有米餐廳小廚

营业中

休息中

今晚踢完波 再次經過摩理臣山道的這間餐廳 上次黎係上年。星期日晚上 餐廳人吾多 一個人今次點左今晚晚餐金湯酸菜煮鮮魷跟白飯 晚餐送燉湯 天氣熱冇飲燉湯 飲凍檸樂 。鮮魷好新鮮而且煮得剛剛好好嫩滑唔韌 配上鹹酸菜的金湯鮮魷相當好味！第一次在香港吃到酸金湯酸菜煮鮮魷 可惜是晚餐 吾係正常餐牌上的菜 所以吾係隨時可以點有中。強烈建議餐廳增加酸菜金湯系列到進正常餐牌上例如：金湯鮮菜肥牛 、金湯酸菜鮮菜鮮魷金湯海鮮（魚、蝦、蟹花甲） 。 希望老闆可以見到我的食評和接受我的意見，下次我會再來

是日晚飯，兩個人有汁燒茄子牛肉飯及原條蔥爆䱽魚餐，包湯，包野飲，全單172好抵！ 加$3蚊有凍飲。 野食好熱、野飲好凍！ 絕配！ 🥰🥰仲要有蟲草花燉湯！內有瘦肉及少少甜味！ 好味！ 菜式多款，而且仲有英文翻譯，方便外國朋友點菜。而且店員服務態度好好，中間轉位，仲有店員幫手轉。而且好近伊利莎伯體育館方便打波人士。裝修一般茶餐廳，但有句風生水起，祝食客個個都撈起！ 最重要既係坐位唔迫，多卡位坐得舒服。而且就算非卡位都有軟墊坐位，幾好！ 坐得穩，做得穩。 ☺️

好耐冇行嚟呢邊，突然之間發現呢間餐廳已經轉咗手，見到個裝修都好似幾企理有執過就入去坐下食個早餐。入到去發現原來個早餐對比起轉手前都輕輕貴咗啲啲，果然係有米先好去食，食得嘅都有米，唔知老闆改名果陣係咪有呢個意思呢。不過冇辦法啦，始終裝修有執靚過，咁呢啲都係成本嚟嘅。叫咗個沙嗲牛肉麵，搭個丹麥酥唔可以叫做出色，只可以講係能夠果腹。杯凍檸茶都係，冇乜特別。成件事稍稍水準以下，雖然未至於會令到人好唔開心，但係就真係冇咩興趣再幫襯。未必有下次

今天路過吃下午茶，見有菠蘿油，可配夾心餡料，可選雞蛋、火腿、煙肉、豬扒……等等，幾有趣，不貴，$35。杯凍奶茶好得。夠茶味，奶不濃，不會過份奶膩，搶去紅茶的味道。包呢……麻麻，實！好睇唔好食。

見新嘉美頂咗俾呢間，試下新嘢啦。午餐唔多選擇，價錢偏貴，叫咗咖喱雞排腸仔飯($60)同粟米魚塊飯($63)。先上例湯，本身期望不大，點知連例湯都做得差勁，極多肥肉，味道依靠味精支撐。咖喱雞排腸仔飯，飯煲得甚爛，咖喱汁淡如水，雞排一般，差評。粟米魚塊飯，粟米汁冇乜粟米，魚塊得6舊手指公咁大，算啦，食落，係最平最平嘅魚柳，只可以話唔值呢個價錢。凍檸茶，僅僅合格，唔差，亦唔特別好飲。總結，無回頭，無下次。

服務方面：外賣早餐竟然可以執漏咁大份嘅炒滑蛋🥹，朝早買得外賣早餐就係因為趕時間，冇double check係因為信任，但店家似乎咁基本都做唔到。。。。。食物方面：燕麥粥煮得係唔錯嘅，都算足料而且煮嘅時間夠長，夠晒軟身，但拆份多士出來個時簡直喊出來，點睇都唔係menu寫嘅丹麥酥多士，果然真正食落就只係普通方包烘過然後塗上牛油同煉奶。。。。其實冇丹麥多士係可以同個客講嘅，咁樣做有欺騙消費者嫌疑喎。。。

想講，呢間餐廳應該都開左一兩個禮拜，目前應該仲係試業階段。雖然一黎就寫負評好似有d衰，但係唔講出黎真係難解我心中嘅怨恨。本人自問唔係一個美食家，亦都唔鍾意寫食評，好多時d野食擺得入口已經可以接受，但係呢間嘢嘅蛋包飯真係可以講係難啃。我就自問食過兩次蛋包飯，俾我嘅體驗都唔錯，係我嘅認知入面蛋包飯就係蛋包住炒飯，但係呢講嘢個蛋包飯居然係蛋包白飯。咩事？我嗌左雞排蛋包飯，就真係一塊雞排，蛋同白飯，多一滴豉油都冇，加多罐雪碧就已經要71蚊。我俾71蚊食d咁嘅嘢，咁點解我唔自己煮。貴我明白，但係咪都應該俾返d誠意？食第一啖頂唔順，塊雞排鹹得黎又比較乾，難d可以撈飯食。最後真係唔想浪費食物 落左d辣椒油先啃得落。呢次可能係個意外掛，都可以係個廚師搞錯，但係我唔會再想食多次lo。（評分是亂黎的，如果唔係交唔到）