本佐日本燒肉料理 (已結業)

原本都唔諗住打食評，所以相都無乜影，但真係太伏，忍唔住要上黎講下。去到已經見到煙霧瀰漫，抽風勁差，而且勁多野都沽清，食燒肉連燒烤醬都無，我都算啦，我都真係遲入場食。肉就普通野，牛無乜牛味，但放題都預左唔會係咩高質肉。之後伏位就黎喇，大蝦肉霉，蟶子多沙，啲蜆呢，啲肉呢？！叫咁多隻，隻隻都係咁，啲蠔又臭臭地，得青口正常放得入口。燒菠蘿都可以無菠蘿味，啲冬菇呢一陣酸臭味，係臭架！全部野得啲炸物係正常。咩都擺唔入口，唯有叫啲薯格頂住個肚啦。

大家好耐無見，當然要食好嘢啦。提議去尖沙咀食好0野，於是乎我們嚟到尖沙咀本佐日本料理食燒肉放題，它位尖沙咀赫德道4號，其實它在THE HERT 3樓，附近有很多酒吧和食肆。我們坐低後，個menu食物品種繁多，其實食燒肉是一種聯誼的好地方，待應送上IPAD，我可自己點自己中意的食物，仲可以點任食沙侓，小食、炸物和野菜，仲包埋罐野飲添。日式燒肉放題每位大約298元，其放題有海陸空其中包括：刺身船 (赤蝦、玉子、海膽、三文魚、帶子、北寄貝、八爪魚)。海鮮類(龍脷柳、蜆、燒蠔、鯖魚、貴妃蚌、青口，虎蝦、聖子)。肉類 (優質A5和牛粒、安格斯牛仔骨、西班牙一口豬、豬頸肉、黑豚里肌肉、黑豚五花肉，芝麻雞翼、地獄雞翼、日本櫻姬雞腿肉)，呢個價錢真是好抵食。而且海鮮好新鮮，特別中意食海膽的朋友一定要來食下，它的海膽特別多。刺身船 (赤蝦、玉子、海膽、三文魚、帶子、北寄貝、八爪魚)新鮮，蝦好彈牙，海膽份量比其他店舖份量為多，不會鯹味仲好甜，仲有北寄貝好爽口。 優質A5和牛粒、安格斯牛仔骨、西班牙一口豬、豬頸肉、黑豚里肌肉、黑豚五花肉，芝麻雞翼、地獄雞翼、日本櫻姬雞腿肉朋友話A5和牛粒同安格斯牛仔骨，好有

黑洞都幾中意一班朋友gathering食放題咩都有吾洗諗呢間除左有燒肉 亦有刺身壽司海鮮等食材全部用電子落單幾夠方便座低就有個燒肉拼盆 之後再可以任叫特別中意五花肉 成層脂肪夠晒肥仔海鮮有蠔 帶子 青 口 蝦全部都夠新鮮重點加上大量牛油超香口部分海鮮放好一份份 可以連埋個碟一齊燒 夠方便燒金菇好香仲有日式小食 八爪魚平時好小食到刺身方面甜蝦夠鮮甜大隻黑洞食左勁多件火炙三文魚壽司加上沙律醬好滋味食放題又點可以吾飲番罐汽水最後仲有一人一杯雪糕有朱古力 雲尼拿同士多啤梨揀食埋甜品夠晒豐富 飽飽

又到happy Friday,  於尖東跟客人完成馬拉松會議,又為著下星期工作部署一下,行經赫德道,見到各間酒吧人頭湧湧,盡是飲酒消遣的人, 我和同事不甘後人,搵左呢間本佐日式燒烤大擦一餐,輕鬆一下套餐包多款美食刺身有三文魚,帶子,海膽,八爪魚,赤蝦,玉子,三文魚好肥美, 海膽超級鮮甜,有口感, 帶子夠鮮甜高級野海鮮有虎蝦,貴妃蚌,燒蠔 ,鯖魚,蟶子,蜆, 虎蝦好大隻,肉質彈牙又鮮甜,蝦頭仲有羔,超新鮮,蟶子,蜆同埋燒蠔用左小鐵碗盛載,加入了調味,又唔會烤到乾晒,真有心思豬肉類黑豚五花肉,黑豚裡肌肉,西班牙一口豬,豬頸肉 ,五花腩甘香,一口豬肉味濃牛肉類A5和牛粒,安格斯牛仔骨,本佐秘制一口牛,漬壺牛柳條, A5和牛粒,入口即溶,牛味又夠晒濃, 本佐一口牛, 醃料很惹味雞肉類芝麻雞翼,地獄雞翼 日本櫻姬雞腿肉 , 芝麻雞翼惹味甘香,地獄雞翼微辣亦唔錯餐廳另外提供平板點選其他食物味付螺肉螺肉爽口彈牙,醬汁夠晒濃味胡麻沙律加入大量芝麻醬混和新鮮沙律菜,夠晒醒胃蟹子沙律大量新鮮蟹子,食完烤肉食番一碟就啱晒

日式燒肉放題又有刺身食，超愛呀！呢間餐廳用電子版電腦落單，可以透過電子平板電腦知道自己落咗幾多單，又可以知道order到左未，方便又環保。一個電子平板電腦在手，一眼就可以睇晒知道有咩食，仲要圖文並茂，nice!豚肉超好味，入口很爽，很值得吃！另外一口牛都超級推介大家一吃啊，非常juicy，一啖一粒，𣊬間都唔知食咗幾多肉囉！牛油金菇無限encore 又encore，因為真係超級好味！牛油既香味滲透每根金菇菜，非常滋味！除了燒肉，我更愛呢度既燒海鮮！海鮮非常新鮮又大，大蝦爽口又鮮味，超高質！另外鍾意食蠔朋友一定要試吓呢度既蠔！牛油蠔脹卜卜，牛油味超龍，又不失生蠔嘅鮮甜味，100分呢！食肉食得多會變得飽膩，呢個時候燒菠蘿就最適合！燒菠蘿酸酸甜甜，夠哂開胃解膩！小食黎講，芝麻八爪魚係我最愛！八爪魚又大又爽口，正呀！呢度既壽司有大細魚子，口感很豐富呀！飲品不是無限供應的，飲品每人只有一罐。臨走時每人還有一盒甜品....就是movenpick雪糕啊！

又食日式燒肉啦～喺尖沙咀行完街就搵咗上一間樓上嘅日式燒肉，上到去先發覺原來係新開，環境好似一般日式燒肉咁有好多卡位，闊落得來又夠晒私隱。食物呢就係半自助形式，有一份指定嘅刺身+海鮮+肉類套餐俾你，而蔬菜同小食類就可以任嗌～本身都有少少驚唔夠食，不過啲食物一黎，我就知我嘅擔心係多餘嘅。。。雞牛豬肉類各有三四款肉，基本上食到一半就已經超級飽～仲未計有刺身同埋其他小食😂好啦！唔講咁多入正題先！刺身方面係令我超級驚喜，因為除咗普通嘅三文魚甜蝦帶子等等之外，竟然有海膽呀！海膽大舊到輕易夾起，食落鮮甜又creamy🥰蝦刺身都有埋甜蝦同牡丹蝦兩種，牡丹蝦爽脆口肉，甜蝦鮮甜入口即融，一次過滿足晒我兩個願望！另外燒海鮮裡面都仲有虎蝦！好多蝦，哈哈哈。青口聖子同蜆等等嘅貝類都唔錯～鮮甜得來而且冇沙，仲有蠔都係好飽滿好大隻，蠔味十足。肉類方面，我就最鍾意和牛同埋單骨雞翼，和牛就唔使講啦，淨係肉味都贏曬～好少燒烤會見到雞翼切成單邊，我見到嘅時候勁開心😂因為易啲燒又易啲食，兩隻味分別係地獄雞翼同埋芝麻雞翼，不過我就覺得地獄雞翼唔算話好辣，對於鍾意食辣嘅我就爭咁啲⋯另外我仲嗌咗日式小食味增湯好多昆布好正～食完之後

今晚朋友話帶我出尖咀試新野，呢間［本佐日本料理］新開不久，半自助刺身燒肉放題，部份食物無限添加，包飲品一罐！有圓枱亦都有舒適寬敞既卡位，橫裝濃厚日式風味！如果刺身同燒肉二選一，我會覺得這店刺身較出色刺身類新鮮、鮮味、大件雖然唔係任食，但質素比任食高得多，適合重質不重量既食客龍蝦刺身，已經拆好曬肉燒烤類海鮮不比刺身遜色，一樣鮮味十足！上枱時見到重會郁燒烤肉類，正正常常，只是沒有刺身類驚喜！腸類，丸類，沙律，蔬菜，熱食等等都可以無限添加，不要錯過台灣腸！雖然不是任食，但絕對食得飽飽，還有貴價Movenpick雪糕甜品

今日收工同老婆逛尖沙咀撞到表弟同佢女友拍拖,所以join埋一齊食佢地原本已經訂左The Hart 3樓呢間新開張嘅日式燒肉店,我地未夠7點上去,因為客人未多,所以改成4位都仲未需要等位。餐廳面積都幾大,以一貫日式燒肉店木色系列設計,比較特別係餐廳設有bar枱位置,環形設計好適合情侶並排而坐燒野食。食物係半放題形式,部分食物係每位一份,部分係任點任食,當中最吸引一定係刺身船同A5和牛。另外4位以上預早日訂位更加送龍蝦刺身,早知我地一早約埋訂枱啦。😌刺身船刺身船好豐盛,除左有三文魚腩,帶子,北奇貝,八爪魚,甜蝦等等嘅刺身之外,最令我地驚喜係有好鮮甜嘅海膽,而且份量好多,雖然海膽唔係任食,不過呢個份量我地都已經相當滿足。😋海鮮頭盤海鮮嘅種類都好多,有青口,聖子,蠔,貴妃蚌,鯖魚同虎蝦,當中我最滿意係虎蝦,蝦肉彈牙又夠大隻,蝦頭仲有蝦膏,另外嘅海鮮味道都唔錯,尤其係表弟負責燒嘅鯖魚,外皮烤脆之餘,魚肉都仲係咁嫩滑。燒肉拼盤每位一份嘅燒肉有別於一般放題店,食材比較高級,牛肉,豬肉同雞肉都有好多款,牛肉有A5和牛,安格斯牛仔骨,秘製-口牛同漬壺牛柳條, A5和牛油脂豐腴,每邊微微烤香,入口即溶,牛

又到一年一度姐妹團既聚會，今年由小妹決定聚餐地點，經過一番努力既選擇後決定食燒肉，地點就擇係大家位置既中間 – 尖沙咀，一間新開既日式燒肉放題店 - 本佐。是日訂左晚上七點鐘，地點唔算難搵，一上到去門口就有隻好得意既貓貓擺設，下面就一個3D立體既logo。可能時間尚算早，客人唔算多，有一張好大圓型既bar枱，好似日式鐵板燒既bar枱咁，我地一行四人坐卡位齊齊用一個大爐燒。一坐底枱面上就有一張介紹紙，侍應介紹是晚放題係紙上全部食物各一部，之後用平板電腦落單，有分免費任食及部份肉類收費。大致上會有一個刺身船、一碟海鮮拼盤、一碟牛、一碟豬以及一碟雞翼。係食燒肉食先上一隻刺身船，極度豐富，當中包括有三文魚腩: 好肥美，一入口充滿左魚油，好好食帶子: 好鮮甜，帶子控一定要食北奇貝、八爪魚: 爽口，好鮮甜蝦: 名正言順，好鮮甜，細細隻一口一隻好適合我地咁多位淑女海膽: 份量唔少，喜歡海膽既人一定鍾意，好濃海膽味，入口即溶食完刺身船就上左海鮮拼盤青口: 大大隻好厚肉好有鮮味聖子: 第一次見呢個size既聖子，估唔到好爽口又甜，推介蠔: 好厚肉，蠔味濃貴妃蚌: 爽口唔會咬唔開，仲有海水既鮮甜虎蝦: 好

近日天氣漸涼，又係燒烤同打邊爐嘅季節，碰啱今日朋友聚會，就提議食日式燒肉啦。「本佐日本燒肉料理」位於尖沙咀赫德道，近日先至開張，喜歡試新野嘅我當然想去試下啦。晚飯時段每位$298,包刺身拼盤，海鮮頭盤同埋燒肉拼盤。之後可以無限量叫指定燒物，蔬菜，小食，沙律，炸物等等。餐廳嘅通風系統做得都幾好，入到去唔會話好大煙咁，間格方面都唔錯，令客人有一定程度嘅私隱。坐低後，店員就好快送上刺身拼盤，海鮮頭盤同埋燒肉拼盤。刺身拼盤：魚生都算新鮮，有玉子、甜蝦、赤蝦、八爪魚、海膽、北寄貝、三文魚、蟹棒同埋帶子。咁多種類入面，甜蝦同三文魚最鮮甜，賣相亦都好靚，顏色鮮艷，三文魚切得好厚，甜蝦都啖啖肉，蟹棒亦都好爽口，完全唔似係平野，非常滿足。海鮮頭盤：海鮮頭盤最出色嘅係虎蝦,大隻得嚟仲好爽甜。至於青口，上檯時已經加左芝士，鍾意食芝士嘅朋友一定會喜歡。燒肉拼盤：至於燒肉拼盤，最值得我欣賞嘅係雞翼，醃得相當入味，除此之外係單骨嘅，食起黎都相當方便。其他食物，好似螺肉，八爪魚，沙律，糖心菠蘿等等都整得相當出色，最特別嘅係佢地嘅腸仔，有別於一般燒肉店，呢度除左有普通脆皮腸之外，仲有蒜香腸、黑豚腸同埋黑椒腸，入口唔會

三五知己聚會最好就是去放題，得知尖沙咀新開了一間日式燒肉半放題，就決定去試一試，平日每位$298，星期五六日每位$328，價格雖然不便宜，但餐廳標榜很多燒肉食材都係日本引入的，質素應該有保證，還有每位包一罐飲品，另加$40就有可以任飲汽水、藍妹或指定清酒，覺得一罐飲品真係不足夠，所以我們加了$40，尤其有兩位喜愛喝清酒在場，可以盡興地喝。食物種類有刺身拼盤，海鮮， 雞肉拼盤，豬肉拼盤及牛肉拼盤， 每項會按人頭份量一次性呈上， 一次性呈上真的相當狀觀，滿桌都是食物，如要追加就要另外收費，另外還有任食項目，例如沙律，炸物小食，蔬菜類，烏冬及白飯等。 點餐都是以iPad落單的，不用浪費紙張，很環保。刺身拼盤 -8款刺身，剌身新鮮甜美，當中海膽較為出色，令人一試難忘。海鮮 - 海鮮種類都不少，有虎蝦、蠔、魚、貝殼類等，材料新鮮。 虎蝦夠大隻，經燒烤後很香， 肉質結實彈牙。雞肉拼盤 – 有芝麻雞翼、 地獄雞翼及日本櫻姬雞腿肉。最愛地獄雞翼辣辣的，最惹味。豬肉拼盤 – 有黑豚五花肉、 黑豚裡肌肉、西班牙一口豬、豬頸肉。黑豚五花肉脂肪與瘦肉相間，燒至兩面香脆，帶出甘香的肉味。牛肉拼盤 – 有A5和牛

期待已久的聚會，多年沒有見的朋友們，今晚終於有機會一齊暢飲及品嚐美食，還記得一位好友喜歡吃日式燒烤配日式清酒，就是因為這個原因我們揀選了新開張的本佐日本料理，吃日式燒肉半放題。 多人的好處，所有套餐款都可以試到。 我們的主菜有： 刺身船、海鮮頭盤、黑豚頭盤、和牛拼盤、日本雞肉頭盤等等，還有日本佐賀真送A5和牛粒,安格斯牛仔骨。 最開心就是每位再加40元 ，就可以任飲指定清酒。 另外，可以任吃黃色類別，如野菜類，小食沙律及炸物類等。（電子自助下單） 刺身船有鮮甜的海膽， 爽口的帶子，甜又爽的蝦，北寄貝又爽又有口感，玉子又夠軟綿的。肉類色澤也不錯,脂肪平均，尤期是黑豚五花肉，放上爐上燒，香氣撲鼻，令垂涎三尺🤤 A5和牛粒，也不錯，吃着鮮甜的牛肉，再喝一口清酒，再話當年，真是開心的晚上。 新鮮的聖子 ，燒熟後非常爽脆又鮮甜， 虎蝦又夠大隻又夠爽，整體來說主菜不錯。點了個炸薯條，紫蕃薯等再 喝冬瓜茶，可以下火。每款沙津也點了，朋友大讚，每款都好味道。 在夜空中，喝一杯清酒，再嚐一口燒肉，真是樂在其中。

睇完電視介紹日本燒肉，搵埋朋友一齊去食番餐，朋友話尖沙咀有間食過幾好味，放工就約埋一齊去，餐廳係三樓，係樓下望上去就見到，唔難搵餐廳用平板電腦落單，首先來隻刺身船，種類幾多，款款好新鮮，仲有我好喜歡的海膽接著就到烤海鮮，首先有個海鮮拼盤，有蟶子，魚塊，蛽，直接放上個燒烤爐就得，食落好鮮甜👍戲肉來了，烤肉好多唔同種類，有牛肉，豬肉，仲有幾款唔同味道的雞翼，加上已經有醃制，燒完味道更加美味😋除左烤肉，都有好多其他小食，牛油粟米粒都一樣好甜好味，原本想落order要碗烏冬，但已經好飽，所以最後放棄了最後連甜品都食唔落，同埋餐廳抽風做得幾好，成晚都唔覺整間餐廳好大煙，所以都食得幾舒服