東大門韓國料理 (已結業)

朋友突然間話想食放題，但最近成日食日式放題，想轉下口味，所以決定食韓燒放題。一坐低就送碟海鮮拼盤先，有大蝦、元貝及蜆。元貝就有點細粒，勝在大蝦都算鮮甜。食材都幾多選擇，有牛、豬、海鮮及蔬菜，仲有泰式豬頸肉、香茅豬排等、百幾蚊真係好扺食。牛脷薄片沾上燒汁好好食，雞肉亦都嫩滑，特愛八爪魚仔及魷魚鬚，燒得煙煙韌韌，帶點脆口又香口，一啖一隻冇得輸！另外仲有餐廳招牌－五花腩。原條五花腩上，燒嘅時候灑少許鹽，燒到差不多熟透就剪開一小舊。肥膏嘅油份令肉質更香口，另可向侍應拿取生菜及韓式甜辣醬整生菜包，減低油膩感。餐廳仲有提供前菜、壽司、炸物、炒飯、水果、飲品任攞，包你滿足！連我最鐘意嘅三文魚魚生都有，每片切得大大塊，亦算肥美，食燒物食到滯，可以食返碟刺身減膩添。

之前開學同朋友慶祝下咁大家都話不如食korean barbecue咁之後睇左下oprnrice發現這間不錯就去試下去到係用紙落單 而唔係好似其他韓燒咁係自助嘅不過啲小食同配菜我地覺得好好食 而且價錢亦算合理 所以我覺得唔錯

東大門就位於mtr 旁既大廈，地點挺方便由於朋友食過話幾好，於是上星期就同一班朋友黎試下，順便聚下舊邊食邊傾由於係下午時段黎食，人不算多而且地方好寬闊，好適合大伙兒聚會呢！甫入餐廳，係𨋢附近有一埋鎖既裝飾令我諗起韓國既情人鎖呀感覺真係好似去左韓國咁一坐就梗係瘋狂點菜吧！呢張點菜紙主要係肉類或海鮮而出面有得自助拎熟食有不少炸物如春卷、雞翼等等另一邊自助區有生果、壽司等等食物種類都幾多嫁！另外，有湯品及糖水湯品方面有我鐘意既冬陰公湯呀甜甜辣辣的仲落足料，有唔少蝦放入煮仲有咖喱魚蛋，豬腳薑大部分既肉類已經調左味仲唔會餣等太咸添份量仲岩岩好肉類會推薦五花腩同雞肉五花腩油脂均勻有小許油膩但包生菜食就無問題啦！另外，比較少餐廳提供三文魚腩/鮫但係呢間韓燒店就有啦我仲encore 左兩三碟呀！整體黎講呢間韓燒店食物款式都幾多，熟食質素都幾平均嫁👍👍👍👍

東大門@ddm_hk 嘅韓燒放題都系第一次試，發現原來幾抵食😊環境都寬闊，重點系燒完吾會成身油煙味燒烤嘅食物種類都算系多，大拿拿有三至四十款比大家揀😊例如：石斑魚，豬扒，辣豬肉，羊肉，泰式豬頸肉，泰式香矛豬扒⋯都醃得好入味😜五花腩亦都系主打，肥瘦都算均衡，燒完加上醬汁同生菜食😊亦都能減少油膩感🤗今次黎到有海鮮拼盤送🍤而且一啲都吾hea 嫁，蝦都幾大隻新鮮，蜆亦吾會有沙嘅情況😉仲有扇貝！而熟食方面有壽司炸物等，最值得推薦嘅一定系冬陰公湯，搵左泰國師博去整飲得出好正宗，酸酸辣辣咁真系好吸引~到甜品啦，佢地有好幾款泰式甜品都做得出色😝特別系椰汁糕，西米露等味道都好似系泰國食咁，椰味濃而且夠滑身🤓店員亦都會問下食物質素，傾開發現原來甜品都系泰婆整嫁，仲有得外賣買添😝同朋友聚會又多個選擇啦😋

香港的東大門，位於旺角鬧區，好方便！哩到係韓式放題，而且係任飲任食，一入黎就見好多情人鎖，好有浪漫既感覺！環境乾淨，空間感大，平時同一班女仔都驚食韓燒，因為會好大油煙，頭髮會變得又油又有味，而哩到真係好驚喜，毫無油煙！哩到係自助形式，可以出去拎野食，食物種類豐富，湯（人蔘湯、冬陰功湯···）、日式壽司（三文魚壽司、蟹柳壽司···）、海鮮（蝦、帶子···）、港式食物（炒飯、粉面···）、小食（咖哩魚蛋、春卷···），甜品！另外有部分食物係需要order！例如炒年糕，去親韓國餐廳都一定會食，煙煙韌韌好有口感！燒物方面，五花腩肉係一定要食，油脂分佈均勻，入口香有肉汁，再蘸豆瓣醬，用生菜包住，好地道啊！海鮮都好大隻，又新鮮！係哩到食野真係好多選擇，員工會教我地點樣燒、食咩食物先、好快收走檯上既空碟，好貼心又好滿足！

已經係第二次黎呢到食,這裏雖然選擇種類不算太多,但勝在食品新鮮,環境又清潔,抽風做得非常好,食完唔會一身味,仲有服務員態度誠懇又有禮,會提示客人食物擺放位置同次序,可能有食客會覺得佢地煩,最重要佢地唔貪心,因為我朋友唔記得攞電話,D服務員追出電梯口叫我地攞返,真係萬分讃掦同感激,因為今時今日可能無乜地方再揾到禁好架人,謝謝你們,我們下次將會再黎❤❤❤

而家周街都係韓燒同屋企人就食開呢間東大門環境蠻有韓風的 有d似弘大附近既燒肉店位置算闊落 燒得好舒服部電視仲keep 住播k pop食物選擇方面都足夠有紙tick tick tick之外 仲有自助區for熟食、甜品同刺身不過送左一碟海鮮盤 大眼雞好好食肉方面全部都比一般韓燒新鮮我覺得最推薦既係五花腩、牛肋骨同泰式豬頸線五花腩肥瘦均勻 燒完不會太乾太油一咬落去脆脆的 之後就一啖啖肉汁唔使點汁都已經好好味牛肋骨並無用梳打粉刻意令肉質變嫩燒完果下肉色光澤 肉質鮮美有咬勁泰式豬頸肉餣得非常入味 100分正宗泰式口味 十分醒胃另外，我地都有額外加韓式小食同燒酒米酒媽咪揀左街頭炒年糕同柚子單骨雞翼都十分唔錯今晚真係十分滿足十分飽

大眾化既韓式燒烤質素喜出望外肉類款式及飲品都幾多選擇肉類都幾新鮮牛仔骨燒完之後好香好惹味而且肉質都幾嫩滑另一款泰式豬頸肉亦都係必點推介除左醃得好入味 口感亦都爽口彈牙燒雞翼需要耐性 但為左享受美味絕對值得海鮮類亦都好新鮮蜆肉香甜蝦亦都好大隻好厚肉 抵食扇貝更加係鮮甜可口 食唔到有沙豬腩肉方面雖然肉係幾靚 但係需要自行調味係燒既時候記得落鹽呀用大火燒迫哂d油出黎 可以減卻油膩感呢度除左出名韓燒放題熟食都有好多好既選擇呢個泡菜餅煎得非常香脆芝士唔會過量 恰到好處以海鮮為主題比起泡菜餅食起上黎更加有口感除此之外熟食架上邊仲有好多野食例如香茅雞翼泰式雞肉串豬腳薑等等另外仲有壽司同刺身任君選擇韓燒放題:而家晚市各時段有額外95折優惠架晩市17:30-24:00$188 7點前離座 $168星期五六日同公眾假期 每位加$10

東大門東大門位於旺角黃金地段，主打任飲任食韓國燒烤，以其質素黎講價錢實在非常合理。環境亦非常舒服。foodki食韓燒最怕大油煙，但東大門真係一啲油煙都無，而家非常幾乾淨整潔，滿意！燒烤類別大致上有：雞翼、雞肉、牛肉、豬肉、羊肉、牛脷、牛肋骨、五花腩、豬排骨、秋刀魚、多春魚、八爪魚、墨魚仔、魷魚、冬菇、紅腸、雞肉腸、蘑菇腸、肥牛卷、香茅豬排、香茅雞翼、咖喱雞肉串。而家仲有海鮮拼盤送。而熟食方面（自助形式），有燒雞，腐皮壽司、三文魚壽司、墨魚壽司、炸饅頭、炸雞翼、春卷等等，仲有人蔘湯，羅宋湯等等食物種類唔少，當中燒烤類別最值得推介絕對係五花腩，五花腩油脂分布非常平均，一大條五花腩放上燒爐，非常吸引，燒到８成熟既時候再剪開，入口好香口，油份豐富，正！除左韓燒外，仲可以加錢叫熟食，例如呢道韓式炆牛肋骨煲，食落好似我地香港既牛腩，炆到牛腩入曬味，入口好嫩滑，微微甜，喜歡食牛肋骨既朋友不妨試試。食物雖然比街外其他韓燒為少，但大路既牛舌，牛肋骨，五花腩，秋刀魚都有，食物質素都比起同區既『韓日燒』為好，不妨選擇東大門啦!

同一班中學舊同學食飯, 有人就提議要去食韓燒, 不過唔係咩新開既過江龍餐廳, 而係係香港開左幾十年既東大門。於是一行五人就決定去尋找味道既回憶。時隔多年, 一上到黎就發覺呢到既裝修已經完全唔同。昏暗、鐵網、韓國MV同音樂, 完全醒唔起佢係本地薑。食韓燒之前, 先要睇下有咩熟食。估唔到呢到竟然有湯, 仲要有四款甘多。冬陰功湯, 色澤濃厚, 不見底。人蔘湯係十分足料, 人蔘多到數唔到。炸物區有薯條、春卷、銀絲卷等等。估唔到仲有中式豬腳薑同港式咖哩魚蛋!其他熟食區既食物。雖然呢到係食韓燒既, 但都有越式香蘭葉雞肉及牛油雞翼。仲有泡菜區域。日式壽司都有。食物區附近有唔同飲品選擇。攞完唔同國家既熟食, 差點唔記得今日既主角, 係韓燒呀!隨韓燒附送的海鮮拼盤, 入面有蝦、扇貝同蜆仔。自己攞既熟食再加上燒肉, 已經完全覆蓋左我地張枱。除左任攞既熟食, 亦都有可以比錢追加既一啲食物。追加 - 芝士海鮮簿餅 $68口感煙韌, 入面布好多泡菜。唔辣, 食到咸香芝士味。追加 - 韓式炆牛肋骨煲(細) $88好快就比人清哂既炆牛肋骨, 肥瘦均稱, 肉質軟腍, 而且十分入味。追加 - 韓式石頭窩飯男生們話要追加

未食過呢間，呢日朋友介紹話又抵又好味，就黎試下有幾堅一睇MENU，見到個自選燒烤雙拼套餐，$46，就覺得超抵，選咗我至愛的牛脷同五花腩。可以叫佢幫我哋燒埋，啱哂懶得燒，技巧又麻麻的我哋。右下角那碟係我的，而左上角係我朋友的。兩款肉都香氣撲鼻，肉質軟腍又惹味，真係好高質!仲有前菜白飯﹑甜品﹑例湯(無影出嚟)，咁抵真係無其他地方做得到。朋友仲講笑叫我唔好比咁多人知，以免下次嚟間店難搵位甚至會加價 XD

與朋友慶生，大家都想食韓燒就揀左呢到。一入到去經理已經好熱情招呼我地，安排入座。生既肉類魚類就要寫紙，熟既就自己拎。我地寫好紙，就送上一份送的海鮮，可以燒住等。肉類每碟份量都啱啱好，唔會太多。我地幾個認為有幾種係必叫，包括: 五花腩，牛肉，肥牛，多春魚，牛舌。收碟收得好快，換燒烤盤都好勤力，唔會嫌麻煩。員工就好留意我地燒的情況，見到唔對路仲會教我地點燒。例如魚要先沾肉汁再燒就唔會散，多春魚不要反面等。我地幾個都覺得長知識我地食到咁上下就開個蛋糕出黎切，估唔到好幾個員工迅速幫我地清晒枱面的碟，仲叫人拎碟拎叉俾我地，真係好感動。食物質素好多地方可能會比呢到優勝，但人情味呢到贏晒！仲有個靚景影下相

一嚟到就衝左去小食櫃同埋飲品櫃，佢哋嘅選擇都非常之多。仲有冬陰功湯，都幾好味。一嚟到經理就推介芝士海鮮薄餅 ，食落口感咁都幾得意，又脆又香。又叫咗蛋包蝦，呢個真係幾好食， 點埋沙律醬一流。叫左碟三文魚刺身，都幾甜幾新鮮。咁食韓燒最緊最緊要就要食啲燒肉啦，咁佢嘅選擇都非常之多，咁呢我哋就叫左五花腩 ，多春魚 ，冬菇 ，牛肋骨等等， 五花腩煎完之後又香又脆 ，其他嘅食材都非常新鮮。呢度環境都唔錯，有韓劇嘅feel。

童年回憶 最愛任食韓燒最記得我的中學年代，吃港式韓燒是最平常不過的事。晩餐吃什麼好?是韓燒吧今天和同年齡的朋友一同回味一下任食韓燒包括:雞翼，雞肉，牛肉，豬肉，羊肉，牛舌，牛肋骨，五花腩，豬排骨，秋刀魚，多春魚，八爪魚，墨魚仔，魷魚，冬菇，紅腸，雞肉腸，蘑菇腸，肥牛卷，香茅豬排，香茅雞翼，咖喱雞肉串。種類多不聲數，打字都打到我傻了還有任拎熟食:腐皮壽司，三文魚壽司，墨魚壽司，太卷，粉絲，春卷，炸饅頭，炸雞翼，炸魚仔，泡菜，白菜仔，醃蘿蔔，咖喱魚蛋，粟米，蕃薯，炒飯等等還有任拎甜品:椰汁糕，楊之金露，啫喱糖，涼粉。肉類方面，我最愛牛肋骨，香茅豬排和雞翼牛肋骨嫩腍入味，牛味特岀，我和朋友都喜歡香茅豬排醃得入味，鬆軟惹味。雞翼嫩滑無比，可以安哥哦。作為澱粉控的我，除了吃肉，還吃了9件腐皮壽司，2件太卷腐皮甜蜜彈牙，米飯過腍，但味道不錯。椰汁紅豆糕椰味頗濃，啫喱糖甜度剛剛好。價錢不貴，值得一試哦午市11:30-16:00 $118晩市17:30-19:00 $168晩市17:30-24:00 $188晩市21:00 $168晩市現有95折優惠哦另要注意，星期五六日和公眾假 ，每位加$10

今天和幾個朋友來到位於旺角的東大門餐廳吃燒肉放題，餐廳就在地鐵站出口旁邊真的非常方便易找。餐廳的環境很寬敞，每張枱都很大，活動空間也非常足夠，一點也不會覺得迫。還有餐廳是採用自助燒的方式，大家既可以按自己的口味點餐和燒烤，可以一邊燒一邊吃，真的非常方便省時。點餐紙內燒烤食物尚算多，有不同的肉類和海鮮可以選擇。每碟的肉類都非常新鮮，還有份量都非常多，真的令人很滿足呀。還有我覺得最令我驚喜的是餐廳會送每一桌的客人一盤海鮮，一坐就會送上來不用等就可以燒真的非常好。每一樣海鮮都是很大隻的，特別是扇貝和大大的蝦，真的非常鮮甜好味。除了燒烤類外，還可以加錢點一些由主廚推介的食物和酒類，每一樣都很少會在放題的餐廳看到。而我們都覺得最好味的就是韓式炆牛肋骨煲和芝士海鮮薄餅，特別是牛肋骨的肉質很軟，味道帶點甜甜的，真的非常好味。除了以上的食物外，餐廳還附有熟食小吃區，內有很多不同的食物，例如炸物,粉麵,壽司,配菜,甜品和生果等等…..供客人自行選取，可使客人有更多的選擇，這真的很貼心很好呀。