札幌元祖北海道拉麵 (已結業)

食午餐😙見到餐牌唔錯就走入去試一試✨💕😗😎內外好有日本風味🇯🇵環境衛生好服務員友善👍🏻👍🏻👍🏻👍🏻食物分類尚算多種類👅👀👅👀價格可以的始終第一次試下先才知😬叫了一個炸雞拉麵🍜🍜🍜🍜大概10分鐘到了熱騰騰香濃嘅豬骨湯底，叉燒有兩大片而且黏嘴的實在太好味。🐽🐷🐽🐷又叫了一個便當🍱🍱🍱🍱有天婦羅有刺身有沙律仲有一個鰻魚飯蒸蛋湯⋯天婦羅裏邊有炸蠔好肥美好多肉汁外脆內嫩、魷魚🦑好厚身、蝦就普通D鰻魚飯味道剛剛好！呢間鋪頭真係值得推薦給大家！久唔久都可以獎勵一下自己恍似去咗日本一樣⋯👍🏻😂😂😂😂

放工見有d餓 入去叫咗個平時唔會點嘅炸豬扒拉麵 ，外貌同一般日本野無咩分別，點知食落出奇地有驚喜，拉麵🍜好吃，仲叫staff 攞啲辣醬放落個拉麵度黎食，前後兩種口味！試落幾okay ! 豬排夠脆沾落d醬度都幾開胃！唔錯～😋 下次lunch 唔駛下下 淨係食丼飯！唔錯～😋下次lunch 唔駛下下 淨係食丼飯！成個set 埋單$83 蚊 加一.！..............................

端午節仲要開工，真係無天理，仲要一條冷食午餐，好似有D淒涼。一條冷，食咩都好啦，最緊要有位，唔使排隊，就呢間啦。門口仲楝住個牌，精選套餐有餃子或汽水添，啱晒。攪咩呢? 雖然係公眾假期，但係話晒午飯時間，點解無客嘅?都入咗嚟就唔理咁多，睇下有咩食先。睇來睇去，都係食精選套餐吧。揀咗溏心蛋豚肉丼 $68。因為無客，所以無需等好耐就有嘢食。一 set 過，個樣睇落OK。豚肉即係瘦叉燒，都有好多片，不過豉油就多咗啲，所以食落都幾鹹。溏心蛋正正常常。日式蒸蛋就夠滑幾好食。跟餐送的餃子有三隻，煎得幾香。個餐七十五蚊算係咁。食完拿臨返去執埋啲手尾，趕下場食好啲。

我中午同同事一起試試呢間野，入去分別叫左個特色便當及2個叉燒飯定食。侍應告知由於當時人客多叫特色便當，需要等耐少少，結果等了差不多20分鐘，人客已經淸到得4枱，仍未上菜。我問侍應，特色要等，那麼叉燒飯呢，她回答做緊，5分鐘後上了特色便當及送贈每位1隻餃子，食完餃子，再追問叉燒飯呢？侍應仍是答做緊，再多等5分鐘，終於俾我地啦，餓死了，但一看，我叫的叉燒非一般的，95%都是肥，雖然有5-6片叉燒，當中得2片有1/3係可見到的肉，其他就只有邊緣地帶有少許肉，結果我差不多食白飯，$68還要加一，咁的質素，一定無下次

和朋友隨意的走進去吃飯，剛踏入午飯時間，店內人流不多。雖然店名是「拉麵」，但我們發現飯類其實更吸引，就點了便當和定食。（後來發現其他食客也是吃飯為主！）下單後店員主動說給我們送2客餃子😳餃子上桌時是熱的，只是感覺不太像日式餃子，反而像現成買的煎餃。如果不是送的就會覺得「唔抵」了～↑我點的是鰻魚便當，配搭的有刺身、蒸蛋、天婦羅和沙津！正適合我這種甚麼都想吃一點的人！刺身夠凍，也沒有霉味，天婦羅不算驚喜但起碼不會太油膩。反而重點的鰻魚只有3片 味道是不錯但份量真的太少了～蒸蛋稍咸，蛋味也不重。味噌湯的味噌也不太「味噌」，主要吃到的是海帶的咸味。 ↑朋友點的炸雞便當，炸雞夠熱夠脆，裡面滑嫩多汁，有驚喜！↑朋友點的滑蛋豬扒飯，豬扒看上去很「橙」，感覺好像現成買的冰鮮炸豬扒⋯⋯總括來說，炸雞值得一試！便當也抵食！

9點放工諗住試下新野，間野冇人以為就收鋪，入去睇餐牌都知奶奶地野，d 相影到咁衰，再睇openrice 有6x 個good 就比次機會試下，叫左個豬骨拉面，八十幾蚊一個拉面，d味仲衰過味千，d湯好淡，差燒得兩塊，d 配菜有d 臭臭哋(d 筍味有d 難頂) ，真係比個招牌呃左，元祖札幌拉面，so9sad,

工作地方在附近，服務一流，一有機會就會黎問洗唔洗加湯同白飯，食到家人抱住個肚走，好滿足，香港依架好少服務好，食物好，態度好，抵食既餐廳。咁方便，會同家人多啲黎。

我同男朋友都好鍾意去日本食日本野，但以家工作忙成日都無時間去。我地特別鍾意去北海道，而北海道味噌拉麵，當中濃郁湯底係我地最愛。雖然無時間去日本，但點知有日俾我地發現依間良心日本小店，俾我地一解鄉愁。我同男朋友各人叫左個定食，我叫左我最愛唐揚炸雞拉麵。味噌湯底陪彈牙拉麵，食得出由日籍師傅親手製作對美食的耐心同心機。我討厭現時好多餐廳都要限你時間用餐，整出黎食物又無水盡。但係依間由日籍師傅打點的小店，我食得出廚師對日本美食品質我執著，而且環境舒服，真係好有日劇入面，你同朋友品酒當歌，放工後於居酒屋飲下啤酒，將一日工作壓力都消除感覺。所以，如果你都鍾意日本，又要解鄉愁，我整力推薦依間餐廳！

哥哥成日去呢度食，話都唔錯，唔知食咩，又唔貴可以試下無咩胃口，我同男友只係叫一人一碗拉麵，兩碗麵賣相差唔多，而且男友快遞就食 (濃湯醬油)，話唔比我影相，單影下自己個碗牛油鹽湯拉麵算，個湯唔錯清清地唔係死咸，但點鮮牛油細塊成咁，仲要多塊牛油貴$10感覺唔抵，第二間好大塊牛油嗎， 叉燒好淺色好似無味，但估唔到有清香鹵水既味道，肥瘦平均，配菜粟米/芽菜/昆布都好多下，麵質都唔錯夠爽同彈，最驚又稔又有皂水味都唔知咩黎

今日去完d 2 place 本身諗住食和牛！點知佢執咗笠跟住我哋望到對面有間札幌！跟住之後行過去睇下！ 喺門口店員已經介紹新張期間呢飯入咗食都會送餃子！跟住我哋三個人就諗住試吓啦！入到去打開個Menu咁全部都係套餐！一見到鰻魚飯就即時心心眼我哋就帶咗兩個鰻魚飯同一個拉麵同埋四個小食！個鰻魚飯有驚喜 ！鰻魚好嫩滑！飯都係用返珍珠米！咁我哋仲叫咗個凍豆腐嘅原先我哋對豆腐都冇乜期望嘅諗住佢都係用百福豆腐！點知原來佢係用返日本嘅豆腐！係滑好多個泡菜辣豬肉！勁好食係食唔停！下次會再帶媽媽黎試！服務一流！

昨晚因家人強烈要求要吃拉麵，所以便去了這家已幫襯過兩次的拉麶店，心想萬無一失啦! 殊不知大錯特錯，之前兩次都是吃午餐，算可以接受! 只覺得它的燒雞汁很hea，只得豉油味(沒有加任何木魚、鰹魚或昆布煮)。但昨晚因太餓，一坐下便叫了餃子、酥炸尤魚鬚、豚骨拉麵、鹽味牛油拉麵、燒汁雞扒飯，第一個來的是餃子，味道不過不失，第二個來的是酥炸尤魚鬚，油膩、半點都不酥，第三個來旳是燒汁雞扒飯，一如上次的經驗，燒汁除了豉油味(咸)無其他，第四個到的是豚骨拉麵，除了椰菜、粟米...等的配菜外，只得『一塊叉燒』，小孩馬上投訴太少，這時最後一個到了，很期待的鹽味牛油拉麵，因為在北道吃過，很令人回味，但一放下之後，先用鼻子一嗅，便發覺不妥，因為撲鼻而來的一陣『混雜了極臭的海水的咸味』的湯，令人反胃，立即向侍應反映，殊不知該位十下十下的侍應聽完就算，全無反映到我的意見。但實在是太餓了，我要把麵全部撈起，借用家人叫的豚骨湯才勉強填飽肚，最後結脹時找另一位侍應反映，竟被質疑我食唔慣果啲『筍味』喎!最後決定永不光顧!

是日LUNCH選擇食定食。滑蛋吉列豬排定食($70+10%)配醃黃瓜、蓮藕，味噌湯前菜好味，酸酸甜甜，好開胃。主菜失色，滑蛋唔滑，炸豬扒淋曬。12:30前落單有8折。餐廳裝修是日式風格，待應亦有日本人嘅感覺不過位置窄，坐得唔舒服。食物味道普通，70蚊一個午市定食，偏貴

相信近期最熱爆的鰻魚飯，大家都會話係好似巨型鰻魚壽司的原條鰻魚飯。今日已經係我放工後第二次黎，都仲係長長的人龍，訂位booking 去到兩星期後⋯由於太肚餓，放工又攰，所以就過左黎呢間食，結果有驚喜喎首先，佢個裝修都幾有日本居酒屋風格，坐得舒服，好relax~ 原來老闆仲係日本人，仲比左張送3隻餃子的coupon 我地， 真係失覺曬由於好想食鰻魚飯，所以都係照order 鰻魚飯鰻魚飯份量ok, 飯粒都幾好食，食得出係日本米不過比對面的原條鰻魚飯，鰻魚的份量當然令我地失望啦，但味道真的不錯送的3隻餃子都煎得脆口，內涵多汁，比錢都抵叫另外仲點左個炸雞配迷利拉麵，炸雞外脆內多汁，睇黎呢間店炸物做得不錯拉麵的賣相較平實，上枱時真有點失望但原來拉麵彈牙，湯底又好味，可惜冇加大，好快就食曬呢間居酒屋，絕對會再黎呀

小弟一家每隔一至兩年嘅暑假就會去日本一次，而拉麵店就係必到“景點”，無論東京、大阪、北海道、沖繩，每次出發前都會做足功課，睇吓要去邊間拉麵店幫襯。不過暑假今年老婆又大肚，如果帶埋兩隻小魔怪就會好辛苦，所以今年決定留起香港。雖然香港都有一兩間所謂日本麵店嘅分店(例如一X),不過始終覺得無起日本正店嘅咁好食，硬係覺得香港分店啲麵變得遷就香港人嘅口味。同事同我講，佢起銅鑼灣食過一間非常日本風味嘅日本料理，仲講我知佢個日本老闆打算起我屋企附近開鋪，叫我去搵吓起邊度。嗱，我緊係去openrice搵啦，點知openrice寫個地址就啱，地圖就錯到離晒大譜。搞到我要由近美孚嘅青山道行到去長沙灣頭深水埗尾，足足行咗我廿幾分鐘!!! 唔該openrice跟進吓啦。間鋪嘅隔局，一個字，掂! 好有日本小店嘅感覺。起門口仲有啲送餃子嘅coupon任攞，不過寫住2015年，小弟以防有詐，攞住張coupon入去問清楚，個日本人老闆用唔鹹唔淡嘅廣東話同我講無問題，咁我就坐底試吓啦。我叫咗個細拉麵(濃味麵豉湯底)加三文魚壽司，仲有送嗰碟煎餃子。一條友嚟講，份量似乎真係多咗啲，鬼叫我貪心要埋碟送嘅餃子咩……味道，三文魚

最初惠顧此店，是位於中環交易廣場，當時驚為天人！成為我最愛的拉麵店。後來雖然不斷搬遷，我們也一直追隨。食物水準一直保持到，麵條有咬口，湯底香濃。這次竟然搬到九龍的荔枝角，以後去就方便得多！