有料案內所 (井財街)

营业中

休息中

呢間嘅梳乎厘班戟同刨冰都好出名，但因為天氣轉涼，今次就冇叫到刨冰，留返下次再嚟啦～ 店內外裝修都好有日本嘅感覺，暫時冇得去旅行，嚟呢到感受下都唔錯～•🥢 炙燒焦糖布甸梳乎厘班戟 $86溶咗嘅焦糖布甸包住班戟，焦糖脆脆地，而梳乎厘班戟就軟綿綿咁，充滿空氣感，班戟本身蛋味幾濃！整體配搭幾好～•🥢 珍珠奶茶窩夫 $68窩夫偏薄，上面加咗奶茶味嘅cream，令到窩夫淋得好快😅 奶茶味嘅cream可以再濃啲，但依加食落都唔膩；奶茶雪糕奶茶味幾濃；芋圓中間保留左芋頭質感，但有啲偏硬；另外配咗啲紅豆，感覺唔係幾夾😂•🥢 Wasabi 明太子章魚燒 $42章魚燒幾脆，入面唔係滿滿嘅粉漿，中間有一粒章魚，Wasabi同明太子嚟自章魚燒上面嘅醬，明太子味濃啲，朋友話wasabi味唔夠。面頭仲有好多木魚絲！•🥢 深宵食堂煙肉大板燒 $46大板燒入面係滿滿嘅生菜，唔會只係粉漿！而且醬嘅份量適中，足夠食晒成個大板燒而唔會好鹹，味道正正常常，但菜嘅份量有加分！•🥢 Oreo芝士奶蓋蜜瓜沙冰 $38沙冰都幾大杯，Oreo碎同芝士奶蓋份量都唔少 ，沙冰好幼細，Oreo芝士奶蓋同蜜瓜都好夾，好fresh，味道有啲似me

意式tiramisu梳乎厘班戟 $86見到餐廳電視播梳乎厘播製作過程覺得好吸引就叫咗黎試～梳乎厘食落好鬆軟好有蛋香 仲要即叫即整 上枱熱辣辣 加上朱古力粉 食落苦味偏重唔會太甜 再加上雪糕 一凍一熱咁食jeng🤤評分: 8/10🌟士多啤梨藍莓芝士奶蓋冰 $36見到佢個價錢一定以為佢好細份 點知一黎到嚇親我哋😹😹😹 個冰超高之餘入面仲有一大球芒果雪糕同芒果肉而且食落都好甜 芝士奶蓋就充滿鹹香係個人鐘意既奶蓋味😻 加埋啲冰食一流 而且啲醬汁都好多 唔會食食下得冰既味 唯一比較可惜就係沙冰好大粒唔係綿密個種 如果啲冰變得綿密啲就滿分喇🤣評分: 8/10🌟屯門半日遊： Byob Coffee Roster (lunch) ➡️彩虹欄杆（ 何福堂中學旁跟住地下往郊野公園既指示牌行）➡️藍地水塘➡️藍地大街➡️屯門碼頭燈塔睇日落➡️雲川燒(dinner) ➡️ 有料案內所(甜品)———————————————————————有料案內所 (屯門)屯門井財街15號金銘大廈地下3號舖

今日去咗屯門井財街附近食Lunch，見到附近有一間叫《有料案內所》小店，見到門外有人排隊，就行過去看一看，原來這間餐廳係「甜品店」；食完午飯之後，一於去食個「飯後甜品🍮」；入到餐廳，大部分都係年青人，這間小店應該受年輕人歡迎小店用手機📱落單，都幾方便；原本想食「意式Tiramisu梳乎厘班戟」，不過，剛好售罄，最後叫咗「🍓鮮雜苺窩夫🧇 $66」整體來講：賣相唔錯，味道可以，但未算有驚喜價格💰：$66味道😋：OK

今晚專程入嚟屯門食呢間甜品店，朋友話之前買外賣食過好好食😂就喺附近食咗晚餐先，食完就過嚟啦！淨係舖頭名都已經好有日本嘅感覺🇯🇵呢間舖頭都幾受歡迎，要等一陣位！仲見到大阪嘅標誌性燈牌😆😆好有feel!!! 歌舞伎町啊😆揀咗兩個甜品share食😗😗頭頂有個紅色燈光搞到影到甜品紅晒😂😂🔸炙燒焦糖布甸麻薯窩夫🧇呢個就係朋友食過話好好食要Encore 的窩夫🧇咬落口有煙韌嘅感覺，窩夫中間加咗麻薯粉整，好有咬口！面頭嘅焦糖好脆，加埋布甸醬，好好食！雪糕係雲呢拿味，連埋窩夫一齊食一流！不過一定要兩個人share😛食食吓都覺得好大份！🔸 Oreo朱古力芝士奶蓋刨冰🍧本身驚唔夠食，所以叫多個刨冰，估唔到又係咁大份😂好似成座山咁！佢嘅奶蓋醬汁好多，所以唔驚食食吓中間冇味。最驚喜係食到中間有朱古力味雪糕，仲要係一大球😂 30幾蚊呢個真係超抵食！過開嚟屯門嘅朋友，一定要食下呢一間甜品店，性價比超高，比起市區嘅甜品店，真係又高質又抵食又大份😆可惜我住得遠如果唔係應該成日都過嚟😛

👉🏻意式Tiramisu梳乎厘班戟 $86呢個係我嘅最愛，咬口非常鬆軟，傳岀濃濃嘅蛋香🥚，加埋有雪糕嘅點綴🍨，冇得輸，我就鍾意細細啖雪糕連埋梳乎厘一齊食🙊，果種冷熱交替真係一試難忘😋👉🏻小丸子紅豆抹茶麻薯窩夫 $66今次為左陪Y小姐，當然要有抺茶嘅甜品啦🤭，呢個窩夫上面嘅抺茶醬好似濃縮左咁，但又唔會太漏，岩岩好🤤佢嘅外層都幾脆，而入面嘅麻薯亦相當煙韌，兩樣加埋形成強烈對比，高度推介👍🏻👍🏻不過要注意嘅係呢個甜品都幾飽，記得留定肚🤣好食度：😋😋😋/5抵食度：💰💰💰💰/5環境：👀👀👀/5服務：⭐️⭐️/5

本身已經喺另一間食左晚飯🍴想去試下呢間最近都幾出名嘅甜品店🍧打算食個甜品就走點知見到個日式烏冬賣相超正😭所以又食多餐😋個醬汁係整章魚燒或者大阪燒面頭嗰隻✨我個人嚟講係超鍾意嘅🥺佢地用左幼身嘅麵做烏冬有少少似意粉如果係普通粗身嘅烏冬我會更加鍾意～(不過可能幼身嘅容易擺盤整造型)推薦⭐️總體嚟講係好食嘅//同肥兔兩個人分住食所以好快清左碟自己覺得唔夠侯XD好彩後面仲有個甜品～梳乎厘我就唔會特別推薦喇><葵廣有間梳乎厘整得比較好食🥺價錢都冇咁貴～肥兔就覺得好食嘅//因為佢都鍾意食甜不過焦糖對我嚟講就偏甜左啲//下次有機會試下其他款！揀返個最好食嘅推薦先第一次試食感覺唔錯～如果經過嘅話會再入去試其他✨

午餐之後，路經此店，好奇入內，試試主打梳乎厘班戟炙燒焦糖布甸梳乎厘班戟，班戟上有香脆的焦糖面，蛋漿選用日本雞蛋及牛乳，口感綿密鬆軟，充滿蛋香味，好好味另一個小丸子紅豆抹茶梳乎厘班戟，帶蛋香而不膩，綿綿質感，獨特的綠茶醬味道剛好，加入紅豆本身的甜味，不會太甜膩，搭配非常適合，口感層次豐富！🤓製作需時！真的要耐心等候啦

有料案內所位於紅橋，附近有幾間甜品店，格離就係好出名既「嘆甜品」。係門口見到有麻糬窩夫，賣相好吸引，所以就入咗去。店舖裝修得幾特別，牆上仲有一塊「歌舞伎町井財街」嘅招牌，成個感覺好似去咗日本咁。餐廳係用QR code點單，入座會提供口罩袋， 感覺好貼心。點咗和風唐揚雞軟骨、煙肉大阪燒、芒果椰奶冰、炙燒焦糖布甸麻糬窩夫同埋芒果芝士奶蓋刨冰。和風唐揚雞軟骨上枱熱辣辣，不過略嫌太油。煙肉大阪燒幾大份，都只係買四十幾蚊。芒果椰奶冰有啲淡。炙燒焦糖布甸麻薯窩夫上面有布甸漿，用焦糖燒過嘅表面，同麻薯窩夫好夾，麻薯窩夫好有口感，煙煙靭靭。芒果芝士奶蓋刨冰，刨冰好大個，上面都有唔少芒果，不過刨冰唔係好幼滑嗰種。

上次想食梳乎厘但要下午4點才供應今次光顧卻沒選梳乎厘選了灸燒焦糖布甸麻糬窩夫窩夫以麻糬粉製焦糖布甸打成漿淋放窩夫上表面用火槍燒焦形成一塊脆面伴一球雲尼拿雪糕士多啤梨及藍莓伴碟窩夫欠缺蛋香不太厚淋在窩夫上的布甸漿頗多未食賣相還可以邊食布甸漿水汪汪在碟上浸著窩夫一人食份量有點食到一半已覺膩沒下次

一直以為喱間嘢只係有甜品食，但原來佢地有午餐供應😅果日click 入OpenRice 外賣自取搵嘢食，見到佢有午餐，包括主食、小食同飲品$32，好似好抵喎但到最後結帳必定係會多左🤭選擇唔算多，今次就試下主食：關西章魚燒、芝士蟹籽章魚燒+$4小食：職人炸雞+$15、和風唐揚雞軟骨+$15飲品：凍朱古力靜岡烏龍奶茶、凍芝士奶蓋四季春章魚🐙燒味道不過不失，但加左芝士蟹籽嘅章魚燒就好味好多。職人炸雞以為係炸雞球，原來只係雞扒切件，只得3舊，好鞋，好失望！相反雞軟骨就量多啲，用左一點點菜絲墊底，感覺又好啲啲。朱古力烏龍就是一杯朱古力，而芝士奶蓋四季春就是茶，完用左OpenRice 嘅優惠就值得一試吧！

今日同朋友喺屯門食完晚餐，就決定去附近食甜品，前日朋友都send咗呢間店比我睇，我就覺得不得了，好吸引，好想去試試啦！梳乎厘太吸引啦。😚Oreo朱古力流心梳乎厘 $88首先我覺得價錢幾抵食，因為兩個人食啱啱好，性價比高。雖然要等一陣先有得食，不過都證明咗佢係即叫即整，真係好暖好可愛！而且適合打卡，非常可愛！我地影咗一陣唔小心跌咗上層，搞到少少oreo碎跌落枱，店員姐姐好nice，仲比翻少少oreo碎我地，好體貼！讚👍🏻講下味道方面。梳乎厘真係裡面鬆軟綿密，而且充滿蛋香，加上cream 同oreo唔會太甜，但增加脆嘅口感同oreo嘅微甜，仲有香蕉，係幾match嘅！我覺得最好食係配雪糕🍦，唔係個種有碎冰雪糕，係實心嘅，所以口感豐富，配上梳乎厘一凍一熱，perfect match！🤍

有料案內所😁😁🧇炙燒焦糖布甸麻薯窩夫 $68表面有脆脆的焦糖同布甸醬好味😋！但要食快d😅窩夫好快就淋，就冇咁好味了，下次我都係唔好掛住傾計先得🤣🤣🍮抹茶紅豆小丸子北海道3.6牛乳奶凍 $38牛乳奶凍好滑☺️切左粒狀，再加上紅豆、抹茶雪糕！平得黎又幾ok，但就唔算特別裝修係工業風 x 日本🇯🇵東京feel，餐廳細細，大約5張4人枱，星期六下午黎到唔洗等位👍🏼 有室外光照入黎，影相都影得唔錯☺️！

有次去食其他野咁岩經過，見到幾特別就去左試。首先係試左佢既刨冰，刨冰d冰好大舊，整唔開真係似食一大舊冰，芝士奶蓋偏鹹，個人對呢個刨冰唔多好，不過價錢就好平$36蚊。之後卡點左佢既窩芙，布丁焦糖麻糬窩芙，呢個就好有驚喜，佢成個都係麻糬咁 ，唔係一粒粒丸子係裏面個種，布丁漿都好好食，份量好多，加上面個層焦糖脆脆地，焦香味，又脆又麻糬質地，好好食，係漿就多左d，自己食哂會好飽。另外叫左個芒果丸子奶凍，奶凍彈下彈下，好好食，佢份量都偏多。整體黎講好食賣相靚，個人唔建議叫刨冰有樣但d冰太硬。

本身見咁多人食，以為好好食就同朋友一齊買，分2張單叫咗個咩牛乳奶凍等咗半個鐘，開始問店員有未，明明後過我地單號嘅人都有得拎，點知兩次問，個2個店員都係好黑面咁，話未有、整緊Ok fine其實個甜品好普通，將啲料放上去就得去到45分鐘果陣，終於忍唔住上去問佢究竟仲要幾耐，因為堂食啲人都已經走哂，準備收得舖，呢個時候個店員先好聲好氣咁問我地幾多號，然後出嚟話等多2分鐘。好，終於有得食，一上車打開，成個甜品得雪糕係凍，小丸子又勁硬，說好的奶凍呢？奶暖嚟吓嘛！唔會再幫襯，亦都會叫朋友唔好再去！態度差，食物又差！

🎗屯門高質甜品店推介比大家❤️聽講夜晚成日都好多人 所以當日揀左下午去試🦦首先叫左炙燒焦糖布丁麻糬窩夫🧇個人覺得.....真係！好出色！🤤🤤🤤燒到啱啱好金黃色嘅焦糖脆脆表面 仲有個布丁醬醬一啲都唔吝嗇 舖滿左整個窩夫～即叫即整熱辣辣💯窩夫入面嘅麻糬都好多🐷脆脆嘅表面 甜度適中嘅醬 邪惡嘅雪糕球 煙韌嘅麻糬 熱辣辣嘅窩夫💦💦邪惡到極嘅𝑝𝑒𝑟𝑓𝑒𝑐𝑡 𝑚𝑎𝑡𝑐ℎ💛💛珍珠奶茶梳乎厘班㦸蛋香超正～空氣感都好夠 十分軟綿🤪入口就已經半融嘅感覺好幸福🤰🏻連個台式奶茶嘅味道！仲有芋圓珍珠同紅豆蓉伴碟🦦好味得黎又足料🙌🏻飲品都做得唔錯 真係同圖片相符 奶蓋超厚的🤤因為當日無食晏就去 所以叫左小小咸點味道沒特別出色 畢竟都係甜品店～裝修係普通水泥風 LED同裝飾都係走日本風格～