東昇樓海鮮酒家

营业中

休息中

東涌這間東昇樓食咗十年八年， 偶然會有一碟半碟唔太好食， 好似今次咁全部都唔好食就真係第一次， 今日唔知廚房搞乜鬼， 大廚放咗假還是轉咗廚師就不得而知， 總之短期內一定唔會再去食!!來東涌活動後都愛在這裡吃晚餐, 貪佢地多鑊氣美食, 點知今晚咁失威。東星小炒王見碟野上枱都知出事啦， 睇樣完全冇鑊氣可言， 冇乜味又唔香!椒鹽鮮魷無乜椒鹽的鮮魷燒鵝皇燒鵝皮還可以， 有點微脆， 鵝肉差唔多咩位置都係嚡的， 仲要係淡茂茂同完全冇燒鵝嘅香味， 咁差勁嘅燒鵝真係第一次食。霸王雞燒鵝同霸王雞基本上次次食都會點， 之前的霸王雞又香又滑， 今次又唔香又唔滑， 又係差唔多全隻雞都嚡口， 連帶出霸王雞豉油汁都無乜味的, 自問不是愛好味濃的人, 但也不要寡口囉!其他菜色全部都一般般， 味道總是欠了一點點， 以我哋呢班活動完像生了大食積嘅人。。。。。 基本上叫幾多就清幾多， 今晚竟然食剩好多嘢。。。。。 燃燒鵝及雞都食唔曬, 只此這家!

地理位置有啲格攝，不過勝在餐廳菜式夠地道，夠鑊氣！海鮮係攤出黎又緊水嗰啲比你自己簡，揀完報價先落鑊炒俾你食，夠晒新鮮肥美，跟年仲推出左夜間茶座，夜晚都可以有茶飲，有點心食！燒賣大大粒，肉質實實淨好有咬口，春卷唔係普通茶樓嗰隻而係包多人幾層先再落鑊炸，裏面嘅羅伯絲同肉嘅比例啱啱好，蘿蔔糕金黃外脆內軟，香口好味，重點係餸菜大大碟，點心真材實料！前日落去仲多咗糖水選擇，點左個芋圓不過不失啦，喺東涌呢啲冇啖好食嘅地方呢間算係人間天堂。

馬灣涌村東昇樓，地道風味小菜。午餐43蚊包足料老火湯同埋餐茶！每日有起碼六款lunch set 選擇。日日唔同，今日食左最有特色既籠仔飯，荷葉托底，米飯粒粒分明，散出荷葉香氣。重點係啲肉片，惹味新鮮，啲肉汁精華上下由滲透入飯度，成籠野陣味超夾。可惜呀靚姐話籠仔飯無得少飯，份量超大！性價比極高呀！

作為東涌人，東昇樓係我由細食到大，細細個d家族聚會都係呢到搞，最出名既其中一樣就係燒腩仔。曾經有一段時間退步左好多，燒腩仔皮不再脆，但最近都回復水準了。東昇樓除左小菜海鮮好掂之外，午餐都好抵食！4x＄有湯有主食有飲品例如有時會有冬蔭功／海鮮湯麵，係真係有好多海鮮！湯底亦唔係味精湯。另一樣最好味既就係籠仔飯，有時有籠仔雞飯，籠仔排骨飯，籠仔豬頸肉飯。清香既荷葉令白飯沾滿香氣，但要早d黎呀，遲少少都會賣曬！食物質素係好，不過唯一要挑剔就係，呢到d女員工好惡，只係問d好正常既問題（唔該前唔該後），都好惡答你。我試過同唔同既人黎，都會有唔同既對待，例如同學生哥黎，態度係會差d，心情好時就會有禮貌d。明白飲食業忙碌起上黎好辛苦，但的確要改善一下服務。

美好既星期日逸東商場永遠都係咁多人，係諗唔到食咩同唔想咩逼既情況下，決定去馬灣涌村到搵食!望左好幾間餐廳，唔係太簡得落就隨便入左呢間東昇樓海鮮酒家，因為仲有空位。一坐底個陣女侍應態度好似愛理不理咁，係咁二問我地食咩，之後我答佢''兩個籠仔飯加2杯凍奶茶''，之後佢又話星期日冇酒水沖唔到，叫我地自己拎SOFT DRINK。一入到去感覺好似番左大陸咁，睇下個個格局。當日係下午2點先去食飯，人唔多，基本上係冇人咁濟。說好的籠仔飯到左，本身已經有鼓油，但望落賣相一般，係梅菜豬肉籠仔飯!首先講下個豬肉，真係好垃圾，焾曬，食落一PAT野咁，唔講都唔知自己食緊肉，冇曬應有既彈性同肉味．至於梅菜就係個種2元一包頹到爆既梅菜，重點係個飯，蒸到過曬火咁，D米已經發脹同埋得番鼓油同蔥花味。總結:當頹飯食絕對冇問題，仲要人唔多，老實講咁既質素都要48元係差左D一般 可以不食

東涌晚上揾食艱難！除了街市外數檔質素不高的小食店外别無他選，不過近來發現東昇樓海鮮酒家原來由晚上六時至零四時供應點心夜茶，對於喜歡一盅兩件的我當然是個大喜訊！ 夜茶選擇不少除了點心外還有粥、蒸飯可選，價錢直迫酒樓級數！不過免收加一和茶錢只收＄5感覺較酒樓抵點點！ 選了香莤叉燒腸＄25，腸粉皮不算十分滑溜但勝在足料非常，甜豉油也調得恰好吃得過的！ 蠔皇鮮竹卷＄25絕對是舊式的味道，煙韌的腐皮包裹著味道不俗的餡料，獻汁也調得口感恰好。 蒜香蒸鳳爪＄25，雞皮質感不淋淋的還帶點爽口不是我喜歡的口感，而味道則跟平常吃的同樣。 最後有蟲草花蒸雞飯＄35，份量超足的蒸飯口感恰到好處，蟲草花香氣加上滑溜的雞件，我給它打了超高分可以話係必吃之飯。

去新工作地點訓練，因為附近無餐廳，所以統一叫外賣，大量訂有折扣，夠鐘去到食飯地點，見飯盒都包在大發泡膠盒內，舖上報紙，每個飯盒上面寫咗英文字母分辨！每款跟罐裝汽水！叉燒煎蛋飯（$37）其實我唔知放咗幾耐，攞上手仲暖，普通發泡膠飯盒，打開賣相幾好，叉燒比得多，雖然瘦但唔嚡，外面蜜汁微甜，煎蛋嫩滑，白飯鬆軟，加豉油汁好食，拌碟嘅菜爽脆，竟然比預期中好！罐裝汽水（跟飯）正常！返工要捱地盤飯盒已經唔開心，竟然都有驚喜，不過都要睇菜式，見其他同事嘅飯款只係一般！地盤飯都有驚喜

因他們跟東涌散客艇家很熟，時常有真海魚賣，如黃腳立，黑立，深水泥鯭。而這裏的煎鹹魚肉餅 十分出色。時令鹽焗奄仔蟹，做法恰到好處，鹽味不搶鮮味。蒜蓉元貝$50/隻中規中矩。

幫襯了這麼多年，都是第一次寫食評， 由當初小店 模式經營，到今日略有規模的餐館。非常有人情味的舊式餐館，若星期一至五，飯後有豆腐花送這麽多年，老闆，員工們確是非常努力。功不可沒每晚6:00pm開始，食客可在東涌地鐵站A出口方向，便見到免費接載食客的專屬車(車尾或車旁寫著"東昇樓").腐竹豆腐鱔煲~不是時時有得食，今次有幸食到， 鱔片大大件，肉質鲜滑，但豆腐，腐竹略咸，送飯不錯。沙薑雞腳~其實雞腳本身巳非常入味,根本不需要再點沙薑粉拌著同食。, 幾乎每次都必點嘅沙薑雞腳,有時堂食，有時外賣。東昇小炒王~韭菜花加鮮魷魚 ,蝦乾 ,腰果 ,青椒，非常好食，送飯一流蒜蓉浸莧菜~大大碟，再加香菇，清甜健康。蒜蓉蒸扇貝~每隻50元, 拌半生熟蒜頭，芫茜，粉絲 ,蒸魚豉油, 扇貝也是大size,非常好味乳豬例牌~外皮香脆

十多年前去過兩次，今次舊地重遊，食物質素仍然很好，價錢非常超值，推介燒鵝、果皮蒸鮑魚仔、椒鹽九肚魚，燒鵝及海鮮好好味，家常小菜超值，大推！有酒家的專車在東涌站接送，非常方便。家常小菜只是70多元一碟，份量很多，超值。環境是村屋內的餐廳，風味也不錯。

呢日係東涌行完山，落山都成8點幾了。行完山超肚餓，一路落山已經search緊食乜晚餐。結果就揀左呢間。其實呢到一條街都係類似既大牌檔，不過呢間好似係最出名，舖面都係最大。我地2個人叫左三個送加兩個白飯同支藍妹。由於太肚餓既關係，我食食下先記得影相😂第一道送係椒鹽九肚魚。d魚肉係十分嫰滑，但個外皮就唔係好夠脆，味道就ok既。第二道係炒大蜆。我覺得距都炒得幾惹味，但朋友就話鹹左dd，我自己又唔覺啵！我覺得好好味🤤第三道係雜菜煲。呢個超正！主要係個湯底好，我地成煲菜連湯都清哂😋我就咁食就覺得個湯應該係完全無味精的！好正好鮮！有機會下次會再來！

平均每一兩個月食一次。食物水準保持得很好。只是其中一位女待應態度十分惡劣。影響了我們一行十多位朋友的觀感。希望店主能正視問題。仍然推薦！............

What a challenging day! Dinner time finally! I never been here before, and didn't have any expectations. My girlfriend brought me here and mentioned it's a great restaurant - Let's try! Nothing to lose anyway.First come first! Omg... the skin was crispy and the meat is so juicy! 90/100Deep fried Abalone - it's not chewy but just perfectly cooked. Abalone was very fresh and tender! 70/100Clams - I love this cooking method so much because it can taste the original taste from those clams. This clam

我3點打去book 8點 7位再預定一隻燒鵝，佢話得無問題一定會留番隻 但我7點55分去到 佢話無位 要等人埋單 等左15分鐘 入去坐低落單 同佢地講番話之前打黎訂左隻鵝 佢話無哂 無落到單 對唔住唔好意思既語氣都無 完全係純粹知會我地既語氣 之後我地嗌叉燒 佢話要問下廚房有無 問到影都無 問之後再嗌佢地又話已經無哂 食到成肚都係火 完全無招呼 茶又無 位又唔夠 落單又要行去叫人過黎 未去過一間咁差既酒樓😥😥😥

Have to pick a restaurant for relative gathering and this time we choose Lantau island as my cousin just got off the plane that evening and will come strictly from the airport. After considering different options, we picked this traditional restaurant located at an old village next to an abandon pier. We have booked a table in advance and we got a table immediately when we arrived at 6:30pm. The setting of restaurant is a bit out-of-date and strange, as we are having Chinese cuisine but the area