木糠甜品屋 (已搬遷) 新店位置

見門口都有幾多人排隊，所以期望甚高。order左佢招牌木糠布甸&朱古力木糠布甸...只有三隻字去形容：很失望唔可以話難食，又唔可以話好食，所以好難將佢放入一個category.似食雪糕咁...d奶味又怪怪地、d餅又唔夠厚、朱古力叫做有返少少味。下次黎都要諗過先得就算黎食都叫其他野...食雪糕我寧願去其他地方食喇

每次去都係要楊枝甘露，因為好大碗，好足料，又唔貴。最impress係佢碗什果涼粉，大大碗新鮮水果，樣樣齊，廿零蚊，好抵。

may 24, 08,3人繼dinner後,來食part 2 : 1) 士多啤梨益力多布甸-試咗友人1口,士多啤梨味重,帶酸。但個人覺得有少少士多啤梨醬嘅味道影子-友人話個益力多味就唔太出 2) 原味木糠布甸-正如其他食家所講,好似食緊滑滑嘅雪糕-唔太甜,不俗-但友人嫌個層數做得少咗d 3) 椰汁珍珠紅豆涼粉-要咗花奶+椰奶-都算大碗-個珍珠煙韌中夠甜度,是成碗我最欣賞嘅地方-個紅豆沙好中式,有齊蓮子同百合,不過因為溝埋涼粉食就唔多夠甜。我本身諗住喺比較日式咁,淨+同糖水煮腍嘅紅豆粒,之後再+冰糖水-涼粉唔喺腍嗰隻但又未去到爽口嗰

四月十六日(星期三)同老公食完車記之後,佢話試下,都係我衰,我話同另一間木糠甜品屋唔同,佢又見到有榴槤布甸,就即刻入左去喇!我地叫左榴槤同埋朱古力味!食食下先覺得一樣!好似雪糕既木糠布甸,如果係雪糕我會覺得好,不過佢係布甸,都係上次o係松記,食到老公族種既木糠布甸好味d!

吃過HD的美妙雪糕+蛋糕，雖然已經好飽，但自覺還有少少quota，就把它給想食好久了的木槺甜品屋吧。當然交了招牌之一的朱古力木槺布甸，$22，所謂的朱古力就是oreo粉，可惜我稍嫌不夠“朱古力”呢。布甸就似是輕怡細滑版雪糕，少了HD濃重的奶香，不過也不錯啊。西瓜冰，$20，口渴的朋友點的飲品，不平哦，不過都算交足功課，除了冰塊，更有不少大大粒的西瓜鮮果，純天然的果汁，清清爽爽的，當然解渴又好味啦。綠茶紅豆糕，$15，這款很不理想，介紹的甜品圖片就真是好靚，可是實物就…味道更是…糕的綠茶味很不均勻，或者吃不出來，或者濃到哭；鑲嵌的紅豆也硬得很，更有少少有些發酸，不知是否變質了，總之是吃得不太開心了。有意思的是叫了一杯冰水，上來時發現是…一杯子的冰塊+一杯熱水，sound off…anyway，服務其實都不錯的。其實整體水準不差的，木槺更算得好味呢，可惜是在驚艷的HD雪糕之后，就有些失色了…不過我還是會再來的，下次就specialize一點，只吃木槺好啦。

I have tried all their sawdust pudding flavours, original, blueberry, strawberry, chocolate, ginger.Frankly chocolate and the original are the best.Strawberry s also good too, with bits of strawberry in it.As for blueberry, cant taste much.

放左工同ar cat去左木糠食野~因為聽聞果度ge木糠布甸好好食~去到門口已經見到好多人喇~等左一陣就有位喇~我地叫左2個布甸,一個係原味,一個係藍莓味,仲叫左碟蘿蔔魚蛋~三樣野只有個原咪布甸好食!藍莓布甸真係淨係得藍莓味,冇布甸味,而碟蘿蔔魚蛋真係唔洗講~直頭係完全唔得!!!蘿蔔同魚蛋都係冇味ge!淡到食唔落......

係ＳＯＧＯ買完野，口痕，想食甜野，本身想去ＦＯＯＤ　ＣＯＵＲＴ食豆沙餅，但ＲＵＳＨ　ＨＯＵＲ一定勁多人，結果黎左呢度食芒果ＰＡＮＣＡＫＥ！ＷＯＷ！我自己一個人，冇打算食咁多野，點知見到舊ＰＡＮＣＡＫＥ果陣直頭就嚇親，完全唔知會咁大舊，心諗：〔死啦！我實食唔哂架喎〕，ＷＡＩＴＥＲ見我好似有Ｄ　Ｏ咀，佢即刻問我使唔使ＣＵＴ一半拎走，見佢咁細心，即刻加分啦！食落，ＣＲＥＡＭ唔太多，皮又幾薄，芒果好厚身好大塊，雖然而家芒果唔當做，但食落又唔係好酸，相當抵食！哈哈，咁既質素同服務，一定會再黎！

07年的暑期, 朋友知道我中意食木糠布甸所以特地帶我來~~~好好味好吸引~所以今日同男朋友再來食~點知...硬到乜咁~~等等等...等到軟d食~就好似1d融左既雪糕+餅乾碎~好唔ok!!!! 退步晒!!!!不會再來~~!!試過macau沙字頭那間好味到不得之了的木糠布甸也應該不會再來!

我同我好朋友o係lunch 時間黎食木糠布甸~木糠布甸我以為好大個…但係都係一般大…不過同bibi share 就岩哂…好重奶味，都幾好食我地o係lunch 時間黎食木糠布甸~唔知係唔係呢段時間少人食甜品，好早落左order 但係要追單先有得食…等左勁耐囉…(個人懷疑一早有但係無拎黎) ~ 哀!! >.<

2人飯後經過這家甜品店見到"芝麻木糠布甸"的我又起餓意HAHA叫了原味($22)和芝麻($24)發覺原味超好吃!!!連最愛黑芝麻的我也覺得如是原味的甜度剛好吃了一件又想再吃餅亦磨得夠碎真的很不錯反而芝麻就略為"唔拖唔水"冇乜芝麻味又冇乜奶味不會推介喜歡這種雪得勁硬,像雪糕般的木糠布甸吃完一點不膩不滯我估是一道較健康的甜品吧! (雖然我也不太理haha)一定會再來試試其他口味

這天，我又來了cwb 的這家甜品店。想試很久的了，本來只是想試試看，也沒甚麼期望；結果，覺得：不錯!! 是會再來的甜品店。=======================:::芝麻木糠布丁$24:::很強的芝麻味，很好! 吃完又不覺得膩~ 而且真的有多層，我覺得比澳門的沙度娜好多多多多多多了。跟其他店的比起來，這個較好是因為不會雪得硬得過份，雖也有點硬，但已算不錯。:::芒果pancake $24:::極‧力‧推‧薦!!!!!!我問那裡的一個男生：「你會推介我吃哪種味道的pancake？」結果就是這個! 果然很正!皮十分薄，不像一些店的那麼厚，又堆成一團的，那些吃起來還真的怪難受的。而且，有微微的蛋香~~~芒果十分新鮮，廚房裡的女士大聲告訴我：「即叫即切的!」真的很香甜呀，而且份量非常多! 一大片一大片的!cream 看似很多，我自己也怕cream 的，但吃這個，一點也不覺太膩太甜。份量超多，女生自己應該吃不完，最好share~====================come 2 my blog 2 c more pics & comments!http://hk.myblog.yaho

今日公司有人請tea當慶祝聖誕,我都係叫噃我既至愛「楊枝金露」! 因為上次食過超足料!!咪睇佢咁白, 以為冇料到呀! 其實搞起個底後有好多芒果汁、芒果肉、西柚肉同西米架!不過唔知點解, 今次啲料好似少咗啲喎~~

dec 18, 07晚,full team (5人)來食甜品1) 綠茶紅豆糕-有綠茶味,唔太甜,質感唔算軟,但都未至於實,適中2) 朱古力木糠布甸-用oreo餅磨成粉,分了3層,布甸嗰part似雪糕多d,多奶味,不俗3) 原味木糠布甸-其實個結構同上面朱古力味1樣,只不過用上了瑪莉餅碎,2個友人都比較喜歡這味4) 楊枝金露x 2-個人唔多好這款甜品,但因為1齊食,share都少少,d芒果肉好香甜,好典型呂宋芒味,讚-所以encore多個5) 榴槤pancake-聽說好正,睇個相就見到好足料-鳴謝友人代為影這張相因當時我好忙,雙手要用苿莉味紙巾掩鼻,咁先頂得住d榴槤味- sorry,因為掛住吹水,所以無嘜點影- 如果唔食榴槤,請先做好準備,盡量坐近門口通風位- 其實我以前去過佢個總店,呢間比較就腳

31/10/07 9:15pm放左學口痕買d甜咖番去同屋企人食買左一盒三色糯米磁(3粒)$15， 一盒芒果糯米磁(3粒)$14， 一個朱古力木槺布甸$22三色糯米磁其實都係芒果糯米磁，只不過有粒係朱古力皮，一個係綠茶皮，一個係原味~朱古力皮ok啦，唔會太甜，綠茶皮我一d都食唔出，原味芒果糯米磁都無加芒果汁整，仲要芒果係酸的，過份~仲衰過許留山~$5得咁ga水準朱古力木槺布甸味就一般啦~我喜歡屋但留下果間~又平又好食