木村拉麵 (已結業)

今日自己一個出黎食午餐, 這間店其實我想黎好耐啦, 因為佢既午餐12:30 前好平呢, 唔駛$30就一個set. 今次12:00 食飯就可以過黎哩間一試啦不過特價套餐得6款既選擇. 一見到滑蛋豬扒飯... 唔駛再揀了, 就哩個啦諗起炸豬扒就開心啦! 上菜好快呢. 可能仲未好多人.開頭見到有點失望. 點解滑蛋會係煎蛋似的... 好彩豬扒仲係炸既!食落... 噫... 塊蛋又煎得幾滑, 一d 都唔老, 仲有點蛋漿.最厲害係塊蛋係圍住塊吉豬, 而塊吉豬係脆架再加上蛋入面有少少蔥粒, 食落更香!燒汁側比較甜左一點. 但都可以.配上珍珠米, 軟硬適中, 成個飯簡直掂呀!但1點lunch time 既話就避免黎哩度食啦. 入面又細, 等位都有排等了. 而且一個set 都唔平的!

木村拉麵定時定候會轉外賣餐牌，睇吓今次有咩啱食！我買咗：滑蛋豬扒飯 $20 ( 唔要飲品 )滑蛋 - 落埋蔥粒，食落幾香，不過唔係滑蛋。豬扒 - 係吉列豬扒，即叫即炸！正呀！豬扒算厚身，入味之餘又有口感！飯 - 係珍珠米，夠飽肚。日式照燒汁 - 甜甜地，倒在飯上面，豬扒放在飯上面，亦有照燒汁，不過果部分腍咗，其餘部分仲係卜卜脆！配菜 - 椰菜已經腍咗仲有黃埋！

大約一星期，木村拉麵會轉一次外賣套餐餐單！終於，等到我想食嘅雞翼蛋包飯！So happy!!! 如果，唔要湯或飲品，可以減 $5！【雞翼蛋包飯】 不過，今次買返嚟嘅雞翼蛋包飯略有不同！過往係成隻大奄列包住炒飯 & 炸雞翼！今次係奄列包住炒飯，炸雞翼擺面，另有些椰菜，配上日式照燒汁！雞翼 ：有 3 大隻炸得金黃色嘅雞翼，好肥美！好惹味！蛋包飯 ：圓碌碌嘅奄列包住炒飯，形狀甚 CUTE ! 黃色嘅炒飯以咖哩粉同埋蛋一起炒，聞起嚟好香，令人醒胃！反而，食起嚟無辣嘅味道！但加埋日式照燒汁連奄列一齊食，絕對豐富口感！椰菜 ：淡味嘅椰菜絲配合甜甜哋嘅日式照燒汁，有中和作用！這餐份量真係夠飽，唔使飲湯或飲品都 OK ! 又有奄列同炸雞翼，夠哂滿足！

My friend and I walked around Sheung Wan looking for a good place to eat lunch and after spending 15 mins walking around, we ended up at this restaurant because it wasn't crowded - another warning sign, I guess!Sat down, looked around for lunch sets and we picked A and B.A is the the steak with fried shrimp on riceB is the Eel / mushroom baked riceWe saw some lunch sets for $25 (on a poster outside), but the waiter said it's only for takeaway.My friend showed a very shocking face when his meal a

今日想食新嘢，走咗去一間叫木村到食日本嘢。地方雖小，但係都可以坐到舒服，一點幾去到都坐咗唔少人，我哋三條友啱啱好有張四人枱。我哋三人無商量下都叫咗個D餐，煎鍋貼雞扒拉麵，首先飲品先到，然後拉麵再然後有餸，明顯地木村先生係好有心機諗d造型出嚟，碗麵有粟米粒、梛菜，仲有海帶加半隻蛋，淨係心思都值得加分，可惜碗麵得個睇字，淡而無味，真係無奈。我諗要跟餸食先可以話有些少味，鍋貼同雞扒明顯係剛剛煎好，味道可以接受，但雞有雞皮，無就更好。另外，我個朋友覺得拉麵太幼，口感唔似拉麵。最重要係，食完有種成口味精嘅感覺，家吓仲有些頭痛，一定係d味精作怪。仲會唔會去？你話呢？

四月二日(星期四)今天很不幸,早上已經覺得有點不舒服,向公司請了病假,但是有事要趕,所以下午回公司完成!肚子仍然是痛的!....和老公約在上環等,吃木村拉麵,本身我早到,但是原來要到齊才可以入!幸好老公到時仍有位,不用等見到門面貼著有特惠午餐,只是廿幾元的咖哩飯又有飲品,非常便宜!是到上環吃的好處!我們要了其他推介:分別是照燒龍利拼腸仔烏冬,老公要了咖哩雞扒飯,我飲凍檸茶,老公要了凍朱古力照燒龍利拼腸仔烏冬:龍利比較少,腸仔都算不錯,是有骨的那種,烏冬味道淡,似是水,沒有湯!感覺也很"地道"香港式的日本料理老公的咖哩雞扒飯都不錯,咖哩是包裝的那種,而飯就不是日本珍珠飯了!雞扒比較細塊飲品方面尚算可以如果大家不介意是香港式的日本料理,大可一試!!!

是日出糧而且冇帶飯,同同事係畫鬼腳嘅情況下去左木村買外賣(食豪d,叫$37午餐)我要左咖哩牛扒大蝦飯+面豉湯($37)12:50去到落單..但係13:10先攞到野食咖哩牛扒大蝦飯--------牛扒係大x樂早餐果d牛扒,不過就大塊d.個汁夠味,唔算太辣.好多薯仔.同埋隻蝦真係好大,好脆.面豉湯唔知點解有金姑係裹面,但係又幾好飲喎.

19/7(六) 2pm應該是最後一個週末到上環這工作點客串.兼職後獨個兒找點吃的.蹓躂到禧利街.數間食店頂足而立;茶記,興趣不大;泰國人海南雞,不對胃口;那便揀選這毫不起眼的拉麵店.甫入店,已感受到其狹隘的環境,密度高的木桌椅,倍增壓迫感.速戰速決為高明計策.嘗了碗蟹餅拉麵$26跟湯/餐飲.麵豉湯--偏向港式口味,鹹度過重,麵豉香似有還無.蟹餅--四粒蟹餅炸至棕黃色,質地彈牙,縱非原味重,沒雪味已合格了!拉麵--清湯底;拉麵份量蠻慷慨的,唯麵質稍腍,椰菜如事,配以半隻烚蛋,粟米粒及海苔,味道尋常!價格實惠,老闆服務還挺殷勤,廿多元的貨色,未能苛索太多.

同同事講起木村個髮膠廣告, 食飯時繼續笑, 笑到呢間叫木村既小店, 來個日食午餐.午餐$35左右, 叫了一個餃子雞翼龍脷柳飯, 同焗雜菌雞餅魚片飯.食物服務都可以, 等位又唔算多人, 餐飲我改左羅宋湯, 枓足之餘又濃又香, 比起某D西餐廳既水湯..好幾個價位.有回頭!

這裡的$10 早餐真的很抵(SARS 期間就大家都做$10 但現在附近其他都要$15 以上喇)﹐不過來來去去都是那幾款﹐有時都幾悶。但價錢的動力很強呢﹐所以耐唔耐都會來幫襯啦﹗這次要了沙爹牛肉麵﹐湯底好淡同d 麵“淋”左少少﹐下次都是要番通粉好d 喇。牛肉得3 小片﹐好彩都唔太韌﹐算ok。因為這裡的咖啡麻麻﹐所以今次改飲熱檸蜜﹐忘記了要少甜﹐不過又剛剛好﹐唔錯唔錯﹗都是那一句﹐以$10 這個價錢是完全可以收貨的喇。

都不明白公司附近那麼多茶餐廳﹐但怎麼秘書姐姐次次都在這裡叫外賣﹖選擇不多嘛﹐多吃兩次都已經不知叫甚麼才好﹗這餐要了雞翼公仔麵﹐本來是想加$5 轉拉麵的﹐但忘記了﹐所以要吃我最不喜歡的公仔麵喇﹗外賣公仔麵當然不會好吃了﹐d 麵浸都浸到“淋”晒啦﹐可幸不會一pat 糊咁。雞翼本來應該是煎得幾香的﹐不過又是那句﹐浸都浸到“淋”晒喇﹗不過就醃得都幾入味﹐味道不錯﹗下次可以改拉麵堂食再試過。飲品要檸蜜﹐差點給同事換成檸茶﹐好彩眼明手快換回來。這個檸蜜是不錯的﹐不會太甜﹐既有檸檬味又有蜜糖香﹐ok 喎﹗

全公司開夜﹐所以公數食下午茶﹗其實都冇咩想食﹐求其要了個牛柳飽餐﹐餐飲要咖啡。牛柳飽比想象中好喎﹐之少送外賣到公司來﹐再放一陣都仲暖暖地﹐而且雖然放在盒內﹐都不會焗到濕晒﹐個麵包外皮還是少少脆﹐算唔錯喎﹗牛柳則不用說都知道用梳打粉醃到又“淋”又冇味﹐不過有好多配料如番茄和洋蔥﹐都算幾惹味。最好就是洋蔥不會過熟﹐仲係脆脆地﹐口感幾好﹐食完夠飽﹐毋需食晚餐喇﹐$20 這個餐﹐我算滿意了﹗

好多時候上班前都會在這裡買早餐﹐因為這裡的外賣早餐好抵食﹐$10 就有一個湯米/通粉或者煎雙蛋多士加咖啡/茶。試過公司附近其他的$10 早餐都沒有它好。今天要了個雪菜肉絲米和熱咖啡。雖然有幾個人在排隊外賣﹐而且餐廳裡面也坐滿了人﹐但是serving 的速度奇快﹐等了一分鐘就有﹐抵讚﹗不過不是常常都這樣快的﹐有時需要等上5 分鐘o架﹗喜歡這裡的早餐是因為它份量十足﹐不像附近另外一間的小小的一份。而且夠熱﹐外賣步行到公司都要5 分鐘﹐到食時已經是10 分鐘後的事﹐那些米粉還是夠燙﹐但是又不會“淋”晒。除了雪菜肉絲﹐還有少量椰菜﹐幾健康的感覺。不過最衰就是落了“師傅”﹐食完有少少口渴。