有料案內所 (井財街)

营业中

休息中

👇炙燒焦糖麻薯窩夫 這個窩夫我之前聽人講就聽得多，今次我第一次品嘗，這次我是外賣的，落單後不會等得太久。 回到家中打開紙合盒，最初賣相好似一般格仔餅，面頭有黃些色類似奶油的醬汁和一個雪糕球，還有少許草莓和士多啤利在旁裝飾。當我用刀切開這個窩夫時，那些醬汁開始沾滿了窩夫，看起來十分juice，當我咬一口的時候，窩夫非常彈牙，超級有口感，最重要的是窩夫一定要加醬汁和雪糕一起咬，醬汁和雪糕是窩夫的靈魂，所以這個窩夫真係名不虛傳，喜歡吃彈牙食物的人士一定要試，超級推介😋。

第二次黎食有料既窩夫，仍然十分欣賞。食返上次既炙燒焦糖布甸麻薯窩夫。今次再加多個tiramisu窩夫， 厚厚鬆軟既窩夫，配上個tiramisu 芝士醬， 感覺就係食緊tirumisu 再配上窩夫食，份量幾大，岩兩人share ,但鋪頭需要一人叫一款甜品，食到太飽。 個人喜歡佢個窩夫好多醬，而且d口味高質，唔係hea 比既糖醬或者朱古力醬。 另外仲叫左兩款糖水，就普普通通，建議叫返佢既窩夫，特別係呢兩款。 下次再試埋佢個珍珠伯爵茶窩夫， 期待。

有料案內所屯門景峰一帶一直都有好多性價比高嘅小店，每次黎到景峰都好似有選擇困難咁，因為間間都好想試；今次就試呢間bookmark 咗好耐嘅有料案內所，估唔到平日夜晚9 點去食都依然要排隊等位~意式Tiramisu梳乎里班戟 HK$86今次叫咗個tiramisu pancake，一見到個pancake 就覺得好surprise，因為好少見到pancake 會整得咗有心思，碟上面會有圖案，整得好靚；pancake 好鬆軟好有蛋香，配埋tiramisu一齊食，味道啱啱好，推薦~松葉仿蟹棒芝士大板燒 HK$53另外一款我地就揀咗鹹食，今次我地就想試下佢啲大阪燒；大阪燒入面有菜、豬肉片同煙肉，食落又唔會覺得好多麪粉，算係味道唔錯嘅大阪燒~整體感覺食完之後有種後悔嘅感覺，心諗點解自己bookmark 咗呢間餐廳咁耐都唔早啲黎試，原來啲野食咁高質；我地仲留意到佢嘅窩夫好多人推薦，下次再黎會試下佢啲窩夫~

飯後~想食甜品~ #屯門友 近近地~今次揀左佢▶️有料案內所✅️炙燒焦糖布甸梳乎厘班戟($86)梳乎厘班戟係哩度既招牌菜~一上枱已經覺得十分吸引啦~😍😍班戟既空氣感做得唔錯~👍👍鬆軟得黎食落仲幾有蛋香味添~😋😋雪糕我就揀左綠茶味~唔係好甜~幾香茶味~唔錯唔錯~🤤✅️小丸子紅豆抺茶芝士奶蓋富士雪山($40)哩個雪山份量十足~🤩🤩好鍾意佢個芝士奶蓋~芝士味夠哂濃~😋😋食落抺茶味都幾夠味~小丸子夠哂煙韌~配合埋甜甜既紅豆一齊食~真係perfect👍👍哩一缺點係刨冰既冰比較硬~🥲🥲食到咁上下要出D力/比D時間佢溶~哩度真係有少少扣分~😨😨

係屯門虹橋附近食完野，見時間仲早而且無咩人，於是就去試下依間平時要大排長龍既人氣甜品店💛鋪頭名好特別，而且店內裝修都係走日式風格，相當得意😊不過店內環境不大，都坐得有點迫，而且多人時都會幾嘈🙈而今次就試左佢地店既招牌灸燒焦糖布甸疏乎厘班戟Pancake空氣感幾好，非常鬆軟，食落去都有蛋香，，而且上面既布甸同埋焦糖甜甜的，加埋一齊十分之夾🥰🥰🥰🥰另外再配埋球雪糕真係好正😋雖然店鋪位置比較不方便，未有地鐵同輕鐵直到，我我認為都值得一試☺️

呢日好想食甜品 虹橋呢間甜品店晚上一定有人等位 今日就去試下先🍮🔸灸燒焦糖布甸麻糬窩夫 （$68）嘩 一上枱 有兩個貓貓紙牌仔裝飾 很可愛呢 窩夫好厚份量十足 入口暖暖的即叫即整既麻薯配上窩夫好煙靭 口感超級正呀 真係十級滿足🤩窩夫面有層焦糖布甸 燒到膿膿地 配埋窩夫好香口 脆脆地好正窩夫點埋雪糕及朱古力醬一齊食 又另一種口味 正🤤 🔸 Oreo 朱古力流心梳乎厘班戟（$88）碟上配有貓貓可愛圖案 特別又可愛😍梳乎厘即叫即製 暖暖的 口感超軟滑入口即熔 做得好出色 好有空氣感係我食過既梳乎厘中排頭三位👍🏻🔸綜合涼粉 （$38）涼粉爽滑 芋圓煙勒 加埋紅豆 小丸子等一齊食 好好味

間唔時經過哩間甜品店都好想入去試吓因為佢嘅店名好有趣叫做「有料案內所」終於趁住冇乜人排隊可以入去試吓😄首先講吓環境店舖面積唔大，有少少迫食客坐吧枱高腳櫈另有一排連住坐既卡位我正正坐左係卡位度唔知係咪卡位固定得唔好我被隔離興奮既食客搖到我好似坐緊4D戲院張櫈咁😅😅好喇，講返食物各位要留意返，每位食客最少都要點一款甜品架我點左：灸燒焦糖布甸梳乎厘班戟再加巧克力流心（哩個似係出名）男朋友見到隔離枱男仔個個都點雪山佢就點左：Oreo朱古力芝士奶蓋富士雪山食後感：梳乎厘pancake都合格既，入面朱古力好味，不過份量唔多，亦都唔係好流心而雪山我鐘意佢果芝士奶蓋，同埋有個雪糕收埋係雪山入面都幾驚喜😆但係雪山真係太硬了，餐具都係膠既，好難將雪山解體🙈🙈另外如果雪山既冰粒可以細d會更加理想～～再附上環境裝修

這次到屯門覓食試試這間大排長龍的甜品店伯爵茶珍珠梳乎里班戟$86單看賣相已經滿分梳乎里班戟真的必吃不論甚麼味道也好重點是班戟的蛋香和鬆軟度伯爵茶cream和朱古力雪糕也非常match可惜的是芋圓實在太硬灸燒焦糖布甸麻糬窩夫$68窩夫也十分值得推介很愛這種煙煙韌韌的感覺凍芝士奶蓋蜜瓜四季春$38滿滿的蜜瓜味甜度適中加上奶蓋非常滿足朱古力靜岡烏龍奶茶$30朱古力味濃而且完全不甜可以中和甜品的膩感店名非常特別的有料案內所店內最大特色就是這個到大阪必影的固力果人充滿日本的味道

深宵食堂日式炒麵 🐼$58惹味之選！入面有木魚碎、紫菜、雞肉、椰菜，首先上面隻蛋真係煎得幾靚🍳😻蛋汁撈埋落麵到幾香～麵軟硬度適中，雞肉份量都多，而且唔鞋口🐥食到咁上下，仲可以配紅薑絲，清新一下🍃炙熱焦糖布甸梳乎厘班戟 🐼$95焦糖布甸🍮個味都幾好，但個漿可以再多啲再焦糖啲😂班戟唔算太甜，蛋味香濃，不過空氣感可以再重少少🤏🏻而家比較似蛋糕🍰而草莓粒同藍莓粒🍓🫐都唔太酸，可以解膩

屯門紅橋附近都有幾間甜品店見到今次呢間裝修係日本風格既然日本機票咁貴一於就入去呢間當返鄉下啦!!!炙燒焦糖布甸梳乎厘班戟 $86裝飾勁可愛 非常適合打卡蛋香味濃既 但口感似蛋糕有少少失望係佢做唔到入口即溶既效果而簡左焦糖燉蛋個味又唔夠出整體黎講都少少失望下次會想試下個窩夫如果大家食過就留言話我知好無食啦!士多啤梨藍莓芝士奶蓋富士雪山 $44個人認為呢個好食啲刨冰唔同雪花冰 本身無味所以好依賴佢既醬料同配料呢到個奶蓋味濃 同埋士多啤梨醬都夠裡面有個隱藏既士多啤梨雪糕令口感更加有層次感同埋個冰勁大份 性價比極高📍有料案內所 屯門井財街15號金銘大廈地下3號舖其他分店: 將軍澳

Intro: 食完屯門虹橋嘅米線，就去左附近嘅甜品店去消暑！呢一間出名係賣日式鮮果刨冰，價錢仲要係40-46蚊到，賣相仲要好吸引，但刨冰嘅份量多，建議大家都係share，再叫其他甜品試試~___________________🍽 士多啤梨藍莓芝士奶蓋刨冰💰 44 ⭐️8/10✍🏻 甜度酸度岩岩好，每啖冰都有奶蓋同士多啤梨味✍🏻 好多藍莓士多啤梨粒，但就比較酸✍🏻 有驚喜係食到中間有雪糕，但味道都比刨冰蓋過，勝在多左層口感🍽 芒果芝士奶蓋刨冰 💰 44 ⭐️7.5/10✍🏻 有好多粒粒嘅芒果肉，但真係太甜✍🏻 每啖冰都有芒果味，但太甜蓋過奶蓋味道✍🏻 食到中間嘅雪糕嘅甜度都唔夠芒果味嘅甜___________________🏠 有料案內所📍 屯門井財街15號金銘大廈地下3號舖⭐️ 8/10 （刨冰）___________________

試過響繁忙時段叫外賣，企都企咗20分鐘都仲未有得拎，但係今次試吓講非繁忙時間糖食，所有食物都比想像中嚟得快好多😂✨👉🏻芝士蟹子章魚燒因為係關西風味，個皮唔會特別脆身入面粒八爪魚都唔係特別大粒個人覺得只係用嚟過下口癮，唔係話特別出色😛👉🏻深宵食堂日式煎餃係細粒煎餃，就係平時屋企煎咁嘅味😂醫肚一流👉🏻深宵食堂日式炒麵 明明個配菜都好簡單，夾埋一齊就超級好食😆要注意嘅係，佢有落酸薑洋蔥，唔識嘅就要早啲叫起啦✨同埋醬汁上都落幾多沙律醬，如果唔想食醬嘅，叫定小醬穩陣啲😆👉🏻灸燒焦糖布甸麻薯窩夫超級好食！啱啱整起啲麻薯仲好煙靭！頂果層焦糖連埋呢張燒到竉窿地好香口！窩夫都係脆卜卜！唯一係佢都幾分量十足，最好2-3人以上先嗌😆👉🏻意式Tiramisu 梳乎厘pancake可能因為tiramisu個味太搶，食唔到pancake應有嘅蛋香🥲不過pancake質地都係鬆軟😆

食完飯睇戲緊係要食埋個甜品先完美！今晚特別想食窩夫，所以揀咗嚟有料案內所店內裝修係偽日本🇯🇵未開關無得去旅行，影下相扮住先🤣不過鋪頭偏細，座位唔多，都等咗15-20分鐘鮮雜莓窩夫 $66好大份！！可以當正餐食都飽😆可自選雪糕口味，我揀咗芒果味窩夫熱辣辣好鬆軟，好重蛋香味，整得唔錯Cream略嫌太多，有啲太甜太漏可以多啲水果balance返🍓Oreo朱古力芝士奶蓋富士雪山 $46又係份量好大🤩 滿滿嘅Oreo碎圍繞住刨冰，上面再鋪咗一層芝士奶蓋，刨冰入面隱藏咗一球朱古力雪糕刨冰分兩層，一層朱古力味，一層普通冰底係普通碎冰，不是棉花冰，但配上其他配料味道都唔錯，不過天氣熱溶得好快🥲

前排去咗屯門Staycation晚飯後搵甜品食見到一間叫「有料案內所」嘅甜品店好似幾受歡迎即管去試吓我哋由屯門市廣場坐咗3站輕鐵再行5分鐘到井財街附近小店不算很大，客人坐高櫈雖然裝潢簡單但也有用心佈置過寫著「歌舞伎町井財街」的燈箱亦頗有趣，幾啱打卡😀我哋今次點咗1️⃣炙燒焦糖布甸梳乎釐班戟（$86）梳乎厘班戟係小店嘅招牌菜，食過就明點解會做到招牌菜！梳乎厘班戟非常鬆軟，入口即化，而且蛋香🥚味濃，形狀亦非常可愛❤️，充滿少女心的感覺。2️⃣芒果🥭椰汁水晶西米露（$39）非常大碗的芒果西米露！芒果份量多，水晶肉圓和珍珠都非常彈牙有𡁻口，再加上西米，口感非常好。雖然呢家甜店小店位置對我哋嚟講都算山旮旯，但食到個高質梳乎釐都值得我哋花時間嚟嘅😉有料案內所 (井財街) (屯門)屯門井財街15號金銘大廈地下3號舖

黎到店員話好多人等位，建議外賣自取。我地都聽話即刻落單，點知等左差唔多一個鐘，由有人到冇人排，冇交代任何原因，仲未有。黎得食既人，要預好多時間先好黎！中大伏，送比我都唔食！