杏花樓甜品 (已結業)

小妹今天厲害吧~簡直香港區半天遊，自由下午搭巴士出銅鑼灣，再由銅鑼灣轉地鐵過鰂魚涌，去完鰂魚涌再搭回觀塘線往觀塘，去完再過沙田呢~真夠和味！本身小妹要去觀塘工廠區拿剛買的捲髮器更換，誰不知負責人未回來，所以小妹就要找地方落腳，好等他回來。尋找附近有否咖啡之類的小店？行不遠便看到杏花樓，是吃糖水的，都不錯！入內，收銀姐姐說收6:30pm，現在大約5:45pm，無問題~買好付錢就坐好，阿姐會盛好拿給小妹。 鬆化蓮子羹$24, 以為羹會類似糊狀，原來是水狀的，小妹明顯地聽到阿姐放入微波爐'叮叮'的聲音。入口極燙口，蓮子更甚，叮得太過火！無他的，小店都差不多收舖，要加熱無可奈何，小妹並沒有多言，糖水比較甜，蓮子口感鬆化，滿滿的佔去碗底。下午6:15，阿姐們拉下半閘，小妹都不好意思起身離開了！

兩點幾黎到，差D咩賣晒，見有個蒸飯加點心set幾抵，就試試。 點心5件 ok la，唔會蒸到“林”晒，但唔夠熱。反而個蒸飯不錯，飯蒸得岩岩好，每粒都爽口分明，應該係即叫即蒸，排骨又唔肥，鳳瓜都好入味，但整個飯份量就差少少。

由於有人約飲茶，最後比人放飛機，最後我特登去食個點心餐補償返點心呢~~ D味道好似超市陳記貨色，不過勝在有5款唔同味食到，都OK啦個蒸飯好OK 呀! 飯質仲好彈牙，粒粒分明。份量少少地，0岩0岩好!

今日和家姐在附近做完一點事，原本唸住搭車回家既時候，甘岩經過呢間糖水舖，就決定食個甜品再上路！一入到去，地方面積寬敞，當時只有一台客人，所以有員工在閒聊，但一見到我們坐下，就很快主動地遞上兩杯暖水了！牆上貼上了多張加強人與人溝通的技巧，大大感受到店舖的親切感！西米皮湯圓（＄22）有芋蓉和麻蓉兩款口味選擇，我就選擇了前者！一碗有六粒，晶瑩剔透，一咬下去，滿滿的芋蓉緩緩流出，很香很滑！而外層西米皮QQ的，很有嚼勁！再配合熱烘烘的薑水，辣而不搶喉，是在冬天驅寒暖身最佳補品！但如果加上真的生薑蓉，相信口感更會增加！薏米腐竹糖水（＄22）由於我不愛食腐竹，所以沒有品嘗。但眼見店員把碗遞下來後。。熱煙慢慢散起，材料滿滿的，家姐也說味道不錯，應該幾抵食的！

估不到食飯時間都可以無人等位仲可以隨便坐餐牌上有好多1234+ABCDE餐，即飯/小食加甜品/飲品，其實好不錯其中一個1234+ABCDE餐，就選左鯪魚球湯米線配熱黑芝麻糊鯪魚球大大粒清清地既湯底加米線不過米線有D 硬好香濃，口感又滑既芝麻糊的確好正熱辣辣更突出芝麻香除白飯外,可選十八穀飯, 菜飯餸菜不錯，不油膩，好家常既感覺原來十八穀係咁樣既，煙煙UN UN 的~因為有多種營養配方，感覺即刻健康左不過餸菜份量好少，比較岩細食既朋友~ 男仔的話隨時唔夠平均$45 一個set，食到家常便飯既感覺又可以食下糖水滋潤下，好幸福呢

連續食了兩星期了公仔麵和米線餐，有Ｄ吃膩，今日轉轉口味食個飯！有嫌白飯太單寡，於是來一個菜飯套餐！ 菜飯：由黃芽白＋菜心＋芥蘭粒組成，好有誠意！ 而且菜與飯比例恰到好處，唔會偏重某一方！清得黎又夠健康，Very Good！ 金菇肥牛卷：共４大條，上檯前預先將每條切成兩半，體貼食客！ 肥牛唔韌，金菇夠爽口，個獻汁又濃但唔鹹，真係一個唔錯嘅送飯之選！

中午Lunch Time同同事去咗杏花樓食飯.. 得11-12度既天氣, 由於一行8人被安排坐係半露天既地方..上次D同事嚟話D牛腩好食..所以我今次點咗片頭牛腩飯 + 凍檸茶!片頭: 豆卜釀魚肉，豆卜面炸到好香脆，再配魚肉口味岩岩好~ 牛腩: 煮得夠腍, 好入味.. 但我覺得偏咸….. 飯可選擇白飯, 菜飯, 米線等嘅配搭..片頭牛腩飯果然係一個不錯嘅選擇，下次可以再食!

久不久就想來這裡食午飯,因為這裡ga鎮江排骨菜飯好好味,飯後甜品又多選擇,而且除了菜飯外還有十八穀飯選擇非常健康呢 最愛這裡午餐選擇特多,鍾意點配就點配 鎮江排骨配菜飯 ~ 每次必叫ga鎮江排骨入味菜飯新鮮 山楂杏仁露 ~ 山楂露酸酸味味好醒胃,唯今次杏仁露唔夠味

與友人午膳通常都會選杏花樓 擔佢食物健康又好味 今日天氣好冷, 店內多人到要等位, 好彩友人先為我搵位 於是一坐低即可叫野食 要個茄汁魚柳菜飯暖暖胃 先黎雪梨茶, 溫溫吞吞既溫度, 作死 ~ 而個菜飯足足等左 30 分鐘, 中途亦叫左倆次跟單, 真係火都黎埋, 最後個次都幾大聲…真失禮~ 菜飯一如以往地對胃 (此終係呢到既主打) 茄汁魚柳用既魚柳, 肉又唔結實, 仲要件件都係薄薄的樣子無呢咬口, 茄汁是住家的味道 , 又唔可以話好差, 此終標榜既係健康食物 正因為今日凍, 所以無得留低

所有甜品對上次叫下午茶己加價3-4元,最離譜的是蜜糖炸雞翼,$22/三隻,每隻不足三吋!!有相為証.以后再也不光顧了。

到銀行辦點事後, 1:30 後一條友到杏花樓食晏, 又係得6成滿, 到底依家官塘區d 人食咩架 ? 胃口不大, 點了粉仔套餐加雪梨茶 $25 粉仔係家鄉式有冬菇,菜圃,豬肉,而濃濃的湯底加上菜圃辣, 領導味蕾到達另一境界, 不再時平平無奇的粉仔, 而精髓當然係濃湯, 渴下湯的同時胃內的寒氣亦重鼻孔迫出 (鼻水直流), 呼呼暖 晒 ~ 雪梨茶(無加糖) 最岩干燥既冬天, 但由於食完辣野再要飲杯超熱既雪梨茶, 真有點難度, 只渴到一半都要急急離開 。

本想食排骨菜飯, 點知估清, 退而求其次要左栗米斑腩菜飯 + 合桃糊 4件紙咁薄既斑腩, 雪藏貨都唔期望有咩鮮味可言 菜飯則如常地好味後上合桃糊拎回家慢慢食 如常地香濃幼滑不糊口, 好味 加左價後, 餐貴左, 甜品仲唔可姚雙併, 下下成 4x 一個餐, 份量亦唔大, 唔係好抵 9 折後先係 $3x

早幾日唔知食咩好, 於是乎就不斷遊街, 邊行邊搵野食, 最後行到黎呢度, 見到呢間食店, 師傅心諗以前都經常黎食, 雖然唔係呢間, 但反正都咁耐冇試過, 不如入黎醫下肚啦!入到去見到地方都幾大, 環境都算清潔, 搵個位坐底就叫野食喇! 商量一輪後, 決定叫一客黑椒雞扒, 一客粟米班塊, 今次兩個客飯要左白飯, 冇要菜飯, 要左餐茶冇要甜品, 再加多一碟蘿蔔糕!等左一陣黑椒雞扒首先送上, 黑椒雞扒得一塊雞扒, 唔算好大, 不過就勝左斬件上, 雞扒好鬆好腍, 食唔到有雪種味, 而黑椒汁好香好辣, 送飯一流, 不過黑椒汁就少d; 粟米班塊有四塊班塊, 班塊就煎得好香, 一d都唔腥又冇雪種味, 而粟米汁好甜, 都幾好味; 蘿蔔糕一碟兩件, 幾厚身不過就冇咩蘿蔔味, 呢個唔算好味; 餐茶要左熱檸茶, 熱檸茶檸檬味唔係好夠, 茶味又唔濃, 一般!總括黎講呢度選擇都幾多, 配搭都幾多, 可以要餐茶又或者可要甜品, 而個客飯都整得幾好味, 三十五蚊師傅都覺得可以, 下次都會再黎呢間甜品餐廳, 到時順便試埋佢地d甜品!

這品牌的甜品屋都有頗多分店，但總覺開在鴻圖道工廠區的一個旮旯好像有點格格不入。到官塘處理事情時經過這裡多趟，總是提不起興趣，但是日適逢剛在這帶時下了場傾盤大雨，而又反正午餐還沒著落，相請不如偶遇吧。下午茶餐都是茶記款式，沒舍興趣，反而覺一個現炒的鮮茄火腿雞絲燴螺絲粉有點看頭，就點了這連一杯鴛鴦。螺絲粉是現炒故都等上一陣子，上檯後覺得比正常分量為小，但在於下午茶餐來說無可口非是的；雞絲變成煎雞件有點無奈，因煎雞件的油份頗多，而其他的都算是合格，起碼夠熱辣及鮮茄味濃，但離美味的還是有點差距。不是茶檔，咖啡奶茶味道預了會打點折扣，這裡都是，鴛鴦有形無髓。阿姐服務態度不錯，唔該前小心後；環境是工廠區快餐店格局，檯椅之間總是窄窄的；最後，這下午茶餐算為經濟抵食，若不是這個原因，睇怕這份都會是喊臉食評！

因有cupon到期喇,同事又未試過哩間食物所以昨日一齊係到tea,叫左芋頭糕同核桃糊,兩樣都買一送一,cupon寫明要堂食,我和同事都唔大食而且食左lunch,所以一定食唔晒,問呀姐可唔可以take away,佢地好好笑容咁話當然可以啦,仲即時叫人拎的盒同膠袋比我地添呀.至於食味呢,芋頭糕之前係尖沙咀分店食過覺得好好味所以再食,個人覺得比美心,聖安娜等好味得多,而核桃糊我唔敢肯定有沒溝粉但唔太甜都okay.最buy既就係佢地的呀姐好好人,起碼我接觸的3個呀姐都係咁好人,所以一定會再來食.