有囍 (已結業)

今晩約左三五知己食飯，大家都想食d特色小菜，於是上openrice睇下太子有乜好野食，見到「有囍」依間星泰菜館，食評唔錯，所以就約去食。我地order左幾個小菜，而侍應特別介紹我地食麥皮蝦，我地之前從未食過，所以就點埋依款星加坡麥皮蝦，用左好多麥皮黎炒蝦，幾特別，蝦爽、味道亦唔錯泰式肉醉生菜包，辣辣地、肉醉夠入味，配埋生菜，馬拉盞炒椰菜苗，炒得好夠鑊氣，椰菜苗夠嫩，非常好食燒豬頸肉，燒得啱啱好，肉唔會太乾，配埋辣汁，good肉骨茶，好入味，肉排唔鞋，啱啱好，如果大煲d仲好青檸梳打～唔太甜，夠冰涼，食辣野飲就最啱配合服務、價錢，下次可以再encore

行街行到有點累，突然好想喝椰青， 又到了晚餐時間， 於是鎖定了找一些泰國餐廳吃晚餐， 這間位於太子花園街的 ”有囍 Yo Hay” 就符合條例了， 餐廳主打東南亞菜。 包括泰國菜， 新加坡菜， 餐廳環境舒適光猛。店員安排我們坐卡位， 我們看了一會兒餐牌仍沒有頭緒， 店員主動過來推介， 詢問我們的食物喜好， 非常熱情好客。店員大力推介這串燒， 串燒有六串，牛豬雞各兩串 $108 – 這碟串燒的份量不少， 足料大大串，  不用配上醬汁已經夠味， 配上沙嗲醬又另一番風味。椰青 $35 – 椰青水清甜，飲完還可品嘗椰肉，絕不浪費。星加坡黃金炸魚皮 $68 – 大熱黃金系列難以抗拒， 炸魚皮脆卜卜，  鹹蛋黃量多且混得均勻， 好惹味。冬陰 蝦湯 $68 – 夠酸醒胃， 足料。 蒜蓉包六件 $38 – 切成條狀方便吃。 蟹肉炒飯半軟殼蟹 $128 – 清楚看到一絲絲的蟹肉混入炒飯中， 用料十足， 炒飯味道剛好， 不會太咸， 粒粒分明。 

同嫂嫂行完花園街，兩個見行到攰攰地就過左黎食野了！！呢到都幾寬倘，擺放左不少枱櫈係到，我地黎到既時候都已經有不少客人在！！坐低後睇下menu有咩好食，呢到除左有新加坡菜既菜式之外都有泰國菜，選擇都算幾多下。餐碟十分可愛，佈滿卡通公仔！！天氣咁熱最岩飲番個椰青降下溫，椰青大大個，清甜多汁，又夠晒凍我地點左個細既小食併盤$148入面有炸蝦餅、魚餅、雞翼、春卷各兩件小食全部都炸至金黃色，非常香脆可口中間仲有隻大蝦係到，都燒得好惹味薄餅x2 $28星加坡麥皮蝦$168呢個堅好食，誠意推薦大大隻蝦炸得超脆，面頭d麥皮炸過之後，咬落去脆卜卜，超有口感。蝦肉結實，入口彈牙，一碟有4大隻，食晒d蝦仲可以就咁食麥皮泰式蝦炒金邊粉$78炒到好有獲氣、配料又足，酸酸地幾開胃。麵質又唔會太淋，唔錯！！南瓜露呢個糖水幾好，食落好香濃，南瓜味濃郁，只可惜係凍既，如果係熱的話我估會更香濃更嫩滑。

近日潮濕又經常落雨，最好食返d香辣菜式，醒一醒胃。今晚同朋友去哩間食晚飯，主要係食星馬泰菜式，店舖內裝修簡潔，坐得得好寬敞。我哋揀嘢食時，侍應主動推介，本推介胡椒蟹，可惜朋友不愛食蟹，最後點咗胡椒大頭蝦。有囍水果茶 水果茶偏甜，連果肉一邊食一邊飲，正好清爽一下。柚子沙律 柚子肉汁飽滿，甜甜酸酸又帶有蝦子微香冬陰蝦湯 蝦頭有小小蝦膏，好有鮮味。冬陰功湯唔算大辣，非常醒胃。胡椒大頭蝦 蝦肉蝦膏鮮美，配上香辣胡椒汁十分惹味。不忘要食埋香葉及洋䓤，配合胡椒汁伴飯一流。平時通菜多數都係馬拉盞、椒絲炒，泰式鹹脆肉通菜，通菜吸收咗鹹肉嘅肉汁，係個唔錯嘅選擇。蕉葉燒海鱸，蕉葉及各香菜混合燒烤，魚肉香滑清新，愛吃香菜嘅我，每夾都配魚肉一齊食，有點點油膩盡消嘅感覺。完滿嘅一餐點能缺少甜品，南瓜露口感細滑，南瓜香味清潤。好好享受一餐清夾、清新、清潤嘅晚餐

今日陪表妹搞過大禮，佢就快做奶奶喇！忙左成朝，經過見尼間餐廳餐牌食物都幾啱食，就入去試下啦！環境簡潔舒適，顏色配搭令人relax，特別欣賞尼幅牆上嘅油畫，令環境增加不少特色午餐時間主要揀精選套餐，有十多款選擇，轉特飲有半價優惠我地點左海鮮喇沙同海南雞飯share食，飲品選擇左青檸梳打同咸檸七先送上冬瓜湯，清清甜甜，不會過咸，味道不錯海鮮喇沙，賣相好靚，材料豐富，味道不算太辣，麵係米粉同油麵兩溝，囗感不錯個人認為可以再辣d酸d就perfect 海南雞飯係我至愛，賣相簡直100分，特製嘅碟有三小格放甜鼓油，薑蓉同辣汁，非常貼心好看，雞件係無骨的，啖啖肉非常新鮮嫩滑，油飯亦做得出色，調味恰當青瓜又爽又甜正正正飲品清涼解渴，爽呀價錢合理，店員服務不錯，值得推薦比各位試試食飽飽叉滿電再向金都進發，辦囍事真係特別忙，不過「家有囍事」的確好開心，一世人一次點都要搞得好好睇睇，希望佢地白頭到老，永結同心

喺香港要搵泰菜唔難，反而新加坡野就少之有少，細細個住喺新加坡，返黎香港之後都冇乜機會食返。呢日喺openrice度禁禁下見到呢間星洲菜，就帶埋屋企人去試下去到見到門口仲搭棚裝修梗，應該唔係開左好耐，但裡面已經接近滿座，睇落質素有保證室內設計行小清新風格，用色以白加藍為主，燈光光猛舒適，室內空間寬敞私穩度高。牛肋條有六七舊，碟頭唔算好大，但每舊都大大舊，炆得好淋入口即化醬汁有少少似沙嗲醬，惹味得黎帶啲香辣，配料既蕃薯軟熟有口感。 好大兜，蛋、豆腐、花生碎等配料好足，如果再多啲芽菜會更有口感蝦有成六七隻，幾個人食都一定夠分，金邊粉炒得乾爽唔會太濕又唔太油。蘿蔔絲同青木瓜新鮮，清甜唔澀，調味調配得岩岩好，微酸，好開胃；大頭蝦肉質結實爽口，蝦頭既膏甜得黎唔苦，可惜份量比較少啲。香港好少地方有得食魔鬼魚！以三色椒、薄荷葉、辣椒等炒成，醬汁帶啲甜甜地，個人覺得唔辣。魔鬼魚切成小塊，揀既都係無咩骨既位置，好細心，肉質介乎於爽口同軟嫩之間，鮮甜有口感。老闆夫婦好親切，會主動關心客人岩唔岩口味。傾落先知原來老闆娘外家係新加坡，所以菜式口味都比較地道，所用既醬料都係由新加坡運返黎，唔怪之得咁多人幫襯

平時都會出去旺角太子行花園街今晚同個女行過見到（有囍）餐廳，藍色的招牌十分吸引， 原來是食星馬菜，餐廳設計好新派，十分雅緻，坐得好舒服，個肥仔哥哥店員都好好服務，值得一讚，下次都會返去光顧。蕉葉燒石斑$188 第一次食石班，用蕉葉燒做法，仲係保持到肉質非常鮮甜嫩滑，十分惹味。炭燒西冷牛排$188牛扒本身質素都好高， 只微微煎香再配以秘製醬汁，咬口十分juicy，肉質已經澎湃到滿瀉了。 泰式鹹肉炒芥蘭$88 星加坡海南雞全隻$208，鍾意食雞的我，當然是會叫一隻啦！ 廚師將雞去咗骨，食落去啖啖肉，雞肉十分嫩滑，好有雞味，再點埋秘製醬汁 一起食，十分滋味！冬陰功海鮮湯$68 湯料份量十足，湯底好濃郁好夠味，不錯之選。泰國椰青$35 椰青有好多肉，青水又好清甜， 食完冬陰功湯，飲番個椰青，特別潤喉舒服。

星期日一家人出去旺角逛街，除了買嘢外，仲可以出去食飯，不用媽媽煮，等她可休息一天，行到去太子花園街(有囍) ，餐廳裝修及擺設都好有格調，坐得好舒服，估不到係花園街都可找到驚喜。星加坡海南雞$208，基乎每間餐廳都有，但吃在口中便知好食否?這雞入口好嫩滑又充滿雞的油香味，再點埋醬汁，十分配合星加坡麥皮蝦$168，用了大蝦之外再配上麥皮，都係第一次食，好特別的囗感，將虾連殼炸到脆卜卜，蝦爽肉彈牙好香口，這道菜值得一讚。肉骨茶$68炭燒西冷牛排$188叫左5成熟，牛排煎到剛好，外面帶少少微焦裏面有少少血水，吃起來好有牛味，仲十分juice原來將紅豆冰改為沙冰，好有層次感。餐廳Like and Share Facebook後可送杯藍蝶荔枝冰，都好清甜。

今日跟老公拍拖落花墟買花，幸運地竟然泊到咪錶位，一於在附近晚飯！ 逛著遛到有囍門外，標榜新加坡特色菜，即時想起肉骨茶，可以袪一袪濕。 推門內進，餐廳裝修新淨，座位和空間舒適寬闊，感覺企理；餐廳以淺藍色作主調，配以海洋主題餐具，甚為雅緻。這餐廳主打星加坡特式菜，點菜當然要選娘惹風味的！ 近年大熱的星加坡黃金炸魚皮 $68 ，猛龍過江，當然先來一客！爆脆的炸魚皮配咸蛋黃的，邪惡度爆燈！上枱時還是熱的，有驚喜，極惹味。肉骨茶 Bak Kut Teh $68，當然不可少！袪濕袪濕！藥材味十足，心水推介，略嫌少了一點 😋😋。星加坡海南雞（半隻） $138 雞肉甚為嫩滑，無骨啖啖肉，極合懶鬼！調味醬料亦甚有星加坡風味。 咸魚炒芥蘭 $78 難得盛夏仍有似樣的芥蘭，入口爽脆無渣，咸魚粒粒同樣極惹味。 黃咖哩牛肋條 $88 牛肉軟韌適中，黃咖哩略帶甜味，原來配菜係蕃薯而非薯仔，近年亦興起以蕃薯代替薯仔，有驚喜！ 薄餅2件 $28 檸蜜梳打 + 凍檸樂 （$26+$26）原本預算簡簡單單的一餐，但越叫越多，快餐變盛宴，有囍！有囍！

之前去完九日中東旅行，早午晚三餐都食中東包，真是食到口都寡。返到來香港，約朋友分手信，當然要食好西平衡下，今次再朋友建議下，我們就到這間新加坡菜餐廳有囍。＊＊＊＊＊＊＊＊＊＊＊＊＊＊有囍不止提供新加坡菜，其實泰國菜和馬來西亞菜都有。餐廳店面都幾大，但桌與桌的距離比不少食店寬闊，所以坐得幾舒服。我幾欣賞店內的碟子，每個座位上的碟子都有不同圖案，很漂亮。餐牌選擇亦很豐富，小食、沙律、湯羹、咖哩、海鮮、飯麵、甜品和飲品每個類別都超過十款，價錢全部幾十元至百多元，定價合理。有囍水果茶($68)水果茶非常大渣，一渣夠兩三個人飲，入面有很多蘋果、青檸和香橙，非常足料抵飲，酸酸甜甜最啱夏天飲。泰式鳳爪沙律($68)鳳爪全部已經切半和去骨，方便食用，一碟都有幾多鳳爪，食落酸酸辣辣，辣度只有小辣水平，不吃辣的人都應該食倒，幾開胃。串燒($108)串燒包括豬牛雞各兩串，每一串都有大半隻手掌般長，肉質軟嫩又夠味，蘸埋沙嗲醬更惹味！冬陰蝦湯($68)冬陰蝦湯可分倒四碗，內有兩隻蝦、草菇和番茄等等，味道酸辣有致，非常惹味！泰式蝦炒金邊粉($68)金邊粉炒得夠乾身，不會過甜，口感帶點微彈，旁邊伴以辣椒粉和花生碎，

平日有時間真係好鐘意約吓朋友食飯😄今次去到太子花園街, 原來真係好多野食😎路過一間食星加坡泰國野嘅餐廳, 門外已經見到有好多明星合照相, 就呢間啦~服務員招呼真係好好, 好少有服會幫手拉凳, 值得一讚!👍首先黎兩支啤酒先, 原來呢道嘅啤酒係手工啤酒, 仲有四款咁多❤ 餐牌上面仲會有埋啤酒口味, 今次就揀咗呢兩支試下啦! 😘🎈龍王福建柚子啤 : 好香嘅柚子味, 啤酒味道唔濃, 如果少飲啤酒嘅朋友都唔會覺得苦!🎈雷公啤酒 : 陣陣清香嘅果味, 雖然濃道同普通啤酒一樣5%, 但係味道仍然清香!😆除咗啤酒雪凍之外, 酒杯都係凍架! 正!泰國菜就梗係要食生蝦啦~生蝦肉質肥厚, 記得要配蒜片食!  😋食得辣嘅朋友, 一定要沾中間個醬汁, 慢慢由舌尖辣出黎, 好刺激!🌶 而伴碟苦瓜, 我鐘意食完生蝦先食, 一啲都唔苦架!由於喜愛黃(咸蛋黃)炸野所以期待黃金軟殼蟹, 上面炸粉唔算多, 見到上面包圍住一粒粒咸蛋黃😍如果軟殼蟹再乾身少少同埋份量多少少會更好, 哈哈🤣🤣🤣馬拉盞炒芥蘭真係清爽清甜!特別推介: 炭燒珍寶大頭蝦☺細份係一隻大頭蝦, 初初以為唔會好大隻, 蝦可以有幾大隻🤔 原來真係好似細龍蝦咁大隻

又到牛一，好友邀請我到以東南亞fusion菜出名的有囍食生日飯，果然是有囍有驚喜！甫坐下，餐廳老闆便走上來盛意招待，好友說為我慶生，餐單由老闆發板，我就做左大帝般等食。先來一客熱爆的鹹蛋炸魚皮，佐酒一流，魚皮鬆脆，配上鹹香，不覺間手上的啤酒已喝光，只得再來一枝。跟著上的是海皇翅，一口吃盡一大梳翅針高呼過癮，湯底鮮味十足，好友也顧不得我是壽星公爭飲最後一碗。個人意見，如加上帶子及蝦仁可更見咬口，但這個頭啖湯確是先聲奪人。再來一格安格斯西冷，medium的熟成令肉質鬆軟易入口，屬水準之作。由於是fusion菜，故沒有黑椒或燒汁，但配以餐廳的秘製辣汁，味道竟然是如此夾，果然東南亞fusion 之選不是浪得虛名。最後來的是一道大頭蝦粉絲煲，未上枱香味已湧來。但見整煲只見粉絲不見蝦，心中喑感不妙，以為“伏已中”，唯有無奈吃下粉絲。怎知索盡精華的粉絲甫入口已衝擊每個味蕾，大頭蝦的鮮味竟被粉絲吸得一乾二淨，頓時淪為配角。原來八角，桂皮等香料將大頭蝦提昇到另一個層次，這道“禾稈冚形珠”的菜色原來是反客為主，作為粉絲的禾稈完勝了原是珍珠的大頭蝦，成為今次生日晚飯最大的亮點。埋單計數，雖然好友連說不貴不貴

大半年前同朋友去了這間餐廳食飯，食物款式很多，而且全部都是東亞南食物，如星加坡、泰國等，款式比較有特色，所以今次帶了位外國回港的朋友一嘗東南亞風味。肉骨茶星加坡最出名的肉骨茶，有藥材味道，但不夠濃郁，排骨煲到很腍幾乎離骨。蕉葉燒海鱸原條鱸魚以蕉葉包裹，外層以錫紙封住去焗，蕉葉及香茅等調味料的香味滲入鱸魚內，而且保留了肉汁，魚肉有淡淡的清香，而且很嫩滑。馬拉盞炒椰菜苗椰菜苗炒得爽脆翠綠，而且小蝦米十分惹味，為平平無奇的蔬菜增添不少風味。星加坡海南雞海南雞已經去骨，啖啖雞肉，皮下脂肪較多，雞肉都算嫩滑，配上特式酸甜醬十分惹味。水果茶一大壼夠兩至三人飲，裏面有很多的蘋果粒，味道不會太甜。

男友思鄉病發，又想食星馬菜，自從食過呢間後每次思鄉都揀反呢度食，佢話岩佢好味，而且通常東南亞餐廳menu都係泰國菜式沾多，而呢度新加坡同馬拉菜式比較多選擇，而我都喜歡食呢度既麥片蝦，真係唔係度度有得食~麥片蝦 $168每次必食既麥片蝦，一客四隻，蝦size巨型，肉質爽彈，加入大量麥片去炒，非常香口，次次都會食清埋d脆麥片~蒜蓉炒芥蘭 $68火喉控制恰到好處，非常脆嫩既芥蘭，清甜無苦，蒜味惹味唔油膩~泰式燒烏頭 $158比想像中大條好多，一上枱見到都擔心食唔哂，魚打包隔夜又唔好食，最後都好努力食哂唔做大嘥鬼~呢條烏頭有油香，肉質新鮮，微咸，陣陣香料香~泰式豬肉蝦醬炒飯 $68呢個炒飯都係推介加入蝦醬去炒既飯，炒得乾身，咸咸香香好惹咪，配料除左有豬肉，面頭既青芒果絲絕對係錦上添花，酸酸甜甜同飯一齊食原來味道好夾，青芒果既清爽同蝦醬既咸香都起到化學作用~友人點既手工啤 $68而我必點大大個椰清，清甜解喝

開頭以為係茶餐廳格局，點知原來裝修明亮乾淨，仲有好多得意公仔設計，予人好感，阿姐都好殷勤，講真香港真係好少餐廳職員仲會問你好唔好食，教你點食，呢吓要加分！叫咗三樣野，分別係麥皮蝦，軟慤蟹炒飯同生菜包。首先講吓麥皮蝦，我真係第一次知原來佢係新加坡名菜，當然都係第一次食，一入口果吓，我只能以驚艷唻形容！首先啲蝦出面炸得好入味，連啲愨都可以食埋的，雖然入面啲蝦肉略嫌冇味，但都算爽口！啲麥皮同啲蝦出其地配搭，原來啲麥皮炒香咗係咁好食，真係大開眼界！可能由於麥皮蝦太驚艷，對比下來碟炒飯同生菜包就冇咁大驚喜，但都好食！仲要分量好多，搞到我地好努力咁食都食唔哂！總括唻講對呢間餐廳充滿好感，下次約朋友飯聚又多一個好選擇！