影片
以上资料只供参考，请与餐厅确认详情
屋企人放假，提议去新蒲岗食晚饭，话景福街近年进驻左好多新食店，去到发现好几间旧店都执左，换左好多特色新店！其中一间，门口餐牌竟然写住独孤一味只卖“叉烧蛋饭”！ 仲要店名写住“有团火叉烧事务所！”心谂：禁大胆！因为附近都有一间主打卖叉烧丼嘅食店。望入店内，见只坐左几枱客，即刻谂住都系睇定啲先！但行左两转都冇乜心水店想试，又有少少雨粉粉，就决定会一会呢旧“大胆叉烧”🌟店内装修系用“简单型格”嘅设计，环境都算宽敞，楼底高，令人唔觉局促！赞！但略嫌冷气嘅风有啲劲！可能禁啱坐果个位，又或者系我个人怕冻吧！✨️餐牌只有一张（唔记得影相！），有饭，有两款小食，一款系海蜇，另一款唔记得系乜！🍚饭就只有 A>>“古法蜜炼腩叉饭”（五花腩） ＆B>>双蜜豉香叉烧饭(梅头肉)，另一款就系A+B嘅双拼叉烧饭。🍛三款饭都系会跟一只太阳蛋，亦可以加钱加多一只竹丝鸡蛋或兰王蛋🥚，又或者拣特色嘅米，不过我地对蛋同米冇乜讲究，🤷所以冇加。一碟饭价钱大约60元左右，喺呢区系相当合理。原本想要两碟双拼饭，但店内哥哥仔好好人，话如果每款叫一碟再两个share食会更抵，一于咁话啦！🍛叉烧蛋饭嘅卖相合格！有菜有肉有蛋，啲叉烧冇令我地失望！👏腩叉肥瘦双间但食落又唔会觉得肥腻！入口淋得黎又有少少爽弹，赞！梅头叉有几旧都带少少少少肥！但都好爽淋！再赞！👅都可以讲系色香味俱全！🫶好难讲倒边款好食啲！下次再黎会叫双拼饭，因为两款都禁好食！难分高下！🤩用茶餐厅价钱食倒酒店嘅水准，我觉得真系物有所值！👍👍👍😆果然系高手在民间！
继续阅读