杏花樓甜品 (已結業)

晨早粥餐($16) 仍然每日都去搵d新地方食早餐, 中午個餐可以求其, 但神早要食個早餐先安落呀！前一日巳經諗定要係呢間試下, 入到去得一檯客, 搵左個近門口位坐,叫左個菜乾豬骨粥同炒米, 碗粥都唔少, 粥底同菜乾都一般, 最好味係舊豬骨, 好香原有肉味, 個炒米上檯食時係熱到辣口, 炒得又幾有香味, d野簡簡單單, 與同區相比呢度就可以勝出個馬頭喇！ *************************************** 飯後甜口($16/碗)生磨合桃糊, 個店員話係自家磨o既, 點都好, 食過至知, 不過先聞味道巳經吾錯, 食落口都有番咁上下, 又唔太甜, 唔錯, 另外個綠豆沙仲正, 味道更香更濃, 不過d豆煲到好溶, 欠缺咬口。

公司對正觀塘杏花樓,所以久不久lunch time 就會黎祭一祭五臟..<br />雖然午餐既選擇多,不過同同事兩人來來去去都係叫0個幾種野..<br />其中以鎮江排骨絕對係本人既不二之算,四條鎮江骨,部份係軟骨部份,十分有咬口,加上醬汁惹味,送飯佳品~<br />每次見到碗菜飯都會打一個突..份量真係十足,兩個女仔share 一個菜飯餐都應該足夠飽肚..

菜飯太大碗, 同太油啦!! 外賣少又唔送!佢地既芒果布甸, 同雪丸甜品好正...... 尤其係雪丸囉..........HEHE !小食麻麻!! 魷魚鬚好難食! 反而油菜一大碟好抵!!同麻呢間D 位夠多!!新出既炸醬麵都OK BUT 貴左D

有米線、菜飯或小食, 配埋甜品或飲品, 選擇極多, 午市套餐價錢由$20幾蚊至$30幾蚊不等, 我試過鎮江排骨菜飯、蜜糖chicken wings, 同埋檸汁chicken wings菜飯、淨菜肉雲吞, 味道唔錯, 尤其是蜜糖chicken wings充滿蜜糖既香甜味, chicken wing好大隻添呀, 檸汁chicken wing 亦好有水準, 至於XO 醬炒腸粉比較多油, 香茅豬排無香茅味道, 都幾大碟, 一個女仔未必食得晒。試過叫米線, 湯底幾甜, 但係米線幾硬, 好似未煮熟咁, 建議大家食菜飯比較穩陣。<br />甜品方面, 我最鍾意呢度既芒果布甸, 幾滑又多芒果, yummy。雪糕紅豆冰都幾好味, 雪糕可以揀雲尼拿、芒果或者芝麻味道, 紅豆夠多又夠淋, 曾經試過有D大集團快餐店既紅豆冰, D 紅豆咁生硬, 食完胃痛添呀~~