曲奇薈 (已搬遷) 新店位置

以前已經試過"茶薈"曲奇，可以說十分適合我。不太肥，清香滿溢：綠茶，玫瑰及薰衣草曲奇清淡但仍十分有花香味！很健康：當中的燕麥無花果是我的首選，每次新買回來的"茶薈"曲奇，佢就數分鐘內全被我吃掉，不油膩，有口感。可惜每盒只有數片，可喜佢哋現在接受訂獨立味道，但要加少少錢，不過這卻換來整盒我的至愛燕麥無花果曲奇！今次我也推介杏仁棒棒酥：很鬆脆，清甜，一盒有三十條，好好味呀！

睇到M先生係facebook放咗cookie galerie既蝴蝶酥新相，已經口水都流埋。 我好想好想試食，老公知道之後便去看看有無貨買。 太好喇，都有貨，只有原味，所以買咗一盒，其他味道需要預訂既。 一盒$75，有24件。 我幾鍾意個鐵罐，顏色幾優雅大方。 至於蝴蝶酥，買相不錯，喜歡佢唔太甜，亦唔油膩，不會吃完d手指全是油; 亦有淡淡既牛油香，我不太喜歡好濃烈既牛油味。 鬆脆有層次，買點係無添加講求健康，已經急不及待想試其他味道了~~~

黑雨真掃慶，在商塲左行右行，見到這店舖很多花，又有D餅，初時以為是花店，願來是賣曲奇。店舖哥哥話有8款酥，但有3隻斷了貨，咁就買桂花蝴蝶酥啦！嘩！肚子餓加上真是味道唔錯，不消數分鐘，就同表妹傾吓講吓就吃完一盒！我同表妹對覺得唔錯，有桂花味，唔太甜，夠鬆趣，可惜就是一大一細，即個樣唔太統一，如賣相靚d就 PERFECT！！不過唔敢立即返轉頭買，驚停唔到口！下星期经過再試店舖哥哥推介的曲奇！

一家標榜有茶味曲奇的店子早前也被報紙雜誌吹捧了一陣。報紙雜誌文章中介紹有小包裝出售，來到店員說當時有此打算，但現在只有一整盒的出售 $88 一盒有六種口味 - 薰衣草、玫瑰色、綠茶、伯爵茶、巧克力和咖啡。失望，茶沒茶味！幸好，薰衣草味也不濃（太濃郁就像吃香精）名副其實是巧克力和咖啡 。因為走健怡路線，餅類不會很甜 ，但牛油份量少質感就不夠酥脆鬆化。不論質感和味道都比「曲奇四重奏」和 Jenny's 遜色，這次又是一個錯誤蝕本的投資！ 據說店子曲奇以前是周梁淑怡的女兒和 shadow 等合伙出品，現在大家因方向不同已拆伙，不知品質會否因此受影響。

本來想買佢哋的曲奇和蝴蝶酥試下，點知見到 open rice 的喊面，就唔咁試！好彩有個知己良友，買了一盒果仁曲奇和茉莉蝴蝶酥給我，我才有機會嘗到佢哋的曲奇！果仁曲奇：一盒有六個味道 -- 開心果，腰果，胡桃，杏仁，牛油酥，黑白芝麻開心果加藍莓：絕對的拍擋，好香果仁味，甜味適中白朱古力加胡桃：第二個絕配，白朱古力加胡桃，口感一流！整盒曲奇的感覺：健康 (因用上有機麵粉，少糖及少牛油)稍乾 (因少牛油少糖)但今時今日，吃東西到是健康D重要D，加上佢味道其實好味！ 下次一定要自掏腰包試另一款曲奇，尋找健康美味的味道！茉莉味蝴蝶酥：表面沒有金啡色的外形，但吃後，有一個特別的感覺就是好滑，花味就屬清淡，我明白無添加，天然的東西，焗後只會留有淡淡的香味，所以我完全接受這清的香味(因餅是朋友送，故可評味道的分數，其他分數是經朋友評分的)

最近看報導頻頻大幅報導曲奇薈推出七色蝴蝶酥，再好奇心之下我購買了他其中一款朱古力蝴蝶酥，果然朱古力和蝴蝶酥的配搭恰到好處，味道令我驚喜！！！我以往是經常光顧九龍城曲奇四重奏，但是近來的質素每放越下，日後我會多一個選擇購買蝴蝶酥的地方。我會再去試Cookie Galerie的其它6款味道，希望令我有驚喜啦！！！

I bought the 櫻花蝴蝶酥 ($100) and tried them just now. They have no 櫻花 taste at all. I really wonder what’s the difference between the sakura and the original flavour other than the price. To me, it is like ordinary 蝴蝶酥 and definitely not worth the price. The fresh ones sold at Central Marks & Spencer ($9 each big one) is a lot better.At first, I wanted to buy the coffee cookie as well after reading the feedback below. Luckily the man at the shop offered me to try first. I should thank him for sav

知道自己過銅記，便打電話去Cookie Galerie訂蝴蝶酥俾friend好彩訂左，芝士味去到無貨，幾驚白行店員話蝴蝶酥勁多人買，最衰無得試店員say茶薈Cookie好好味，信佢買多盒返到home試哂六隻味：green tea、coffee、rose、chocolate、lavender 、oat &tig當中以rose、chocolate、lavender 最好食，但整體欠香脆非我口味店是周梁個女開的，有俾面報導之歉希望訂俾friend的蝴蝶酥好吃啦

見到星島有佢地有成版報道, 一心唸住試下.但係一試就出事, 首先係朱古力味個款, 個樣都ok 幾靚,但係一食, 嘩d 朱古力勁難食...失望跟住試另一款芝士味, 打開盒冇咩芝士味, 入口試真d 真係完全冇芝士味..又一次失望...仲要大拿拿HK$75 , 得24 塊 (朱古力個盒仲要少兩塊) , 真係寧願加多幾蚊買其他牌子~

買了一盒薰衣草蝴蝶酥，盒子一開見到淺黃色並帶有薰衣草的酥酥，眼睛吃了首輪冰淇淋，因為個賣相幾好，不會有 " over-cooked " 的感覺。再用鼻子品賞這酥酥，好香薰衣草味。最後再用嘴仔確認佢的價值，吃到的不是脆的感覺，而是鬆化的感覺，加上薰衣草的香味，好有滿足感。品賞完酥酥後與朋友交談，個 friend 話你個口好香呀，叫我請佢吃一塊！鬆化但不是脆的感覺，外形 OK 不會燶，牛油味不太重，薰衣草味好出！價錢 ： HK$75元， 1條"紅衫魚"都唔使

有朝睇免費報紙,講一間出名曲奇餅舖的前股東另起爐灶,由中環轉到銅鑼灣開分店. 一早想試好耐,終於有日過海到金鐘時專程走到銅鑼灣拜訪一下.入到去見到售貨員背後有成座山多的曲奇餅,點知原來全已被人訂下; 如要曲奇立即訂都要一星期後先有貨,現貨就只有三盒原味蝴蝶酥同兩盒朱古力蝴蝶酥.記得免費報紙主要介紹蝴蝶酥,而且又唔想空手而回,所以在無選擇的情況下兩款各買了一盒.先講包裝,我鍾意Cookie Galerie簡單得來又搶眼的包裝. 雖然只需$75盒,但其實只分六格,每格三塊.是次試食為朱古力味,查實只是半邊沾上朱古力而並非麵粉裡加入朱古力. 食落都夠鬆脆,雖沾有朱古力,但不太甜亦不太油. Cookie Galerie的蝴蝶酥較細塊,不會太燶(黑),較"靚仔",但論鬆脆程度則只屬合格,而且驟眼睇落"層數"亦不夠多.我仍然好想試試最出名的'茶薈曲奇',惟有等下次...

早陣子路過入內看看，店員熱烈介紹，爲食嘅小弟買了幾盒曲奇和蝴蝶酥回家細味，付錢前店員極力推介價錢尊貴的特別品種櫻花蝴蝶酥，小弟當然也收歸其下。第二日早上和家人一起享用，怎料打開那盒披著紅粉包裝的櫻花蝴蝶酥後，內裡只是一堆不再鬆趣的普通蝴蝶酥罷了。 之後一日我再路過店子順便把這事告知店員並把那紅粉包裝送回店員。（由於小弟表示吃不到有點不甘心）再向店員表示我付錢再買一盒，但店員表示櫻花蝴蝶酥巳售清，我再付錢也沒有了。店員立即說這是他們不對，還留下我電話説會為小弟跟進，結果整個月也音訊全無，原來到尾也只是一間高級不實商店而已。至於食品質素就真的只是一般，要吃曲奇和蝴蝶酥還是花點耐性駕車去九龍城吧！小弟不快經驗在此和大家分享一下。

草草近日加入「綠茶怪」行列 !!!多得姊姊特地買了包曲奇來招呼我這個「不吃甜卻周身唔聚財」的妹妹,今勻真有口福~真愚昧~還以為開了分店,原來鴨巴甸街的店子已關了姊姊在銅鑼灣新開的店買了一包三十多元的綠茶曲奇,該店的綠茶曲奇原來比一般市面的不同一般做法大概是加綠茶粉, 最多加上沖泡過的茶,但該店的曲奇卻加了茶葉碎在曲奇裡面,咬下可真鬆化; 茶葉亦不會有苦澀味,反而焗後口感脆卜卜,十分有趣 題外話: 小妹覺得吃下去的感覺,是下了很多牛油的類型,但看到報紙介紹,周小姐說只用了很少牛油,好吃之餘還要顧及健康,希望是真的吧 ! 相信下次會再光顧的等我啊! 周小姐

看報紙報導這裏的蝴蝶酥，星期日放假去買，誰知已全部售馨！唯有訂貨，但要到 30/4 才有得取貨！ 星期一放工回家，喜見卓上放了這店子的出品， 願來 " Honey " 早前已預訂！一打開，香味直撲出來，好開心呀！ 但今天已吃得七七八八， 要隱住食，因為要到星期五才有得取貨！！！玫瑰味蝴蝶酥不太甜，牛油適中，玫瑰花味好清香！30/4 取貨時，一定要訂其他味道試試。

芝士蝴蝶酥 $38包好香芝士味，鬆軟。茶薈 $88罐內有6款 我哋最鍾意清清的玫瑰，香濃的朱古力同淡淡的綠茶味曲奇。