而且不想自己煮東西吃，故此，在回家途中，買了一個玉米麵包來吃，麵包內裡有少許粟米粒，不太硬也不太軟，更加沒有油膩的感覺，值得推薦！

見到東海堂出左一系列同豆有關既包,似乎幾健康,我都唔執輸試下黑豆包,細細個,兩啖食晒一個,感覺係ok啦!因為無味道,只係有少少豆味,比較啖,唔算好食!只會食一次,試下可以,唔使亦唔值得再試!

好喜歡這兒的「紅豆包」（$4.5），是因為皮正（白麵糰鬆餅清爽）、餡靚（紅豆蓉香甜嫩滑，絕不死硬）。當唔想吃甜，便會選「牛油脆皮軟包」，所用的都是那白麵糰。另：跟「美心」用來製作「栗子包」的白麵糰都幾相像。

東海堂出左兩款新式cutie包,做到好公仔樣咁,大sell可愛,一款係桑莓包,另一款係朱古力包,我都係俾佢既可愛外型吸引左先至買,但係原本只係得個樣!我見朱古力無桑莓咁特別,所以先試桑莓包,預期包內會有果醬,點知完全唔係個回事,所謂桑莓,原來只係個包心以普通包同粉紅色既所謂桑莓包以螺旋形做成,一d餡都無,而個d粉紅色包根本食唔出桑莓味,所以個包唔好食,咁就$6,唔抵!所以我之後都唔買朱古力包,唯恐失望!

本來聽一些牛奶介紹,係想試草莓包,但係店內無晒草莓包,只係得藍莓包,見佢都係新出品,所以都試一試。一個長條包內有所謂藍莓蓉(係蓉唔係醬,兩者質感有分別),我話”所謂”,係因為我唔係好食得出佢係藍莓味,更奇既係裡面混入左紅豆粒,而且幾多下,反而食到紅豆味,個包夠軟係好處,但藍莓則足夠,宜加強或加入藍莓醬。

食過咁多間餅舖o既叉燒包,東海堂o既叉燒包係比較好食.佢D叉燒唔係好紅,係淺啡色咁,賣相已經鸁晒,其他餅店o既叉燒包好多都紅得好得人驚.而且佢食落唔會太甜,幾好.汁唔會太多,唔會食到一半D叉燒爆晒出尼.最好一樣係o係喱個包度食出有洋蔥碎,甚有誠意.