影片
营业时间
今日营业
10:00 - 22:00
星期一至日
10:00 - 22:00
以上资料只供参考，请与餐厅确认详情
相关文章
喺太子嘅街头，有一间小店总系吸引好多人排队 — 暖心芝作 - 石磨芝麻。作为一个芝麻控，听闻佢哋嘅黑芝麻甜品香浓无比，今日特登慕名而来试试！今次我试咗佢哋嘅芝麻软雪糕呢杯芝麻软雪糕一拎上手，浓浓嘅黑芝麻香气已经扑鼻而来，望住𠮶一圈圈灰黑色嘅雪糕，已经好吸引！一啖入口，芝麻味浓到爆，香气喺口腔散开，简直系芝麻控嘅天堂！雪糕质地好香滑，口感细腻，入口即化，唔会太甜，仲带有少少芝麻嘅微苦香气，味道好有层次。$28嘅价钱，真系性价比高到飞起，份量都好足，食完完全有种满足感。
继续阅读
今日终于经过太子 可以一试哩间好出名既芝麻味甜品，其实初初见到条人龙都唔想排，但见佢又去得好快，因为收银姐姐都好快手。Top 1 : 黑芝麻软雪糕 $28⭐️⭐️⭐️⭐️⭐️果然系太子名物，软雪糕上的黑芝麻酱好浓 雪糕脆筒好松化 推介 第二样 芝麻流心布甸 $25 ⭐️⭐️⭐️⭐️好滑好浓 好有层次 中间流心好似食紧超杰既芝麻糊咁 至于菲林卷$25 ⭐️⭐️⭐️有啲失色 虽然系限购 但味道比较淡 试过就算 价钱算合理 等候时间都ok 可接受 值得一试
继续阅读
前排同朋友咁啱嚟到太子附近食饭经过见到呢间舖头排长龙 望一望原来系最近IG成日见到嘅黑芝麻雪糕，跟住我哋即刻去咗队尾跟住一齐排 其实都只系排咗10分钟左右 就已经到我哋啦，我同佢买咗一个黑芝麻雪糕 同一个流心黑芝麻布甸试吓 黑芝麻雪糕嘅表面有啲好似芝麻糊咁嘅酱淋咗上面 超级浓比较杰身 同埋有一粒粒嘅黑芝麻磨出嚟嘅口感 真系超级好味 然后黑芝麻布甸佢嘅流心亦都系有种食紧黑芝麻糊嘅感觉 真系超浓超好味 好后悔冇买埋𠮶个菲林卷
继续阅读
最近去咗一间专卖芝麻嘅小店试下佢哋嘅招牌芝麻雪糕，但个体验真系令人失望。虽然店外排住长龙，但雪糕质量真系差到好难接受。先唔讲味道，佢啲雪糕完全冇奶香，质感劲水，一食落去就知用料唔够实在，仲收28蚊咁贵。而且最夸张系，雪糕唔够30秒就开始溶晒，仲未影好相已经变成一滩水，真系好难食得开心。至于服务态度更加系一绝，楼面职员完全冇笑容，语气冷淡，整体经验令人失望，真系唔明白点解会有咁多人排队。可能系因为芝麻主题比较特别，但如果质量同服务唔改善，实在冇理由再去第二次。
继续阅读
昨天由大屿山开车去花墟，经过这间店排队买一盒芝麻卷，今次是第二次食，上次有请自己街坊食，四人一人食一条，今次又想买多一盒请街坊食！因为好食！买完花后，一个钟头后再去排队买，4:10已开卖紧！假期后冇乜人排队，排我背后的只有二人，突然店员在10呎外高声向我呼叫，你今天已买咗！你冇得再买！有得卖都不会卖俾你。我听了觉得好委屈！就算好食又如何！我想买俾街坊食唔通明天要再揸车出来吗？算吧！只是另一间九记！完
继续阅读