影片
港铁启德站B出口, 步行约15分钟
继续阅读
电话号码
66573954
营业时间
今日营业
11:00 - 20:30
星期一至日
11:00 - 20:30
公众假期
11:00 - 20:30
公众假期前夕
11:00 - 20:30
以上资料只供参考，请与餐厅确认详情
经食家级朋友介绍，话60蚊食到90分既叉烧，都估到会好食，亲身试完都仲有惊喜，主打叉烧，有得简肥瘦，肉质软淋得来爽口，其他配料都好用心做，鸡蛋味浓郁、咸蛋黄流油、米都有2种选择，金凤同稻花香，可惜稻花香唔系成日有货，今次就试唔到！feel到佢地既用心，店门面同店内有d金句同故事，知道老细原本系开会计公司，因为钟意食叉烧，所以开咗间叉烧店，成件事好热血！店入边d人都好nice！支持呢类型有特色有热诚既小店！
继续阅读
♦️有团火叉烧事务所 (新蒲岗)♦️餐厅主要系食叉烧煎蛋饭，QR code 落单。食物方面无咩选择。餐厅声称对于出面小店同酒店都唔完全满意，所以就自己开一间专做叉烧餐厅，同时又表示大道至简，所以专心做好一样嘢，因此食物款式选择唔多。腩叉饭$62，梅头叉烧$58，饮品汽水另加$6 。叉烧肉质柔软嫩滑但蜜汁甜度略嫌不足。叉烧虽然有㶶边但就唔系焦脆香口，唔想要㶶边叉烧可以落单果时选择走㶶边。整体嚟讲，$58 一个lunch有啲进取，叉烧入口松软亦都有肉既香味，有肉汁同油润而且入口无腻口感觉，可以一食。♦️双蜜豉香叉烧饭 $58🏠：新蒲岗景福街75号地舖
继续阅读
揾到个咁用心嘅餐厅真系唔简单🥰半肥瘦叉烧㶶边世一！-偶然见到新蒲岗有间新餐厅，晏昼都几多人排队。仲要讲到自己专做叉烧，就谂住试吓佢。点知有惊喜！仲要好食到短时间encore😼如果唔知食乜嘢嘅话，直接食双拼。试业期间难免有甩漏，第一次堂食嘅时候都等咗一段时间，但系第二次外卖就超级快。无论你有咩问题想问，员工可以答到你，态度非常好！（第一次食𠮶时唔知嗌啲乜嘢，有个女侍应好耐心解答佢哋嘅叉烧有咩特别）试业期间仲有蛋送😙😙😙双面煎蛋真系正到流，我自己就中意㶶边肥腩叉☺️👍🏻希望佢哋长做长有保持质素🙏🏻
继续阅读
听闻新蒲岗开咗一间由后生仔经营，专心做一件事一定做得好嘅叉烧饭专门店。今日放工特登过去试吓到底是龙还是凤！呢间店只系单卖叉烧饭，不过仲有几款凉菜同饮品可以加购。但其实最开心嘅系可以自己拣想食肥定瘦嘅叉烧。我食嘅系瘦叉饭，但瘦叉一啲都唔嚡唔干，白饭有啲似日本米，但食落比较爽口，鸡蛋煎得好靓，㶶边黄生，配上不太咸嘅豉油，卖相好吸引之余味道都很好。几个后生仔服务员热诚殷勤招呼，有问必答，价钱又唔贵，绝对系物有所值嘅叉烧煎蛋饭。
继续阅读
呢间铺头开业之后一直都好多人，Lunch既时候无乜机会食到，而好几次经过都听到有位店员(唔知系唔系老板)系门外大赞自己既叉烧有几劲。有同事话咁啱星期六少人啲有食过，话好食所以今日lunch去睇下有无位。点知又真系有位㖞！入去之前都重听到有个店员系门口sell紧其他人，好记得佢一句说话“你食到就等于你赚左”。嗱！你推高左食客既期望，咁我就用高啲既标准入黎食你个叉烧饭。$58叉烧饭一碗连一条菜一只太阳蛋，汽水+$6。如果系做到精挑细选咁既品质既叉烧饭，呢个价钱系可以接受。呢间铺特色之一系可以选你想要咩叉烧，靓啲肥叉再贵几蚊，而我只系选左㶶边，我系几钟意有少少㶶㶶地果种香味，而我呢份叉烧系无呢种风味既。-㶶边既质感系无既，只系烧耐左黑左少少。㶶边系咁？我真系唔识食。-蜜糖味食唔出，连后加蜜糖都无滴，可能漏左挂。-肉质干柴，肉既纤维断开晒，仍然有少少猪肉味既。-因为有啲实净要咬耐少少，然后就开始有啲啲猪骚味出左黎。我个人体验黎讲，系差既！睇番我同枱既食客，同埋其他人果碗既卖相，似乎系我唔好彩啫。不过！当你吹嘘自己既叉烧系几咁出类拔萃，而你又咁唔小心出左一份咁既质素既食物比食客，呢个就突显到你系无做好品质控制。呢啲咁差既部位你唔应该出比客人，经过厨房切叉烧摆盘，再经楼面送去比客人，经过两个同事既手都唔认为碗叉烧有咩问题，咁啫系表示呢碗叉烧就系你地最好既出品，而我食完之后既感想，对唔住！只系工场叉烧。既然唔系每一碗都做到最好品质，咁就谦虚啲唔好咁大力推高食客既期望。比呢个价钱，其实我食唔到你所讲既“你食到就等于你赚左”呢种满足感。我相信我同事系真心觉得好食先推介我黎试，因为佢果碗(都系$58)眼见系正常无咩大问题架，另一个同事叫左肥叉比多$4，都系几靓仔架。做好每一碗既品质管理，既然讲到系精挑细选，唔好既部位咪弃啰，继续努力！
继续阅读