東峴越南軒 (已結業)

間唔中都會黎幫襯下﹐太古城內唔算貴。下午茶時段幾抵食﹐十幾二十蚊一碗湯河﹐一杯野飲都係十蚊左右﹐美食廣場都係咁上下﹐呢度可以坐得舒服D。自己都鍾意食香茅豬肉撈檬﹐另外春卷蒸粉包等等就普通勒。有次點個二人餐﹐個扎肉餅雞翼拼盤整得幾好食。晚飯點小菜食都試過幾次﹐佢地個咖喱牛腩煲幾香幾濃味﹐叫白飯或者加個蒜蓉包一齊食都好。服務一般﹐唔會好週到﹐但係態度唔差。

此乃東峴雞絲撈檬，okay好味咁啦。如果嫌翡翠要等位等得太耐，可以一試o既~

今日o黎o左呢度食lunch；地方算幾大，peak hour 都座唔滿(同隔籬翡翠爭得遠lor~~)。o野食都唔算貴，一個二人午市套餐$98 已經包o左兩個湯河或檬粉，加一客小食同兩杯凍飲；散叫檬粉都係$2x-$30 一碗，太古城o黎講叫做幾經濟o嫁喇！<br />我地卒之都係散叫，食o左：<br />1).雞絲撈檬($30)：檬粉算彈牙，都幾足料，味道一般咁啦。<br />2).香茅豬扒湯檬($30)：豬扒唔夠香，又細碗o左D。<br />3).越南炸春卷($28)：3條切開6件，似乎貴一D；不過都算香口。<br />4).熱紅棗龍眼蜜($10)：呢度好多飲品都係賣緊$10，幾抵飲；呢杯o野都幾清甜，唔錯。<br />服務一般啦，都成日有同我地添茶呀咁。不過檯與檯之間都幾迫，有時會驚俾D 侍應碰到或倒瀉o野；總括o黎講叫做過得去喇。