影片
招牌菜
早几年当儿子还在湾仔上学时，他曾极力推荐我到一家叫「杨记」的面店用膳，还说那里的虾籽面做得非常出色，所以我早已把这面家列为心水食店之一。其实笔者亦早已听闻杨记是「蔡澜常去食肆 150 间之一」，更连续两年荣获米芝莲本地美食推介，而且其风格与母店沾仔记极为相似，不过这里就主打捞面，可惜我每次唔系就唔到时间，就系嫌它地点唔就脚，一直未把到访之举，付诸实行。最近从开饭网站得知「杨记」因租约期满，将于本月 23 日结束营业，于是扚起心肝，决定临别秋波，来这里吃顿轻盈告别宴。这天中午与友人约一时十分到达，门外已堆满人群，幸好轮候时间也不需太久，只是一会儿已被安排入座。点了两款虾籽捞面，侍者送上店子自家制作的鱼汤，汤底色泽深褐，看来也大有来头，绝非泛泛之辈。据说这个汤是以大地鱼干、虾米、猪骨、罗汉果等每日熬煮而成，入口鱼香极浓，味道鲜甜甘香，十分出色。友人是牛魔王一名，几乎是无牛不欢，当然首选虾籽牛肉捞面 ($32)。牛肉捞面是这里的招牌面食，据说厨子先把牛肉煮好，再跟捞面放在一起，而牛肉则会选用新鲜的牛髀肉，听落真让人充满期待。不过牛肉咬落，口感毫不细嫩，松肉粉味实在太明显，令肉质腍得来完全失去本身的肉味，的确有点可惜。反而经炒香后呈枣红色状的虾籽，下得极为慷慨，把牛肉面头铺得满满的，入口甘香扑鼻，再配上弹牙的蛋面和鲜绿色的葱段，吃来味道既浓郁丰厚又带有余韵，简值令人回味，看来净虾籽捞面更为好吃。至于我拣的虾籽黑柏叶捞面 ($32)，虾籽份量同样亳不欺场，感觉上好像每条黑柏叶都被虾籽重重捆绑包裹著一般。黑柏叶咬落够晒爽劲，入口烟韧有致，只可惜味道略嫌偏淡，要靠虾籽来增添食味，不过底下面条爽身弹牙，丝毫没有半点碱水味道，面质又爽又幼，完全不觉干涩，水准十分之高，配上咸鲜并重的虾籽，食完简值齿颊留香，难怪这儿食客络绎不绝。友人点了份油菜心，颜色翠绿，不过笔者一向不甚喜爱吃菜心，总嫌它菜茎过份圆厚，吃来太过粗枝大菜，而这儿的菜心，食落未算特别鲜嫩香甜，虽然面头已放上油，也未能增加食味，口感只属一般。至于枝装豆浆，味道尚算清甜，不过略嫌豆味不丰，但整体还算不赖。临离开时，瞥见门外贴上了很多报章杂志的宣传介绍，可见此店面食，确实有其过人之处，只可惜近年香港地的租金彷如脱缰野马，加上食材昂贵，令经营者无不叫苦连天，这次一别，不知道何时才可以再与美味的虾籽重聚呢？
继续阅读
早几日先ｏ系杨记食完黎，不过对佢既虾籽捞面一试难忘，所以今日下午出铜锣湾前专登再黎食过～经过门口先见到写住租约期满，开到２３／４咋‧‧‧如果大家想食既就要趁早黎帮衬啦～讲返食物，上次食左虾籽牛肉捞面，水准十分不俗，今次就试下牛柏叶捞面～虾籽未食已经系香气迫人，牛柏叶超爽口，面条亦都唔系一般既碱水面，够晒弹牙，捞匀虾籽食真系无得顶～伴面既汤味道都好清甜，唔会好油腻，唔用黎捞面就咁当汤饮都好适合～姐姐既服务态度都好亲切，经常面带笑容，暂时黎讲未食过第二度既捞面系好过杨记，希望佢可以揾过个新铺位，唔好令一班捧场客失望啦～
继续阅读
听闲呢间店既虾籽捞面都几出名，加上openrice既风评都唔错，今日凑巧经过湾仔终于有机会试下。六点钟左右黎到所以唔系好多人，自己一个坐张四人卡位。侍应阿姐几有礼貌，笑容亦都十足，点左一个虾籽牛肉捞面（＄３２），加＄４要多包柠檬茶。先上左伴面既罗汉果汤，一饮就觉得好清甜解喝，唔会好油腻。到个面黎果阵已经见到好足料，虾籽铺满晒见唔到面咁滞，未食已经闲到好香既虾籽味。牛肉好新鲜爽口，面条咬落够晒弹牙，软硬度掌握得好，食落好有口感好过瘾，比出面好多铺头既碱水面高出一个层次。不过如果就咁食就略嫌干身，加埋个汤，再捞埋虾籽一齐食既话就系一绝。埋单唔洗＄４０，咁既价钱有咁既质素，绝对可以用物有所值黎形容。
继续阅读
星期六身在湾仔, 要谂去边度食lunch,老公叫我谂下有咩好野介绍俾佢食,第一时间就问, 食过杨记未,未食过杨记, 一定要试下喇咁!虽然其实我都有成年冇去过杨记,希望唔会令我失望啦~老公望下望下餐牌, 话都冇咩选择,我安慰佢话, 咁都系为左黎食虾籽姐.. ^^我本身好钟意呢个牛柏叶虾籽捞面!因为够特别嘛, 又整到细细够唔会好难搞,一睇到见到成碟都系虾籽, 香喷喷, yeah~老公钟意食鹅肠, 都估到佢一定系叫呢味架喇!老公就话, 虾籽ok, 鹅肠就冇咩特别㖞..我唔食鹅肠, 真系唔知喇简简单单速食一餐~ 杨记系湾仔的确都系一个几好既选择^^
继续阅读
上星期为左庆祝我既节日同 baby 去左睇张达明楝笃笑睇 show 前落左湾仔试试呢间获好评既杨记因为 6 点几已经去到店入面唔算多人我地可以坐卡位因为第1次去 烦恼唔知叫咩好waitress e e 好好咁逐一介绍 超nice 最终我要左牛肉捞面 ( $28 )牛肉好爽牙 面都好弹牙我叫e e帮我加左蝎油落面到自己就再加辣油正 !!!!!!!!!!!!!!!!!!!!叫捞面会跟一碗汤系粉"郭"汤 不过就咸左 d斋饮会喉咙会好"baby 要左龙苏捞面 ( $32 )龙苏捞面有虾子粉虾子好香 但 baby 话我既牛肉捞面好食 d可能唔系成日食 所以有少少唔惯除左两个捞面 仲叫左两碟生菜 ( $10一碟 ) + 两支豆浆 ( $5一支 )豆浆超好饮 !!!! 好有豆味而且系支装 ~~~ 份量好多又平加上密封处理 好卫生 埋单 $90 大洋 食饱饱好满足咁去睇 show 噜
继续阅读