月

如果跟近來你有聽過嘅dear Jane 嘅新歌，你應該聽過乜嘢係哀的美敦書。你有聽過呢首觀音兵悲情歌的話，可能你會明白點解我會攞嚟做呢邊食評的主題。阿占不是觀音兵，佢係一個有美滿家庭嘅老闆 只不過佢嘅私房菜月準備搬舖，今個月會光榮結業，佢落下的哀的美敦書，我當然要接，離別前當然和幾位親戚朋友一齊食。其實食過幾次，不過每次都係和一班朋友食今次第一次和屋企人嚟食，本身諗住除咗打邊爐之外都加啲西餐，因為意粉好精彩，不過份量太多，嗰晚直頭連呢個餐都食唔哂。先選擇湯底，西班牙海鮮湯鍋、花膠雞鍋、麻油雞鍋、冬蔭功雞鍋、椰子椰皇雞鍋、咸菜胡椒豬肚雞腳鍋、番茄牛粒湯鍋、芫茜皮蛋大地魚湯鍋、蘿蔔豬骨湯鍋絕對令你眼花撩亂，基本上每次我都一定食西班牙海鮮湯鍋，呢個完全係好似西班牙海鮮湯嘅做法，只不過佢唔係冷凍version ，勁多洋蔥番茄加上濃烈嘅龍蝦湯頭，又係未食已經要不停飲。西班牙海鮮湯，需另加$100 ，不過值得加。另名也試了花膠雞湯，需另加$150。之前我試過買油雞都非常精彩，不過要小心，麻油雞真係會搞到邊爐都唔使打。花膠雞真係非常之精彩，呢邊有雲耳，花膠，超嫩滑嘅雞，還要加上勁好味嘅魚唇，呢個魚唇真係好少地方有得見 好有咬口絕對係人間美味，大推薦，枱上冇乜邊個唔讚不絕口，條條花膠食到個口都有骨膠原口感。有兩個signature一定要講咗先第一個就係炸薯條配自家製嘅黑松露醬，呢個係吃不停，如果la vache炸薯條得你歡心，呢度做得更好，仲要係個靈魂黑松露醬。無乜地方做得好過佢嘅炸厚切午餐肉，外邊嗰層脆到不行，入面又熱辣辣，正，朋友推介點買個黑松露醬，唔好嘥。不過如果個人覺得占占可以用上韓國嗰隻午餐肉嘅話應該會更加正。五款時令海鮮，手切肥牛，西班牙黑毛豬腩片，手打墨魚丸，自家製黒松露牛肝菌冬菇餃，炸魚皮和粟米，雜菜籃一位$420的火鍋，真係食到捧住個肚走，樣樣野都好食。特別要讚手打墨魚丸同自家製黒松露牛肝菌冬菇餃，個墨魚丸好食過好多街邊有名嘅魚蛋粉麵檔，牛肝菌冬菇餃豐滿又大隻，好食，滿滿黒松露牛肝菌香。手切肥牛有兩碟，我也忘記了邊碟打邊碟係乜嘢位置，總之同我喺李輝記買嘅一樣咁有水準。 五款時令海鮮有鮑魚、蝦、花甲、象拔蚌仔同蟶子，蟶子的品種最特別，其他海鮮已經唔使點講有幾好食，睇相就已經知道。最後差啲唔記得讚佢炸都超正嘅炸魚皮。最開心係呢度真係好有屋企嘅感覺，自攜香檳白酒紅酒你來打邊爐真係好有家的感覺。朋友說下次應該再嚟食西餐，正確下次等阿占搬咗舖先啦。幸好我在哀的美敦書發出之前來和月最後一次共聚，當晚所有人都非常滿意。PS突然想起上次和Andy來食飯已經是年幾前的事，那個時候我約在這裏派帖食飯，一年後你離開了，你在天國還好嗎，我在想，你還在的話，我一定會叫你和我吃一次哀的美敦書。月  尖沙咀加連威老道71號1樓…查看更多

讚1. 火鍋湯底的確足料，番茄牛肉粒湯底好開胃，麻油雞湯底既酒味超濃，海鮮好似醉蝦都新鮮，炸午餐肉同魚皮超惹味，整體黎講實在係樣樣都好彈1. 以果日而言，牛肉係有啲韌身左…查看更多

🍗🍕🍔🥘👫🍜🍣🍭🍮今次食既呢間私房菜 主打西餐同打邊爐主要做熟客生意 早大概一星期book枱book既時候話比老板聽有咩唔食 同有咩特別想食之後佢會即日買新鮮既材料 預反你人頭份量去煮.❤️前菜 - 沙律對我泥講 有芝麻醬既沙律已經係無敵🥴芝士on top 沙律菜加小蕃茄 酸酸甜甜好開胃🧡前菜 - 黑松露醬薯條必食 必食 必食！黑松露醬系成晚既靈魂🥰超級香濃黑松露味 有好多客人都叫老板整啲現貨賣不過因為每日新鮮製造 無加任何防腐劑 ❌overnight所以無得賣只可以去餐廳食 可想而知有幾甘正😽💛南瓜蟹肉湯啖啖蟹肉配合南瓜既鮮甜仲有蒜蓉包邊飲邊食 蒜蓉包超級Crispy✨💚北海道帶子配牛油菠菜帶子非常厚身 口感彈牙🕺🏻💙芝士洋蔥焗鮑魚成晚最令我回味同驚喜!!好creamy好彈牙!!Highly recommend!!!!👍🏻👍🏻💜黑毛豬鞍扒配菠蘿老板話黑毛豬有小小生系無問題既甘我就放心食啦 肉質非常鬆軟 好多肉汁 一啲都唔乾 食埋伴碟既菠蘿 甘就無甘滯喇😉❤️美國肉眼扒有小小太生 但一樣好juicy 無筋伴碟有菇同粟米芯 吸哂牛扒既精華不過如果唔食太生 記得要同老板講要幾成熟🤓👌🖤香辣蒜片大蝦意粉好重既蒜香味 意粉硬度剛剛好加上辣辣地 非常惹味😋.🔥有啲野唔方便系餐廳講 - 系好值得去食⭐️良心餐廳 食甘多野都只系$400/per1仲要無收服務費 而且老板非常好客 會過泥問下食物質素點🥳環境亦都相當唔錯 餐廳唔系好大 只有五六枱 CP值極高!!!記住一定要預早book枱 無得walk-in 咖😉…查看更多

私房菜通常都係開係唔起眼地方。原來尖沙咀都有高質私房菜！加連威老道行街成日制得多，原來樓上有好西？今日同朋友慶祝生日順便去探究下先～～佢有得ＢＯＯＫ位時講明食中／西餐，我地就想試下西餐啦～老闆仲好細心問我地有咩唔食添。去到餐廳都算易搵嘅，行陣樓梯就到，裝修以木系為主，好舒服，好有家的感覺！！嘢食方面真係大大份，我地完全食唔哂，由小食前菜薯條一路食到肉類已經停哂手，最後意粉都食唔到，真係OMG，打包回家慢慢嘆！推介，好有私人空間配高質食物，同朋友過了一個愉快的晚上。…查看更多

好開心美國Blogger友Ruby今年又回港渡假，萬聖節的晚上約埋Oli一起到月 Evening來場寵媽聚！ 這間月是好友樹熊介紹給我，做的是私房菜有西餐、火鍋供應，天氣轉涼了當然吃火鍋較吸引啦！ 到達月看見平實的裝潢，以率性的擺設來點綴餐廳，加上高樓底的空間，感覺悠然自得！ 先來杯熱情果梳打＄30，味道挺香挺清爽的，有氣飲品從來是我的最愛！ 這夜的火鍋套餐收費＄390/位，我們選了麻油雞鍋作湯底，首先我們合三人之力清掉一隻麻油雞，雞肉質地很不錯烹得夠入味，最重要是出來的湯頭又香又濃，我們將之喝到光光才罷休！所以未吃火鍋料已經飽了一半！ 火鍋料生料中的海鮮拼盤很豐富又新鮮，有貴妃蚌、蟶子皇、海蝦、荷包蜆及鮑魚，處理得很乾淨貝殼類也沒沙粒！ 另有手打墨魚丸、西班牙黑毛豬腩片、自家製黑松露牛肝菌冬菇餃，手打墨魚丸味道是不錯的但口感非我喜歡的類型，西班牙黑毛豬腩片肉質挺淋滑，如肉味可以再濃香些會更吸引，自家製黑松露牛肝菌冬菇餃外皮挺滑溜，餡料香氣誘人但肉質能夠軟滑點會更可口！ 手切肥牛我當然沒法試不評了！！ 香口美食有我至喜歡的炸厚切午餐肉另外還有炸魚皮，兩款索湯聖物也香脆可口深得我心！ 吃到太飽的關係連雜菜籃也走焦，內裡有旺菜、西洋菜、和生菜還有粟米全都鮮嫩味美，吃飽飽後傾多一陣計又要分別了！今次一别不知何年何月再見Ruby妳要保重啊！！ …查看更多

今晚想揾個地方同幾位認識N年……大家已經由少女變成Mama……人越大見面的時間反而越少，因此特別期待這晚的聚會。朋友揀選了一間她大力推薦的私房菜。私房菜通常位置隱秘而且地方小，為的是吃廚師手藝。 在頂峰期全港估計有二百多間私房菜館，有中、日、西……，可謂百花盛放。可惜汰弱留強下現在只剩下二、三十間; 尚存的大都是較有質素及有特色的私房菜館 。 說回今晚光顧的私房菜，名叫【月】。位於少女必到加連威老道的街尾唐樓上，一不留神便會走錯。這唐樓沒有電梯，不太適合行動不便的客人。行上兩層樓梯，終於到達。甫入內，門口有些小擺設，平凡中帶點田園感覺。【月】的面積不太大，放下四張長枱後就沒有太多空間了。平日晚上全場爆滿，當中兩大枱客人為火鍋而來，整晚聲音不絕，非常嘈吵，有別筆者私房菜環境清幽的形象。當晚絕對不適合跟好友談的好地方。【月】火鍋及西餐兩款，兩種菜式風馬牛不相及……筆者覺得火鍋在火鍋店食物選擇比較多又新鮮，所以筆者們點了西餐。西餐 $390/位，菜單私房菜已經訂好再傳給我們，省卻點菜時間及煩惱。首先呈上【法式蠔湯】及【蒜蓉包】【法式蠔湯】以為這個是洋蔥湯, 因為湯內有不少洋蔥粒....再往下搵發現裡面有半隻蠔又大隻又厚身. 以前在其他餐廳的蠔湯, 蠔都是放上面的, 賣相會比較好.  味道上洋蔥粒比較重, 蠔的鮮味不太明顯.【蒜蓉包】每人有兩片，每片厚厚的而且熱烘烘，外脆內軟; 加上包面上的蒜蓉香噴噴，非常惹味【什菜沙律】一大碟沙律，沒有什麼大驚喜……就是簡簡單單把各類型的蔬菜混合再在表面上灑上芝士。【薯條拼黑松露醬】主角不是薯條，黑松露醬才是主角。這個黑松露醬好香好惹味，配任何食物都可以。【香煎北海度帶子伴牛油菠菜】這個急凍北海度帶子大隻又厚身，兩面煎到金黃色，賣相對辨。店方再伴上牛油菠菜醬汁，這個醬汁味道清新不會搶去帶子味道，反而能夠增加味道層次。【黑毛豬鞍扒拼燒菠蘿】 這個黑毛豬鞍扒呈上非常大份， 黑毛豬鞍扒已經切開而且擺放得宜非常吸引。提起黑毛豬，一定是西班牙伊比利亞黑毛豬，因為擁有野豬血統，所以肉質較鬆化，肉味也較濃……但這個黑毛豬沒有標明來源地就打了折扣。看看這份黑毛豬……沒有西班牙伊比利亞黑毛豬的如大理石紋的脂肪分佈，咬下去沒有肉嫩多汁及油潤甘口的味道。這份黑毛豬口感味道只是少許遠勝一般豬扒菜單而已。新鮮菠蘿切成條狀再燒香，令菠蘿汁更加甜。 菠蘿原本已經多汁， 新鮮菠蘿切成條狀再燒香，令菠蘿汁更加甜，正！【美國頂級16安士有骨肉眼扒】原本是32oz，但筆者們都不是大食媽媽，於是請求把份量減半免得浪費食物。這份肉眼扒已經比原本份量小，但賣相都非常驚人！呈上的肉眼扒店方已經細心地切開，不過沒有問客人要求的熟成度就打了少許折扣。結果肉眼扒兩端的肉質頗生，非常紅只有rare……不是人人可以接受的程度。但是肉眼扒中間位置就熟少少有medium， 肉眼扒的熟成度不太平均，有些失望……可能始終【月】不是正式的餐廳，廚具不夠專門。 肉眼扒的肉質軟腍，肉質不錯。肉眼扒下放了很多把大菇切成的條狀，這些菇吸了肉眼扒的肉汁而且厚身有口感，味道惹味。【香草白酒意大利煙肉煮大蜆】這個菜式應該是當晚最失望的菜式。首先呈上的菜式沒有散發出清香的白酒味。其次是主角大蜆不太新鮮，肉質細而且口感偏淋不爽口。另外，配料有不少煙肉青葱及洋蔥粒，理應香口惹味……實際出來完全沒有這個效果。可能煙肉不夠油脂，炒過的煙肉不夠油香惹味。加上這個白酒煮大蜆大多湯汁，把配料味道都沖淡。有兩款意粉選擇:【香辣蒜片蝦意粉意粉】或 【黑松露牛肝菌意粉】店方話後者味道濃郁，如果太飽恐怕我們覺得太膩……最後揀了前者但少辣。這個意粉炒得頗乾身，意粉軟硬度恰到好處。味道非常惹味，那個辣留在口腔不散去，又辣又惹味，唯有那叫一支可樂解辣！甜品-芝士蛋糕上加上糖焦片. 由於太豐富的晚餐, 如果甜品可以有些清啖的選擇更加好這晚的西式私房菜沒有想像中的精緻, 賣相及味道同樣. 加上環境比較嘈雜, 感覺似美國菜的上樓餐廳.但是這私房菜評語高, 朋友都去完再去, 可能有些優點小妹未有發現.…查看更多

朋友的生日飯局，「席設」於此，地點不難找，拾級而上，甫見雅緻擺設的廳，及頗有文青味道裝璜的房間....朋友訂了房，頗為舒適，可以高談闊論，不怕影響其他客人...私房菜式是全西式的先上的薯條，新鮮熱辣辣，大家爭相搶食再上剛焗烤出爐的garlic bread，超正，香夾脆，大家又再度狂掃一番，已經吃得半飽了...香煎帶子，很用❤️去做，夠嫰夠滑蒸聖子，新鮮可口，不靭大蜆湯，清甜，味美Grill羊扒，牛扒，兩者俱佳，夠juicy，肉質tender，入囗溶化，有油香...單尾的黑松露pasta ，大家已經撐不下去，但被香味吸引，結果，全部吃光此店絕對值得recommend …查看更多

同屋企人一行十二人去左「月」食私房菜 聽說每期既菜式都唔同 我諗個晚都食左十幾款菜 但最好食個幾款就記錄底啦頭盤之一 煎帶子兩面都煎得好香 入面未完全熟透 好稔好好食 我個人好怕煎到好熟 佢入面就係有少少刺身既口感 個醬汁都好好食 清清地 反面凸出到帶子既香主菜之一既豬胺 外脆內有肉汁 好好味 伴菜既燒菠蘿都好甜好多汁仲有燒牛肉 我超鐘意 大約4成熟 好juicy 好稔 牛味都好重其實仲有個雜菌truffle意粉好好食 但冇影底 好濃truffle味 意粉又有咬口整體黎講都非常好 服務都非常好 一定會再黎…查看更多

是日菜單法式蠔湯蒜蓉包 什菜沙律薯條拼黑松露醬 即炸魚皮 香煎北海度帶子伴牛油菠菜美國頂級西冷牛扒 黑毛豬鞍扒拼燒菠蘿香草白酒意大利煙肉煮大蜆 香辣蒜片蝦意粉意粉 甜品 (cheesecake)$390/位（5位)今次係我食左第4次佢嘅西餐，依然好高水準!蠔湯鮮甜，胡椒味重。蒜蓉包熱辣辣，又香口，鍾意蒜就會停唔到口。薯條都係即炸，同秘制黑松露醬好搭!帶子煎到啱啱好，完全唔硬牛排叫做7成熟，有肉味，唔硬猪鞍用左slow cook，調味可以濃小小，燒菠蘿超正大蜆好新鮮，完全無沙意粉簡直一絕，今唔食西餐既人都食到唔停口可前1日，向負責人傾下餐單。可以令唔鍾意食西餐既人改觀。值得一試。不過要預番d時間等野食，佢地廚房唔算大。…查看更多

一直收藏左呢間私房菜，當初以為佢係sell cafe feel 嘅火鍋店，點知同老闆傾落先知原來佢地原先係輕食咖啡店，後來轉做西餐私房菜，近年仲做埋香港人嘅至愛打邊爐添老老實實，我原本係比佢呢度嘅舒服環境所吸引。我個人對打邊爐唔係非常有要求，我只有兩個重點1️⃣火鍋材料新鮮2️⃣湯底好味而呢度符合到我嘅要求之餘，仲做到私房菜嘅細心我係經wtsapp訂位的。老闆wtsapp左火鍋套餐menu以供選擇。因其中一位朋友不食豬牛，老闆都好易話為轉海鮮和菜類給個別食客順帶一讚，wtsapp reply速度快以下係我地食嘅menu五款時令海鮮手切肥牛西班牙黑毛豬腩片手打墨魚丸自家製黒松露牛肝菌冬菇餃炸厚切午餐肉炸魚皮什菜籃$3️⃣9️⃣0️⃣/ 位湯底我地揀左 椰子椰皇雞鍋湯底真係十個讚我本身好中意飲湯，個湯底好夠味好甜，一撈下有咩料，有原隻雞喺入面，仲有好多椰子super like因為唔係每款食物我都有影低，海鮮類別雖然唔係好嘩然嘅款式，但勝在新鮮豬腩片比起牛更好吃。墨丸和墨松露牛肝菌冬菇餃都讚特別的是炸午餐肉！我未試過炸到脆卜卜的午餐肉哈哈好味！朋友喺食評見到推薦黑松露薯條，老闆炸左個細size俾我地試，又真係值得推薦喎今晚我地3個人坐8人枱，不過原來weekend係好full架。所以想坐得咁舒服，建議平日晚上喇順便多謝返老闆俾我地嘅飲品discount 好快同朋友約下次，上黎試埋你呢度嘅西餐呀！…查看更多

說到在尖沙咀打邊爐，大家都湧躍尋找食店，最後選擇了大家都從未聽過的 <月> 火鍋私房菜。雖然位於唐一樓，但地點絕不難找，就在美之上面。店內環境優雅，除有點英式擺設，亦放有不少小盆栽，令環境氣氛更添生氣由於到店前我們已經wtsapp order好湯底，所以基本上坐低就可以等食。已選西班牙海鮮湯底，看到深橙色聞到蝦香味，但湯頭就好像雜菜湯？羅宋湯？未見有海鮮料，可能是隔起了。但味道不錯，亦淺嚐到份鮮甜味。(加湯也是加海鮮湯，不是加水)火鍋餐有五款時令海鮮、炸魚皮、炸魚片頭、牛頸脊、西班牙黑毛豬腩片、手打墨魚丸、黑松露牛肝菌冬菇餃、什菜籃。往往海鮮都最讓人期待，今晚時令款式有蠔、象拔蚌仔、貴妃蚌、蝦、蟶子。當中蝦是最有誠意，先將所有蝦鬚蝦腳都剪走，再浸在花雕酒中，醉雞打邊爐常見，但醉蝦還是第一次，好入味，朋友說這個蝦「好好味」不下三十次‼️其外所有海鮮肉臟都清得非常乾淨，而且爽口新鮮，當然大前提要睇時間，所有蚌類當肉一離殼便可食。份量對女生來說是剛剛好但記得要卜枱啊…查看更多

我好少特登開post讚一間餐廳，但係呢間私房菜真心❤好食! (5/5) 愈多人愈抵食。野飲有茶、Sapporo 啤酒、青檸梳打、熱情果梳打、咸檸七揀。我飲左熱情果梳打，好好飲。前菜係周打蠔湯，我唔食蠔都接受到，好足料。同埋有粗薯條配黑松露醬、蒜蓉包、即炸魚皮。魚皮係必食，又薄又鬆脆，包保你冇食咁正既炸魚皮。一大籃幾個人食岩岩好。主菜係燒原條牛肋骨同黑毛豬鞍扒，肉味香濃又稔，燒得好香！仲有黑松露牛肝菌意粉，好大碟，個醬好香黑松露味，意粉軟硬適中😎😎甜品係朱古力/雲尼拿雪糕，食完好滿足6位$1980 (每位$330)聽講老闆遲D會每個月推出新野，想食最好先聯絡間鋪，睇下有咩正野available。#Evening#私房菜#tsimshatsui…查看更多

星期六晚，有朋友升職，又係試食新餐廳嘅時間喇。一行7人，今次試的是尖沙咀私房菜！地方唔大但勝在cozy有趣嘅係同一個地方又可以打邊爐又可以食西餐，我地嗰枱打緊邊爐時旁邊嗰枱就食西冷海鮮好新鮮個人推介醉蝦黑松露搞和墨魚丸亦不錯仲有我老闆推介的自家製炸薯條和魚皮，係好正嘅，熱辣辣不過如果太早食嘅話會好容易食飽左試唔到其他嘢By the way, 老闆同佢細佬好似樣，而且好好人，用WhatsApp book枱同埋攞Menu個速度都好快不過提一提因為好多人book所以最好早啲訂定枱…查看更多

食過無數間火鍋店，呢間真係最強，真心推薦俾所有人，食物質素無得彈，款款湯底都咁特別，落足料，個人最愛海鮮湯底，超濃郁，好似龍蝦湯咁，麻油雞湯底都唔錯，D雞又香又滑。老闆知我請重要客人食飯，好體貼地問洗唔洗幫我預備D好D嘅海鮮，有鮑魚、象拔蚌、蟶子、花蟹、大蝦，全部都好新鮮，好夠份量，仲有超靚肥牛、新鮮炸魚皮、即包餃子、熱辣辣脆卜卜的午餐肉，仲有好多好多嘢食。個日本客食得超開心，環境又正，好有 style，勁有氣氛，老闆又好傾，又唔收開瓶費，地點都算就腳，一定會再黎。…查看更多

打邊爐係香港成行成市，有任食的，有單點，亦有得叫set，但係私房菜形式的，真是少之又少，『月』正正是呢種形成既私房菜打邊爐，店主兩兄弟對於食材好細心選擇，雖然上到去無得好似其他火鍋店咁自由揀自己鐘意食既野，但我每次去食，都無覺得有唔滿意。例如佢既松露餃，皮薄餡靚，而且菌香陣陣升上來，好得！湯底亦有好多特別既選擇，我好愛佢地既胡椒豬肚湯，冬天食一流，豬肚亦洗得好乾淨！最驚喜係佢地連豆苗都用哂最嫩既一部份，所以每一口菜都十分清甜，雖然價錢會比出面貴dd，但好值得。…查看更多