木船 (已結業)

六時前人不多，一家四口不用等就有位了，可惜是無BB坐椅，小朋友要脆著吃飯。叫了椰菜苗（走辣），十分滋味，材料新鮮，不太油。青咖哩雞，十分香椰汁味，不太辣，小朋友也能吃得下口，現在香港不易找到好味的青咖哩，多數都是稀稀的，水水的又唔夠香，呢度既青咖哩應該落左唔少椰漿，好香好濃，配左薄餅食真係一流，薄餅用高身膠杯上枱，賣相十分不錯。叫了椰青飯，一開頭睇到價錢要百幾蚊覺得都幾貴，但上枱就覺得值！份量十足，好多椰漿在飯上邊，海鮮都好足料，味道好好！另外叫左個椰青冰，又係大大杯，夠兩個人飲，都幾抵飲！冰到牙都麻麻地...好味呀！成間鋪唔算大，走我時七點幾坐滿曬人，門口仲有好多人等位，味道賣相都好，難怪咁多人排隊！

第二次幫襯，對上一次食左個椰漿飯覺得十分出色！今次試下青咖喱！同樣十分好味，配薄餅真係一流，但係牛腩就煮得唔夠林了！蔬菜叫左個椰菜苗，好爽口，味道好好。另外叫左個海南雞飯，味道十份普通，雞有點乾，飯無咩味，都無任何汁可以點，令人好失望。仲叫左個小食拼盤，全部都炸得好髮脆，庶蝦味道好好可惜肉太少，網絲春卷好新鮮鬆脆！魚餅唔夠香料味但係都ok,仲有粒唔知係魚定蝦丸，味道都唔錯。食完行上太和火車站好近，有機會一定嚟試下菠蘿炒飯！

因為有Apps可以平和上網見到食評唔錯所以才試這間，一入門口覺得店舖裝修都OK，但店舖不大，所以如果多人一齊食就必須先定位。我們一行二人，分別叫了兩個主菜，泰式燒豬手：燒豬手外皮好脆，好似食緊薯片，而且有薯條、少量蔬菜跟豬手上，燒豬手嘅醬汁好好味，但啲肉就有d鹹，如果人少唔建議食因為好滯;另外叫了一個鮮蝦炒金邊粉，賣相同味道都OK，值得一試👍🏻。服務方面：店舖不大，職員主動性欠缺，因客人要叫好幾次才會過來收碟和唔會主動為客人加水，店舖有限時制度

木船係大埔好出名既泰國菜，次次行過都好多人，今晚朋友堅持話想食，我地就等盒啦。等咗陣都好快入到去，叫咗好多喜歡既野食！Combo小食拼盤有我最鍾意的炸蝦餅，炸得好香好甜，春卷同墨魚芧餅都唔錯，香口小吃！泰式鳳爪沙律，撈得好入味，鳳爪都幾多下，四個人食每人都有2-3隻，沙律小小酸微微唔算好辣，好岩香港人口味。流心芝士蝦波波，嘩好大粒好似長洲大魚蛋咁大粒，粒粒都包滿芝士，切開一半見到啲芝士拉絲，呢碟小食一上枱一秒就無晒。公車諗霸，即係生蝦，好大隻，飲質新鮮彈牙！溶岩椰青海鮮焗飯，呢個飯勁有賣相，啲芝士忌廉多到瀉出黎，插埋海鮮係椰青上面，視覺畫面勁豐富，海鮮有蝦、青口、帶子等！泰式鹽焗烏頭，呢條烏頭勁入味，配上咗好多香芧、鹽、蒜伴係條魚入面一齊焗，一打開條魚就勁大陣香味撲鼻，加埋佢調較好的青、紅醬汁，呢條魚真係今晚大家最愛。雖然排咗一陣等位，但食到咁多高質泰菜都算值得一試。

今次係我第二次黎呢度食飯，記得第一次食大約係幾個月前，食完第一次後對呢間餐廳念念不忘，所以今次朋友叫我揀餐廳，我二話不說就揀左呢間喇。當晚去到好好彩咁啱有張枱唔洗等位，兩個人叫左泰北沙嗲串燒拼盤、鮮蝦帶子墨魚汁意粉、馬拉盞肉碎炒飯、青咖哩雞加薄餅。鮮蝦帶子墨魚汁意粉 ($98) : 有蟹籽，帶子，大蝦，味道不錯，而且帶子同大蝦都好爽口彈牙，意粉亦無出現黏住既情況，呢道菜重點推介。👍🏻 👍🏻脆爆芒果園 ($58) : 呢杯野超正同好大杯好足料有果肉、爆谷、忌廉，而且賣相一流，飲落有啲似芒果奶昔，其實真係似甜品多過似飲品，每次黎指定叫呢杯。👍🏻 👍🏻 👍🏻青咖哩雞加薄餅 ($103) : 雖然係青咖哩，但味道唔算辣，反而有香滑濃濃既椰香味，而且雞肉幾嫩滑一啲都唔韌，薄餅點埋青咖哩汁食無得輸。👍🏻 👍🏻 馬拉盞肉碎炒飯 ($72) : 份量屬大碟，調味唔錯而且炒得夠鑊氣，價錢亦相當抵，屬多人飯局首選，抵食又大件。到最後兩個大男人食到想死先食得哂，應該叫少一款餸就剛剛好喇，不過埋單都係五百幾相當抵。

今日來到大埔區搵食，喺太和站B出口出來穿過屋邨再過條馬路就到咗“木屋”喇。Wooden Boat ，貫徹始終，由門口嘅彩色木條裝飾、門面到推開門嘅一條木製船，不折不扣一個“木”字，如果連門口排隊等候的膠櫈亦都係，咁就絕了餐廳地方唔算好大，菜式選擇亦中規中矩，睇吓我哋两個人叫咗一份lunch set海南雞飯配鹹檸七，見有個餐叫薑汁牛肉通粉，由於未試過，咁貪新鮮係人嘅本性，於是就叫咗一份來試吓，今次配嘅係泰國傳統飲品青檸梳打，咁先配合泰式餐廳嘅主題嘛等了一陣，飲品來先，跟住2個餐亦都上埋，見都幾大份，而2個人亦唔係大吃之人，所以就唔叫D小食，雖然睇餐牌都幾吸引。海南雞飯，賣相吸引，配菜紅蘿蔔，青瓜酸酸甜甜，好味，而所有雞皮亦成為我同伴的口中物，冇浪費到，D雞肉有雞味同埋非常嫩滑。牛肉通粉D牛肉多到……爭D見唔到通粉

每次經過呢間位於太和既木船泰菜都有唔少人排隊等位，今日我終於食到喇。餐廳環境以海洋風和船做主題，感覺modern。呢度既飲品選擇多，尤其是沙冰的口味。我點了泰公主士多啤梨沙冰，飲落酸酸甜甜，唔會有藥水味。朋友點了渡假風的菠椰沙冰，原個上的椰青沙冰份量十足，椰香味重，mix埋少少菠蘿味，味道唔錯。Combo小食拼盤$52 還蠻豐富的，泰式春卷熱騰騰香脆可口，魚餅夠大塊，還有好好食的炸蔗蝦。服務員上菜時友善提醒小心辣粉過辣。蝦炒金邊粉賣相和份量都唔錯，味道也調得相當好，唔會過酸/過淡，可以根據個人口味加辣粉。冬陰公明爐烏頭$138誠推呢道菜比大家，喜歡冬陰公湯又喜歡食魚的朋友，一次過滿足你兩個願望！烏頭相當大條，識得夾開魚肉其實唔會話好多骨，而且魚肉鮮甜，配上冬陰公湯底味道豐富。配料也有唔少的菇，超抵食！好耐無食到咁滿足的泰國菜了！性價比之選

🇭🇰#香港捐窿捐罅記泰國菜對中意食辣既人係幾受歡迎 😏因為好多菜式都辣😌 今日就帶大家食一間 係食評網上都有幾多好評 而且成日都大排長龍☺️ 睇下係咪真係咁正先☺️-🍘溶岩椰青海鮮焗飯($158)個飯底用左椰青肉去炒 所以食落去有一種好清新既甜🤤 入面好足料 青口，帶子，蝦，啖啖都食到海鮮🦞 椰漿好濃 好creamy 好rich 食落去好滿足😌 而且份量大 夠兩個人分👍👍🍯 特濃冬蔭功配虎蝦（$88）冬蔭功太足料頭😂 我每一啖都食到唔同既料 搞到我唔可以好好咁飲 😅 味道方面 就唔太夠辣 可能係因為為左就香港人口味🙂🥤頂隱勾魂泰茶配鮮忌廉（$32）香港人咁中意飮奶茶🥤但我相信大部分人其實都未飲過泰式奶茶🤤 泰式奶茶味道比較甜同滑☺️雖然未必好過港式奶茶 但試下都好😏🤤總結來說 的確係一間比較高質既泰國菜☺️ 而且價錢幾合理 大家可以去試下😌-🎈大埔太和路34號翠怡花園地下-平均傷害：$153好味值：6.5/10

今日再尼到大埔食野，木船，名不虛傳，入面真係裝修到好似木船咁環境已經加哂分，啲staff又係好醒目！佢啲沙冰非常吸引～我地叫左兩個都係推介嘅，一個係芒果+popcorn沙冰一上尼已經覺得嘩！勁靚呀，同埋都幾大杯（溫馨提示，佢裝得好滿，所以影完相記住飲兩啖先，如果唔係啲cream溶落個杯到就會好污糟）另外一杯就係椰子加菠蘿🍍個菠蘿超級鮮甜，椰子味都好重好香～叫左一個小食拼盤，個汁甜甜地，而且啲野食都唔會炸到燶哂，值得讚賞！個墨魚餅口感非常好，feel到每樣野都係真係材實料！鮮蝦金邊粉，見到好多人都食尼個呀，個蛋好靚喇首先，雖然我唔係好食得辣，但係佢個辣係好香係會令你好想繼續食落去！加埋個蛋咁樣好好味！叫左個酸辣烏頭！估唔到係咁好味！條魚非常滑，同埋好入味，唔會淨係得個辣，勁中意尼個！最後連側邊啲菇同個湯都食，酸酸地 好少辣真係好好味（岩哂同我一樣唔係好食得辣嘅人！）

中午來過木船，記得set lunch也是挺不錯的，這次來吃晚飯，也覺得很滿意。大埔太和區沒有很多東南亞選擇，難得木船提供泰菜，小店子裝修比較活力，我更喜歡卡通壁畫。點了小食拼盤，很喜歡配上很多生菜，炸魚肉咸香與生菜是perfect match! 炸得熱熱卻不太油。炒金邊粉是我的推介，有四隻飽滿的蝦而且也夠爽口，多配料也是這菜色的靈魂地方，喜歡泰菜也是因為口味複雜味道突出！好了，明爐酸辣魚是嗅到味道就知湯出色，味道果然很好，酸比辣多，正中下懷，魚也肥美。不得不提飲品，沙冰是少有的鮮果味，不會只喝得出假糖水，份量也是巨型級數，我覺得泰菜還是要配杯冰凍飲品才能更能提升辣味的香。平日都滿座，似乎大埔友都很喜歡木船。

成日食黎食去唔係西餐就日本菜，今次一於試下甚少食既泰國菜！今日放工係大埔，上網搵下邊到有泰國菜，除左大尾篤之外，估唔到近近地太和都有間叫「木船」，仲要好吸引，一於去試下！晚飯時段黎到已經爆場，好快就有位！餐廳裝修好特別，配合返泰國既特色，啲椅子係水桶形，環境都幾舒服！今次試左個combo小食拼盤（$52），有4款小食，黎到熱辣辣網卷好脆口，庶蝦好多蝦肉口感豐富！跟著叫左個珍寶招牌木船湯河，材料超級豐富，有牛丸魚蛋手撕雞牛腩扎肉，勁大碗，湯底好濃好有牛骨味，值得一試！見到推介冬陰公明爐烏頭就試下，湯底唔算太辣，烏頭好大條，好入味，好底食！另外仲叫左2杯沙冰，一杯脆爆芒果團，一杯泰國巧克力巨人！嘩，一黎到原來好大杯！芒果沙冰面頭有幾粒爆谷，底層仲有芒果布甸，芒果麻糬，口感勁豐富，芒果又唔酸甜甜地，正！巧克力巨人面頭同入面都有oreo餅，仲有kitcat 同朱古力醬，整體都幾好唔算太甜！今餐真係好滿足，2個人食到捧住個肚走！哈哈😄

< 再訪木船 >已經係第二次嚟食啦，我係咁同朋友勁讚e間木船， 叫佢一定要同我一齊食，終於琴日放工專程去食！< relax >入面環境佈置舒適, 燈光柔和, 整體感覺舒服！😌點左幾道餸同drink!😎<泰式鳳爪沙律>68hkd好大碟，味道清新開胃，酸酸地，又有D辣味。<熔岩椰青海鮮焗飯>158hkd好大盆好搶眼！d飯炒得好香，味道同椰青槳出奇地夾！除左炒飯，仲有青口、蝦同帶子海鮮！👍👍餐廳好細心，食完飯餸，仲有杯椰青水解解渴！<海南雞> 118hkd半隻，啲雞唔會過熟，肉質嫩滑，點埋薑蓉最夾！😊<小食拼盤>52hkd有遮蝦，春卷、魚餅等等，全部都爽脆，材料新鮮！👍< 推薦脆爆芒果園 > 58hkd最後飲埋杯飲品，完全可以當甜品食買，入面配料豐富，有芒果糯米糍、炮谷、同好多芒果肉，成杯都好香甜，有好多口感！<乳酪多啲莓> 48hkd另外，叫咗杯多啲乳酪多啲莓，呢杯感覺清新，味道酸酸甜甜

病左兩天，真的什麼都冇食過。 好彩今天可以和同事一起去食餐好，補充一下之前失去的，補充下營養。木船，成日幻想去坐木船去遊山玩水；同另一半一邊撐船一邊享受佳餚美景，人生一大樂事了。喂呀…快d 返回木船餐廳食嘢啦…好少見到以真木為牆身的餐廳，有溫暖感入到去餐廳，好似身在木船內，店內都好木船感覺，好寫意……好喜歡睇ｍｅｎｕ，印刷及拍攝很美，慢慢點食飯，享受美食。一本精美的Menu，除了攝影師，印刷商，仲有Mr. Master Chef.........特濃冬陰功湯配虎蝦 ：我們口感比較正宗，湯味濃郁，湯料十足，虎蝦好大隻。。。。。真的好好好味道～特濃冬陰功湯配虎蝦 ２人份量，再可以每人２碗，真的細心，２人唔使讓，一起飲。Combo 小食拼盆（大）：雜錦泰國小食，有釀無骨雞翼，甜蔗蝦，春卷， 魚肉片及魚波波配上泰式甜酸醬，好好味軟殼蟹泰式辣墨魚汁意粉 : 墨汁意粉唔會太多汁，唔使食到成口都係黑漆漆。檸檬梳打 ＆ 鹽檸七：泰國檸檬及鹽檸真的很配Seven Up。。。。。。Cheers Up美好的meal........ Nice~We enjoyed it

提早食冬至飯 今年同老人家食泰國菜木船 高cp值 難道兩位長老都有讚無彈5個人食左$800幾 雖然有啲小貴不過真係要訂位 今日打電話去訂位 竟然閒日都full booking wake in 都等左差不多45分鐘高高的侍應姐姐不停同我地道歉 1.食物不算正宗泰國菜 味道不錯 有啲辣 2.服務一流 很忙也不停加水 換餐碟看見我們有老人家也自動給溫水 不過 木船空調開很大 有點兒冷侍應姐姐也很好 幫我們調去其他位置提外位 廁所原來在後門 很不放便

從未見過如此沒有禮貌的待應(餐廳負責人),12月9日(星期日)晚上，一行4人到此餐廳吃晚飯，但因為冬天衣服太厚及卡坐位太窄，所以我們把枱推開了－點，但那位待應堅持不給我們這樣做，此刻便開始罵戰，還趕我們走,真是從來也沒見過有這樣的待應，百年一遇，其實我們坐在最後那－張枱，推行一點，真的不影響什麼，如此的服務態度，相信也不會再去了，出外吃飯，都是想開開心心的，但換來－肚吃，這位餐廳負責人應該報讀－些有關控制EQ的課程。