有間本舖 (已結業)

上個月去旺角見到呢件台灣高雄古早味蛋糕店「有間本舖」排曬隊 搞到我都忍唔住買咗兩盒返屋企知道灣仔店開咗 放工即刻去買咗兩盒返屋企做早餐🤣灣仔店比旺角店更大 一樣採用開放式玻璃設計 行過就已經睇到入面嘅製作蛋糕過程 每日蛋糕出爐時間都定好咗 想食咩味留意住個牌就過黎買 😎出爐就會逐件入好盒擺係度攤一攤 熱辣辣最好唔好即刻合埋個盒呀！盒上面會tick 返係邊隻口味 咁就唔會搞錯啦🤭好方便得意嘅包裝設計 手抽就可以 盒面仲有啲透氣嘅洞上面有logo嗰個係經典原味下面有花紋係蜂蜜蔓越莓建議第一次食買一個原味再加一款其他原味係必食 個texture軟綿綿蜂蜜蔓越莓少少甜 texture就相對厚實啲 蛋糕個size都幾大個 好味😋又抵食 除咗原味同蔓越莓 芝士都係必食🤩🤩切到細細件 配杯熱茶 早餐定下午茶都咁正😎

每次去台灣，都會幫襯古早味蛋糕有咩咁特別？當然係比香港食到既紙包蛋糕厚實，又比較重蛋味，食完真係頂到幾個鐘而且保證新鮮，因為每次出爐前已經好多人排隊近期發現左有間高雄既過江龍黎左香港～當然急不及待要幫襯今日有蜂蜜紅莓味，原味，抹茶紅豆味同埋芝士味芝士味剛剛出爐，我呢個芝士控當然簡佢另外第一次食，原味一定都唔少得大大袋拎返屋企，熱辣辣過左成個鐘先返到屋企，件蛋糕都仲係暖ga睇下係幾咁密，呢個原味食落真係好鬆軟，就算雪左兩日依然咁moist芝士味其實係原味再加咗芝士咸咸甜甜咁好得意可以分開五件細既一共7款味

今次試呢間係有間本舖嘅新分店係銅鑼灣近鵝頸橋嘅位置佢真係喺台灣開過嚟，唔知係咪會正宗d呢🤔全店只係提供4款口味，除咗草根揀咗2款，另外仲有原味同抹茶紅豆.📍黃金芝士（$75）📍蜂蜜蔓越莓（$75）.岩岩出爐蛋味聞落好香👃🏻🐣目測比之前我地食過嘅古早蛋糕細小小但拎起都好墜手😆蛋糕組織緊密，口感軟綿帶點彈性雖然唔叫做好濕潤但一d都唔乾2款口味中蜂蜜蔓越莓較優勝😍🤟.蔓越莓酸酸甜甜好開胃💗而且份量唔少，咬開中間都見到唔少蔓越莓加上輕輕嘅蜂蜜，味道好match🍯食落有d似日本蜂蜜蛋糕嘅感覺.而芝士個款就略嫌芝士少得滯最主要係面頭d芝士粒中間唔多見有芝士🧀味道唔差，但芝士控覺得芝士份量過少👉🏻👈🏻令芝士味唔夠突出.由於草根屋企冇微波爐，想食熱唯有拎去焗♨️焗完表面好鬆脆，中間又唔會乾估唔到個蜂蜜蔓越莓幾有驚喜啊😆下次試邊間古早蛋糕好🍰🤔