東京淺草炸雞專門店 (碧海藍天) (已搬遷) 新店位置

話說呢間炸雞專門店我唔係第一次幫襯，今次黎叫左個柚子胡椒雞脾肉合盛定食，即係有2隻胡椒雞+2隻柚子雞，上枱樣樣都熱辣辣呢點我最鍾意。食落口隻胡椒雞個味係出過隻柚子雞，胡椒味出又香口，相對隻抽子雞係淡味，唔多食得出柚子味。但最唔睇少得嘅其實係則邊啲菜絲，加啲麻醬一齊食，正好用黎抵消下炸雞嘅熱氣。值得一提嘅係跟黎嘅3款醬汁，雖然炸雞本身都有味夠味，但點埋醬汁就係錦上添花。至於碗飯……飯質太黏身，黏身過一般日本米，我個人唔太 like 呢種質地。個麵豉湯 唔太鹹，都ok。

每次去荔枝角吉x島經過都好想入去食，但每次都係食飽飯先去；今日難得放假終於可以去食個午飯，大約下午兩點去到唔使等位；店內地方好大，坐位闊落，坐得好舒服。 打開餐牌一看，雞全部都係雞 , 如果唔 like 食雞既朋友就真係無其他選揀喇，因只有獨沽一味 "炸雞"; 我一個人點左個鐵板南蠻他他醬炸雞定食和3隻香炸雞翼，落單唔使10分鐘就上枱。鐵板南蠻他他醬炸雞定食 - 有4件炸雞，跟一碗麵鼓湯和白飯，炸雞好多肉汁，夠juice, 配埋他他醬好好味，麵鼓湯一般。香炸雞翼 - 咬落去熱辣辣好燙咀，外脆肉滑多汁，唔使加任何醬汁都已好好味 (@9/隻)

朋友成九點至放工，揸車嚟交嘢俾我，佢話未食飯，我上左架車點左佢去碧海藍天嘅Aeon，因為有得泊車又有得食。Aeon地下超市有好幾間食肆，我哋揀左間最新、最大、最有空間感嘅炸雞店，我朋友叫左個炸雞富士山定食，有成20件雞件、一碗飯及味噌湯，一上枱實在吸引，明知咁夜食嘢會肥，仲要係炸物，但都唔理咁多，食左三件，配埋三種醬（秘製芝麻蒜蓉醬、果香鹽味醬、時令滋味醬），簡直係錦上添花，D醬唔夠仲可以叫侍應叫多兩碟㗎。

成日經過見到餐牌都已經好吸引，今日終於的起心肝同班同事去食，我哋大概1:00pm 到達， 仲有好多空位，所以吾洗排隊就有位（大概1:20開始多人，因為餐廳離寫字樓區較遠，所以1:20先開始多人），入到餐廳，地方俾我預期中大，坐位都算闊落，吾會話坐得吾舒服， 上菜速度都好快，吾洗10分鐘就有野食 我叫左份鐵板南蠻他他醬炸雞定食，定食炸雞有4大舊，個炸雞夠曬juicy 配埋個他他醬一流， 但食完個醬好有罪惡感 可以多幾舊炸雞就好，因為太好味啦，哈哈同行朋友都話啲炸雞好好味， 一定要再食多次

老公想食炸雞，想起荔枝角有間日式炸雞，一於放工去試下，$59個set, 4件炸雞，一碗白米飯，一碗味增湯，加$12飲品無限refill! 炸雞炸得幾脆，但肉質保持鮮嫩多計，再配以白飯，好好味！

又係炸雞，真係食極都唔厭，今次呢間唔係韓式炸雞，亦唔係美式炸雞，而係日式炸雞，好似話開張冇耐，我隱約記得呢個位以前喺間日式西餐廳，不過唔理咁多啦，叫左個富士山炸雞定食，佢哋將二十件炸雞堆埋一齊，話係富士山定食，似唔似就真係見人見智，但二十件炸雞放係我前面，我就睇得好開胃好開心，食入口之後發覺原來全部都係冇骨雞件，啖啖肉，好滿足，每件炸雞都冇乜特別醃料處理過，接近就原味最啱我，呢個定食仲包一碗白飯同埋一碗味增湯，夠曬飽。

星期五不帶飯約了一班飯腳去呢間食炸雞一聽到炸雞 近年都比較流行韓式 想不到這間餐廳是日式炸雞！日式炸豬排就食得多，炸雞就真係少吃 午餐餐牌都有幾多選擇 有普通炸雞 附醬 另有特色炸雞 也有親子丼類 分別可選三件 四件 或五件的！開始時都以為四件不夠 原來食落都好飽 三件其實都夠的。我選了山椒 因為感覺很香 不過想不到是幾辣我都係川人 所以覺得不錯！但朋友不吃太辣 她似乎吃不到 。我諗我下次想試下個原味 因為係招牌，估計是牛油炸雞 很香牛油味的， 餐是配飯和面鼓湯， 但都有人散叫全雞 都有很附選擇的

今日同阿媽去左碧海藍天，諗住去吉吉島辦年貨。一入門口就見到間食炸雞，上次食過黃大仙間分店一般般，但記得上次阿媽見過幅炸雞山既相就話想食，咁岩見到有就同佢入左去。呢間分店有Drink Bar，$12就可以任飲。我地就無叫廿件炸雞山，我叫左個炸雞定食，嗰3隻醬比得好少，只係岩岩鋪左個底……上次黃大仙間鋪既雞係外硬內軟，不過今次呢間唔同，係外脆內軟非常juicy！終於食到水準了！如果多返少少醬就無咁熱氣了…阿媽就叫左個滑蛋雞，因為本身驚佢皮，所以叫左呢個有啲汁。佢食左都話唔錯，雞本身都夠哂味，另外飯就咁撈蛋同汁食。

半年前左右，聽到呢間東京嚟嘅炸雞店會喺香港落腳，大少一直瘋狂咁叫我同佢去試吓，但係我咁怕逼人又點會想喺呢一啲時候去試呢！終於，今日得閒，就自己走咗嚟呢一間分店度試一試佢！一坐低，店員送上凍水，真係好日本呀，寒天飲雪水！睇一睇個Menu ,其實都係真係炸雞炸雞同埋炸雞。當然要試一試佢嘅招牌定食啦！我就叫咗呢一款 - Karayama定食 ，佢有三件四件同五件炸雞之分，我就叫咗四件嚟試吓。呢個定食除咗炸雞之外，有少少椰菜絲伴喺碟邊，另外仲有一啲醬汁，麵豉湯同埋白飯！先講講炸雞，咬落去好脆，炸粉一啲都唔厚！其實我好怕咁熱氣，我都已經等左2分鐘先至食，點知咬落去嘅時候都依然係好熱好熱，入面啲汁流出嚟幾乎辣親我個嘴啊有時候食炸雞，好怕過分調味，食完渴到咩咁，但呢度嘅味道啱啱好。佢有提供一啲芝麻醬俾你去撈個椰菜絲食，食完炸雞配一口椰菜絲感覺都冇咁熱氣啊！隨餐有三款醬汁，分別係秘製芝麻蒜蓉醬，果香鹽味醬，時令滋味醬。我最鍾意嘅係個芝麻蒜蓉醬，好香，配個炸雞食好夾！可惜嘅就係啲醬略為小家咗少少，如果比多啲就好喇，唔使慳住食。另外，麵豉湯都唔錯啊！熱辣辣，肯定唔係整定哂放喺度！味道亦都好夠，好飽都要清咗

特登走黎食炸雞，因為太掛住日本嘅炸雞。但給終冇日本咁好食。炸雞太脆口，食到個口生飛滋。我叫左四件雞有三種醬汁，個人認為醬汁太濃味，只有時令滋味醬可以接受。係日本通常食定食都會有漬物消滯，呢度缺少左呢樣嘢，食左三件已經覺滯。另外坐嘅位對正商場出入大門，大門長開，冬季特別覺凍，食物特別快涼。食過一次就夠。

由佢裝修到開幕,排長龍到人龍消失...晚上大概8點,已經無咩人~ 鼓氣勇氣衝入去坐低等寶寶一齊食,幾分鐘我已經背哂個餐牌,因為選擇唔算多,等寶寶來既其間已經決定左食KARAYAMA(梅) (4件炸雞)跟白飯+味噌湯附送3種袐製醬汁:極ダレ (袐製芝麻蒜蓉醬)塩極ダレ (果香鹽味醬)替わりダレ (時令滋味醬)亦都估到寶寶會叫滑蛋炸雞丼(淨丼唔係定食,所以味噌湯要加$5喔)KARAYAMA(梅)既炸雞賣相夠乾身唔會油淋淋熱辣辣 香噴噴 食落脆口啖啖肉 加少少醬汁,幾好味喎~ 我鍾意佢個塩極ダレ啊~當我食得滿足之際,寶寶話要同我交換2件雞,點知滑蛋炸雞丼個炸雞好唔掂呀!!!佢微暖唔似現炸,唔脆又實的的,超硬呀!想加蛋汁包住件雞,但係乾到啲汁包唔住件雞,真係超級硬既雞塊...點解2種都係炸雞,會爭咁遠咖?!希望廚師會留意出品喔!

同老公去Aeon買吸麈機有泊車優惠，就係商場食埋午餐，見到以前pokka cafe個位轉手做東京淺草炸雞，炸雞display好吸引，價錢唔係好貴就即管試下。左右兩邊卡位已經坐晒人，得返中間bar枱，兩個人食冇乜所謂喇!望下餐牌清一式炸雞，有唔同件數同唔同調味，我揀咗鐵板南蠻他他醬定食（$65），即係炸雞淋上碎蛋沙律醬，日式炸雞好處係粉漿薄脆而且食落唔會油淋淋，不過沙律醬冚住炸雞好快外皮變軟，相反老公既鐵板七味炸雞定食（$65）就冇呢個問題，佢個醬食落有香辣口感，配上炸雞非常滋味，送飯一流!

年底是最最最最繁忙的季節，每天平均做八時多才下班，都沒心情吃美食安撫自己了。今日和一位同事一起奮鬥到八時半，下班後提議一起吃晚飯，反正大家也是打算買外賣回家吃，倒不如一齊坐下來吃，順便說一些不能在公司說的秘密。*同事提議到荔枝角AEON 吃KARAYAMA炸雞，我呢個雞迷當然是沒異議呀。一坐下來就被這個瞳亦定食吸引了，一下就決定要點這！不過看真一點其實是雙併啦，昆「香脆雞脾肉和香炸雞亦定食」，那不是更合我意嗎？*每份定食都有一碗熱騰騰的湯和白飯*我喜歡它的湯裡面有腐皮圈圈!*鐵板南蠻他他醬炸雞定食 $65這是同事點的鐵板南蠻他他醬炸雞定食，就是四塊香脆雞脾肉放在鐵板上，再淋上他他醬。配他他醬吃的好處就是很～解～膩～，不管這裡的炸雞多好吃，一人吃四件愈吃會愈膩，但他他醬則可以令人愈吃愈想吃。唯一有點小失望的是鐵板不是想像中的熱，沒了那種咋咋聲的感覺，不過放心，主角炸雞是新鮮和熱騰騰的。*香脆雞脾肉和香炸雞亦定食 $59其實上次來是吃四件炸雞定食，雖然是好好吃沒有錯，但吃第三塊就會開始覺得很無聊。所以今天點的香脆雞脾肉和香炸雞亦定食實在是太適合我了！定食有兩件香脆雞脾肉和兩件香炸雞亦，炸雞

話說公司附近最近開左間炸雞店，同事試過話好好味，於是我地約埋一齊去食😋去到餐廳門口，見到都幾多人排隊，大概排左10分鐘就入座餐廳環境乾淨簡潔，感覺幾舒服Menu全部都係炸雞，只係配搭其他唔同GE野炸雞迷必試😍我就揀左個秘制芝麻蒜蓉白髮蔥炸雞丼便當大約等左10分鐘左右就有得食啦..上菜時間都算快望落去大大碗好吸引，份量都算幾多炸雞外面脆裏面Juicy，味道唔錯加上有我最愛GE蔥，夾埋好好味👍🏻👍🏻不過食多幾件會覺得有點Dry，建議加多少少配菜另外，我加左$8叫左杯巨峰乳酸呢個真心麻麻地，味道勁啖唔好飲建議可以提供多d野飲俾人選擇總括黎講呢到都係食lunch好地方😋

之前fb都有page介紹過呢間過江龍!朋友食過都話呢間炸雞好食 唔油我跟朋友行完街山長水遠特登行入黎食誠意十足!聽講繁忙時段可以大排長龍 門口排十幾人所以我趕在七點前入座但八點多離座未見長龍可能熱潮已退~朋友一早決定叫富士山兩份食我初初以為細細舊 食普通餐得5粒不如一人十粒啦😋這個餐跟味噌湯同白飯由於2人食就加多碗白飯上菜速度算快 但實物實施是令我傻眼😵很大塊雞 我都心知不妙結果我吃了七塊就撐不住了朋友就吃13塊... 戰力驚人*溫馨提示不要眼大肚窄 浪費食物😉順帶一提, 那3種醬汁十分正唯一可惜是十分淺 好難蘸醬不足的話可以問店員再拿 但同樣很淺😞如果多醬就好了😋