東峴越南軒 (已結業)

差不多每星期光顧一次, 必定來一客扎肉鷄絲湯河, 再加一個牛油鷄翼, 湯河冇味精, 牛油鷄翼好香. 不過記住吾好order香茅鷄翼, 乾身同埋比較硬.如果食得牛, 可以選擇食蕃茄牛腩湯河, 又係我至愛.同事則喜歡撈檬,有雞絲,生菜和蒜子，魚露撈埋好醒胃.

給阿蘇彈到一文不值，反而提醒了很久沒有到此食肆了，因此與同事過來吃個午飯。雖然阿蘇越來越不可信，親身試過後感覺亦不可說差，但是水準確是一般。豬頸肉紅米飯、雞絲撈檬、蝦餅及雞翼都是普普通通，沒有特別出色之處。撈檬算是最令人滿意，除了雞絲外，還有爽脆的生菜和炸蒜子，用魚露撈起上來也頗醒胃。雞翼則太細隻兼過於乾身，不喜歡。價錢又不算便宜，怪不得生意麻麻。

同約了阿媽食lunch本來想去隔離食上海o野, 但阿媽話想食越南春卷唯有就佢啦=]兩個人叫o左秘製炒飯：唔油, 都有好多料下, 例如：日本蟹柳, 八爪魚, 青口, 少少肉鬆奇怪的是有d咸魚味, 但見唔到有咸魚overall 都幾好味雞絲撈檬：是最好食的！檬粉真係幾爽口, 不過略嫌少o左ｄ侍應姐姐好心地主動幫我加魚露但加得太多了, 好彩食落唔太咸越南春卷：外層脆脆地又唔太油加埋生菜食, 味道唔錯, 幾香口炸蝦餅：味道麻麻唔知自己食緊乜ｄ蝦餡太細粒, 又少, 又碎服務幾好但想唔駛等就最好早ｄ去到因為12:20-30就會開始多人

因住得很近, 差不多每兩個星期就到這兒一次食lunch, 因為又平又好食, 尤其是翡翠轉jor手, 質素差jor, 就寧願去呢間. 每次我地都會叫的是法式焗田螺, overall係咸jor少少, 田螺亦唔係靚, 但個sauce算好味, 同埋好抵, $28有6隻撈檬同湯河都好好食... 唔去過公司附近的越南餐廳都唔知原來東峴係真係咁好食(奇怪公司附近o個間又貴又難食lunch time都係迫滿人)甜品就次次都叫椰汁黑糯米, 實在太好吃了~ 當我全家人每個星期六/日都食一樣的菜時都不覺得厭時, 我想東峴的菜真的很好吃XD

佢個lunch o既八人餐好大份, 十幾個人都食冇問題, 有越南春卷, 粉卷, 炸子雞, 蝦, 炸軟殼蟹, 幾碟菜, 沙爹串, 抄飯, 抄粉, 同甜品. 食過好多次, 次次都好好食. 尤其鍾意佢個蝦.佢有越南咖啡(即咖啡加煉奶), 都幾好飲, 但係廿蚊一杯唔係太抵.如果lunch食, 勸你要book 檯, 因為間野lunch time 日日都好多人.

這餐館開業到轉手以來從未試過,以前拍烏蠅,近幾年經濟好轉開始坐滿食客,住係太古城咁耐,點都比下面試下啦!今晚去食晚飯,叫了"春卷濱海","椒絲腐乳通菜"和"大樹菠蘿冰""春卷濱海"最能試到功夫,賣相和味道ok,但酸辣汁味不夠,發揮不到"濱海"的特色!"椒絲腐乳通菜"好大碟,但獻汁太杰..."大樹菠蘿冰"勁難飲,落紅糖漿太重手,好苦,好似醫生d藥水!因為太難飲叫老闆換"椰汁紅豆冰",應該穩陣d,點知水多冇椰味紅豆硬....好難飲!成杯浪費晒~開頭叫個老闆換紅豆冰,佢仲同我咬話係咁,話我唔識野!今時今日咁既服務態度,生意點做得耐?!因住又執多次笠!祝佢好運啦!

周日，與朋友遊蕩至太古城，本來想試一下新food court，但由於睇唔中，因此問一下太古城朋友有何推介，一問之下就是此間越南餐廳約8點左右到達，人不算多，服務也不錯，我地要求唔坐門口位，約幾分鐘後就安排到入面的坐位。3個人叫左浸蜆，牛油雞翼，串燒，炒金邊粉，馬拉盞炒通菜，以及3杯飲品。上菜很快，牛油雞翼很香，沒有一大舊粉包著炸，讚～！串燒燒得不乾，仍有很多肉汁，沙嗲也不錯～浸蜆以小鑊上，有很多肉，不會只有殼，也沒有砂，不過在鑊底的粉絲很怪味．．．馬拉盞炒通菜也OK，不算十分好食．．炒金邊粉應是最沒有特別的一味，又不太香，也不太夠味．．．飲品很平，平均都是13蚊一杯，我叫的是大樹波蘿冰，冰很大舊，但只是色素染，不過就幾多大樹波蘿，都OK..3個人食到很飽～都係100蚊，都OK~可以encore~

執埋手尾，閃人，已經是九點幾，過銅鑼灣的話大部分餐廳都已收舖，趁寶安閣附近的餐廳未打佯，就拿拿臨搵間來醫肚。裝潢平凡得可以，光猛企理，唔少卡位，都幾好坐；叫了個生牛肉手攪麵、蔗蝦。越南野都有前菜，是蝦片，加入胡椒粉同味精d friend，鹹鹹辣辣；叫了手攪麵，卻上了碗生牛河，河粉癡埋一pat，明顯是煮定的，叫老闆換過碗，老闆講左最少五次唔好意思，即刻換過碗麵來，等左陣，蔗蝦煎好出來，幾油，唔香口，蝦肉成餡，唔夠結實，收廿個大洋，食唔過。又等左陣，手攪麵終於出來，習慣先將生牛撿起，放在碟上，免得浸到熟晒，牛肉幾厚身，鮮嫩，入口唔覺有渣，真係唔錯，喝口湯，牛骨與師傅的配搭，夾雜少少香草味，算係交到貨仔，內有少少蔥同爆香的蒜頭，配料少係湯河的死穴，扣分；食左陣，老闆走來問係唔係牛肉太生，係既話我地可以換過d熟少少既比你，服務方面，真的好到無話可說！又說個手攪麵，肯定是手打的，打到散收收，機一定做唔出，食兩口，腍到食唔落，繼續飲湯，湯開始變酸，相信是麵浸得太耐，麵粉散落與湯河產生化學反應。至於魚露，辣而微酸，那種酸香，感覺似羅望子的味道。一些snap shot:http://www.image

今日仔仔因世貿關係，學校放假，所以又要放假了。又因驚世貿關係，所以去了太古城玩。想食越南食物，故來了這裡。三個人不叫餐改散叫，要了個牛油雞翼碰蝦餅($48.0，有四隻雞翼，味道麻麻，但脆口。蝦餅就麻麻，味幾好，但就較淋。）、馬拉盞炒什菜($38，這個味濃，菜都有幾種，味道好。）、越南炸春卷($29，這個皮不夠脆，料不合口味，差，另跟菜送的生菜就很爽和甜。）、上湯海鮮湯麵($32，這個湯很重芫茜味，料不多亦是雪藏貨，麵淋，差。）、椰汁三色冰($13，椰汁味夠，但冰太多，而料就冇味。）、熱檸檬水($12，只飲了一半，剛凍就很苦，不知是否檸檬有問題。）。這間鋪，午餐時間很多人，可能是附近有很多公司關係。但這個價錢，味道這樣一般，我就一定冇下次了。

　　二人行去食這間越南菜館，order了二人餐HK$132包括有金邊粉（有4種麵類供選擇），南乳雞翼併蝦餅，馬拉盞炒雜菜．ｄ食物so far so good，下次多ｄ人再去幫襯其他食物，因見到人地隔離抬串燒，好正．．．　　飲品：（有8款供選擇）一．朋友飲凍雪梨茶，好清甜，好潤；二．我飲薑蜜茶，好薑味，very warm．　　最後，都要點返一個我最鍾意食既椰汁千層糕－入口好”煙煙an an”，but太甜無左椰汁味．如果九層就更加好，口感一流．

7 個人食個6人餐....有:椰菜絲沙律- 唔太酸...幾開胃....越式炒烏冬- 越式唔係應該炒檬粉架咩??咁樣炒烏冬法...雖然味道OK...但感覺怪怪...椒鹽軟殼蟹- 好味....芝麻沙律蝦- 呢個我最鐘意...D蝦好爽口....西蘭花豬頸肉- 呢個都唔錯....D豬肉唔肥之餘又炒到"淋淋"地....炒雜菜- 合格....南乳燒雞半隻- 好入味....而且好香....甜品拼盤- 有三款選擇..椰汁粟米糕...綠豆糕...& 唔記得左係乜糕啦.....呢個餐我諗8個人食都夠呀....全部食物都比以前進步左....尤其呢個餐...我覺得都幾抵食.....

琴日行經太古城，走咗入去試試，食物味道一般啦，且食既時候唔係下午茶時段，相對就唔抵食啦

又是另一個陽光普照，涼風爽快的星期日，當然要出外走走。連太座也提議不如去行山，所以就放棄了原本西貢之局，周佢行柏架山。朝早七點半起行，下晝兩點半已經可以去到太古城，香港行山有度好，就係無論去邊度行，都好容易返去市區。見翡翠無人，想去吃。但埋門太座卻想吃隔離的越南野，見有位，就幫襯左呢度。坐在疏化卡座，幾舒適。兩點至五點有多款套餐，特價小吃及越式炒粉麵供應。叫了個二人併盤套餐，一碗香茅牛肉檬及札肉雞絲檬，因為肚餓，又再加了牛油炸雞翼及豬肉蝦片。兩碗撈檬上檯的速度是快得驚人，大概是三分鐘也不到便整起。碎花生及炸蒜片落足，賣相都不錯。本對這兩碗16蚊的特價檬不寄厚望，但吃落又不錯，香茅牛肉雖然有鬆肉粉，也真的有香茅的味道，算交足功課；併盤有春卷、燒豬頸肉、炸香茅雞翼及炸札肉，樣樣都有幾件，雞翼有兩隻，味道普遍不錯，雖然吃完碟底是一擹油。唯豬頸肉是麻麻地，我還整得好吃一點，炸札肉及香茅雞翼都香口好味，這個二人併盤套餐連兩杯飲品只48蚊，幾抵！兩款另叫的小吃也不錯，牛油雞翼有四隻，雖然牛油味不算好香，亦沒什麼蒜頭的味道，加埋兩隻香茅雞翼，兩個人是足夠有餘；豬肉蝦片又是四塊，都不俗。這兩款小吃是每

食左個茄汁牛腩粉...個茄汁都算好味....只係冇竹源咁香& 冇咁大碗....係公司附近食越南野.....比我揀我實揀竹源.....呢度唯一比竹源優勝既就只有佢既裝修....係咁多....

鷄絲撈檬比竹園好，芝麻香味重，檬粉亦很爽口；環境不錯，假如lunch hour擠不進翡翠的話，它也是個好的substitute.