樸一拉麵

营业中

休息中

我同老公平時都幾鐘意食拉麵架🍜今日嚟到呢一間吃！我就嗌咗一個海老拉麵，湯底非常之香濃，而且係非常杰，所以食起嚟啲湯係非常掛汁！糖心蛋亦都十分之出色。而老公就叫咗魚介拉麵🍜一樣啊湯底都係非常之濃郁，仲有厚厚嘅叉燒，不過叉燒嘅脂肪就較多，配埋咁杰撻撻濃郁嘅湯拉麵，實在係有少少油膩嘅感覺。不過整體嚟講都係好好食嘅。另外我哋仲叫咗兩個小食，分別係唐陽魷魚同埋另一個係黑松露蝦餅(?_? 呢個小食嘅名有少少唔肯定。因為唔記得咗。)魷魚就比較普通，反而係下面嗰個炸蝦餅幾好食。走嗰陣時外面仲有人排隊添。整體嚟講這間不錯吃，只係環境比較狹窄，同隔籬枱嘅距離都好近。不過食物係好食嘅，所以都會再嚟

樸一拉麵 今日試左排隊拉麵店樸一拉麵，果然係值得等😍晚市時段由6點開始，我哋大約6️⃣:🔟去到已經得返少量座位。店員先俾左點餐紙我哋，揀好食物就安排入座。點餐流程:1️⃣ 選擇湯底2️⃣ 選擇叉燒3️⃣ 選擇麵類4️⃣選擇配料一碗度身訂造的美味拉麵🍜好快就會送到我地今次叫左魚介湯底及豚骨湯底🍜兩碗都選擇左超大件的厚燒五花腩叉燒🐽魚介湯底配博多麵🍜上餐的時候真係俾這塊巨型叉燒嚇了一跳😲目測厚度超過1️⃣CM 上面仲灑上了木魚碎和葱花😝聞到已經好香😋試下個湯底，味道超濃，感覺是真材實料我選了博多麵，即白麵，比較軟身，十分掛湯。巨無霸五花腩叉燒，肥瘦相間，雖然有啲肥，但油香在口中爆發，真係停吾到口。😍😍豚骨湯底配東京麵🍜同樣選擇了厚燒五花腩叉燒，配東京麵，即黃麵，口感就比較彈牙，其實點餐時還可以選擇麵的軟硬度真的很貼心。豚骨湯底同樣十分濃厚，食麵時會忍唔住連湯都飲埋。但食完吾會有好口渴的感覺，不是那種味精湯。👍🏻👍🏻下次黎我要試埋海老湯底先得，餐廳仲有得儲印花😂儲夠就可以換小食或汽水添🥤中意食拉麵嘅朋友仔吾好錯過👍🏻

「蟹膏拉麵」無之前食既「海老拉麵」咁濃味，相比起上黎就較為清淡啲。今次揀左白麵同埋慢煮叉燒。蟹膏拉麵面頭有啲蟹膏同蟹肉碎，仲有隻細蟹鉗，撈埋落個湯底，成碗湯嘅蟹味更加濃郁，層次昇華！今次既慢煮叉燒就好一般，第日一定要揀返厚叉燒先得。小食就叫左 冷凍廣島蠔，極鮮甜，一啲都唔腥，面頭有啲蔥花，個汁就辣辣地好開胃。但係！廣島蠔係期間限定小食，所以下次黎唔知仲有無得食。唐揚魷魚脆卜卜，炸到岩岩好唔會乾柴入面幾Juicy，配個唔知咩醬，綠色既，但係又幾好食，好岩送酒。

作為拉麵控我覺得旺角好食嘅拉麵樸一都算係數一數二。以豬骨湯做基底再搭配唔同口味，我自己最鍾意食辣，就揀咗辛辣湯。飲咗一啖已經有濃郁嘅豬骨味，辣湯再加上辣肉球，成件事辣得好過癮，令人一啖接住一啖。另外配料溏心蛋不過不失。重點係嗰厚燒五花腩叉燒，嗌之前都喺度諗，食落會唔會好油好肥膩，但見到相嘅賣相真係好吸引，決定試一波！師傅將叉燒燒到焦香，五花腩係半肥瘦，唔會食到太多肥膏，食落好香口，而且又厚又大塊，一啖咬落去好滿足！哩間小店咁出色，好想大大力推薦俾其他人！

陪老公去旺角睇鏡頭, 順便睇吓附近有咩食, 見到呢間拉麵店排晒隊,好似幾吸引~店舖主打幾款唔同湯底既拉麵～有豚骨, 蟹膏, 醬油, 辛辣, 魚介同海老! 另外仲有期間限定拉麵同埋拌麵~麵嘅款式可以揀東京麵或者博多麵~可以選擇麵既硬度! 叉燒可以選擇三片慢煮薄梅肉叉燒或者厚切燒五花腩叉燒～ 豚骨湯底慢煮薄梅肉叉燒博多拉麵薄梅肉叉燒會唔會好鞋~ 3片都幾大塊, 都幾好食, 豚骨湯底唔係好濃唔會太漏~ 博多拉麵麵質都幾幼,但都幾掛汁! 醬油湯底厚切五花腩叉燒博多拉麵醬油湯底髀豚骨湯底濃郁, 厚切五花腩油脂經過隻燒之後好香口, 厚切令到口感十足,好正😋撲一炸雞冇諗過每舊都咁大嚿, 外皮好香脆~ 雞肉好嫩滑! 沙律醬混合咗紫菜食落去唔會太漏~

又去左食，個陣嘅限定拉麵係柚子醬油拉麵! 🤩 湯底係清甜蔬菜湯頭配清新柚子醬油，加上特製叉燒、慢煮叉燒、溏心蛋和紫菜，個人覺得味道好啱夏天，本身就好鐘意佢地之前出過限定嘅清湯醬油拉麵，而呢款加入淡淡嘅柚子香，令味道層次更豐富又更清新，好味！🤤仲有舊特製叉燒，個人覺得係完美結合左樸一厚燒五花腩同慢煮叉燒嘅優點！唔會太過肥但又有燒過嘅香氣🔥呢碗麵湯底定係配料都係樸一食過咁多隻最鐘意，不過可惜又係限定

在這間充滿動漫元素的拉麵店，我享受了一碗豬骨湯拉麵，讓我彷彿置身於動畫世界✨。湯頭濃郁，散發著誘人的香氣，豬骨熬煮至絕妙，滑順得令人讚嘆😍。麵條彈牙，完美吸附湯汁，每一口都令人陶醉🍜。店內的裝飾充滿了動漫角色，讓人感受到強烈的青春氣息🎨。服務人員親切，氛圍輕鬆，讓我在享用美食的同時，感受到濃厚的文化氣息，真是一個難忘的用餐體驗！🌟

我平時好少主動去食蝦湯拉麵，因為絕大部份嘅店都係用櫻花蝦🦐，而櫻花蝦嘅味道非常霸道，只要有佢，其它味道盪然無存。因為呢間店，食評上好多人都話蝦拉麵好食，我又姑且試佢一試啦。海老🦐拉麵🍜香味 (4/5) - 齋講香味嘅話，蝦味當然係夠晒香，所以高分都正常。湯頭 (3/5) - 如上所講，櫻花蝦嘅味主導晒所有其它味道，除左櫻花蝦嘅味，真心食唔出其它味。不過，濃度夠，鹹度剛好，算合格。麵條 (3/5) - 佢可以揀幼麵或粗麵，我認為海鮮系湯頭，比較夾幼麵，所以揀左幼麵。呢款幼麵都幾好，直身，用左全粒粉，所以口感有咬口，有層次。不過，同一個問題，除左蝦味之外，食唔到麵條本身嘅小麥香。配料 (2.5/5) - 既然係海老🦐拉麵，主角當然睇隻蝦。一試，ok，係雪蝦，質素似食緊超級巿場d炸蝦咁，唔算難食，但唔配做主角。反而，另一位本身應該係配角，但榮升左做主角嘅係塊超大嘅五花腩叉燒，因為佢存在感實在太重。一試，嘩，油膩到呢。五花腩肥就預左，只係佢可能落左極多牛油去煎香，牛油味超重，油膩到一個點，加埋d肥膏，真心頂唔順。隻蛋呢 (要額外叫)，係唯一可以讚嘅。蛋嘅表面非常光滑，食落味道偏甜，似係味醂嘅味

午餐時間黎到，好好彩得返一張枱就俾我哋坐，唔洗等✌🏻叫咗兩個麵，分別係「辛辣湯底 x 厚切五花腩叉燒 x 糖心蛋紫菜 」和「海老湯底 x 厚切五花腩叉燒 x 厚切五花腩叉燒 x 糖心蛋」🍜🥢海老湯底有隻類似天婦羅嘅蝦，加上好多櫻花蝦仔，好重蝦油味，濃而不鹹。不過食到後段，個湯凍咗更加濃烈，有啲涸喉，所以切記趁熱食🙂‍↔️至於辛辣湯底，辣中帶點甜，個人麻麻哋嗰陣甜味。第一次食博多麵，揀咗普通軟硬度，有啲失望。麵條太過淋，冇口感。厚切五花腩叉燒份量十足，外表有炙燒過，一個人食有啲漏，兩個人分就啱啱好👍🏻下次會叫一人厚叉燒，一人慢煮梅肉叉燒。糖心蛋比較甜，同埋糖心程度可以再生少少，蛋味亦唔算濃郁。追加嘅紫菜共有4塊 ， share食perfect! 🍗樸一炸雞炸雞喺我哋差唔多食完麵先到，需時咁耐應該係即叫即炸。雞塊好大嚿，唔講仲以為係雞扒，個人比較喜歡細細舊😂炸雞好熱，炸漿算薄，連埋雞皮一齊炸，配上wasabi 沙律醬👍🏻但最近on diet所以冇乜點食雞皮。雖然個人口味未必做到百分百滿意，但由湯底、用料和小食都感受到店舖的誠意，無阻我地再幫襯嘅意欲。下次再試豚骨、醬油、魚介，同埋要配黃麵！

樸一拉麵係位於通菜街嘅小店，相信好多鐘意食拉麵嘅朋友仔都試過。店嘅坐位唔多，因此食飯時間通常都要排隊。我自己都試過曬佢全部拉麵湯底，連佢撈麵都試過🤣叉燒分兩種，分別係厚燒五花腩同慢煮梅肉（3 片)，厚燒好大塊，口感不錯，燒到好香口，但當然會比較肥，慢煮叉燒夠淋唔會鞋身，同埋都大片份量都多。而全部湯底試過發揮都不錯，大部份都濃味但唔會死咸。海老湯同蟹湯都帶鮮味，兩樣都係佢地人氣之選，相信係好多人最愛嘅湯底。🦐🦀魚介湯係我最常嗌嘅口味，佢會帶豚骨味，但魚味出同香濃，口感順滑。🐟辛辣香口惹味，重口味之選。🌶️ 豚骨及醬油就正常發揮，口感味道都唔會太差。🐷撈麵口味重，調味以鰹魚及辣肉燥味增為主，有慢煮叉燒同叉燒粒如果食厭咗拉麵都可以試下

聽過朋友介紹過撲一拉麵好多次，藏身係女人街入面，黎親都要排隊，見今日唔係好熱，終於排隊試一次。排隊時會比定MENU你睇，揀好入去就有得食。湯底﹑叉燒﹑麵既種類﹑麵既軟硬度﹑都有得揀。舖頭唔大，冷氣唔係好夠，算係比室外涼少少。根據朋友推介嗌左碗「海老拉麵」，揀左黃麵，同厚叉燒。個湯底好濃好鮮甜，一上枱已聞到蝦香味，海老拉麵面頭有啲櫻花蝦提昇濃蝦味。厚叉燒都好正，燒到有啲焦係面，咬落啖啖肉好Juicy。下次一定會再黎，試下其他拉麵同小食。

經過幾次這家餐廳門口, 都見到有人龍排隊, 今天見時間早一點, 決定試一試這家拉麵這家拉麵店除了有不同的湯底&叉燒可供選擇外, 連麵的種類都可以有選擇，能滿足不同食客的口味海老湯底非常濃郁&香, 除了有櫻花蝦外, 還伴隨一隻鮮蝦; 慢煮梅肉叉燒不會太肥, 適合不喜歡油膩的人選擇醬油湯同樣都幾濃郁, 厚燒五花腩叉燒燒得很香, 但就較為油膩一點每張枱都有提供清潔洗手液, 很貼心呢總括而括, 這是一家性價比頗高的拉麵店, 可以一試

食物就還好但服務態度差到離譜，一食完停低手就收碗，然後就催你走好似會驚你賴死唔肯走咁如果想食完成肚氣既就不妨去食呢間講緊我坐低到催我走前後都無半個鐘咁追求效率同返枱率抵你哋旺場嘅👍🏼以下係copy人哋個食評湊字數服務態度好差！叫左魚介和蝦湯，個麵一開頭食落係ok ,但愈食愈鹹🤢，食完仲好口喝🤢唔會再黎，又唔係平。埋單都二有幾，比錢買難受！因為見到食評先黎試下，排隊果時話齊人先入坐。但我朋友未到，我話可以叫野先，我朋友5分鐘後就到。店員從來無提過話用餐時間係40分鐘，店內都無張貼過話用餐時間係40分鐘。我地食食下個店員就話我地得返最後5分鐘。咁我地仲有野未食完，咁繼續快啲食啦。之後到40分鐘另一個男店員走埋黎話” 依度唔係西餐廳呀，唔係比你慢慢食！趕我地走。咩服務態度先，首先你地一開頭又無講過得40分用餐時間，然後得返5分鐘先話我地知，咁我地都要係5分鐘內食得哂先得嫁，又唔賴死唔走！只係得返一啖麵，諗住食埋就走，使唔使咁講野先！有啲名氣，有幾人排隊好巴閉？ 我知係日本拉麵算係速食，但一定唔會趕人走囉！如果係有heart 想人欣賞你既拉麵既，就唔會連比客人食既時間都無囉。好似機器咁煮麵，隊

今日出咗旺角一直都知道而間拉麵好出名但每一次經過都有好多人排隊所以未有機會試咁啱今日又再次經過見到唔使等位就衝左入去終於可以試吓依間樸一拉麵～ 入到去拎張飛仔劃叫咗一碗海老湯底同埋一碗醬油湯底兩碗到追加左糖心蛋同埋叫咗一份炸餃子海老湯底嗰碗相當有驚喜碗拉麵除咗有一隻剝咗殼嘅蝦之外仲有大量嘅櫻花蝦個湯底非常有蝦嘅鮮味雖然有少少蝦油浮面但味道濃郁同時又唔會油淋淋～ 醬油湯底都相當唔錯雖然冇海路湯底咁突出但味道濃郁惹味 唔係死咸本來想叫後叉燒但係咁啱賣晒最後只能夠揀慢煮叉燒但係都好好食 夠淋唔會鞋颯颯糖心蛋都唔錯 食到淡淡的醬油味個炸餃子同外面食嗰啲冇乜太大差別間鋪唔算好大 但係裝修都幾得意有好多小擺設同動漫嘢間舖整體嘅感覺都幾舒服兩碗麵加咗兩隻蛋，加一個炸餃子一共$228😋😋

不常吃日本拉麵，最近吃的一次，是在這間位於旺角女人街上的「樸一拉麵」。這間人氣頗高的拉麵店，雖然我經常都會路過，不過這次還是第一次幫襯。這晚我來得早，店舖六時開門，我早了十五分鐘便到了，比我更早來排隊的只有三、四個人，所以一待店舖開門，我便可入內用餐，而且還可在店中最盡頭的兩個面壁位，與太太兩人一左一右完全佔據這個寬敞的空間。在店中八款不同口味的湯底（豚骨、醬油、辛辣、魚介、蟹膏、海老、拌麵、期間限定）、兩款一黃（東京麵）一白（博多麵），三種硬度（軟、普通、硬）的麵條和兩款叉燒（三片慢煑薄身梅肉叉燒或一片厚燒五花腩叉燒）中揀選了「厚切燒五花腩叉燒普通硬度東京風豚骨湯底拉麵」（$78），再另加 $20加配了一份特上配菜，這特上配菜包括一塊慢煮叉燒、一隻溏心蛋和兩片紫菜，加上我的拉麵已有的厚燒五花腩叉燒，都算相當豐富。這店子的厚切燒五花腩是不少人的推介之選，這晚首次吃它，果然相當不錯，超大件的五花腩叉燒，經炙燒過，份外香口，肥瘦比例適中，不會過肥或太瘦，難得的是又夠厚身，口感十足，難怪得到那麼多人推薦。除了五花腩叉燒外，我的豚骨湯底味道雖沒有太太的海老湯底那麼濃郁，都算及格，配以黃色的東京