朝花夕拾 (已結業)

今日肥妹仔冇訂坐，直接下午時間walk in，不用等位直接入座。門口一堆排列整齊乾花束真係好靚，有點似花鋪！一坐低店員立即遞上水同餐牌，介紹是日主打*朝食*(日式all day breakfast)枱面放有一枝裝著白色玫瑰的試管，好文青feel呀。肥妹仔點了*朝食*，選了南瓜伴甘栗/燒抹茶茉莉花飯團(+$8)，可惜厚燒玉子賣光，唯有多選一份小吃替代，最後共選了三份小吃:甜薯、魚旦、小女子魚乾。南瓜同栗子各一件，伴小量金菇，高湯底算清甜，沒有很重味精感。但有點唔夠喉，如果有多件南瓜或栗子就好了魚旦、甜薯、魚乾皆屬正常貨式，沒有中伏。到主角*燒抹茶茉莉花飯團*，飯面煎成飯焦，飯身配有芝麻及配料，算鬆軟，整體幾有咬口。綠茶味比茉莉花味突出，不過加8蚊值唔值就見仁見智。跟住到店員推介的*凍素麵*，一上枱真有嘩一聲，一定要比相機食先冷麵涼浸浸好適合夏天食，不過份量較少，食得之人可能要再另點嘢食了。飲品方面，肥妹仔點了蝶豆花X香茅茶，茶本身係藍色，焗5至10分鐘後加上蜜糖就變紫色。香茅味濃郁，但飲落舒服，推介總結食物有水準，蝶豆花茶同冷素麵必點！下午時段不用等位、環境清靜，店員友善服務，整體不錯。

休假日，早上攪完私事已經兩點半，專登等過了午市時間才食晏，免得同人迫。之前經過 K11 入面這個隱蔽 corner 的幾家餐廳，賣點都是 natural 健康，一直想試試，今天一嘗所願。選了這家以花為主題的日式料理餐廳，環境舒適，每張枱上都有鮮花點綴之餘周圍都被乾花包圍，將出面的繁忙鬧市隔離。小妹在日本工作過一年多，剛巧在這個少人的時段，只有兩枱客，另一枱正好坐了兩位日本女生在說日文，讓我覺得自己像回到日本似的😄。叫了個午餐鹽燒雞扒定食，加個半價的白玉蘭/茉莉花茶。花茶先上，侍應很貼心的為我提點花茶最好先等兩分鐘才會出味，另外附上一小碟蜂蜜可隨喜好添加，大愛。在這裡打卡，還會送小食合桃魚干，雖然份量很少，但好味，就算下次要我付費叫這道菜也值得。定食包括前菜漬物丶味噌湯丶芝麻醬沙律丶白飯，當然還有主角鹽燒雞扒。鹽燒雞扒帶有香脆的雞皮，卻不油膩，還有炒香的果仁碎，和細小的西蘭花，醬汗也是用西蘭花做的puree，好味。如同上面所言這裡的食品份量不多，女生食剛好還可以叫甜品。還未夠鐘去下一個appointment，想坐多一陣，多叫了一件檸檬豆腐芝士蛋糕。蛋糕面有檸檬皮碎，但沒有檸檬味，主要是豆

地點交通方便，鐵路沿線，位在K11 2樓角落，入到商場都要找一陣，餐廳面積唔大，全部都是小枱子形式，佈置上用了很多乾花，環境都尚算舒適，如果有埋花香就更好了。今天午餐來試了兩個定食，桂花糖炸雞同埋洛神花醬吉列鹿兒島豚肉；炸雞很香脆有蜜糖味，表面舖上菊花瓣，還伴上紫薯，好味道而且賣相幾好，值得推介。反而吉列鹿兒島豚肉，肉就很乾，醬汁亦食不出有洛神花味道，賣相普通，有啲失望。定食配上的白飯，昆布湯也很大碗，而且可以半價叫花茶，我試了玫瑰洛神花茶，加入附上的蜜糖喝，雖然未見特別，不過一定唔會中伏。同朋友食完飯繼續閒談，侍應走來插支膠花在枱中間，沒有趕客之意，不過十分有趣。

因為母親節夜晚食飯呢又book唔切位,而且帶住我個細妹個BB仔，驚餐廳人多又無bB chair!所以最後都係選擇去K11呢間。我地去既時候4點左！無咩人，外面街人超多！呢個時候食好舒服， 又有BB chair ( very good)其實都唔係第1 次黎架啦！今次再黎都係覺得水準一樣好好咪！特別最鐘意係佢地既桂花炸雞伴薯蓉！啲炸雞炸到卜卜面頭桂花糖好好味！佢個紫色既薯蓉好正，其實想再叫佢比多D !但又敢🤦🏻‍♀️！仲有仲有櫻花蝦炸豆腐！嗰啲櫻花蝦咁樣包住啲豆腐炸好鬼好味！好香架～ 推介！下次又係tea time 時間會再黎😌

朝花夕拾名字就像比较小资的店，光顾之前在openrice上订好了位置，但是到时候光顾的时候竟然差不多订位，安排了好久才入座，四个人的座位也很窄，两个人用餐还差不多。入座后店里的环境还是挺不错的，整个店装修的干净整洁，植被很多，色调很健康素雅，来光顾的客人一圈看下去基本都是情侣或者闺蜜聚会。点了鳗鱼饭，牛肉乌冬面，all day breakfast ，吉列牛肉粒等，上菜速度慢的令人发指，全部上齐差不多等了40来分钟，严重影响用餐体验。好在食物的质素还是不错的，除了乌冬面比较咸。尝试一次打卡还行吧，总体而言一般般。

友人約食飯，選了此餐廳，睇相片好似幾靚。去到勁失望，照片=照騙。大家都已經將店舖最美的一“小”面程現了。Book了8：30pm, 8pm 到了未留入座，全餐廳都坐滿，100%都是女生。原因都是女生都愛花吧！睇完餐牌，價格不便宜，對食物有點期望。結果有點失望。就咁睇相你是不會發現牛油果薄切到一果點。牛油果溫泉蛋沙律拌勻後完全見不到牛油果，廚師刀功一流，絕對是燈影牛油果。盛惠$86燒鯖魚，味道不錯，只有魚沒有任何配菜或白飯。魚放左沒有任何熱度的石頭上，有點無聊。難夾，d石又難洗。盛惠$104。]燒玉子，蛋燒得比較老，感覺是預先煎好再叮熱。4舊燒玉子，盛惠$72。]2人晚餐，一共$288。味道一般，環境一般，沒有重來的必要。]

同朋友慶祝生日揀來朝花夕拾做晚餐,食物選擇唔多,餐廳以花來佈置,入口仲有花買。好似話間唔時會轉餐牌,仲有唔同既花茶可供選擇。燒鯖魚,味道唔錯。上檯時朋友話有魚腥味,但我聞唔到,唔知係咪我坐得遠。炸牛仔粒,匿個幾特別,外脆但肉仲好juicy 。上檯時侍應仲專登提我地要襯熱食。燒鰻魚,一般,無咩特別。豚肉烏冬,有4塊豚肉,每塊都幾大塊。匿個比較清,OK la。仲有4款飯糰,但唔記得咗係咩材料,只記得有一個係梅,酸酸地。仲每人叫咗一種花茶,其實可以share都得,因為都好夠味,又可以加水。有單一花茶,下面嗰個係洋金菊。亦有mix既花茶,匿款係洛神花加玫瑰,酸酸的。book檯時話有限時,但因為嗰晚都無人等位,我地坐到好似收舖,我地一路坐,佢一路執野,last order要結賬先。如果唔係有限時,慢慢坐,傾下偈係唔錯既一個選擇。

哈哈，相信鍾意影相既美少女就連食野都想搵間食物賣相精緻既餐廳，實行相機食先！ 今次我同好姊妹黎左呢間食物賣相竟然可以仲靚過環境既日式餐廳。晚上時間去食如果冇預先訂台都預番要等位，而食物由點餐起到上台預番大概15分鐘，食物既份量吾算太大份，如果比較大食既朋友就可能要點多幾道菜，食物到台時真係會比佢精美既賣相吸引到忍吾住要影番張相留念，由於台與台之間既距離都吾遠，所以一路諗食咩既時候都可以順手望下隔離台食咩作參考，總括而言，隨便點都係賣相精美再加好食既！

完完全全被那文青的名字吸引，讓我們那些偽文青自我提升一下朝花夕拾當然少不了花茶，洛神玫瑰味道較正路，碗碟花則有醉人的藍紫色。我們每人叫了個Lunch set，再另加玉子。我的有個燒飯團，外面有點脆脆的，玉子則軟軟的，好好味～～鰻魚也很不錯環境優雅，坐的特別舒服😌，不失是一個放慢腳步的歇腳處

其實我們是否好大食，剛剛食完正餐現在又再食，經過這餐廳，被這些話吸引了。原本想只是喝杯東西就好了，但是看到餐牌黎的菜式又好吸引，怎麼辦？好吧！就點一些來試試.雖然我們都剛吃完東西，但我們還有胃口吃這些！真係太恐怖！這裡的環境不錯，但我們因為食繁忙時間來，所以只可以坐bar台，就沒有那麼舒服，但還不錯。食物都蠻好吃！服務員們都有認真的介紹我想要的餐！bar台上面的擺設也好精緻，忍不住又拍照了！超喜歡花。真的超多話哦！

餐廳環境及食物係ok既，但我覺得食物份量及味道唔值呢個價錢，午餐叫左兩個餐加一杯飲品兩個人要三百幾。最要係服務差，食物等左一個鐘。其他遲過我地入來時都食完走埋，我地份餐都未到。因為食客唔多，大部分都已經食緊，所以只有3枱客係等食物，而且餐廳面積唔大，職員都知道我地既餐未到，但都無打算去睇睇。中途向職員查詢過，但職員望都無望就敷衍咁答來緊，但過左15分鐘都係未有，追左幾次，結果總共等左一個鐘。食物來到放低就走，向職員查詢意見反映熱線，先有人過來話致歉，根本一開始連一句唔好意思都無打算講。

「朝花夕拾」意思係早上盛開嘅鮮花，經過一天，傍晚時分摘掉或撿起。意思係：重捨往事，舊事重提。詩意！詩意！為食客帶來一點意境 - 早上盛開嘅鮮花，經過一天，傍晚時分摘掉去這裡，製作晚餐給我們！😅有趣！有趣！我當然係為咗這意境和花🌸而來啦！餐廳門口係靚嘅。木招牌伴著乾花嘅點綴！但坐位有d過密，令食客不能舒舒服服的享用美食。食物通常有伴有小花或者花本身就係主食 - 花天婦羅、花嘅特飮，其實，花...... 食落係冇乜特別味道，只係食嘅花藝而已，gimmick 吧！

The theme of this restaurant is "Flower. It looks impressive with dried flowers and a place for flora enthusiast to enjoy. The front door is filled with dried flowers bouquet. Spent several minutes admiring the dried flowers .Japanese Style All Day BreakfastThe All Day Breakfast looks so cute. Unlike the English Breakfast, food is light and portion is small. Our All Day Breakfast includes eel, mini sweet potaote, fried fishes, seaweed rice balls and fruits. Sweet-scented Osmanthus Fried Chicken 

畢業禮後，我友人相約食飯，當作聖誕飯。來了這裡，一間很特別的餐廳，藏身於k11內。走進店內，已被其裝飾吸引，有好舒服的感覺。看menu，寫著「吃花」，食物以花入饌，有心思。晚餐點了All Day Breadfast，日式的全日早餐都係第一次食。另一個都係類似全日早餐的晚餐set，樣樣有。最好味的，我覺得係那個蛋卷和魚仔，飯團唔錯，蛋卷係想再encore的，日式帶點甜甜的味道。至於份量，男士不夠食，女士就剛應，加上每樣細細碟，可以試不同的款式的食物。見鄰桌在食茶漬飯晚餐，有機會再來要試下。這裡，想吃得飽就難些，這裡是吃「氣氛」的，如餐牌封面所寫，在吃的，是「花」。

我點了吉列鹿兒島豚配一碗白飯，價錢138，分量雖小，但約味道很好的話其實不貴，可惜賣相雖然好，但吉列豬扒的皮很厚，厚得把大量油了進去，多得我要把炸皮拆走來吃，而偏偏豚肉其實很薄，也不是很濃豚肉味。真的有點失望，應該不會回頭，這個價錢138沒有飲品，食物的份量和質素又不到位。