影片
以上资料只供参考，请与餐厅确认详情
系观塘做完嘢又想食简单dinner ，捻起东广场2 楼有food court 就上咗去睇下食咩好，行咗一转最后拣咗食「朝阳越泰」，主打越南/泰国菜风味。而家天气咁热，拣咗猪扒捞檬 $45 加$18 有3件越南春卷 + 冻柠檬茶 （加$8）埋单＄73都算抵食。猪扒捞檬都算大份，入面有唔少生菜🥬丝，猪扒整得几好，又淋又入味，越南春卷热辣辣，炸得不错几好味，加埋捞檬同酸酸甜甜酱汁捞埋一齐食几match 。下次要试吓招牌泰式海南鸡饭。
继续阅读
放lunch谂唔到食咩， 就行上东广场2楼个小小美食广场， 就见到哩间朝阳越泰， 叫左个单边鸡翼捞檬，跟住加3件春卷 再加多杯柠檬茶， 埋单$73， 价位都算可以既野食方面都正常， 鸡翼捞檬料都算足， 我要多汁，个收银姐姐就比两包我， 都几好人。春卷新鲜炸，热辣辣， 不过都系市面上街市冻肉舖买到果款越式春卷。如果有多d泰越特饮就更加好。价钱正常， 野食正常， 惊喜讲唔上， 不过如果行开观塘， 又想揾d越南野食下都ok 既。不过最好先揾左位再买野食， 因为位置都唔算好多。
继续阅读
喺观塘东广场found court ，我去嘅时间仲早，所以唔使等位，我拣咗猪颈肉泰式汤檬粉汤底清清地，唔算话食完好口渴，猪颈肉香口有温度，不过就真系好细碗，男士几肯定会唔够饱
继续阅读
上年11月有嚟食过觉得几好食，个汤底几好饮，有正宗越南牛骨汤嘅味道。但系今次食，个汤好油，完全唔系越南河粉嘅汤底，变咗普通河粉。味道似鱼蛋河𠮶啲普通河粉味，怀疑转咗中国河粉所以先至咁油。碗生牛肉河粉，只有三大片牛肉，肉质几嚡，麻麻哋。猪颈肉就比以前出色，上年啲猪颈肉就烧得唔够耐。今次嘅猪颈肉系有脆边，好食😋不过唔知佢喺上面加啲葱油做乜，有啲多余。冻柠茶少甜，有帮我少到甜，正宗港式冻柠茶嘅味道。上年嘅汤头系清澈嘅牛骨汤，唔会油腻，好食啲。
继续阅读
开档初期开始食，直到12月02日，我有嘢想讲，见开饭终于搜寻到 😏，我早就自己备份先 😛食过无数咁多次嘅我，居然问我要唔要个酸汁。（唔系话熟客唔熟客）要跟与否，都唔系作为收银去决定卦？！硬系要加个人情感去判断个汁个酱系有定无 🤷♂️柯打：海南鸡河粉，理应跟住酸鸡汁。。收银主动问我要唔要，唔要就唔俾。。我心谂，点解要问，跟呢个汁系需要架啦。我见佢入紧辣椒粒外卖兜，流量大嘛，皆因小店人手做呢啲琐碎事系烦嘅，但呢啲系你公司嘅问题，其实唔系好关客嘅事，最好 cut X 埋个酸汁辣椒青柠，花少啲功夫 🙂。见佢咁问我唔要啦讲到咁 😒食过海南鸡觉得几啱口味，鸡有鸡味，有时仲有“啫喱” 😋烧猪颈肉：初期做得好好，干身够脆，就算唔热都系脆。到依家都唔系果回事 🤷♂️烧猪手：都系唔错嘅选择。（我好耐无食嘞）
继续阅读
您可能会有兴趣的...