影片
以上资料只供参考，请与餐厅确认详情
是日晚饭，两个人有汁烧茄子牛肉饭及原条葱爆䲝鱼餐，包汤，包野饮，全单172好抵！ 加$3蚊有冻饮。 野食好热、野饮好冻！ 绝配！ 🥰🥰仲要有虫草花炖汤！内有瘦肉及少少甜味！ 好味！ 菜式多款，而且仲有英文翻译，方便外国朋友点菜。而且店员服务态度好好，中间转位，仲有店员帮手转。而且好近伊利莎伯体育馆方便打波人士。装修一般茶餐厅，但有句风生水起，祝食客个个都捞起！ 最重要既系坐位唔迫，多卡位坐得舒服。而且就算非卡位都有软垫坐位，几好！ 坐得稳，做得稳。 ☺️
继续阅读
好耐冇行嚟呢边，突然之间发现呢间餐厅已经转咗手，见到个装修都好似几企理有执过就入去坐下食个早餐。入到去发现原来个早餐对比起转手前都轻轻贵咗啲啲，果然系有米先好去食，食得嘅都有米，唔知老板改名果阵系咪有呢个意思呢。不过冇办法啦，始终装修有执靓过，咁呢啲都系成本嚟嘅。叫咗个沙嗲牛肉面，搭个丹麦酥唔可以叫做出色，只可以讲系能够果腹。杯冻柠茶都系，冇乜特别。成件事稍稍水准以下，虽然未至于会令到人好唔开心，但系就真系冇咩兴趣再帮衬。未必有下次
继续阅读
今天路过吃下午茶，见有菠萝油，可配夹心馅料，可选鸡蛋、火腿、烟肉、猪扒……等等，几有趣，不贵，$35。杯冻奶茶好得。够茶味，奶不浓，不会过份奶腻，抢去红茶的味道。包呢……麻麻，实！好睇唔好食。
继续阅读
见新嘉美顶咗俾呢间，试下新嘢啦。午餐唔多选择，价钱偏贵，叫咗咖喱鸡排肠仔饭($60)同粟米鱼块饭($63)。先上例汤，本身期望不大，点知连例汤都做得差劲，极多肥肉，味道依靠味精支撑。咖喱鸡排肠仔饭，饭煲得甚烂，咖喱汁淡如水，鸡排一般，差评。粟米鱼块饭，粟米汁冇乜粟米，鱼块得6旧手指公咁大，算啦，食落，系最平最平嘅鱼柳，只可以话唔值呢个价钱。冻柠茶，仅仅合格，唔差，亦唔特别好饮。总结，无回头，无下次。
继续阅读
服务方面：外卖早餐竟然可以执漏咁大份嘅炒滑蛋🥹，朝早买得外卖早餐就系因为赶时间，冇double check系因为信任，但店家似乎咁基本都做唔到。。。。。食物方面：燕麦粥煮得系唔错嘅，都算足料而且煮嘅时间够长，够晒软身，但拆份多士出来个时简直喊出来，点睇都唔系menu写嘅丹麦酥多士，果然真正食落就只系普通方包烘过然后涂上牛油同炼奶。。。。其实冇丹麦多士系可以同个客讲嘅，咁样做有欺骗消费者嫌疑㖞。。。
继续阅读