東京街 (美星樓)

营业中

休息中

番工見老闆係咁讚呢間黃店好味又抵食，搞到我都心思思想試下👉🏻👈🏻放工就即刻衝左去買🏃🏻‍♀️呢間店係無堂食嫁，但可以企係門口食或者外賣🧐除左會有張紙比你揀壽司，門口亦有個櫃放左前食($20-$28)，三文魚刺身($48)，海膽($118)同壽司盛($18-$88)比大家選擇！另外仲有多款手卷($15-$58)比大家揀添！仲有仲有，佢仲有派對份量既壽司拼盤同飯餐定食比大家選擇👍🏻👍🏻👍🏻🍤吉列炸蝦壽司盛 $18/盒極力推薦！原本諗住拎到番屋企成半個鐘一定會淋哂，點知！食既時候都仲係脆嫁痴線😍炸得非常出色🤤平得黎又大大件，扺食呀‼️👾怪獸鰻魚壽司 $28/件聽個名好得意，結果就叫左件黎試下！點知原來都係世界級😍😝鰻魚汁份量超夠👍🏻鰻魚份量更加夠！件鰻魚仲多過啲飯，完全係怪獸Size，唔掛之得叫怪獸鰻魚壽司啦🤪🔥火炙壽司系列 $5-$25/件每次食壽司，唔多唔少都會叫一兩件火炙既，火炙壽司燒一燒過比較香口🤤今次自己一個食都叫左四件，因為實在太多選擇太吸引啦🙈特別要試火炙左口壽司，左口魚勁嫩滑！仲有仲有~火炙三文魚醬油漬都記得要嗌！$5咋😵抵到爛啦❗️🍣壽司;軍艦 $5-$28/件多款壽司最平$5，

推介大家經過太子/旺角，必定要買嚟試下呀💕雖然舖頭細細，但壽司、卷物、刺身、丼飯應有盡有！壽司最平只係$5件，而且全部即叫即做，夠哂新鮮😋🍣辣味八爪魚軍艦（$5）抵食又好味八爪魚好足料💯辣辣地再點埋Wasabi ，夠哂過癮！🍣三文魚腩壽司（$7）腩位都只係貴$2，三文魚控必叫❣️入口魚脂豐腴，刺身夠厚身，絕對物超所值👍🏻🍣原隻北貝寄壽司（$15）非常難得有原隻北貝寄壽司喔😍北貝寄爽口鮮甜，一d都唔韌，超正！🍴海膽刺身（$118）呢個價錢，認真唔貴！重點海膽夠新鮮夠甜，入口即溶就連我嘅心都溶化喇🥰💕另外值得一提嘅係壽司飯包得非常扎實，用筷子夾嚟食都唔易散呀👍🏻

日本精選美食，呢間位於太子-旺角警察對面。起依幾個月來生意都受影響但老闆理解年輕人既有良心壽司店。小店裡面有好多款式而且全部都係即叫即做👍🏻👍🏻👍🏻而且價錢都吾貴。手足行開就幫襯下。真係好抵食又好味，材料新鮮。1️⃣軟殻蟹手卷 $282️⃣火灸芝士大赤蝦手卷 $28⭐⭐⭐⭐⭐⭐⭐⭐⭐⭐⭐⭐⭐味道 : 8.3/10價錢 : 8.8/10環境 : 8.7/10回頭度 : 9.0/10人均消費：$5-36⭐⭐⭐⭐⭐⭐⭐⭐⭐⭐⭐⭐⭐東京街太子水渠道30-32A美星樓地下5號鋪

呢間壽司外賣店係太子最近生意唔好但老闆無同手足割蓆大家經開去支持下啦喇💪🏻超抵食最平$5/件‼️-🔹加拿大海膽手卷($45)不得了🤩大大pat海膽鋪面海膽好新鮮 味道鮮甜食到底都仲有🤗超級足料壽司飯量中等🙂-🔹皇帝蟹棒壽司/赤貝壽司（$7）蟹棒加沙律醬特別好食🙊-🔹蔥花吞拿魚軍艦/吞拿魚壽司（$9)吞拿魚軍艦口感軟綿綿⭕️-🔹牛油帆立貝/蒜香牛油大蝦/油甘魚壽司（$10 ）有牛油嘅壽司款式都值得推介🥰好香大蝦仲堅係大隻 👏🏻-🔹芒果花之戀壽司（$15）唔會出事嘅組合🤣甜香芒果配三文魚

買過很多次，仍然回味無窮！良心小店，驚喜的美味！刺身新鮮，有即做的壽司、手卷、刺身範圍等等。有其他炸物及亦有少量預先準備好的壽司刺身。絕對值得一試！再期待下一次幫襯！

Now新聞係9月太子多示威活動果段時間有訪問過東京街老細活動對佢既生意影響。「主要都係禮拜五六日比較多，咁通常都係禮拜五六日果時⋯六日有影響囉。影響就唔係話十分大既，主要係去到夜晚果段時間，佢地先開始黎既時候，人客比較少左啫。其他時間都無咩問題。我諗啊都少左三四成既，咁始終都係為左市民爭取啲野既，唔可以完全怪晒佢地。無辦法既呢啲野唯有各自努力囉。」講得出各自努力，我諗都係兄弟啦。行過幫襯下你先！$35 蟹糕蟹柳手卷啲蟹糕味道濃郁，蟹柳佢包到落啲飯底，唔會話食完頂果層下面就全白飯，咁先係手卷架嘛！

#支持良心餐廳三文魚手卷$18呢間野一直都想去支持下 終於有日經過可以買個手卷嚟食🤪我覺得質素算係唔錯三文魚都俾得幾闊綽 幾新鮮最難得係紫菜都係篇脆身嘅 仲有飯嘅份量唔算少 下次有機會會再去幫襯

「東京街」這日式外賣小店，位處旺角警署對面。雖然近月飽受催淚彈影響，生意額跌了近三至四成，但老闆接受Now新聞訪問時表示「理解年輕人的行動，不會怪責大家」。難得你咁明白事理，我無理由不來幫襯支持吧！一出太子站，轉個彎就到「東京街」，鋪位雖小，但招牌很搶眼很易找。小店提供多款壽司、手卷和丼飯，價錢經濟實惠，抵過去連鎖壽司店！丼飯即叫即做，大概5分鐘搞掂，快靚正！三文魚腩帶子熟蝦飯，只賣68元，就有齊三大塊厚身三文魚腩和兩粒大過五元硬幣的帶子，非常抵！加上熟蝦、玉子和蟹柳，以及混了青瓜粒的飯，材料非常豐富！下次再經過，一定encore！

有日經過鋪頭，見到好多人企喺舖頭附近等外賣，然後八卦望一望，見到係買壽司刺身，咁啱肚餓咁就即刻買個三文魚甜蝦手卷試吓。❤️❤️❤️❤️❤️❤️❤️❤️❤️❤️❤️❤️非常新鮮， 而且價錢宜人，於是乎過多幾日再買外賣刺身壽司返屋企食，同樣係高水準。😍😍😍😍😍😍😍😍😍😍😍😍一定會再幫襯👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

即叫即整🔥 火炙左口魚壽司🤤燒得剛剛好，唔會太溶或者燒唔夠，咁已經拍得住好多坐係到食既食店👏🏻佢只係9蚊一件姐即係話我叫十件食都唔會過$100😍😍😍夠飯、大大舊唔會話唔夠飽😝 火炙芝士帶子壽司又係我老人家強烈推介🤩芝士沙律醬呢個配搭係無敵既！加埋帶子彈牙既口感😋呢度既海膽都可以一試，正常唔會有怪怪清潔劑味，好過好多尖沙咀中貴價既居酒居壽司店，但係加拿大海膽賣晒試唔到👉🏻👈🏻整體黎講質素係中上，呢個價位唔會用omakase 既質素黎比較，但我好肯定呢間野老人家我會再去😎

經過太子，忽然間好想食壽司/手卷，於是試吓這間東京街日本精選美食。冇叫到店長推介的海膽手卷，反而要咗三文魚子加三文魚魚生手卷。為咗能夠試清楚手卷嘅味道，我冇加到豉油 or wasabi. 手卷即叫即做。紫菜香脆，三文魚魚子雖然冇好似其他店舖咁大量鋪喺手卷上面，但食得出係新鮮，而且魚子味久久留係口腔裏面不散，質素不錯。東京街亦都冇好似其他店咁，只有手卷上面有餡，食完第一啖後只剩返飯同紫菜。因為三文魚魚生係長切，食到最底都仲可以食到魚生。食完好滿足，下次會返嚟試其他美食。

良心小店 用料新鮮 份量夠大 食過番尋味 尋日嶄試左三文魚腩手卷 好香好大件三文魚今日再食 叫左兩件殻蟹手卷 海膽三文魚手卷 壽司定食 芝麻雞亦 三件燒三文魚壽司 都係231蚊 真係好抵 最緊要又好食 一定會再幫襯

首先食物唔新鮮，身為日本料理店食物唔新鮮以經是死罪😠二、壽司米境言是大陸米，我等待佢時意外看到佢個米袋外面包裝是用简體字，一吃以經知道口感同日本米完全唔同😡😡😡三、等待時間超長、身為外買專門店、等待時間超過半小時以上，昨晚我止是買左二個手卷已經等左40分鐘左右先有得拿😒最後、大家如果腸胃唔係禁好的話，就好吃佢😣昨晚我吃左佢二個手卷，己經夜晚肚屙左一晚，差小小就要去睇醫生🤕🤕🤕大家要小心😔

老闆好nice, 好有禮貌, 我都諗到食乜都唔會催我, 我叫果啲都係即叫即製, 所以都等左一陣, 但係值得既, 之前成日經過會買，但成日都好懶，食完唔記得打食評, 今次先補返寫食評今次叫左2細盒，三文魚壽司係腩位，好肥美! 海膽蝦壽司好爽口! 帶子鮮甜。我最鍾意鮮帶子,差唔多次次都會叫火炙就無特別試, 海膽好足料, 本身就中意食海膽，所以就試下呢間點，極力推薦價錢我個人覺得好合理, 性價比高絕對有心機, 誠意之作

東京街店鋪位置好方便，係正金魚街頭！成日經過果時，諗唔到食咩就會買黎食！店鋪細細間，淨係做外賣，但嘢食一d都唔嘛嘛，嘢食選擇又多！火炙盒: 全部都係火炙sushi, 68蚊，又有帶子，又有鰻魚，都好抵食！即叫即燒，拎到番屋企仲有餘溫！火炙油漬三文魚: 朋友好中意，所以特登另外買，好食，唔腥！鰻魚飯: 之前都食過幾次，鰻魚都多，仲有落好多紫菜係飯上面！係唔差嘅！總括黎講，東京街d嘢食係某種程度上唔輸好多大間日本餐！小本經營，人來人往都好多人幫襯！大部分嘢食都係即叫即製，有時多人就要等一陣，但絶對值得幫襯！