望月軒

营业中

休息中

最近朋友話搵到一間好正嘅中菜館，就帶咗我去食。唔講唔知，原來上環碼頭⛴️有間咁高質嘅中菜，價錢合理之餘，食物水準仲要超高！〰️〰️〰️〰️〰️〰️🦞 精選海鮮2人套餐 $698(供應時間：11:30-21:00) 🥣 時令燉湯（2位）呢個湯真係足料到爆！有雞腳、羊肚菌、姬松茸、螺肉和瘦肉。湯頭濃郁得嚟唔油膩，飲完成個人暖笠笠，養生之選💯 🍯 宣威蜜汁火肪（4件）蜜汁火肪肥瘦適中，甜甜哋嘅蜜糖香好開胃～夾埋刈包一齊食，口感層次即刻豐富晒！ 🦞 蒜茸開邊蒸波士頓龍蝦（1隻）龍蝦蒸得啱啱好，肉質爽彈唔會老！蒜茸粉絲吸晒龍蝦精華，真係超級正😋 🐚 板燒姜蔥鮮鮑片鮑片份量多到驚喜！薑蔥爆炒夠鑊氣，鮑片爽口入味～ 🥬 翡翠有機時蔬簡單嘅上湯時蔬都可以咁出色！白菜嫩綠冇渣，上湯清甜帶枸杞香，食完油膩嘢啱晒～ 🍮 桂花糕原本套餐係冰糖銀耳羹，但賣晒所以換咗桂花糕～清甜唔膩，作為飯後甜品啱啱好！ ✨ 追加項目🍑 壽桃 $15/隻（蓮蓉餡好正！） 🥤 可口可樂 $18 🥢 前菜（花生&香菇） $30 🍵 茶位（晚市） $25/位 〰️〰️〰️〰️〰️〰️ 💰 總計: $909, 2位用餐(已包含10%服務費

香港海景中餐廳·超值孖寶只需$368位於上環港澳碼頭嘅屹立多年·一直都有熟客捧場最近推出孖寶套餐·真係超抵食ꕺ孖寶 ($368)清蒸沙巴龍躉仔｜蒜蓉開邊蒸波士頓龍蝦‪又龍躉又龍蝦·超抵食嘅孖寶.ᐟ‪.ᐟ‪.ᐟ龍躉size都唔細·蒸嘅時間岩岩好魚肉肥美細滑·最鍾意係個豉油·即時昇華蒸龍蝦下面舖滿粉絲·加埋蒜蓉超惹味龍蝦新鮮彈牙啖啖肉ꕺ水煮牛肉（$288)紅噹噹嘅水煮牛· 辣度有層次唔會太嗆口牛肉都有質素唔係便宜貨· 愈食愈起勁ꕺ四川宮保雞丁（$158)雞肉切成粒狀· 沾滿滿滿醬汁微辣調味送飯一流

今次五一假期同老公過大海贏咗少少錢，搭船返嚟上環時見有啲肚餓，於是揀咗「望月軒 (上環) 🍴」一間中菜餐廳食海鮮，慶祝下！餐廳環境高雅又有中式格調，位於信德中心 3 樓，氣氛好舒服，啱晒同另一半一齊享受一頓豐富嘅海鮮大餐。我哋食咗：🍴 精選海鮮 2 人套餐 $698 🦞• 時令燉湯 (2 位) - 羊肚菌螺片湯 🥣
燉湯上枱時熱氣騰騰，羊肚菌嘅清香同螺片嘅鮮味混在一起，湯底濃郁又唔膩，飲落好暖胃。• 宣威蜜汁火腿 (4 件) 🥟
火腿脆脆片夾埋豬肉同青瓜，包喺包入面，咬落外脆內軟，蜜汁甜香同肉味好夾。• 蒜茸開邊蒸波士頓龍蝦 (1 隻) 🦞
龍蝦肉嫩滑，蒜茸香氣濃郁，配埋粉絲一齊食啱啱好，食落好鮮甜。• 板燒姜蔥鮮鮑片 🐟
兩隻原隻包魚切片好爽脆，姜蔥嘅香味同板燒嘅焦香好完美，肉質彈牙又鮮美。• 翡翠有機時蔬 🥗
時蔬用上湯煮，味道清甜，白菜仔嫩滑，雲耳同西芹加咗口感，清新解膩。• 養顏冰糖銀耳羹 🍮
甜品係冰糖銀耳羹，滑溜又唔太甜，帶點養生嘅感覺。🍴 鎮江餚肉 $98 🥩另外點咗鎮江餚肉，肉質腍滑，醬汁濃香，帶點甜味同醋香，食落好開胃。總結「望月軒 (上環) 🍴」嘅精選海

環境光猛，有落地大玻璃可以望到維港靚景，仲可以見到往來澳門船隻泊岸，感覺寫意🥰。🥢鮮蝦餃$59鮮蝦餡料爽口juicy。🥢蟹籽燒賣皇$59墨魚膠加蝦膠嘅組合，口感夠哂Q彈，而且每隻都夠哂份量大大隻。🥢百花釀魚肚$59鮮爽嘅蝦膠放在口感綿密爽彈魚肚上，確係最佳配搭。🥢鮮蝦菜苗餃$59餃皮晶瑩Q彈，包裹住爽甜鮮蝦及爽脆菜苗。🥢酸菜魚炸春卷$59酸菜魚春卷估唔到咁好味，除咗春卷內有酸菜魚之外，另外再有碗酸菜魚附上，蘸點湯汁一齊食，更加滋味😋。🥢麻香滑雞竹筒飯$59米飯帶清香竹筒味，雞肉滑溜並帶麻香味道。🥢鎮江餚肉$98瘦肉部份酥香，啫喱位軟腍中帶彈性，清爽不油膩，口感層次豐富👍。🥢糯香蓮藕$68蓮藕釀上糯米，口感綿腍軟糯，再淋上桂花糖漿，淡雅細膩嘅花香，食落充滿幸福感🥰。🍯桂花酒釀丸子$38甜湯散發清香嘅桂花香並帶着醇和嘅酒香，配上Q彈軟糯嘅丸子，為此結束好味而完滿嘅一餐😋。

今日同朋友去完澳門，就在碼頭附近的餐廳醫肚！我們點了川粤孖寶$368🦞蒜蓉開邊蒸波士頓龍蝦一隻：龍蝦新鮮肉質鮮甜爽口，超正👍底下墊上粉絲，吸收晒龍蝦嘅鮮甜好好味。🐟老壇酸菜魚：有新鮮菊花，桂花魚肉頗多很嫩滑，配料豐富，味道好。🐥雲南鮮天麻汽鍋雞$88好濃香的薑味，淡淡的天麻味，雞肉嫩滑湯味清甜。🐃京蔥爆安格斯牛肉$208安格斯牛肉，肉味香濃嫩滑，京蔥加上孜然嘅香味十分惹味。XO醬海皇炒烏冬海鮮有魷魚、蝦、帶子，烏冬爽口彈牙，好足料味好好。🍶酒釀丸子（$38/位）酒釀丸子，小丸子香糯軟滑，淡淡的酒釀香味和桂花香味。

上環 | 望月軒  經常出入上環信德中心，近日發現開了一家中菜廳，環境寬敞舒適，近窗口位置更可眺望維港海景，而且價位亦非常吸引，今晚就約朋友過來好好拜訪一下💫 打開餐單發現除單點外亦提供大量不同特色套餐，更省錢了，最後決定點了。精選海鮮二人餐 $698，再加小食💫前菜 坐下來先付上兩碟小食，酥脆鹹香花生、涼拌茶樹菇，花生🥜香脆可口，茶樹菇微辣非常開胃💫▪️小食雞絲粉皮，使用麻醬和花生醬的混合，味道醇厚，而且份量頗多💫「精選海鮮二人餐 $698」▪️時令燉湯羊肚菌燉走地雞，湯底足料，入口非常鮮味，重點完全不油膩，而且用料非常豐富，我粗略數過有姬松茸、羊肚菌、雞腳、瘦肉、龍眼乾、瑤柱和響螺頭等，比家裡煲的還要足料💫▪️蜜汁火方厚重的火腿配上芬芳香甜的蜜汁，再夾上脆炸的金黃的脆片和青瓜，用刈包包裹著一起吃，味道層次一流💫▪️蒜蓉開邊蒸波士頓龍蝦海鮮可以選擇蒸魚或龍蝦🦞，我們選擇龍蝦，餐廳用上波士頓龍蝦，入口飲質彈牙，味道鮮味，配上大量蒜蓉，味道更提升，加上墊底放上粉絲，吸收精華後粉絲也變精選💫▪️板燒薑蔥鮮鮑魚上桌時已經香氣滿滿，鐵板上更保持熱度，鮑魚切片，爽嫩彈牙，配上大量薑蔥，味道一流💫▪️上湯翡翠

長輩由澳門搭船過嚟，喺順德中心接完佢之後，就順便喺順德中心飲茶。望月軒環境舒適，仲可以望住海景嘆點心。而家酒樓做緊敬老月優惠，有長者同枱茶位半價，慳番少少😆🪺雀籠點心拼盤$168靚靚中式high tea set，一個雀籠放咗6款點心，蝦餃、燒賣、小籠包、啤梨咸水角、蝦多士、櫻花糕各2件，相當精緻。點心全部即叫即蒸，蝦餃皮薄餡靚，蝦肉彈牙，仲有少少金箔，盡顯高貴。啤梨咸水角造型滿分同埋蝦多士都係即炸，香脆可口。櫻花糕口感似白糖糕，煙煙韌靭，少甜好食。🐟酸菜魚炸春卷，春卷捲入酸菜魚，魚肉滑溜，外皮炸得脆卜卜，蘸埋佢個酸菜魚湯，酸麻味道昇華，雙重口感，大推👍🏻🦐百花釀魚肚，彈牙蝦膠加上蟹籽，再釀上魚肚，鮮味滿分。🌼清甜桂花糕，晶凝通透，淡淡桂花香氣，少甜清爽。🍚脆米海皇泡飯 $158魚湯底鮮味，泡飯裏面有蝦粒、帶子粒、粟米粒、翠玉瓜粒同紫菜，脆米另上，食得津津有味。

今日約咗響信德中心附近工作嘅朋友Lunch，大家都想食中菜，朋友就帶咗我嚟呢間可以眺望維港無敵海景嘅中菜館，裝潢環境都好舒適呢度嘅服務員姐姐重好好人好有禮貌㗎👍🏻見到呢度有一個自選孖寶優惠😍多款特色菜任揀兩款，價性比超高，梗係要叫一Set嚟試吓啦！勁抵食$368（星期一至四） / $388（星期五、六及公眾假期）🌀老壇酸菜魚片（辣或不辣）嚟呢度一定要試吓佢哋嘅酸菜魚，我極為欣賞呢個湯底，我真係飲咗好多碗，好鮮甜又酸香，唔會嗆喉，好醒胃用料足，魚片肉好嫩滑份量超多，芽菜同粉絲吸收晒湯汁嘅精華超正呀🥰🌀蒜蓉開邊蒸波士頓龍蝦（1隻）雖然係波士頓龍蝦，但質素都唔差，肉質新鮮又彈牙👍🏻大大隻啖啖肉，啱晒我😋配蒜蓉蔥花甜醬油蒸好香吖！粉絲索晒個甜甜地嘅蒜蓉豉油汁，真係好好食❤️🌀雀籠點心拼盤（正價時段$168）賣相精緻，打卡一流，食中式點心都可以有High tea feel❤️一次過可以品嚐六款點心啤梨鹹水角、蝦多士、燒賣、望月小籠包、櫻花糕、蝦餃其中櫻花糕最心得我心🥰好似白糖糕咁嘅口感QQ彈彈，粉紅色嘅內餡微甜有清新嘅香氣，有驚喜感，蝦多士都超好食，炸得酥脆唔油膩

同朋友出發去澳門玩，上船之前係信德中心搵間可眺望維港海景之前要醫下個肚先餐廳位置非常方便，就係三樓嘅出境樓層店內裝潢雅致舒適，可以一邊用餐，一邊欣賞維港海景餐廳提供各種傳統中菜、點心、川菜及粵菜，用料十足，適合多人共享美食食物方面 : 雀籠點心拼盤 : 賣相精緻，有齊望月小龍包、櫻花糕、蝦餃、燒賣、蝦多士及啤梨咸水角，可以一次過食到多款精美點心，同朋友 Happy share 就最啱魚翅灌湯餃 : 好耐無食過魚翅灌湯餃，因為唔係間間酒樓都有得食，灌湯餃餡料豐富飽滿，再浸係醇厚嘅金湯，一啖湯一啖豐富內餡，回憶兒時嘅味道鮮蝦菜苗餃 : 餃皮晶瑩通透，再加上金箔，精緻矜貴，入便係滿滿嘅鮮蝦及菜苗，非常美味百花釀魚肚 : 魚肚軟骨潔白，味道清淡鮮嫩，墨魚膠釀上蝦籽粒，夠曬鮮味彈牙夫妻肺片 : 有滷汁牛肚、牛𦟌及寬粉，牛𦟌夠曬入味軟腍，夠曬麻辣惹味，辣得好癮麻香滑雞竹筒飯 : 竹筒飯用葉墊底，有淡淡嘅竹葉味，再配上麻香又嫩滑嘅雞肉，夠曬惹味

跟四位朋友從澳門遊玩完畢，回來已經很疲累，就選擇在此吃一餐晚飯。沒有特別預期，因為第一次來，只看了OpenRice的食評，便來了。可能我們在星期二晚上六時太早，我們被安排坐入海景房，沒有最低消費。我們五位成人，侍應們殷勤招待，並推介四人餐份量足夠，結果真的一如所料，食物質素很好、美味。期間侍應們也不停進入房間幫助添水及清理枱面，在香港很久沒有這麼好的服務，值得推介。除了數個小菜，還有糖水，我們吃得很滋味及滿足。龍蝦伊麵，有兩隻龍蝦，啖啖肉！😋朋友們說蒸魚很新鮮👍🏻部長說牛柳粒是他們的signature dish😄這個炒飯味道很好😉大家吃得太飽，吃不完這碟菜😅

上環站《望月軒》環境優雅大大玻璃窗可眺望維港美景，座位舒適。我們點左川粤孖寶（五六日）$388蒜蓉開邊蒸波士頓龍蝦一隻：龍蝦新鮮肉質鮮甜爽口，超正👍老壇酸菜魚：桂花魚肉頗多很嫩滑，配料豐富，味道好。成都耗子洞樟茶鴨（半隻）$218：鴨皮脆脆肉質嫩滑，茶葉香味濃。京蔥爆炒羊肉$188，羊肉嫩京蔥香，炒得夠鑊氣香噴噴，真色香味俱全。甜品：養顏銀耳羮$28，銀耳黏稠滑潤、馬蹄爽口，夠滋潤。收銀處旁有四款自家釀酒：天山瑪咖養身酒、有機檸檬養顏酒、野生松茸酒、梅子酒，我下次回頭要品嚐下。

今日介紹一間超靚景中式酒樓俾大家🫶🏻 就係位於順德中心嘅望月軒，坐擁無敵超級靚海景，同屋企人嚟食，肯定個個都會好滿意🥰 除咗靚景之外，原來佢啲嘢都幾抵食又好食，仲有好多特色川菜，服務仲好好🥰 今時今日要搵一間好嘅中式酒樓真係唔容易㗎😅 🌟佢哋有一個孖寶優惠，$388 就可以品嚐到2道精緻菜式，性價比極高😍 今次我就同朋友一齊去試吓☺️ 🦞蒜蓉開邊蒸波士頓龍蝦龍蝦新鮮彈牙，蒜蓉蒸嘅做法完美帶出龍蝦嘅鮮甜，粉絲朔晒啲蒜蓉龍蝦汁，超級好食👍 龍蝦肉質飽滿，啖啖肉，真係好滿足😍🐟飄香滕椒魚滕椒魚麻辣鮮香，魚肉超嫩滑，入口即化👍 滕椒嘅香氣獨特，辣度適中，令人越食越上癮。配菜嘅豆芽吸收晒湯汁嘅精華，非常入味。🌟脆皮乳鴿 $58一隻乳鴿皮脆肉嫩，肉汁都幾豐富🫶🏻 醃製入味👍 🌟腐乳椒絲炒生菜 $98生菜新鮮爽脆，腐乳同辣椒嘅微辣完美融合，非常惹味🫶🏻🌟雲南鮮天麻汽鍋雞 $88 汽鍋雞湯好清甜，天麻嘅香氣獨特，非常滋補，養生又美味🤤🌟桂花糕桂花糕清甜爽口，桂花香氣濃郁，冰冰涼涼，作為飯後甜品真係一流👍 甜度適中，唔會太膩☺️孖寶優惠 $388 絕對物超所值🥰 食材新鮮，味道出色，服務亦都非常周到💕 而

🍽️望月軒📍上環干諾道中168-200號信德中心西座3樓澳門廣場3017號舖食中菜一向係我嘅至愛，今晚阿仔帶我去信德中心「望月軒」，佢上次同朋友食過覺得相當不錯，環境舒適，服務殷勤，真係唔錯😬～前菜花生好香脆；涼拌茶樹菇少少微辣好開胃👍工作太辛苦，唔想用腦，就點了一個精選海鮮二人餐 ，好豐富❤️～時令燉湯羊肚菌燉走地雞燉湯好足料，香味四溢，養生美味之選😬；另外一碗轉咗做天麻汽鍋雞，味濃湯鮮，少少辣味，有去頭風嘅作用，真係養身滋補👍～蜜汁火肪🍖賣相靚，因為色澤鮮艷，油亮誘人，切片又均勻，厚薄適中😍蜜汁嘅甜味滲透入每一片火肪，味道濃郁同有層次感😋🍖～清蒸沙巴龍躉仔🐟魚肉新鮮彈牙，加上不會過鹹的甜豉油，很美味😋～板燒薑蔥鮮鮑魚鐵板上枱，能保持溫度，熱辣辣嘅切片鮑魚香氣撲鼻，食落去好彈牙惹味🤗我連啲配料都食清光，特別係啲洋蔥🧅好入味👍～上湯翡翠時蔬份量好足，湯底鮮甜，白菜仔都好新鮮，食多啲菜夠健康呀😊～冰糖銀耳羹呢個夠滋陰養顏，甜度適中，食落去好潤喉，啱晒而家乾燥嘅天氣，好掂🤗另外今晚好開胃，加點了五香牛展，用料上乘，肉質軟嫩，都很出色👍

出發搭船去澳門之前來咗呢間位於信德中心入面嘅望月軒醫肚！餐廳提供各種嘅傳統中菜，有點心、川菜同埋粵菜！今次就同朋友食咗即叫即蒸嘅點心～✨雀籠點心拼盤賣相吸睛，非常精緻！有大吉大利包、望月小籠包、蝦餃、燒賣、蝦多士同埋啤梨咸水角！大吉大利包同啤梨咸水角賣相都好可愛，而且味道有驚喜！蝦餃表面仲有金箔，真係估唔到食個點心都可以咁有儀式感啊～✨四川口水雞雞件肉質嫩滑，辣度係小辣，帶有麻辣嘅感覺，令人食慾大增～✨醬皇豉汁鳳爪鳳爪口感豐富，醬汁亦鮮香濃郁，令到鳳爪好入味～✨鮮蝦菜苗餃(3件)鮮蝦菜苗餃外皮軟糯，內餡口感豐富，表面仲有金箔做點綴，高級感up up💯～✨黑金流沙包最後食埋呢個流沙效果一流嘅流沙包做甜品，成件事就圓滿哂啦～餐廳唔止食物精緻，環境都好雅緻，仲可以望到海景添啊👍🏻～

上環高級中菜廳，由創新的粵菜、川菜、滬菜和中式點心等等，眺望180°維港景色，環境舒適，食物充滿驚喜前菜 $30酥脆鹹香的花生和帶點微辣的涼拌茶樹菇，同朋友都好喜歡茶樹菇，有驚喜精選海鮮二人餐 $698時令燉湯羊肚菌燉走地雞湯用料十足，包括姬松茸、羊肚菌、雞腳、瘦肉、龍眼乾、瑤柱和響螺頭等等⋯味道鮮甜，啱晒冬天滋補又暖胃宣威蜜汁火肪肥瘦適中的雲南宣威火腿，肉質多汁，由鬆軟的刈包包裹住甜蜜的蜜汁，清新的青瓜和金黃的脆片，味道更有層次，充滿驚喜，很推薦蒜蓉開邊蒸波士頓龍蝦新鮮的波士頓龍蝦肉質鮮嫩，彈牙，配上蒜蓉的濃郁香氣和粉絲，鮮甜美味，店員更會為你拆肉，十分貼心板燒薑蔥鮮鮑魚鐵板燒發出滋滋的聲音，伴隨著薑蔥的香氣上菜，切片鮑魚肉質滑嫩有嚼勁，惹味選擇上湯翡翠時蔬白菜仔，黑木耳和紅蘿蔔絲的組合，味道清淡，時蔬保持鮮脆甜品養顏美容的冰糖銀耳羹，黏稠滑潤，配上爽口的馬蹄，口感更佳加點板燒雙椒安格斯牛柳粒一樣鑊氣十足，焦香彈牙，搭配青椒和紅椒，帶來微辣脆口的口感茶位 $25/位