東方魅力綜合娛樂中心 (餐廳) (已結業)

星期六一行五人一齊走o黎食晚飯！頭盤我地叫o左木瓜蝦沙律同忌廉蘑湯！個木瓜蝦沙律一ｄ都唔好味！都唔知佢搵ｄ乜漿放落去！個湯有大"pat" 忌廉o係面，不過味道唔錯！主菜叫o左銀鱈魚啦~酥皮海鮮啦~牛排伴鵝肝同青咖哩雞飯！講真真係幾好味喎，碟碟都好有水準！！！價錢又唔係貴！百零蚊碟o野~ 不過最唔掂就係最後o個ｄ甜品喇。。又貴又唔好食！！！講下杯用martine杯裝住既tiramisui先！簡直不知所謂！好似d cream 加朱古力粉咁。。仲要係個waiter介紹話係star east最出名ga wor~ 嘔呀！之後個疏乎里仲衰，個waiter話呢度ｄ疏乎里唔同一般果ｄ，係好似太平館果ｄ咁！擺到明呃我喇！個疏乎里好似pancake 咁薄薄地、冇味。。包住ｄ生果。。仲要放勁多糖粉上去！好難食！o黎之前本來對佢都冇乜期望喇，但實上又冇咁差。。。雖然好小食物選擇、地方又係細o左ｄ，不過ｄ食物同服務都幾好！(除o左果Ｄ垃圾介紹)ｄwaiter見我"喬" 埋雙手，仲好醒目咁幫我較細個冷氣tim！

不過叮噹去過Happy Hour ，覺得地方不俗，而且那個酒保有點可愛，可以為你特製一些飲品，很好玩呀。

想著入去後會係好正啦! 點知入到去後先知道係細到無倫.. 向旺角是但一間廳都大過啦! 食又好食過呀簡直! 唉.. 話明係明星開的又為何會開間咁細的廳先得架?! 真係失望呀! 個disco 又細喎! d dancer 又差勁，都唔好玩的.. 下次真係咪搞我呀! 又貴又唔好食.. 大家諗清楚呀!! 唯獨係個超細toilet 有d 諗頭咋!! 唉..!!