影片
相关文章
呢间野bookmark咗好耐，终于有时间黎试，点知真系好伏😓食完觉得呢间餐厅有少少糟蹋咗啲食物。我地叫左个set,有两款小食同一杯野饮，另外加多一份窝夫。 野饮个奶盖劲奇怪，似用啲cream打起就算，冇加到Cream Cheese咁，茶同奶盖完全分开两样野，mix唔到。章鱼烧系一pat粉咁，口感好差炸鸡软骨系最正常，不过旧柠檬其中一面系干嘅焦糖麻糬窝夫，一上枱闻到啲㶶味，心知不妙，点知上面啲焦糖系㶶咗嘅😖😖😖
继续阅读
🏆 窝夫胜出！虽然舖头英文名叫Pancakes，但好食嘅系窝夫😂👀 点了：✨ 炙烧焦糖布甸麻糬窝夫套餐✨ 伯爵茶珍珠梳乎厘班戟套餐🥞 梳乎厘Pancake入口即溶，质感犹如棉花糖般柔软，蛋香浓郁，但太漏，欠缺理想的轻盈感。芋圆够弹牙，伯爵茶香气悠然飘逸，但总觉得缺少了一点惊喜。🍴评分：7/10🧇 焦糖窝夫一切完美演绎——金黄酥脆的外皮，松软烟韧的内心，每一口都渗出焦糖的甜美与奶油的细腻。配搭绿茶雪糕，清新淡雅，甜而不腻，简直系味蕾的高级享受！✨ 评分：9.5/10🍵 奶盖乌龙茶奶盖如丝滑般溶于口中，微咸的奶香衬托出乌龙茶的清幽茶韵，暖心又疗愈，饮完彷佛被温柔拥抱。🍶 评分：8.5/10✅ 总评本来以为系嚟试班戟，结果被窝夫收服！下次再来，试埋其他窝夫口味～😋 #窝夫才是主角 #焦糖窝夫的完美演出 ❤️
继续阅读
收工好想食甜品，就入咗去屯门井财街食呢间有料案内所之前嚟过好多次，都几钟意食佢嘅梳乎厘虽然唔算好平，但系质素唔错今次叫咗个小丸子红豆抹茶梳乎厘班戟 ($84)Menu本身写咗制作时间至少20分钟但我地都等咗至少半个钟先上但市面上的即整嘅梳乎厘价钱都应该要过三位数呢度只系卖80几蚊，我觉得好抵食手机落单嘅时候，仲会有好多选项俾你自己拣梳乎厘一如既往咁好食，好fluffy配埋冻嘅雪糕入口即溶，好好食败笔系红豆，好似浸左糖水，极假甜另外仲叫左个综合凉粉 ($42)里面除左有凉粉之外，仲有芋圆、红豆、小丸子同珍珠味道唔错，败笔都系红豆过甜😂埋单唔需要加一，只系$126坐就坐高凳，就一定唔系好舒服睇到好多评论都话呢间店员态度差眼见呢度都应该系请啲𡃁仔𡃁妹，part time返工，工作经验唔够所以都冇得要求咁多同埋自助落单，同佢地交流唔多只系一入嚟就会同你讲，每人最少order一样食品同埋有限时所以下次都系会为佢嘅梳乎厘班戟而嚟！
继续阅读
入去叫外卖后（嗌咗三样嘢：大阪烧、饺子和炒面），本身都有问服务员要等几耐？佢话：「你出去等一阵吖。」令我以为好快啦。点知出咗几个外卖都唔系俾我的，应该系外卖自取/其他外卖单。𠮶阵过咗大约15分钟。而今日特别热，我和朋友们一齐在餐厅门外等咗20分钟，其他人陆续来取外卖。我问服务员：「仲要几耐？」佢答我仲争个炒面。之后又等多5分钟，期间有另一位服务员返工，我见都等咗25分钟，出面又热，餐厅又坐唔满，咪入去等，跟住俾佢叫我出！返！去！等！我心谂：有冇搅错，我咪话，我已经等左差唔多半个钟，你哋有服务员5分钟前话个炒面就得，出面咁热可唔可以入来等一阵，佢就无再出声，但系好似专登咁走过嚟抹枱。后嚟等到30分钟，我话不如取消个炒面啦，佢先出到俾我。到底发生咩事呀？我真系好想知。其实我和朋友同时去咗几间舖头叫外卖，案内所系最后而且最耐的。就系因为个炒面！？其他食物被迫等了30分钟以上（未计来回及返屋企的时间）才能拎返屋企被进食，其他食物也很可怜啊！如果要等咁耐不如你早啲同我讲吖。佢哋好似好话之你咁。所以忍唔住瞓醒第二朝都要返嚟俾返个劣评！！！
继续阅读
自从几年前第一次食有料案内所嘅炙烧焦糖布甸麻糬窝夫，佢就已经喺我心入面占据咗一个位置，令到我一个九龙人每隔一段时间就会专登坐个几钟牛入屯门只为食一个甜品🐂最近一次食系临近圣诞，应该因为系下午茶时间所以有得$60几蚊跟餐嗌埋嘢饮，我嗌咗杯热嘅奶盖茶，奶盖属于比较浓厚咸香，正正常常，玻璃杯系用双层隔热杯，细心位好加分都好打卡able 主角登场👑本体麻糬窝夫不同于坊间，普遍做法系普通窝夫浆中间放麻糬粒或者将麻糬放面，佢哋嘅窝夫本身就系一大旧麻糬‼️估计系喺窝夫浆入面加咗糯米粉等去做出烟韧口感，窝夫表面依然保留到微脆，呢种口感应该唔系个个都钟意但系劲啱我呢个烟韧控💛💛💛窝夫本身冇乜调味单食比较寡，但系配埋淋面嘅布甸酱同埋炙烧焦糖之后甜度上大满足‼️佢绝对唔系一个「唔系好甜」嘅甜品，但系加埋雪糕一齐食，冰火交融造就出我心心念念嘅完美组合❤️🔥不过呢次食有一样嘢美中不足嘅，就系我贪得意雪糕拣咗厨房发办，嚟咗士多啤梨味，劲难食😵💫浸味好怪唔识形容，觉得佢系污染咗我个甜品，有几次我都想推走佢但系又觉得三样嘢系缺一不可，所以千祈唔好嗌士多啤梨味，唔系就会学似我咁矛盾😵💫呢点真系爱之责责之切，强烈希望有料案内所换过士多啤梨味嘅牌子，或者索性令呢只味喺世界上消失🔪其实唔止食过3次不过有啲揾唔到相喇haha，仲有1点就系呢个窝夫份量好惊人，唔止大块仲好厚，佢只碟系类似自助餐碟最大𠮶个size咁，我第一次食𠮶阵上枱都忍唔住哗咗一声！喺我冇食lunch嘅情况下食半份系最满足嘅！食多四份三已经叫做勉强，所以佢系宜抵食share忌独食㗎！如果有得拣mini size就好🥺
继续阅读