暖心芝作

营业中

休息中

朋友介紹, 話呢度芝麻糊好食, 不過天氣太熱想食雪糕, 所以即場買咗杯芝麻軟雪糕, 然後再買芝麻糊加芝麻豆漿返屋企飲。响無期望嘅底下，我覺得軟雪糕唔錯， 不過夏天熱要食快少少，因為我企喺門口食都溶得好快。 芝麻味香， 雪糕軟滑又夠凍， 我見大部分嚟買嘅人都係買雪糕。 至於芝麻糊同埋豆漿， 星期日人太多雪唔切， 買咗暖嘅返屋企， 一半雪凍嚟食， 另一半暖食。 芝麻糊冇太大驚喜。另外黑芝麻豆漿雪凍嚟飲， 我覺得小甜剛剛好，又冇掩蓋到黑芝麻嘅味道 路過下次會再買雪糕嚟食

分多次去試，試過芝麻布甸，芝麻卷，芝麻雪糕，無糖芝麻豆漿，芝麻豆漿。個人比較喜歡芝麻布甸，芝麻雪糕及有糖芝麻豆漿。炎熱食雪糕真的要快手，好快溶芝麻布甸，我覺得都夠滑芝麻豆漿，不算好甜，啱我口味

最近呢間小店的黑芝麻雪糕筒實在太火熱，我真唔執輸試吓，帶住手套的店員為我收錢，之後佢馬上攞雪糕筒唧雪糕，已經覺得嘩然，因為個店員唔夠力，改為老闆娘過來唧雪糕，她原先是搬緊貨，沒有洗手情況下為我唧雪糕，真係好嘔心，但我都明白餐飲業從來都是這樣運作，手套只是保護他們雙手，我不作評論！個人認為黑芝麻雪糕好多粗渣，未夠綿滑，而且雪糕係空心的，M記、豪華雪糕車都係滿滿的，售價$28是平是貴，見仁見智。之前食過石磨芝麻糊$30，味道的確唔錯，可惜太油膩，相信製作過程中加左食油令芝麻糊更濃稠同口感更滑順，但我為不會再食🥱個人認為，如果係街坊或者經過係一試無妨，但無需特登來打卡🤭

黑芝麻雪糕烈日當空都唔會溶初初買完要行過一條街先上車仲擔心溶左食唔到點知發現32度下，去到隔離2條街都唔溶一滴汁黑芝麻味係有的但係唔溶既雪糕就怕怕了另外買左菲林卷，冇乜特別應該唔會再試

買咗芝麻糊，芝麻豆漿，無糖芝麻豆漿，我們這一家三口都覺好難食芝麻糊 : 唔夠滑有粒粒，口感好嚡芝麻豆漿：少甜，但一啲味都冇，口感好嚡無糖芝麻豆漿：完全飲唔出芝麻、豆漿嘅味道#唔明點解 會有咁多好評

揸車經過呢間舖頭，好奇一間細細間嘅店咁多人排隊😂原來係專食黑芝麻主題嘅小店。這間小店很多都是主打自家製，用健康嘅原材料。於是一於試吓。買咗兩支豆漿，三盒芝麻菲林卷。首先，講吓豆漿，豆漿$15一支，都算大枝，飲落去屬於少甜，而且飲得出真係真材實料。而且黑芝麻豆漿又健康，我估自己間唔中都會買一支嚟飲吓😂菲林卷$25一盒，一盒有五至六條，落去好滑，而且唔會太甜，我亦都鍾意有啲白芝麻喺上面，有返少少口感。呢間黑芝麻主題店值得一試，下次試吓芝麻糊先

見人哋寫好評經過就試下佢個芝麻糊、大拿拿成30蚊一碗、唔係太甜、但係食落去係比較粗口感嘅芝麻糊、食落口係覺得好“確”喉,芝麻糊好似有啲煮燶咗嘅嗰啲𤓓味、唔好食、但唔係難食、芝麻糊試一次就夠絕對唔會有下次、買咗兩兜兩兜都係食唔曬、真係唔想強迫自己食啲唔好食嘅芝麻糊、唔信嘅各位即管買滿嚟試下、我見到有其他人食評講芝麻糊係唔好食、但話呢間芝麻布甸係好食、如果試嘅話可能試咗佢芝麻布甸先囉、如果想試芝麻糊你係想食粗粒口感嘅就食啦

話說車爸爸是個芝麻糊迷一次過吃三四碗也絕沒問題！當我發現太子有一間賣芝麻產品的專門店即時跟他去試了。這間位於太子的芝麻專門店名叫暖心芝作，在網絡上很多朋友經試了而且風評不錯，這天就來會一會它嚐嚐質素是否真的那麼吸引。門口放置了一台石磨機可以觀賞到即場磨製的黑芝麻醬，新鮮即制看得到真材實料好吸引。我們買來了古法石磨芝麻糊及流心黑芝麻布甸來試！雖然是外賣店但貼心地於門口放置一張小檯，讓客人可以於門口即場享用出品。先吃這個凍食的流心黑芝麻布甸$25，入口那濃郁的黑芝麻香氣充斥嘴巴，那布甸質感超級滑溜流心效果亦出色，這份滋味絕對值得專程去幫襯。緊接著到品嚐古法石磨芝麻糊$30！芝麻糊香氣同樣非凡而且甜度恰好，但我們也不太喜歡這麼濃稠的口感，但真的非常足料又大碗確實是抵吃的。我們還有很多產品想試胃納有限只好留待下趟再來品嚐。

估唔到，有啲驚喜，芝麻卷，淡淡芝麻味，甜度適中，$25/6條。芝麻糊，芝麻味香濃，唔會水汪汪，質地好厚身，唔算滑，甜度適中，食完好飽肚，買了兩碗，一碗熱食，一碗凍食😆$30/碗，好食💚

原本都係睇社交媒體網站Foodie介紹，所以慕名而來。其實都真係抱著一個試嘅心態。唔好食就一次過，好食就當bonus。始終依家時下所謂嘅foodie都可信性有限，唔自己試過都好難作判斷。所以今日經過太子，決定去搵搵佢，試一試。去到門口，已經見到有4-5個人係到買緊產品，有位客人仲即場食佢地嘅芝麻糊。而我，就買咗一盒芝麻卷同芝麻糊。芝麻卷味道好香濃，最重要係唔會太甜。時下嘅香港人都追求健康，呢一點佢地做得非常好，食多一兩條都唔怕肥。芝麻糊同樣香濃幼滑，食到有微粒芝麻。絕對值得再次光顧

𓍯 Sesame Specialty | 🖤Hidden Gem in Prince Edward 🍮 𓂃@heartwarming_sesame is a hole-in-the-wall gem for sesame fans 🖤This small shop makes all sorts of sesame goodies from an old-fashioned stone grinder, and they’re most famous for the traditional dessert, 𝗦𝗲𝘀𝗮𝗺𝗲 “𝗙𝗶𝗹𝗺 𝗥𝗼𝗹𝗹𝘀” - chewy rice rolls made from sesame paste 🎞️ there’s a fragrant sesame flavour in the rolls and it still tastes great after chilling in the fridge!Real MVP tho was the 𝗦𝗲𝘀𝗮𝗺𝗲 𝗟𝗮𝘃𝗮 𝗣𝘂𝗱𝗱𝗶𝗻𝗴, which had an even stronger sesame

成日聽同事講呢間嘅豆漿好好，今次食完飯經過就去試吓，我最鍾意係佢個豆漿唔係好甜，同埋真係勁有豆香味，係有少少厚身嘅口感，咁樣反而我覺得仲好飲，買多咗幾支返屋企俾屋企人試吓。

呢間舖頭一睇就知係小店，但係裏面買嘅嘢都好有內涵除咗最平嘅豆漿$15一支仲有幾百蚊嘅芝麻粉。我去到純粹行過見到個香味幾重，芝麻香見到唔係人工粉，日本職和記喺隔離，所以就諗住試一個芝麻豆漿。無添加糖，飲落去都唔嚡口非常滑溜，而且亦都有濃芝麻香，唔會稀到好似飲水咁。我覺得幾好，但係放返其他嘅朋友仔我覺得加少少糖會好味啲。我當時去到想買一支豆漿，但都見到幾個姨姨叔叔喺度買芝麻粉，甚至佢哋話食開，見到冇貨都要訂貨。而舖頭手勢店員都會好親自解釋每一款嘅芝麻有咩功效，我諗啲客人都係由小產品食到大產品。

店員態度差～～買的時候發現豆漿有顏色異樣，跟平時的不同，已跟店員溝通，但該店員稱是這樣的，搖勻就無問題。回家後發現樽內是一嚿嚿的帶點酸的豆漿味道，於是致電稱可以換過一枝，點知第二枝喺雪櫃攞出嚟嘅貨都是不凍的，擔心會否一樣是變的，於是問店員雪櫃是否壞了，但那名店員的態度態度十分惡劣，本應是長期客的我都嚇到下次不敢再去買了，其實該店的食物是好食的，可惜我跟我的家人分別買東西時，都試過不禮貌對待😞⋯⋯真的失望。

早陣子去開太子，發現原來有幾間想試嘅食店都圍住喺嗰邊，其中一間就係暖心芝作。呢間本身bookmark咗係想試佢個芝麻雪糕，但去嗰日部雪糕機維修試唔到🥹 最尾試咗：#流心黑芝麻布丁 $25呢個好香滑，甜度剛好，中間流心嘅係芝麻糊，好食幾特別~#黑芝麻菲林卷 $25細個酒樓飲茶好多時都見到呢個，而且阿媽都幾鍾意所以成日見到都叫嚟食，不過而家少見啲🤔 呢個菲林卷黑芝麻味比布丁嗰個重，唔會太甜，唔錯👍我其實最想試係個雪糕🥹唯有下次經過再買啦