本家韓國料理

营业中

休息中

尖沙咀出名韓國餐廳多，由於小妹在尖沙咀工作多年，沒膽說食過尖咀所有韓國餐廳，但也有七八成了。新一年的第一餐獨食午餐就去了本家，㨂了我在韓國餐廳最常食的豆腐湯飯，讚！首先，我只一人光顧噢，而且係午巿，但伴菜竟然豐富如此，種類及質數絕不敷衍喲，比起其他韓國餐廳午巿伴菜了了兩三碟，這裡真的有點受寵若驚了。豆腐湯😍，清爽利落的水嫩豆腐，滑而不黏，比豆腐花還要滑。伴上半熟蛋，蜆，雜菜等等配料，好豐富，加上鮮味辣湯，真是滿足！令人感到誠意滿足的一頓午餐！！也是試過七八成韓餐廰中，最豐富，味道材料最出色的豆腐湯飯。Ref午餐L16 豆腐腦辣湯+白飯：$60+10%=$66

新派韓菜如甚麼炸雞甚麼芝士拉絲都唔係話唔好食，but，我都係鍾意正宗老派果啲，有佗地阿豬媽就更正😝..話説昨晚食完四件KFC 都唔覺食過嘢嘅時候俾豬隊友call 去本家話食宵夜，喂！我 on diet 緊呀！ 但係本家又真係好吸引喎，今晚一於豬隊友撞阿豬媽！..今次唔食佢Signature 烤肉，簡簡單單一砵막걸리，一客生牛肉，一個魚子辣湯加個八爪魚泡菜豬肉窩，加埋本家秘制泡菜，好邪惡！..本家係做正宗韓國菜，烤肉，牛腸，烤魚同小食都好得，加埋正宗阿豬媽嘅服務，除咗貴💰💰💰💰，冇挑剔👍🏼

There are so many restaurants in TST. Bonga is the best one for me.The food is always good. specially korean soup is good. we ordered soft tofu soup and spicy beef soup both were good.Side dishes were also good. Highly recommend this restaurant for lunch.

星期五夜晚放工行咗一陣尖沙咀就喺附近搵嘢食朋友話聽講呢間都唔錯所以就上咗嚟食環境都算闊落一入去好多阿豬媽會招呼你不過就會一開始就問你燒唔燒肉咁我哋係睇緊Menu叫佢等陣先期間佢都問咗幾次燒唔燒，睇嚟燒肉好賺好多最後我地得兩個人就費事燒肉叫兩個主食就算佢嗰度啲嘢價錢都係$100以上我哋叫咗碟炒粉絲，牛肉唔係好多，但勝在味道好，不過一點要$110睇佢用嘅料其實覺得唔算值，不過係用嚟交鋪租係咪想煮食之前佢開放左呢五碟喺枱個人覺得最好食係個豆腐其他就普普通通啦我哋另外仲叫咗個牛骨湯，佢會另外有一小碗飯， +1小我哋另外仲叫咗個牛骨湯，佢會另外有一小碗飯， 加一小碟鹽牛骨湯比較清，認真咁食都食得出有牛味，入邊有大概四舊類似牛仔骨既肉骨偏多，冇乜味有少少脂肪正正常常啦佢好似同炒粉絲同價，我個人會鍾意炒粉絲另外呢度其實都見到有啲韓國人幫襯，我諗佢哋嘅味道都算係正宗，同埋啲侍應好似個個都係識韓文，所以如果想是正宗韓國菜可以過嚟試吓不過我個人唔係好鍾意佢哋嘅態度就係不停咁催你買單因為唔係叫燒肉所以限時

今次係韓國朋友帶我來吃韓國燒肉因為佢知我鍾意食燒豬腩肉我嘅食評都有食不同燒肉就知道我鍾意食燒肉啦...haha 每次食韓燒我一定order 嘅有燒腩肉同埋海鮮薄餅，今次都唔例外除咗豬腩肉之外，侍應介紹咗我哋食呢個特大牛排骨$280 海鮮蔥餅$130 豬腩肉$120 Menu , 價錢我覺得唔算貴燒豬腩肉終於嚟啦，黎到比我想像中份量多，而且半肥瘦之前食過有啲餐廳係好瘦嘅燒出嚟唔好食～呢到呢個我會再來 特大牛排骨沒有推薦錯！份量也是比我想像中多而且肉汁多服務都算好 , 侍應已經有不停幫我地換網同埋fill 水，又幫我地燒肉很快我會再來的～～

在香港，韓國料理店有很多，但大多已本地化或只有形似，而尖沙咀的本家則是少數正宗的日本料理店內面積不大，對於我們十個人來說台只有寥寥數張，因此必須訂位先上前菜已經讓人目不暇給，其中以泡菜及 茄子最為好味我們點了兩個4人餐，但份量充足，每個餐包括一個韓式鍋及大量肉類所有肉類均十分新鮮，燒起來也不會過老生拌牛肉非常鮮味，推荐海蝦亦是不錯之選，吃得出的鮮甜老板娘特意送上即日製泡菜，難以形容的美味，辣度十足額外點了豬血糕，口感豐富又不膩總的來說，這家店大部份食物都很美味而且正宗，十分推薦喜愛韓菜的朋友

本家好窩心，從樓下已有店員幫我禁lift上樓，店員會主動幫食客燒烤/分食物，教你點食法為之好食，老闆娘仲特登走來提我哋個冷麵要快D食最好品嘗，真心覺得燒烤係最好食，店員推薦特大牛肋骨係超好食，唔駛點醬已好夠味，另外，Menu上有比較有特色既韓國菜，如豆漿冷麵，清壺海鮮切麵等，對比市面韓食店，算係多元化同多種類選擇，餐廳亦坐得舒服，無論食物質素同服務都值得再來👍🏻👍🏻👍🏻唯一不足是倒茶次數不夠密

是日食韓國菜😀由於今日係星期五,所以事前都打電話去Book左檯先,順便問下有無限時交檯,我哋幾個朋友都係在乎可以坐耐d多過食物質素,Book既時候呢間話星期五只要客人選擇燒肉就唔會限時,咁我哋就揀咗呢度啦!黎到既時候店員安排咗卡位畀我哋,因為友人未到,我哋坐咗5分鐘左右, 店員開始不斷行黎叫我哋落單,其實我哋一直睇緊menu, 不過想等人齊先叫嘢食,當店員第一次走埋嚟提議我哋叫燒肉嘅時候,感覺還不錯,但之後店員走過嚟三四次,每次都推介我哋叫燒肉,感覺有啲差,好似好趕時間咁。而我哋除咗叫燒肉之外亦有叫熟食,不過店員依然係再叫我哋叫多d燒肉。食物終於嚟到,呢度有樣好,原來店員會幫你燒埋,唔使自己落手 話說我哋叫咗一客五花腩一客牛肉,五花腩油份充足,燒起好香口,牛肉就一般。一客大醬豆腐湯,麵豉味都幾重。海鮮煎餅, 雖然以鐵板上,但係因為冷氣比較大好快就凍,食既時候會放上烤爐熱一熱佢,粉比較厚,一般。石頭飯不過不失,店員會俾一碟辣椒醬你方便自行控制辣度。至於前菜方面,當我哋問職員可否refill菠菜及泡菜既時候,佢就話只可以refill一碟,咁我地就揀左菠菜。我哋六點入座食到八點左右,店員過嚟

光顧前身「草苑」多次 傳統味道 炆豬手韓式包豬肉水準一流現在的「本家」食物品質每況愈下，服務務態度極差😡 就是你嘅光顧係給予員工額外更多工作🤯有沒有訂枱 都先安排你近洗手間位置， 要求換位置，立即變黑.面（成功換了近門口位置）先來泡菜煎餅 （鹹 糊 潮 淋）生米酒 （偏酸）侍應即時非常盡責，當然附送黑面及提高聲量說 「只光顧小食是沒有前菜的」之後再叫 炆牛肋骨 （少乾 少柴 返熱好多次）作賤的顧客～我問侍應有沒有前菜奉上好客嘅侍應黑面不肖地答「得一人份量咋」前菜 （正常 豆腐好味 泡菜一般）燒酒 等5分鐘沒有來 問侍應 「唔該樽燒酒仲未嚟」 還是俾人黑面 即使即刻都只是拿來放低酒樽 沒有幫手開樽蓋想挑戰EQ 不妨一試

尖沙咀有太多韓國餐廳，有時真的唔知揀邊間好？之前見一位朋友常常都食同一間韓國餐廳，經他介紹完之下都忍唔住黎試試。打開menu一看，菜色頗多元化，除了一般的燒肉之外，還有好多傳統韓食，而且仲有罕有的燒鱔‼️這並非很多韓國餐廳都有架，難怪朋友超推介食呢個😆因為太多唔知點揀好，阿豬媽就建議我地揀set餐，又有得燒肉又有韓食，好 唔使煩。雖然set餐無炸醬麵，而我又特別想食，於是阿豬媽就幫我將原本的炒粉絲轉為炸醬麵(只需補差價，肉類都可以的)。這體貼位 加分👍🏻-前菜小食: 我認為食韓食，前菜都幾重要架！😙而呢間餐廳就滿足到我，款式多，而且有些在其他餐廳比較少見，如茄子，蘆薈(圖1左下角的綠色小碟)。-燒肉: 一牛一五花肉相對地略為遜色，由於阿豬媽service非常好，他們會主動地幫客人燒，甘好service當然開心，但變相會少咗自己燒肉嘅樂趣。而且佢哋一次過幫你燒好晒，牛肉燒得有點過熟，加上會容易變凍，令到有啲浪費咗嘅感覺☹️-韓食: 炸醬麵&泡菜豆腐湯呢間餐廳的韓食很道地，很正宗👍🏻尤其是炸醬麵，本人認為係香港比較難搵到好食嘅炸醬麵，因為普遍都係偏甜，但呢個炸醬麵甜度適中，加上帶有微辣，意想

我們經OpenRice預定3位，我先到攞位，看著餐牌等待⌛️不停有店員推薦醬油蟹、韓牛，我要一再說等埋朋友，人齊後商討食物期間，又是幾位姐姐不停的推薦食物，實在有點煩我們是專程來試醬油蝦的，但點餐後她們說賣光了，轉醬油蟹吧⋯⋯⋯⋯因爲價錢是貴一倍，因是友人為我慶生，所以有點不好意思，但最後也點了，再加豬手、泡菜牛腸辣鍋，飲品，醬油蟹有點咸，豬手肉質稔身，不錯的一間韓國料理。

上網睇相 覺得應該唔會太差就同朋友們誤打誤撞咁book咗呢間餐廳 我地早了半個鐘未有枱 但店員好好叫我地坐住其他位 飲杯茶睇住menu 先 先上拌菜 份量都唔少 炒雜菜最有驚喜 韓式炆豬手 $300感覺上香港好少韓國餐廳有豬手食佢的份量都大件 不過略嫌切得大舊左但都有韓國食到的風味 宮廷炒年糕 $120因為同行人有幾個都唔多舒服 所以就無揀辣年糕呢個清清地 湯汁好香牛肉味 泡菜餅 $110香脆的泡菜餅上枱前已剪好 微辣 而且好香口唔洗再點另上的汁都好好味 韓式牛肉麵火鍋 $320呢個就普普通通 牛重肉味 不過肉質唔係好好 唔太推介 石鍋伴飯 $110上菜後staff 會問你落唔落辣醬 之後就攪拌 5個人分其實都唔係好多飯架咋 濟洲柑橘汁 $25其實就係粒粒果汁 都唔推介呢個 總結呢間韓國餐廳係行平實路線而呢到的客人都係韓國人多 服務都唔錯 又坐得舒服可以一試嘅

夜晚想揾韓國嘢食，點知行到呢度，樓下有姐姐派傳單介紹話呢間韓國嘢好正宗。咁就上去睇下係咪真係咁好食啦。一坐低叫咗個魚仔前菜，送飯一流。另外前菜都有好幾款，薯仔好入味。之後叫咗韓式醬油蝦，職員仲會幫你去埋殼，有服務！另外點咗個炸醬麵，意想不到咁好食，入面黑色嘅醬汁有好多薯仔同茄子，撈麵食口感好豐富。同埋叫咗個牛肋骨。呢個湯底極甜，鐘意食甜嘢可以試下，牛肋骨好淋好多肥膏，真係好滋味。整體好滿意。會再黎食！

近排突然好想食韓國嘢，好想食啲正宗韓國料理，唔係韓燒既於是就由朋友介紹之下，黎左呢間度食啦一上到去見到每張枱都有個research牌，好彩我哋都唔輸蝕，一早book咗位姐😝😝一入到去見到好多阿豬媽，濃濃的韓國味道出哂黎！不過啲阿豬媽真係冇乜禮貌，定係我哋有語言障礙？首先我哋四個女仔嗌左招牌豬手🐷海鮮餅🍤蛋卷🥚煎銀鱈魚🐠豆配海鮮泡菜湯🍲其實都應該夠食啦？嗰阿豬媽突然黑起面，話好似唔夠喎？我哋心諗，咩叫唔夠？係咪要再嗌？定係覺得份量唔夠我哋食？呢度前菜好豐富既，有薯仔，粉絲，菠菜芽菜，泡菜，茄子，豆腐不過就唔係仼refill，只能refill一碟然後招牌豬手上枱喇，配埋一藍生菜🥬加埋啲韓國醬汁，濃濃的骨膠原海鮮餅煎得唔錯，材料好多！！不過個蔥花蛋捲就普通咗啲，同埋有啲老身既！！至於個煎比目魚係最出色嘅，啲魚肉好滑，煎得啱啱好豆腐海鮮泡菜湯調味調得好夠，熱辣辣好溫暖呀💕💕海鮮餅💕💕招牌豬手🐷💕💕煎銀鱈魚🐠💕💕蛋卷🥚💕💕🐠豆配海鮮泡菜湯🍲

在眾多韓國餐廳的尖沙咀區，今天我們選擇了「本家」。2001 開業，地點方便，近地鐵，其他交通工具也很多。傳統韓國菜。其中最喜歡前菜的小吃，如泡菜、薯仔、茄子、蓮藕、小銀魚等。🥰女兒特別點了醬油蟹、我獨愛海鮮煎餅、老闆娘推介燒鱔、另外加了一個牛肉拼盆。如果不是後來一枱香港人入座，我們已忘記了自己身在香港。食物新鮮，老闆及伙計穿梭招待。不可以與日本食店的熱情媲美，韓國人有自己的豪情洋溢，對自己的食物很有自信，每每叮囑伙計教我們怎樣食才正宗，又奇怪我為什麼一早叫了白飯，食不到餸菜真味。😅