望月軒

营业中

休息中

食店: 望月軒張梁點餐👦🏻🧒🏻1）$ 128《雀籠點心拼盤》評分（10分滿分）：8⃣食評💬：拼盤好有特色😍有蝦餃、燒賣、蝦多士，啲蝦大大隻，咬落爽口！仲有春卷、天鵝酥同千層薑汁糕，全部都有兩件，成雙成對👩‍❤️‍👨幸福美滿！2）$22大點《四川擔擔麵》評分（10分滿分）：8⃣食評💬：嗌咗小辣，好香好麻，同平時食開嗰種擔擔麵唔同，呢到係辣味好濃，麵條彈牙，濃濃嘅四川風味！3）$35 頂點《望月小籠包》評分（10分滿分）：8️⃣食評💬：熱辣辣嘅蒸小籠包，湯汁一吸非常鮮甜，點埋醋食一流！P.s 記得平日2pm後入座有優惠時段超超超抵食👏🏼大中小點都係$22蚊喳！望月軒 (上環)📍上環干諾道中168-200號信德中心西座3樓澳門廣場3017號舖

信德中心內的3樓, 原來有一個名叫澳門廣場的地方, 內裡的環境有點像葵涌廣場。走到有點盡頭, 發現有一間中菜名叫望月軒。內裡的環境, 舒服寛敞, 落地玻璃窗面臨維多利亞港, 真是神曠心怡。HK$188成都耗子洞樟茶鴨(半隻)~上檯的時候, 已經聞到一絲絲的煙燻樟木及茶葉味道。皮薄沒帶點脂肪, 這裡將鴨烹調剛好, 肉質嫩嫩, 緊鎖肉汁。吃的時候, 不會太乾。HK$98瑤柱賽螃蟹這五個字, 他一定會必點。蛋白吸收了瑤柱的鮮味，口感嫩滑，味道似蟹非蟹，真是有趣。HK$48四川擔擔面~最少2位起的四川擔擔面, 其麵條細滑, 在惹味麻辣湯料中，麵條吸滿湯的精華, 伴著煮至惹味的豬肉碎和香口的蔥花, 真是令人值得口味。-一邊吃著樟茶鴨, 一邊看著香港的美麗風景, 一邊與朋友談天說地, 過了一個愉快的晚上。

上星期五約左朋友黎望月軒飲茶傾下計環境幾舒適, 望住海景探光一流, 坐得都幾舒服我地叫左蝦餃、燒賣皇、炸蝦多士、鳳爪排骨飯、牛肉球同芋泥燉奶蝦餃同燒賣都好好食, 夠哂大粒!!!蝦餃餡勁多蝦, 仲要好爽口, 蝦餃皮厚薄適中, 係幾好食燒賣都幾滿意, 蝦肉同豬肉比例剛好, 蒸得夠乾身炸蝦多士係酒樓比較少見, 見到就梗係唔會錯過啦蝦多士會跟埋沙律醬俾你, 熱辣辣炸起, 多士外層佈滿芝麻, 食落勁甘香, 蝦膠餡豐富, 堅係好食!!而排骨飯同牛肉球都係水準之作芋泥燉奶份量就少左啲, 我地都以為係一碗既份量, 原來係比茶杯大少少既size, 有d意想不到不過呢個燉奶真係好香滑, 芋頭味好濃郁, 甜度適中,食落係食物既天然味道, 無加太多砂糖入去做調味, 值得推介!

呢段時間因為辭咗工所以晏晝時候就可以同屋企人去飲下茶食個包～ 因為屋企人比較賴嘅關係，所以我哋近近地就去咗上環信德附近一間酒樓望月軒 佢地本來有個雀籠點心拼盤 ，靚靚哋好啱港女去打卡，再加埋個海景真係一流但奈何唔太啱佢哋口味，所以唯有作罷～～下次同朋友可以去試！我地兩點左右黎到，佢哋嘅下午茶好抵大中小點一律都係$22我哋叫咗蝦餃，望月小籠包、生煎包、香煎蝦米腸 、 上素菜苗餃同埋脆皮五香素鵝，最後仲叫左甜品酒釀丸子蝦餃蝦碌飽滿而且皮薄 讚！之後小籠包～肉餡多汁但係因為我掛住影相嘅關係，凍咗搞到個皮有啲硬🥺呢個生煎包好好味，包煎得香 個肉餡好juicy!蝦米腸煎得好香好多蔥花加埋牆汁係咁食食食！上素菜苗餃：啱晒減肥人士入邊全部都係菜菜菜同菜，但係略嫌外皮有啲口好似食緊水晶包咁～～～脆皮五香素鵝，係媽咪指定菜式，外皮炸得香脆，好香口！最後再食埋酒釀丸子，就完滿了！

    突然好想食中菜，就去了上環的望月軒，之前去澳門前，都會和家人來飲茶，今次就來吃晚餐。它裝修一直都好吸引，幾特別，環境亦都幾舒適。    一看餐牌，好多都想試，可惜今次兩個人來，吃不到好多，所以就點了兩個菜，點了「重慶雞煲」及「瑤柱蛋白炒飯」。上菜速度有點慢，但服務員態度都唔錯，經常自動來加水。    上菜啦，份量都好大，cp值高，重慶雞煲超好食，個味調得剛剛好，好惹味，好開胃，配瑤柱蛋白炒飯一流，值得推介。    吃得好滿足，原本想叫甜品-芒果布甸，但真係好飽，唯有下次。離開時見到門口有龍蝦尾宣傳板，好吸引，因為香港好少地方有得食，決定下次叫多幾個朋友一齊來試。

以前住新界，日日搭巴士過黎港島呢邊都一定會經過信德中心上面嘅「望月軒」，戈陣腦海成日都萌生一個念頭：如果可以搵次試到就好喇今次喺機緣巧合嘅情況下，終於有機會試到。論位置黎講都可以話夠曬特別，喺信德中心上面，即系我地之前成日坐船去澳門戈座大廈嘅某一層。戈日去到都竟然冇乜人，畢竟眾多餐廳都受疫症影響，未完全穩定同埋恢復以前嘅狀態。作為一間喺港澳碼頭附近嘅餐廳，食物嘅款式應該都吾可以少得去邊，呢度都吾例外，首先發現呢度以中菜為主，所以好多菜式都系辣嘅。小龍蝦尾吾知系邊度嘅菜式？不過個人幾有興趣，可以配以勁爽麻辣味、酸甜味、油爆味或者避風塘味。首先叫咗份瑤柱賽螃蟹，瑤柱嘅份量都算ok啦，入口當然都幾好味同埋新鮮蛋白嘅份量更系毫不吝嗇，蛋味香濃，有好豐富嘅蛋白質呀！蟹肉嘅份量就還好，不過味道同瑤柱一樣都系好新鮮，同埋都食吾到有海水味，混合埋蛋白黎食，向來喺中菜館都系好吾錯嘅選擇吧。龍蝦尾呢個菜式我真系第一次食，冇諗到個數量會系咁多呢更加冇諗到嘅系原來佢系連殼上😅變相食嘅時候系有一定嘅困難。我系叫咗避風塘味，食落口真系幾香口，火侯十足，有大量嘅蒜蓉舖喺面，使得菜式更香口。蝦肉完全吸收咗蒜蓉嘅香味，

係上環食晚餐，今次揀左間酒樓係信德中心三樓, 呢間酒樓環境可以話係一流, 佢既環境好乾淨, 枱同枱都有一定距離, 好寛敞, 坐得好舒服仲有就係, 如果你坐窗邊位, 可以有個大海景食飯, 真係正!一坐低就叫左壺香片之後叫左三樣野食:四川擔擔麵: 呢個擔擔麵, 有驚喜, 辣度調得岩岩好, 麵硬度適中, 加埋上面D肉碎粒, 口感唔錯, 不過如果份量再多D就好蒜泥白肉: 上面鋪滿蒜泥, 蒜泥磨得好細滑, 每一啖都可以食到肉同蒜泥混合既味道, 辣汁唔會太辣, 配合得幾好油爆龍蝦尾(小辣): 呢個係今日既主角, 份量好足, 一大盤都鋪滿左小龍蝦尾,小龍蝦尾泡得好香口, 又唔油膩, 一隻接一隻, 食到唔停口, 勁滿足呢間餐廳, 服務幾周到, 食飯期間，自動幫你加水又換碟，侍應仲非常有禮貌👍🏻抵讚！

以前常到信德到同媽咪上船去澳門，現在疫情下冇得同媽咪去澳門玩，就同媽咪去望月軒嘆返個靚景下午茶啦！媽咪聽到我放假同佢去嘆茶好開心，我同媽咪第一次來飲茶的，環境真係一流，望住個海嘆茶，心情都舒暢D。我一口氣叫左幾款媽咪鍾意的點心: 魚翅灌湯餃 ～ 媽咪話抵食蟲草花棉花雞 ～ 雞夠滑臘味糯米飯 ～ 夠哂味芋泥燉蛋 ～ 芋泥好棉，配上燉蛋好夾。養顏銀耳羹 ～ 飲完喉嚨好潤以上散叫點心下午茶時間仲要做緊特價大中小點一律22蚊，好抵食。我咁為食上面d 點心點滿足到我呢！我仲叫左呢到最出名的雀籠點心拼盤，但侍應話冇蝦多士，可唔可以轉其他比我。上雀籠時，真係好吸引，影相打卡一流，即同媽咪影幾張靚相留念啦！雀籠點心拼盤 ～第一層 @奶皇花糕和千層薑汁糕第二層 @腐皮卷和蒜蓉櫻花蝦春卷第三層 @蝦餃和燒賣呢到點心味道唔錯， 炸野香口，而我最欣賞佢的糕點和甜品，甜而不膩。

依間主打食川菜既酒樓有無敵大海景☺️☺️唔係太多人，慢慢食慢慢傾都得😉👧🏻好鐘意食辣🌶🌶，所以川菜係👧🏻既口味😍今次叫咗個麻婆豆腐😍設計好靚，有個加熱爐heat住啲豆腐，唔怕會凍晒💕💕少少辣味好開胃😉😉😉餸飯一流tim😉😉仲叫咗口水雞🐔🐔🐔係幾滑同好味，同樣少少辣，好啱鐘意辣既人🌶🌶🌶🌶唔想食辣既話都可以叫唔辣，蒜蓉炒時蔬都唔錯😉😉😉最後，👧🏻仲叫咗雞湯，好入味😍

今日中午同好朋友去望月軒歎海景午餐❤️餐廳就係上環信德中心好方便👍🏻最緊要係個靚海景😍淨係食個景都值回票價👏🏻我地叫左一個雀籠點心拼盤🥟齊哂咸點甜點同炸點😋一人一件岩岩好👍🏻點心全部都新鮮熱辣❤️奶皇花糕同千層薑汁糕最岩我口味😍煙韌得黎唔太甜👍🏻正呀喂❤️值得一提既係個四川雞絲涼麵凍冰冰辣辣地岩夏天好開胃☀️不過唔食得辣既朋友就最好叫BB辣🤣

在上環突然想飲茶，見信德中心望月軒環境不錯就決定一試。樓面所有姐姐都十分有禮，每次都會說多謝 唔使客氣，因只想小吃一點所以只點了3樣食品：首先小籠包，感覺偏淡，味道跟平時在上海店食的不太相似，可能我習慣濃味吧…皮十分薄 晶瑩剔透，湯汁非常多，肉質也軟熟不會過實第二樣灌湯餃，湯頭十分鮮甜，完全感覺到用料十足，餃內包着瑤柱 蝦肉 豬肉 當然還有主角魚翅，每啖都鮮味十足最後點了甜品芋泥燉蛋白，3樣中反而最喜歡這個，薄薄一層芋泥，可以吃到啖啖芋頭絲，散發着芋頭香氣，蛋白也有水準，最重要整個甜品也不過甜，十分對我這甜品控口味

最近被逼放假, 每日係屋企懶懶閒既我突然勾起條筋想飲茶食點心即刻message約個老友lunch去嘆茶佢就話不如去佢公司個邊一間叫望月軒既酒樓, 貪佢個view夠靚, 點心又好食我地特意約早少少, 因為驚一陣食飯時間會好多人好嘈侍應安排我地坐半圓型卡位, 坐得幾舒服, 但就唔會太望到海景, 不過都無所謂既點心紙上既款式都幾啱我口味最後我地order左蝦多士、松茸燒賣皇、瑤柱賽螃餃、流沙豬仔包同埋響鈴牛肉球每款點心都做得好唔錯蝦多士 - 甘脆可口, 蝦膠部份口感豐富, 香口食物永遠都可以令我好滿足, 點埋沙律醬食, 更加美味!松茸燒賣皇 - 松茸香氣充斥住口腔, 菇菌既獨特香氣令人難以抗拒。而且每一件燒賣都好大粒, 每啖都好滋味瑤柱賽螃餃 - 內裡除左蝦粒, 仲有瑤柱、冬菇粒同粟米粒等等...有種清爽既感覺, 唔錯流沙豬仔包 - 顧名思義呢個包係一個豬仔造型既奶皇流沙包。賣相非常別緻, 小朋友一定鐘意。內餡的確係做得非常流沙, 奶皇餡甜美誘人, 令人忍唔住秒殺哂成個包響鈴牛肉球 - 從來食牛肉球我既重點都唔係個肉球身上, 而係墊底個塊山竹。因為塊山竹會將牛肉球同後期加落去喼汁吸索哂入去,

今日難得同阿媽同一日放假，便相約一齊去飲茶。因為我要約咗人澳門廣場交收，所以就決定去商場入面間酒樓食嘢。飲茶必點當然係蝦餃，個皮夠薄，夾起唔會穿，蝦肉爽彈鮮甜，食得出係鮮蝦。羊肚菌鮮竹卷，呢個都幾特別，用羊肚菌嚟做配搭，香氣濃郁。上湯竹笙雲吞，覺得最啱我口味係呢個雲吞，配上清甜的湯水，雲吞味道更加鮮美。薑蔥牛柏葉，牛柏葉除咗飲茶真係好少食，難得食到當然要叫嚟試下，味道都唔錯。芋泥燉奶，芋頭味嘅甜品對我嚟講都有好大吸引力，味道鮮濃香甜，好好味。

澳門既舅父一家人之前黎左香港探外婆, 今日就同埋媽咪一齊送佢地去港澳碼頭坐船返澳門點知船飛賣爆哂, 要等到兩個鐘後既班次先有飛賣咁我地就去搵左間酒樓食住飯等啦舅父一家人就唔多鐘意食點心, 所以就叫左小菜食我地叫左炸子雞啦、鐵板安格斯牛柳粒、松子桂花魚、燉湯同埋兩碟蔬菜呢度環境幾舒服, 仲望住個海, 裝修都幾高雅員工服務態度都唔錯, 碗筷都乾乾淨淨食物方面質素都幾好, 水準以上炸子雞真正做到皮脆肉嫩安格斯牛柳粒肉質軟淋有肉味松子桂花魚完全突顯出師父既功架, 惹味非常又不失應有既甘香脆口其餘幾項菜式都唔錯, 值得一試

望月軒位於信德中心，有一日坐巴士去到總站，見到餐廳在落地玻璃窗的招牌，認識了它。今晚放工無煮飯，來食過晚飯。餐廳布置高貴典雅，坐在裡面好舒適，部分座位及廳房更望到海景。店員幾有禮貌，服務不錯👍餐廳起菜亦算快，香片水滾茶靚。嚟到梗係要食佢哋嘅招牌川菜，我今日揀咗乾煸四季豆配白飯，四季豆炒得香口乾身，但吾油，有麻辣味道，好送飯。食飽飽最尾仲送免費嘅紅棗雪耳糖水, 甜度剛剛好，雪耳煲到有膠質，好滋補💞。