有樂燒味

营业中

休息中

位置相對闢靜，但似乎亦不乏支持者。見多種燒味嘅外觀好似都唔錯，試咗叉燒、燒肉、同燒鵝。 叉燒要半肥瘦。 表面微微焦香，肉質非常鮮嫩，製作叉燒所用嘅肉質應該相當唔錯。 有趣係老闆雖然相對後生，但係叉燒上面會好傳統地淋上咸中帶少少蜜糖甜味嘅燒味汁。燒鵝皮燒得香脆，肉質嫩滑而帶一種鵝肉嘅微微粉紅色。 鵝肉鮮味，有少少肥，味道唔錯。燒肉偏瘦不過唔嚡，燒肉皮鬆脆可口。本來仲想試埋炸乳鴿，可惜嚟得太早要晏啲先有。 下次要揀啱時間嚟試埋佢。

36蚊雙拼飯，抵食夾大件！ 🤑今日第一次幫襯有樂燒味，係診所成日聽披唇講呢度嘅燒味飯好抵食，所以就嚟試下！ 🤩 不過我哋行過嚟有少少遠，試過有一次未開摸左門釘🫢🫢36蚊就有個雙拼飯，真係好抵！ 雖然價錢平，但係份量一啲都唔少，啱晒我呢啲大食怪！ 🤤今次我揀咗燒肉同燒鴨雙拼，燒肉皮脆肉嫩，燒鴨肉質 juicy，味道都唔錯！ 👍🏻 配埋啲飯同菜，都夠飽肚！我朋友仔就食叉雞飯，對方都好滿意😂總括嚟講，有樂燒味嘅燒味飯真係抵食夾大件，啱晒想食平嘢嘅朋友！ 👍🏻 下次想食燒味飯，都會考慮再嚟幫襯！#有樂燒味 #燒味飯 #雙拼飯 #燒肉 #燒鴨 #香港美食 #抵食 #平民美食 #食好西 #相機食先 #手機食先 #hkfoodie #foodiehk #hkeat #foodphotography #foodlover

有樂燒味既燒味色香味俱全，咬一口令人回味無窮。叉燒肥而不膩，脂肪入口即溶，肉嫩味鮮。燒肉香脆可口，焦黃透亮，香益四方。乳鴿酥脆鮮香，汁多美味，令人垂延三尺。總括而言，燒味質素非常高，豐富多樣，真係百食不厭。店內裝橫非常前衛，我很喜歡。衰在成日好快賣完，想食都冇得食。一定會繼續多d幫襯支持～

住喺土瓜灣咁耐，一直都知道附近有間口碑好好嘅外賣燒味舖，除咗燒味外，又推出咗唔同口味嘅班戟，不過因為好少經嗰邊，所以雖然已經視試好耐，一直都未有機會試。上個星期五去咗附近買嘢，一於試咗個班戟先，買咗個星期五限定嘅榴槤班戟。打開一睇，個班戟都算大件。叉開可以見到榴槤肉唔算太多，好彩食落都夠榴槤味，唔會得忌廉味，整體計埋價錢嚟講都算係一個性價比高嘅榴槤班戟。下次一定會試埋燒味同其他口味嘅班戟。

幫襯咗幾次，試過叉燒、燒鵝、油雞、豬大腸，全部都好好食。我就最鍾意油雞🤤就算係一粒滷水蛋都好好食。老闆每次切嘅時候都好細心，會問客人想要肥叉定瘦叉，絕對係一間好有溫度、好有誠意嘅燒味店，值得支持。近排知道老闆出埋芒果班戟，即刻WhatsApp留定，如果唔係就好快俾人買哂。班戟好有驚喜，你估唔到一間燒味舖會有班戟食，飯後甜品一流👍🏻👍🏻相比起連鎖餐廳或者其他平民小店嘅燒味，我覺得呢間有樂燒味係我食過最好食嘅👏🏻👏🏻希望繼續「好生意」啦💪🏻💪🏻我遲落幾個巴士站都要行過嚟幫襯🤤

係風水上有一課題叫 "光煞"，對於住宅多數都以凶論，但用係舖頭就大為有利! 哩間有樂燒味，我都係被佢門口好有港式好靚嘅霓虹光管吸引，先至知道有哩間餐廳存在，店舖細細好易被忽略當然要想辦法吸引人啦!有樂燒味開張唔係好耐，大約1~2個月，今次就叫個油雞同肥叉外賣，睇睇咩質素先?有樂店舖細細，睇唔到內裡有燒爐，有都放唔落，相信係攞貨番嚟賣，而且細到連堂食都做唔到，只做外賣.雖然攞貨番嚟賣，但價錢唔算貴，半隻油雞都係四十令蚊.左望右望，見佢得三舊瘦叉，所以買半隻油雞算，老細問我要唔要叉燒，我話只要肥叉，但見到只得瘦叉所以放棄，老細話有肥叉，原來收埋係盤下! "見你周圍望就知你搵叉燒啦"老細真醒目!油雞雖然未至於嫩滑，肉質唔係入口無渣，但又未至於柴口，中規中矩啦..... 另外蔥油尚算滿意，味道唔係大鹹，只係蔥同薑嘅比例薑較多，對於我哩D愛蔥人士當然希望蔥多啦! 而油雞點上蔥油就 Very good!叉燒加上叉燒汁，令叉燒更甜，而肉質鬆軟，滿意.下次試試白切雞同燒肉再出食評.