望月軒

营业中

休息中

望月軒一間高檔嘅酒樓食點心，雀籠點心係不能錯過嘅一個選擇，做工精緻，賣相一流，最啱打卡用，食物質素當然高質。最欣賞嘅係佢蝦膠魚肚，大大嚿有口感，而且係冇腥味，真係好好食

一個二人既下午套餐，每款两件點心，有甜，有鹹，熱騰騰的，被送上桌面。先試蝦餃燒賣，有水準。然後，一口咬下鋪滿芝麻的蝦多士，熱一但不燙口，品嚐多士既最好温度，好美味和好豐盛，芝麻，蝦蓉，脆多士，有兒時幸福既感覺，蝦味濃郁，用料不错。上層白色一小片白糖糕，帶有輕微的酸，不错，也是小時候愛吃那種味道既白糖糕。在濕熱天氣下，不選普洱或鐵觀音，以清香纯菊花水作茶飲，清走食物肥膩。

今日同老公和BB到望月軒食午餐，因為時間倉猝，我們很快就點了點心拼盤、蘿蔔糕和擔擔面，可是，坐低後等待了15分鐘才告訴我們點心拼盤沒有籠，我哋回覆不需要大籠，分開上也可以，並且催促他們可以先上其他點心。我們等待期間，看到另一台應該是熟客，數位員工輪流服務他們，寒暄、調枱、奉茶、上餐牌、上食物，全部很快，好像生怕新年期間該熟客會忘記要給他們利是似的。最後差不多再等多15分鐘，我們再次催促可以先上擔擔麵，可是該阿嬸轉頭便繼續服務該台熟客，完全忘記了我們的催促。然後再等多20分鐘，我們再催促擔擔面和蘿蔔糕，不足1分鐘便拿了出來。奇怪的是，其他枱的點心都已經到了，我們的點心拼盤仍然未到。前後差不多等了1小時，催促了三次，最後我們決定結帳離開，點心拼盤就立即出現了。真想問問這間酒樓的員工，是不是散客就可以怠慢，對待熟客就輪流擦鞋？

今年生日攞咗幾日假陪老婆大人，佢梗係會安排啲正菜比我啦！大家咪諗多咗呀係食嗰啲正菜咋！佢忽然話想食望月軒嗰個蜜汁火肪喎，我梗係冇問題二仔底死跟啦。一行入去就見到一樽樽自家手工釀製酒仲有好多款揀添，我一坐底就即刻叫咗有機檸檬養顔酒，二鍋頭酒精度夠晒高不過加咗檸檬又幾鬼好飲喎。我好鍾意以前喺荃灣第一間米線鋪嘅雲南汽鍋雞，所以一見到喱道餐牌有即叫，用正宗雲南汽鍋個樣就好掂喇！喱個加咗天麻不過飲落都幾香甜。老婆大人係筍痴所以叫咗碟天目山鹵筍尖比佢嘆吓，筍尖好夠味仲勁脆口食到佢鬼咁開心。清炒萵筍絲都炒得唔錯唔會水滴滴咁，味道唔會好咸食到萵筍嘅原味道。喱個就係老婆大人朝思暮想嘅宣威蜜汁火肪，跟埋一籠熱辣辣嘅蝴蝶餅，老婆大人拎起個蝴蝶餅跟手擺件火肪、青瓜同埋炸腐皮入去，夾好晒遞埋比我食真係服侍週到睇嚟I Phone 14應該走唔甩！一啖咬落去蝴蝶餅好鬆軟味道又鹹又甜唔怪得之佢咁鍾意食啦。鍾意食辣嘅佢仲叫咗個干鍋肥腸，整得夠乾身嘅豬腸夠肥膏辣得嚟好鬼香，唔食得辣嘅我唯有飲多兩杯茶解辣啦！！食到喱道好似差少少一於叫多碟蜜餞欖角骨嘆吓，平時對欖角冇乜好感不過老婆大人like嘛擦吓鞋都要嘅！估唔到喱個蜜餞欖

上星期是車爸爸的生日所以連放了四天假期，兩隻為食貓的節目當然離不開吃吃喝喝吧！其中一餐便去到上環信德中心吃中菜、為何要去這裏皆因我很掛念這兒的一道菜式。正是望月軒多年沒來捧場環境依舊優雅，可惜疫情關係這夜客人不多，希望隨着疫情漸散香港繼續百業興旺人人有工做無憂無愁便好了。甫踏進望月軒便看見自家手工釀製酒，有養生又養顏的多款選擇任君挑選，喜歡喝酒的車爸爸看見已經心心眼了！甫坐下車爸爸即點了自家手工釀造有機檸檬養顔酒(小壺)＄68，戒酒中的我也試了一口酒精濃度雖高但後續的檸檬香氣非常吸引。很多味菜也想吃可惜只得兩個胃！唯有選我們也喜歡的菜式來共嚐啦。車爸爸就最喜歡吃雲南汽鍋雞，所以看見餐牌上有雲南鮮天麻汽鍋雞＄88他當然不會錯過啦！以雲南汽鍋上檯賣相頗為正宗，有不少新鮮天麻和雞件在鍋內，湯頭味道香甜最適合經常有頭痛的我享用。然後來一個涼菜天目山鹵筍尖＄68，鹵得入味的筍尖吃下非常爽脆，味道調得恰到好處喜歡吃筍的我非常滿意。我說最掛念的菜式正是這兒的宣威蜜汁火肪＄198，除了火肪外更配以青瓜和脆腐皮連同一籠蝴蝶餅上檯，未吃看見也已經非常令我期待了。打開蝴蝶餅然後放入一片蜜汁火肪，再配以爽脆青

自己曾經在港澳碼頭上班，足足有好幾年了。當時來往港澳的旅客可說是車水馬龍，絡繹不絕，就算是夜半三更，依然是人頭湧湧，好不熱鬧。但在疫情打擊下，通關不知何時，二樓的商舖，因為有連接通往上環及中環的天橋，總算仲有人流，也許能勉強有點生意，但一條扶手電梯相隔的三樓，店舖暫停營業的情況，直教人大吃一驚。望月軒就是位於三樓一隅，臨海玻璃窗景觀極佳，食物以川菜為主，味道帶點深圳風，尤其是兩年幾沒北上，食落都勾起不少回憶。自己是無湯不歡的人，見餐牌上都有好幾款湯水，而非只單單得例湯，跟太太點了松茸羊肚菌燉走地雞以及雲南鮮天麻汽鍋雞。前者火喉足，湯料亦多，陣陣松茸羊肚菌的香氣四溢，入口醇香，好啱自己；而太太的天麻汽鍋雞，亦同樣滿有香氣，入口鮮甜，好味。招牌冷鍋魚超大鍋，鍋面放滿了花椒，紅彤彤的辣油蓋滿鍋面，未食已經有期待。與往常熱食有所不同，辣味是慢慢滲出，而非一下子直衝喉嚨，感覺上就算辣度一樣，依然易於接受。魚肉選用了桂花魚，質地粉嫩，沾上了辣汁，就更惹味，置底的配菜，除了常見的芽菜、蒿筍、蓮藕及菇菌類外，竟然用上了蕨根粉而非紅薯粉之類。成都子洞樟茶鴨（半隻）望落好乾身，以為肉質會好韌，但咬落卻竟然

無得過大海，友人反而特登走到港澳碼頭飲茶，見評語都唔錯，一於就趁假期同老婆嚟嘆早茶啦。以前人來人往嘅港澳碼頭，因疫情關係變得十室九空，真令人始料不及。亦因為咁，本應人來人往嘅星期六都清清靜靜，如果唔想同人逼；舒舒服服飲餐茶，呢度係一個幾唔錯嘅選擇。🤔店內有四間VIP房，鍾意私人空嘅就啱晒啦。入店無耐就見到呢四個大玻璃壼，原來係自家手工製嘅養生酒，以二鍋頭釀造，包括「天山瑪咖養身酒」、「有機檸檬養顏酒」、「梅子酒」及「野生松茸酒」，一小壺價錢由$68至$108不等。其實一小壺大概可分到四小杯，價錢唔貴，又一於試試；正猶豫選邊款好，親切嘅侍應姐姐話可每款比一小杯我哋試，總共只收一小壺錢，咁就至好不過啦。天山瑪咖酒及野生松茸酒浸味都幾霸氣，檸檬同梅子酒就易受落得多啦，尤其是檸檬，幾清新吓。點心選擇都唔少，揸唔定主意就一於跟食店推介👍🏻啦。筍尖鮮蝦餃～外型飽滿挺立，摺數均勻，半透明嘅餃皮平滑有光澤、蝦肉鮮甜爽彈，筍尖清鮮爽嫩，好吃！羊肚菌鮮竹卷～羊肚菌係一種低脂食材，食得多都唔會膩，薄而金黃嘅腐皮吸收咗上湯嘅精華，鮮香味甜、煙韌入味，餡料爽口彈牙，不錯吃。煎蝦米腸粉～坊間好多地方都有煎腸粉，但

要不是有朋友告訴我在昔日旅客如雲，車水馬龍，今日店舖零落，一派冷清的上環信德中心3樓靠近巴士總站方向的盡頭處有這麼一間菜式水準不錯的中菜館，我也不知有它。見朋友推薦，好，這晚一於和太太來這裡一轉，吃一頓豐富的晚餐，舒解一下近日鬱悶的心情。這中菜館位置雖然偏於一隅，這晚除了我們兩個，也有數檯識途老馬來此用餐，館子內的廂房，亦有客人正在吃飯。這夜我們來得早，來到時天還未黑齊，靠著落地玻璃窗向外望去上環海旁的風景和對岸九龍方向的黃昏景色，正在緩緩落下的斜陽，就如香港，光輝漸褪，令人不禁有「夕陽無限好，只是近黃昏」的感嘆。感慨萬千又好，心情欠佳又好，飯，始終還是要吃的，那便吃好一點，豐富一點吧！先來兩盅最愛的燉湯。我喝的是喜歡的「花膠菜膽燉北菇」（$108/位）。這燉湯真材實料，花膠有兩件，花菇又夠大隻厚身，加上菜膽、瘦肉、雞腳等物，燉成一道味道清而不濁的燉湯，雖然這湯的花膠尚欠一點火候，不夠腍身，我仍然甚喜歡這燉湯。太太的「雲南天麻氣鍋雞」（$88/位）是這裡的招牌菜之一，我也嚐了一口，覺得帶點胡椒味，這較濃味的燉湯，與「花膠菜膽燉北菇」各有特色，而我還是喜歡較清甜的燉北菇多些。一客四件的「

她, 美貌與智慧並重之外, 更加是鋼琴高手, 最近考獲演奏級資格, 苦榮超戥佢開心. 於是, 又再黎到我倆都好喜歡的食店望月軒, 慶祝一番. 既然是慶祝, 苦榮就有藉口飲啤酒. 最好的佐酒食品, 梗係小龍蝦. 今次要食麻辣, 試吓蒜香做法. 帶起手套, 大快朵頤. 張小龍蝦一擰一咬一吮, 勁嘢味, 小辣既辣度, 苦榮接受到. 第一次食蒜香做法, 有驚喜無驚嚇. 另, 叫埋苦榮一向喜愛的樟茶鴨, 鴨肉嫩滑, 熏香陣陣, 又是一味佐酒好西. 有咁放肆, 都要食個菜, 維持均衡飲食. 生建議清炒咼筍, 爽口好食. 今餐好似係苦榮在慶祝多D喎.

好多時若然有嘢要傾，都會選擇來呢度，留間房，邊食邊傾。在信德中心最篤篤的位置，以往有船過大海，這裡是一位難求，不過家陣就容易訂位得多。景觀其實一流，落地玻璃對住個大海景，傾嘢都容易成事啲。唔知幾時開始，即使不吃商務午餐，傾嘢就不成文地要有碗湯飲下。與其飲燉湯，倒不如試下汽鍋雞湯，呢度雲南傳統好東西，在香港實在不多地方可以喝到。雖則店家有粵菜供應，不過今次同四川人傾嘢，好自然地叫來些川菜。水煮魚，用上尚好的桂花魚，肉質嫩滑是理所當然，麻中帶辣的味道，席上的四川人也說吃回了家鄉的味道。辣子雞的賣相，與坊間的有所不同，因為是加入了子彈頭辣椒，看上去更具殺傷力。香脆而沒有炸得過份乾的雞丁，辣得額頭冒汗，愈吃愈過癮，幸好手上有罐可樂旁身，才可以吃得如此盡興。也來了一味不是川菜的，鐵板牛柳粒。上桌時候沙沙聲響，煙紛紛冒出，真的吸引。用上安格斯牛，肉質鬆化之餘，自然亦肉味濃郁。青紅椒只是在色澤上作點綴，並沒有令人止步的辣勁。最後整多個酒釀丸子作結，傾嘢之餘，味蕾也真的得以滿足。

唔講唔知, 原來上環信德中心最篤個位, 有間酒樓, 仲要有好靚海景, 要推介比大家. 蝦餃: 皮薄, 晶瑩剔透, 蝦肉多, 爽口. 燒賣: 漲卜卜, 蝦大大隻, 肉爽. 蝦多士, 呈三角型, 咬落超鬆脆, 蝦膠好彈牙, 又唔油. 綿花雞: 雞肉超嫩滑, 綿花吸曬味. 小籠包: 外貌麻麻地, 湯汁幾多, 味道好, 有實際. 浸時蔬: 清清地, 濕濕地, 天時暑熱食, 易入口. 千層薑汁糕: 層次超豐富, 薑汁味勁重, 煙煙韌韌, 冇話痴牙. 

之前J小姐有講過揾日同我嚟……不過昨晚突然想同媽媽嚟先……後來又叫埋妹妹同姨甥……因為冇訂位，去到近窗邊的已冇位，但要望都可望到少少景……本來想叫雀籠點心拼盆，但正價時段四人的話好似吾多抵食，下次閒日嚟試，所以只叫咗幾樣……蝦多士（＄48）～熱辣辣，香脆好食卑梨型鹹水角（＄48）～外型得意，夠熱，脆口味道好叉燒包（＄38）及馬拉糕（＄38）～正常，ok（＄38）手工葱油餅（＄48）～吾夠熱，吾夠香葱味，一般麻香滑鷄竹筒飯（＄58）～原來這個是麻辣的，都幾香……呢度環境清靜、服務吾錯，如果坐近窗邊望海就更好……食物都係要點啲出面樓酒少有的試好……

The ferry terminal was so dead because of the covid shut down (sad) which made it easier to get a table at any restaurants here. We came here at 2pm for the dim sum afternoon tea set, and some other dim sum. Everything tasted fresh, and glad that there weren’t much MSG. Also recommending the small size tea leaf smoked duck which they made-to-order (didn’t take a photo).

未試過飲茶飲得咁激氣，仲要唔係一個態度差而係幾個都咁差！本來都係睇推介話佢地方清靜所以先至去，可能當日人多啲枱擺得非常密集，我哋人少但已訂定位，去到見張枱好似勉強加枱，攝喺四張大枱中間！後來見附近有人走有空枱，問侍應可否調枱，侍應就開始俾說話我哋聽！態度惡劣，絕對唔會再幫襯！

星期六上環信德中心的澳門廣場人流不多，容易搵位，適合和家人共聚午餐！我們叫了雲南鮮天麻汽鍋雞，放了很多胡椒粉，很適合今天轉涼的天氣！上菜速度很快！ 手工蔥油餅好食不油膩，四川擔擔麵叫了小辣， 細細碟每人分少少品嚐，好味道！咕嚕肉趁熱好食，凍了後才食，肉質感覺硬了。總括來說，食物和環境都不錯！是和朋友傾偈食飯的好選擇！