東大餐廳 (已結業)

咦?點解無乜人寫呢間既食評既?我已經有一段時間無黎呢度食,但上個食評仍然係我...或者呢度隔涉卦...朋友介紹湯飯(可改米線)套餐,話抵食,$28有湯飯有飲品(凍飲加$2),原來有好多款選擇,我地分別要左魚湯時菜鴨腿湯飯同埋魚湯翠肉瓜什菌米線。魚湯時菜鴨腿湯飯:鴨腿都幾大隻喎,唔算肥,但係又幾香口,算多肉,時菜係菜仔,都幾多下,個湯夠香但唔油,好入味,同飯一齊食,配合得幾好!魚湯翠肉瓜什菌米線:比鴨腿湯飯更加食魚湯味,好清甜,同埋好多米線,翠肉瓜份量又係好多,什菌係令我驚喜既一環,因為真係有成四五款唔同菌類,包括秀珍菇、雞脾菇、冬菇、金菇,同埋不知既菇,出面好多所謂什菌都只係俾一兩款,估唔到呢度咁好,抵讚!

呢個又一次估佢唔到既晚餐!只係求其叫個飯,估唔到會係一流水準!係好多地方食過沙薑雞飯,但係好少咁好味,呢度既沙薑雞飯可以話數一數二,雞多肉且嫩口,食落一點都唔油,但係最精彩唔係雞,而係沙薑汁,本身個味已經好夠,無論撈雞定撈飯食都好滋味,會令人好容易一下子就食晒成個飯,總之係好好味啦!抵食呀!

同小牛食晚飯,叫左個88蚊海鮮酸辣羹二人套餐,有兩個海鮮酸辣羹,我地改左中湯,係紅蘿蔔瘦肉湯,幾大碗,唔油又唔肥,幾清清,同埋夠料,有兩大件紅蘿蔔一件瘦肉,唔覺有味精,算係唔錯!多款送中可揀兩款,我地揀左子薑中式牛柳同埋北菇勝瓜肉絲,小牛大讚中式牛柳,我都覺得幾好,肉唔靭之餘,個汁又好味,個汁撈飯又岩!北菇勝瓜肉絲又係幾好,好清,但唔會食而無味,肉絲唔肥,易入口,好多瓜!當然有兩碗白飯,仲好大碗添!個阿姐推介加3蚊可有兩件香煙天婦羅,於是一試,又幾得意喎!其實只係炸香蕉啫,但係係即炸即食,所以真係好脆好熱,入口仲熱架!個皮唔厚,一咬,係脆既,再咬,入面軟軟咁,口感好得意!不過呢,我想話,其實唔使俾咁多糖糖粉架,洒一洒咪夠囉,唔係成pat成pat咁俾落去喎...最後仲送兩杯餐飲!好飽咯!

26/5(六) 3:30pm星期六的下午,再度與青衣短聚,是日跟其親友一行六人連同仗義相助的高人實地考察個多小時後,火速飛馳到佐敦,落腳於此茶記作事後總結.下午時段,人流也不算少,店內環境挺開揚的,茶記格局來說挺企理.六人坐於角落的L型梳化座,分別要了數款下午茶餐:豬扒包餐$18,鹹牛肉飛碟餐$18,叉燒炒公仔麵餐$25,墨丸米$10,炸雲吞$12,餐飲點了凍啡,凍鴦X2,熱檸茶.自己點的墨丸米水流屬九流;墨丸粉腍糊口,兼且湯裏漂流著小蚊滋!而男友的炒公仔麵尚可入口;此外,也吃了件炸雲吞,沒餡的雲吞炸得滿香脆乾身,沾點酸甜汁中和其膩感.最令人汗顏的是其服務態度,男友之親屬稍稍觸摸其裝潢物時,女侍應語帶不善的告訴我們此乃風水之物,竟於我們面前班門弄斧;此外,其餘的女侍應亦對我們的要求不太理睬.斷言,無下次!經各座上客指點迷津,我倆亦已有點眉目

呢度的野食唔算平,環境亦唔算十分好,要左個魚蝦蟹炒飯,質素一般,在唔算太油,但係已經28蚊,飲野又加錢。不過咁,係度做野個女人好好人,食完野同人傾好耐都唔只唔會趕客或面黒,仲會叫你慢慢同繼續斟茶俾客,而且仲同我地傾多兩句同講笑添!佢親切既態度實在會令的客番轉頭,所以我覺得ok架!