東昇有機農場餐廳 (已結業)

新黎九展番工放食飯吾知有咩好食為有跟同事一齊去…見個名有機餐廳入到去坐底望望個餐牌發現同普通港式茶餐廳既野差吾多!同事叫左個鹹蛋蒸肉餅，我就叫左黑椒汁雜扒飯$58(同啊姐講多飯)個黑椒汁味道吾錯。有一件雞扒+一件豬扒+一條腸+一隻煎蛋扒食得出有醃制過好入味!

每次經過這裡都很多人。我有同事甚至每天一早致電詢問午餐款式，然後安排自取。今天真的想不到吃甚麼，見今天外邊等候的人不多，就去試試吧。雖然這裡聲稱有機，但看了餐牌很久，感覺像一間茶記多一點，連之前食評提及可以在這裡買有機菜的位置，都收起來當「菜倉」了。叫了個蝦醬鮮魷炒飯，連例湯，$45，在九展隨便任何一家吃午餐都差不多這價錢。收錢姨姨和侍應的態度都很好。等了十分鐘，拿著外帶回辦公室吃。份量對女生而言其實是過多，甚至可以二人共享的，但附送的例湯份量比預期中小。食物方面，炒飯炒得清爽沒有多餘油份，不過只能聞到蝦醬香氣，但沒有蝦醬的鹹香味道，雞蛋炒得算滑，魷魚份量足夠只是切的較小塊。整體味道偏淡。例湯蕃茄豬骨湯味道香濃足料，應該沒有味精。在這裡消費的觀感遠比前面的喜筷好得多，不過，如果沒有特別的誘因，不會刻意再來。

普通茶餐廳, 唔似有機...肯定有味精熱飲內有膠spoon...有機農場俾人感覺應該係環保+健康...anyways, 超級墨魚丸湯米超級墨魚丸=有大量好靭墨魚粒...湯係有味滾水米粉ok...有好多米粉但係唔會再食胡椒粉樽內胡椒粉係磚咁一舊'鄧'唔出應該濕好耐都冇人理衛生麻麻service... 平平朋友推介海南雞鈑...唔係好想番去食

上星期六同表弟去九展睇完爬蟲展，諗住食埋野先走，好耐之前黎過一次，D野都唔錯就再去啦，點知……真係把鬼火！入到去，完全無人黎serve我地，等左好耐先有個阿姐黎問我地幾多位就行左去，唯有自己問人邊張檯可以坐得落。坐落決定叫咩食之後，叫人黎落單，叫左幾次都係話等陣，但就係唔見有人黎。餐廳裡面外面成廿幾張檯坐滿哂客，但成間餐廳得三個人招呼，一睇就知根本唔夠人服侍。隔離檯個男人追左兩次單，等到黑口黑面，個燒味飯先至黎到，見到碟飯個賣相，我地就……表弟話不如出旺角食，於是我地起身走人。行到去門口，有個阿姐叫我地坐返去，話而家黎落單，心諗，我地已經畀左好多次機會你地架啦，但係你地都要做得掂先得架！再唔走真係等到天黑都未有得食……見到收銀台前面企左三四個人響度等佢地黎收錢，算把啦，阿姐！世上勉強無幸福，佢地做唔到咁多客，響出面開咁多張檯把鬼？佢地野食又唔係平喎，一個飯接近$40，佢地咁樣待客之道，睇黎好快摺得埋。

陪朋友到九展逛傢俬城（都頗失望）。逛後太餓，決定隨便找一些東西小吃。見是有機餐廳，何妨一試？很有趣。。。原來是茶餐廳罷了。燈光很陰，比其他餐廳的裝修也比較差。幸好食物味道也不賴：來個肉醬，不錯呀！醬汁起碼真材實料，很多免治肉，芝士也焗得很香。咖啡：可接受。不過下次假若再來九展，會試其他餐廳了。雖然食物OK，但非十分美味，未至於想快快再來一個！

今天到九展參觀寵物展, 順道在那兒用餐, 看到這家餐廳的招牌, 以為是「農場餐廳」, 誤打誤撞進去, 坐下後才發現在「農場」之前還有好幾個字, 不過沒關係, 既來之則安之好了。雖然標榜是「有機」餐廳, 但菜牌上的食品實在看不出來跟有機沾得上甚麼邊。尤其是承惠36大元的「午餐肉煎蛋飯」, 到底是餐肉有機還是雞蛋有機, 以致能賣這價錢?結果叫了一客沙薑雞飯 (38元), 一客茄子肉碎炆米 (40元), 每客飯都附送中湯, 另外各加兩元送凍飲。沙薑雞飯味道非常淡 (也許這正是「有機」的特色?), 沙薑醬有點呈奶白色, 味道實在「與眾不同」。雞肉質地不錯, 但味道實在淡得非常, 可說是「雞冇雞味」。茄子肉碎炆米味道還好, 但米粉都黏成一塊, 這是好是壞實在見仁見智。唯一值得稱道的就是例湯, 可能真的用上有機西洋菜來煮吧, 味道還好。另外沙薑雞飯上的幾條菜心也算鮮甜少渣。

以為可以試下d健康野食，點知佢地d餐牌全部都係d茶餐廳野食(連燒味都有?!)，除左佢地d菜係有機，可能其它野都係用激素或抗生素飼養既肉類，而且幾熱氣同好油膩，最慘係勁難食！有一次就試左個有機薯仔煙鴨胸沙律，但係有好多沙律醬，d煙鴨胸就勁咸！其實都唔知仲有咩健康野，可能係個菜湯較為健康，真係唔直得坐車入黎食！我覺得依d冇廚技可言既有機餐廳，一定做唔長，大家想食健康野，可能真係要俾貴d，同埋要行遠d!

第一次去呢間餐廳試食有機菜，點知食到一肚子氣...話說有晚駕車入九龍灣想泊喺MegaBox shopping兼食飯，點知MegaBox停車場派長龍要等，咁就唯有去附近嘅國貿泊低架車醫肚啦。差唔多八點，喺商場兜咗一個圈都無咩好選擇，見呢間寫「有機菜」咪試下囉。原先同Honey各人叫一個套餐(每個$48)，但個女待應就hard sell二人套餐$128抵食，見佢咁賣力就順下佢意囉。個套餐包兩款特飲、兩碗菜湯、兩款前菜、兩款主菜、兩碗白飯同生果。過咗兩三分鐘後，個女待應話其中一款主菜(雞)賣哂，要改第二味。等咗十幾分鐘之後嚟咗兩款前菜(土豆絲、拍青瓜)；再等十幾分鐘待應話無特飲，只能改生果汁；再過十分鐘嚟一道主菜….之後就一直等，白飯要催先嚟，等到白飯差唔多食完，就嚟另一道主菜，但兩碗湯一直無送嚟。問待應啦，佢先講話無哂湯，補兩杯生果汁可唔可以？已經飲咗啦，仲嚟生果汁，有冇搞錯呀！我問佢仲有咩選擇，佢話補「兩罐可樂」，諗住攞走都好啦，但之後佢行返嚟又話唔可以揀可樂，改為一碟「沙律」，到佢行返去柜枱之後又返嚟，話只可以補「兩個橙」… 真係火都嚟，一時生果汁，一時可樂，一時沙律，最後變成兩個橙！

嚟到九展，試吓去東昇食晏，一室綠凳啡枱，有少少田園感覺，佢哋主張有機，雖然有機無機晌食味上分別都唔大，但我都支持佢幫襯吓。除搞餐廳，隔離間咗個位買有機蔬菜添！一般人對有機的印象除咗食物無化學添加，食落應該健康D之外，其次就價格會貴一截，但東昇賣嘅午餐，又唔係想像中好貴，佢嘅精選午市套餐，價錢$35-$40，但你就一係揀湯，一係揀飲嘢，相比同一款食物晌茶餐廳會平D，仲會包湯包餐飲添！精選午市套餐，有中式（8款），有西式（8款），有特選套餐（3款）俾你揀，我哋剛啱3個人，所以晌每個類別都揀1款，中式揀咗「魚香茄子炆米」，西式揀咗「青咖喱豬扒飯」，而特選套餐就揀咗「蘋果蔬菜沙律拼煙雞肉蘑菇腸（配蒜蓉包）」。難得套餐送嘅農場靚湯都係老火湯，所以我哋3個都要農場靚湯。魚香茄子炆米 – 無甚賣相，但大大條茄子好有睇頭，此外，睇落唔會好似一般酒樓炆到油淋淋咁，食落又確實唔油，份量足之餘，少少鹹香，味道OK！青咖喱豬扒飯 – 西餐式有D賣相，豬扒都鬆軟，煎得都香口，而個青咖喱做得唔夠有個性，微微辛辣但唔嗆喉，係略嫌香料味單薄唔夠層次！蘋果蔬菜沙律拼煙雞肉蘑菇腸 – 大堆頭嘅沙律餐，睇落幾豐富咁，份量唔

東找西找....又找了一間有機健康餐廳, 九展這個場都好偏僻, 沒有揸車真係唔方便, 行了一個圈...遠遠望到一排排綠色座椅!二人套餐, 一碟有機菜, 一個煲仔菜, 一個小菜, 兩個白飯, 例湯, $118! 內容很豐富, 菜乾湯好濃, 感覺好潤, 有機灼菜心 - 菜心較幼身, 爽脆, 油鹽下得剛好, 腐竹豆腐雙腩煲, 班腩炸醬不厚, 魚肉嫩嫩, 因為煲上...油份略高, 蕃茄炒蛋, 蛋炒得不老, 蕃茄不夠多, 汁略稍, 翻查以往食評的舊照....好像坎了樣, 有機餐廳多以西式餐廳為主, 希望日後多些有機中式食肆出現!不收加一, 不收茶芥, 都幾抵食!

係陳年的時候, 甲組的其中一隊球隊就係東昇了. 或許也沒有多少人有印象了.平常日子, 當然不會專登來這個場晚飯. 是晚係拉闊, 於是又來了這裡. 之前幾次都係未過來前先係九龍灣晚飯, 但會換來大條穿梭巴士的長龍, 是晚就改一改, 早點入來, 可以慢慢食, 控制時間容易一點.見這家店掛著健康的菜蔬, 好, 就試試這店.雖然是晚個場的人流不少, 又展覽又拉闊, 但店內就無乜人, 我們二人, 自然揀了舒適的卡位. 不太喜歡套餐的配搭, 散叫好了.番茄豬骨湯 $10: 9分, 只係$10一碗, 就一人一碗王牌之選的農場靚湯. 材料係相當大堆頭, 除了豬骨外, 還有十種有機蔬菜, 包括番茄, 薯仔, 紅蘿蔔, 心內美, 西芹, 洋蔥, 彩椒, 椰菜, 粟米同埋淮山. 功效包括健脾, 開胃, 養顏, 易吸收. 當然是否屬實就無從稽考, 但飲落口真的相當之鮮甜, 番茄當然佔最重的份量, 不計其他, 只係飲碗清清的番茄湯也係相當之不錯. 來得這裡, 一定不要忘記飲碗湯先.南瓜炆排骨 $38: 8分, 用上豆醬, 蒜頭同埋生抽去炒, 出來的效果係比想像中香口, 排骨當然不是好嫩滑, 但也幾易入口, 或許

去Comic World當天肚餓,選了到這家餐廳吃午餐自己點了個肉醬芝士粟米西多可能自己小,點餐的時侯這個肉醬芝士粟米西多都要22蚊,覺得好貴但係西多到嘅時候咬咗一啖,覺得啲肉醬好新鮮好正而條粟米好太條,好香,亦都好大粒好多汁,而且粟米上嘅香草好香又有鮮味所以我真係好推介大家去試吓佢個肉醬芝士粟米西多下年Comic World我也會再去幫襯的

主人與奴隸獸在 Emax 轉了一圈，已揀選了兩間想光顧的食店，首先幫襯以有機蔬菜為賣點的『東昇有機農場餐廳』。我們點了：1. 公司三文治配雜菜沙律千島汁及咖啡（HK$38）：此公司三文治的材料並不多，只有炒蛋、芝士、生菜、蕃茄及沙律醬。但麥包夠軟熟，蛋炒得香滑，有蛋味，生菜及蕃茄夠新鮮，清甜脆口，成為這份公司三文治如此好味的主要原因。雜菜沙律的份量亦比想像中多，新鮮的有機蔬菜，口感『零舍不同』。最後跟餐咖啡亦都帶來驚喜，香濃無比，與連鎖咖啡店的咖啡相比，亦不遑多讓。2. 蕃茄豬骨湯（HK$10）：我們要了兩碗豬骨湯，果然是此食店的王牌之選，每一口湯都充滿了田園氣色，清甜得無話可說，簡直是超直之選。材料夠新鮮，簡單的烹調亦可煮出人間美味，有機會必然再光顧。

有機菜也不是什麼新事物，當然在愈吃愈健康潮流下，偶爾也會吃吃的，不過僅限於沙律，煮、炒的，謝謝了。招牌的豆醬炒什麼，吃不懂，惟豬骨番茄湯要喝，是招牌作，清鮮肉湯底加了不少粟米、甘筍、雜菜去煮，甜美得緊要，喝了兩碗已可當正餐，餐牌上亦記有配料的有機成份，幾有誠意，數勻Emax附近餐廳，這裡算是最吃得過了。