杯子蛋糕 (已搬遷) 新店位置

路過最近人氣ge蛋糕店....八卦入去睇下...見到蛋糕櫃擺滿好多色彩繽紛的cup cake....好吸引呢!!!!!揀o左好耐...最後決定買蛋白檸檬同埋薄荷朱古力番屋企食.....買2件...有個盒裝住...番到屋企都無變形....好細心的設計...讚!!蛋白檸檬:蛋白燒過所以比較"企身".....不過依然好soft..... 蛋糕有淡淡的檸檬香味......不錯!!薄荷朱古力:好普通....薄荷topping 加上朱古力蛋糕....蛋糕有點乾... 無咩驚喜

和妹蛋到旺角掃街，遇見這間賣cupcake 的shop，其實之前係報章介紹過，決定一試。店鋪地方唔算大，當晚cupcake選擇亦唔多。我地選左雲尼拿咖啡同曲奇忌廉。兩個蛋糕味道未見驚喜，蛋糕質地一般。雲尼拿咖啡--外表吸引但完全無咖啡味。曲奇忌廉--忌廉一食落口，只感受到濕淋淋，一D都唔夠香滑，蛋糕又無曲奇香。 兩個杯子盛惠16蚊，故不敢太高要求。

經過最近的人氣杯仔蛋糕店，自然唔會空手而回，入去買幾件Cake食食先。全是賣Cup Cake，但口味已多得令人眼花撩亂。心大心細既我們，最終選取了雲尼拿朱古力、榛子朱古力，還有我喜歡的開心果口味。前兩者蛋糕本身的朱古力味尚算濃郁，但雲尼拿味顯然太薄弱，效果出不了來；榛子則好得多，起碼夠香濃，亦幼滑。我揀的開心果，賣相絕對是最漂亮的，我也抱著很大的期望。可惜，蛋糕本身唔得鬆軟，Toppings得個甜字，味道甚假，跟開心果完全是兩回事。這個蛋糕，中看不中吃，令人失望。立食完畢，過隔離買番杯珍珠奶茶飲。

上年先開始認識"Cup cake"哩樣野, 係o係美國既超市度見到, 五顏六色, 見到真係有點震驚當然冇買過黎食. 但有朋友就做過比我食. 味道太甜... 當係美國既特式算吧...o係香港見過幾間賣cup cake既專門店. 實在太貴, $20得1/4隻手掌咁大既2 bites. 真係唔捨得買.得知mk 來了一間平民化cup cake 店, 哩日經過mk 專程過黎買兩件試下, 都只係$16, 對大眾黎講實在算平.(當然平時唔食開cup cake, 唔知o係第度買要幾錢既人黎講, 一個普普通通既cake 要$8 都算貴啦)排左10分鐘左右, 一黎都幾多人排隊, 二黎只有一個阿叔入盒包裝, 佢仲好小心咁放d cup cake 入盒. 所以比較慢.買兩個都有個精美既盒. 有點唔環保, 但唔係都唔知點裝.要左個爆炸朱古力同朱古力芝士. 兩款看來都頗特別.爆炸朱古力. 朱古力係dark coco, 食落唔會好甜, 幾creamy, 但係d 爆炸糖好似唔係好爆. 我成啖食晒d 粒粒都冇爆過.朱古力芝士, 真係好香芝士味, 一食入口好似食左一啖cream cheese 咁. 亦都唔係好漏既芝士, 岩

早前見咁多網友食完都唔好咁滿意, 本來都冇諗住幫襯架啦....不過今日係旺角等男朋友放工, 行行下就去左門口, 好奇之下就買左個黎食。我買左爆炸糖朱古力黎試.....我覺得ok wo...爆炸糖食落口既感覺好得意(已經10幾年冇食lu...haha),再食落個旦糕到, 出奇地我唔覺得甜囉, 我唔係好明個個都話甜, cupcake本身就係一個甜品, (甜)...有咩問題 .....=.=" ???相信話太甜既朋友,一定冇試過過海o個幾間Cupcake店.....o個幾間傳統既Cupcake你地一定會話爆甜........!!!食完之後我仲買多左一個Raspberry & Lemon 比Honey試下, 原來已經一早有同事買過比佢食,佢話的而且確口感係比剛剛開張既時候 "實" 左d...可能我太夜買比佢食啦~(好似仲有少少唔熟.......)總括而言, Cupcake哩一樣甜品, 香港人仲未接受到。

見到糕蛋個樣咁靚~ 真係無辦法唔去試下~去到想搵間鋪一D都唔難搵~ 因為你會係街頭就見到街尾個牌~好開心咁走埋去買CAKE~ 雖然售貨員無咩笑容~ 但未至於黑面~咁見買多小小平D~ 咁就買左幾個~ 爆炸糖豬古力~ 感覺唔夠爆~味道就好似係超市凍櫃蛋糕咁~ 口感實實~ 不過好夠豬古力 味都OK~紅桑子不錯~ 喜歡佢個蛋糕好有士多啤梨咁的味~ 酸酸地~ 甜甜地~忌廉芝士生薑~ 個面D 果醬 味道好特別~不過唔太討好~雖然唔難食~不過同個CAKE 唔多配的感覺 ~ 不過黎個蛋糕底有驚喜~食落似食緊香蕉蛋糕~ 不過食真D 係薑味~ 不錯~如果以杯裝蛋糕黎講~ 已經好好~ 路過買一個黎食下~ 都可以接受~

知道最近旺角開咗一間Cup Cakery.標榜以健康為主,將甜度減低,用優質的材料製作,但以大眾化的價錢出售.今日返工前就專登買嚟試一試...蛋糕不太甜,味道可以接受.不過蛋糕面上啲cream太甜了,雖然該店已經將甜味比正常減至十分一,不過對於不好甜的人...都係不太接受.

買咗Chocolate with Hazelnut, 見到個樣係幾吸引, 點知一食, 己經覺得好彩無買太多.實在十分難食, D flosting好甜, 舊蛋糕仲衰, 零味, 就算係為咗配甜flosting而唔甜, at least舊蛋糕本身都要香, 香都唔香, 真係食咗一啖要放棄, 好似放舊無味粉團入口, 淨係得個樣靚有鬼用咩, 唉!

見到OPENRICE咁多人話好食先黎，三個字講哂 — 唔好食 兩個都太甜，好似齋食糖咁，榛子朱古力，榛子味同朱古力味都唔夠，焦糖味更加唔洗講，兩款都真係得個甜字。睇落D相都加左幾多色素，太多化學野，唔會再試

從open rice及其他雜誌報道得知旺角有間專賣cup cake的店舖多時，而且見過不少讚好的食評加上食家們精心拍攝的相片，一直好想前往。星期日因男友係旺角有事一辦，終於有機會一試其招牌爆炸朱古力cup cake，係＄16兩個的promotion之下，一向心多多的我，多買了一個忌廉芝士生薑味。舖頭裝修別緻，柔和的燈光配合以木做主調的裝修，係旺角咩都要夠loud，夠搶黎講，己經俾人一種舒服的感覺。而且cup cake係一種好西化，好美式的甜食，一般用上大量（係大量）牛油和 icing sugar製造，中國人包括香港人一定會覺得過甜。所以我好欣賞背後老板的勇氣，夠膽係旺角開一間專賣cup cake的地舖，以佢的策略亦非常正確，以平價取勝，經過一番的報導後很快就打出名堂薄有名氣啦。由於店鋪較細，只好外賣並放係男友的車上辦完事後再食，所以食的時候已經擺放了大概兩個小時，所以我接受食落面層的忌廉有少少溶，不過甜味ok，而且佢的cake size比傳統的細，食少少我又唔覺得太甜，如果其他朋友真係唔「好」食甜品可以選擇一D帶酸的口味例如紅莓或檸檬等等。試過之後仲係覺得好甜的話，我諗應該係cup c

因為見到報章雜誌的吹捧，加上我好鍾意食甜品，就去一試下午4、5點時候去買有兩三個人，店子小小但環境乾淨一口氣買了爆炸朱古力，曲奇忌廉，紅桑子，朱古力芝士味我已經好小心咁拿住兩盒，準備同友人係旺角食飯時拆開食一打開，嚇親！ 4件蛋糕打風咁斜體哂！同埋上面D ICING好似溶溶地又好油P.S. 最初時以為係我黑仔先斜哂D蛋糕飛哂出泥，原來問過身邊幾位友人，發覺外賣既都有同一情況，應該係個盒HOLD得唔夠深唔夠實 爆炸朱古力: 最頂既朱古力食落口好油，甜度都OK不過個蛋糕好硬 曲奇忌廉: 冇左塊曲奇餅就=朱古力蛋糕 -_-'' 紅桑子: 紅桑子味道OK不過蛋糕勁硬 朱古力芝士味: 好油=_=''總之，失望啦!

cup cake~外型美~入口甜~係甜蜜幸福的感覺可惜配以店員的黑口黑面~加上嚴禁拍照~呢10蚊~真係唔想俾上次來的時候~一對中年男女的招呼~真的很好~多人排隊都唔會有不快的感覺今次人不多~但多得黑口黑面的後生店員"熱情"招待令到cup cake自此與甜蜜絶緣就連酒店都未禁止人拍照~你是何許人也??呢度旺角咋~你怕人抄款嗎???咁唔好俾雜誌報紙訪問啦~訪問完d相仲要post出嚟俾好多人看嫁係唔係要我拎個記者證出嚟呀??我有wo~真係怕人抄款~不如人地買完~你整爛佢先俾人拎走呀~~人地拎回家都可以抄款呀若果你不怕進食氣氛被嚴重影響~食過3個口味的我~只會推介爆炸糖朱古力~~~其他的牛油朱古力同開心果都得個甜字~毫無層次~只有爆炸糖朱古力比較合心水若果我見到係呢個店員的話~我一定唔會再入去~你唔俾人影相ma~~你嚟追究呢度所有寫食評的人吧~好~我尊重你~唔post 相~~滿意了吧~~

之前都係朋友買俾我食嘅.. 尋晚第 1 次入舖頭買 :3真係唔去唔知原來呢度離地鐵站咁遠呢 >< 有啲偏僻嘅感覺..不過未入到去已經聞倒好香蛋糕味啦.. 即刻精神哂 : D見倒咁多蛋糕真係想每樣都貫買 1 件呢~ 不過最尾都係揀左 4 件.. 開心果 : MM話呢個食唔倒開心果味.. 淨係好甜好甜 >< 榛子朱古力 : 呢個朋友推薦買的~ 妹妹話呢個幾好食呢..不過都係甜左啲 : p 紅桑子忌廉士多啤梨 : 我食呢個 : ) 士多啤梨味唔夠重呢.. 同埋真係太甜了.. 淨係得啲糖味 >< 甜到食完都飽左一半了.. 爆炸糖朱古力 : 呢個以前試過呢~ 幾好食 : ) 好夠朱古力味唔會太甜.. 真係有爆炸嘅感覺 : D 不過.. 呢度嘅蛋糕好睇多過好食 /._.\ 不過服務態度好好呢~~ 下次黎旺角試埋啲未試過嘅 : )

咁啱經過就去試吓, cup cake睇落個個都ok精緻, 揀咗牛奶朱古力榛子同開心果...結果真係幾失望(可能個樣俾我太多期待啦). 個topping好肥, 好似糖漿加油, 個蛋糕冇咩香味, 可以話, 同莎利蛋糕比都輸足一條街. 雖然幾欣賞佢蛋糕外形設計, 但係我覺得味道先係第一, 唔應該舍本逐末. 我以後都唔會再試.

如其他食家所言, 其實真係得個樣, 唔好食.....點唔好食法呢?D 蛋糕好普通, 屋邨麵包舖的牛油蛋糕仲香軟過佢多多聲上面的 cream 嘛..... 得個靚字, 勁甜, 甜得嚟好假......朱古力嗰個還可以, 薄荷嗰個簡直係難食....冇下次