暖心芝作

营业中

休息中

兩點幾去到，前邊排10個人，條隊買雪糕同埋芝麻糊之類，都係放雪櫃攞出嚟嗰啲，諗住等十個甜筒要排幾耐吖，咁咪排囉，結果就係排咗半個鐘🤯🤯🤯🤯即係每個雪糕唧3分鐘🤯🤯🤯🤯🤯 真係唧牙膏咁唧，即係玩飢餓營銷🫠 唔怪之得條龍越排越長🫠 雪糕OK嘅，甜筒都好脆，但排半個鐘真係唔好啦

去左兩次，一次排左1 小時（星期日晚上），一次排左半小時（平日下午）。1）世一芝麻雪糕（$28），好好味，黑色芝麻醬更加突顯芝麻味，正😍😍😍排在一小時都值，同朋友吹水。2）芝麻卷，$25，下午2 時至7 時開賣。每小時限25 份，每人限買一份。下午1:45 買完雪糕就去排2 點芝麻卷。準時2點，職員開始派籌，25 份限定，只收現金。芝麻卷好滑，正。如果有時間，可以一排。3）芝麻蜂蜜糕，推介原味和士多啤梨🍓味。無花果味麻麻。排左成個鐘乜都買🤣🤣🤣其實唔洗買，麻麻地。4）芝麻豆漿$15， 唔錯，我有再買。平平地，ok 。5)黑芝麻布旬，$25， 好滑，雪糕不能帶回家，呢個可以常返屋企比屋企人食。記住留意有冇貼封口貼紙，冇貼，未回到家已經漏寫咗🥲🥲🥲6）芝麻糊，似乎麻麻地🤣🤣🤣

日日都見到有人排隊我都要嚟朝聖下🌟到我時菲林卷已賣哂🫠🫠帶點失望，下次會早啲嚟買咁就買咗黑芝麻雪糕🍦同一碗芝麻糊，兩樣食品黑芝麻雪糕值得一試，雪糕香滑，有芝麻味，同時有奶味，兩味混合唔錯，唔太甜甜筒脆皮都係黑色，食落唔太膩，隨行有小朋友，小朋友都鍾意食，唔抗拒芝麻味道黑芝麻糊好濃黑芝麻味，味道唔太甜，食落感覺健康包裝乾淨，方便拎返屋企食排隊時間唔太耐，尚可接受價錢唔貴大眾化，會再回購黑芝麻雪糕和芝麻糊

米芝蓮必比登推介💯想試咗好耐🤩本身都幾鐘意黑芝麻，所以一開始見到有人討論嘅時候都覺得好吸引😋平日去除咗菲林卷要排之外，都唔洗點等。但係星期六日就要大排長龍🤣🫡今次分咗兩次去，一共試佢地5樣products🤩🥇流心黑芝麻布甸 $255樣products入面排名第一☝️好好食！黑芝麻布甸質地夠滑，有芝麻味，唔太甜😝重點係中間有流心芝麻醬，個醬就會較甜少少🤏🏻但係令整個芝麻布甸都再提升咗一個層次👍🏻👍🏻🥈黑芝麻菲林卷 $25最難買🥶🥶因為限量，每個鐘先有25盒。但菲林卷口感軟糯，一啲都唔死實，芝麻味濃郁👍🏻👍🏻🥉特濃「黑芝麻」軟雪糕 $28人手一支🍦🍦🤣真係個個去到都必食！只係需要$28就買到，雪糕份量唔少，真係好抵！都係嗰個字「濃 」，味道好自然，唔會死甜石磨芝麻糊 $30質地真係糊狀，唔會水寥寥。食得出係芝麻即磨，因為食到有啲芝麻碎。整體係高質極芝麻糊👍🏻黑芝麻豆漿 $15有兩款，有糖同冇糖。但兩個味都比上面幾款遜色啲，因為個芝麻味唔太濃，飲落個質地有啲水水地🥲

好多人讚呢間舖頭嘅芝麻雪糕好好食，自己本身好鍾意食芝麻味雪糕，所以專登走去買來試吓，排隊嘅時候都聽到有人講，見到咁多人斷估都好味嘅！ 原來大家見到多人幫襯所以就排隊買？我抱住興奮心情去試鍾意嘅芝麻雪糕，仲買咗一樽芝麻醬，個醬味道唔錯的芝麻味同我心目中都幾大出入，因為未好似其他人講到咁香濃☹️店舖仲有黑芝加哥菲林卷，可惜要兩點後才有得賣，希望有機會試下。

近日在App上大熱的太子芝麻卷，今日經過時竟然見到人排隊不多，於是決定試試。排隊大約10分鐘後就買到了，每小時限購25盒。讓人驚喜的是，現場真的有一部石磨機即場和芝麻，排隊時就已經聞到陣陣濃香。試吃後發現，芝麻卷的味道非常之濃郁，口感綿密。這次購買體驗真心不錯，會大推再回購。如果你也喜歡芝麻味，絕對值得一試！

自問從小店到 轉大店由菲林卷 不用排隊都現在時時刻刻都排長龍幾乎全部產品都食過芝麻醬芝麻雪糕芝麻油…………………………..豆漿奶凍………..芝麻係好香好味……..好吃我都介紹過好多身邊嘅人要去食但服務員既態度作為熟客仔都真係有啲失望相當離譜……………….相當相當失望………..賺錢係好緊要但服務都相當重要如果不願意花時間改善服務的問題明白工作辛苦但不耐煩 既服務態度 有啲有點那個服務態度真的期待你們找番真心.

未成為網紅前一直多次購買芝麻醬，當時真材實料足，無添加，味道濃郁，可惜現在爆紅後，芝麻醬明顯偷工減料👎👎👎，芝麻醬不再是醬，只算是芝麻汁，明顯溝入大量油，減少芝麻糧。店主賺錢多了反而要減低成本。專誠排隊20多分鐘購買後得到此品質，對店主非常失望😞😞😞😞

約咗啲舊同事食飯，喺大角咀行出嚟太子行到熱死辣辣，見未夠鐘諗起呢度有間舖頭專賣芝麻嘢，就專登過嚟食雪糕涼快一下。可能係平日嘅夜晚，唔算多人排隊，都係大概10個人到好快就可以買到雪糕，難得唔使點排隊就買咗雪糕同埋芝麻卷。雪糕第一啖咬落去吸有驚喜，驚喜在於個醬真係好濃，反而雪糕就感覺冇乜特別，但係上面個芝麻醬實在太濃味，直頭想返轉頭淨係買樽醬。買嘅時候問個售貨員啲芝麻卷可以擺幾耐，佢話即晚要食咗佢唔可以放隔夜。咁食完飯就即刻啪埋佢，芝麻卷真係要新鮮食，如果唔係就會變硬，佢呢隻芝麻卷唔會太甜，但係個芝麻嘅味就唔算好出，可能係之前雪糕嗰醬實在太出色，有少少比下去。如果唔想排得咁犀利，真係唔好假期先嚟，呢啲非繁忙時間食又幾好。

經過就聞到芝麻味超濃！既然要排一陣隊，就一次過試埋黑芝麻軟雪糕、流心黑芝麻布甸，夠晒香滑，唔甜，有濃濃既nuts 味，大愛❤️性價比好高，黑芝麻雪糕上面嘅醬超好食。Smell the intense sesame aroma when passing by, tried the black sesame soft serve and the molten black sesame pudding at once. They are super creamy, not too sweet, and have a rich nutty flavor. I absolutely love it ❤️ The cost performance is really high, and the sauce on top of the black sesame ice cream is delicious.

有朋友介紹同我講呢度嘅芝麻雪糕好吸引。同埋朋友喺呢一間店到買咗一樽陳皮燉檸檬俾我沖嚟飲，試完之後都好好飲。所以決定嚟呢度食吓佢個芝麻雪糕，嗰日嚟排隊，突然間斷咗電，但係好彩個雪糕機冇停，咁就可以試到佢個雪糕。佢啲雪糕係非常之滿，因為會加到落個雪糕筒嘅底，而且非常厚實，超級濃嘅黑芝麻味。真係好香濃，已經食咗兩次，同埋非常之飽肚。另外佢有個芝麻醬，但係唔係好似佢雪糕嗰芝麻醬咁，唔知整法係咪唔一樣。下次去埋荃灣店試先，因為好近。

已經encore無限次嘅暖心芝作，黑芝麻雪糕真係好好食！😍😍次次經過都大排長龍，我諗佢嘅黑芝麻雪糕真係好受歡迎。黑芝麻嘅香氣非常濃郁，每一啖都充滿住芝麻嘅天然風味，甜度控制得剛剛好，食落完全唔會覺得膩。雪糕質地幼滑細膩，入口即溶，仲帶有一絲絲芝麻嘅顆粒感，口感層次豐富，令人回味無窮。價錢方面，甜品嘅定價合理，黑芝麻雪糕雖然係招牌，但價錢並唔算貴，性價比高。如果你鍾意食黑芝麻，暖心芝作絕對係一個好選擇！

📍暖心芝作 (太子)太子汝州街23號地下B號舖中午時間 排隊時間大約10分鐘熱賣推薦✨芝麻雪糕 $28雪糕面上佈滿芝麻醬濃郁芝麻香味 口感軟滑👍🏽✨黑芝麻菲林卷 $25本身只係諗住買雪糕 見過牌寫住芝麻卷 每小時只有25盒每人限購一盒 既然一場嚟到梗係唔好蝕 要買盒試試啦🤣🤣🤣黑芝麻卷香濃芝麻味道 香甜可口👍🏽——————————————————————-整體用餐體驗✨味道(4/5)✨環境(4/5)✨服務(3/5)✨性價比(4/5)

一直食開佢哋嘅黑芝麻醬，香濃，唔易醬油分離，放耐咗亦唔會太乾，所以對呢個品牌有信心。今年行素食展，見佢又有擺檔，上年外賣黑芝麻糊，今年就買咗黑芝麻丸同即場食佢嘅杯裝黑芝麻雪糕。杯裝黑芝麻雪糕：$28；舖頭有誠意，即場食嘅話，佢哋會喺客人開蓋後淋上黑芝麻醬，令芝麻味加倍提升，味道更濃郁；配上黑芝麻醬的雪糕一定好食，不過，試過冇點醬，雪糕經已好重黑芝麻味，係人生中最濃味的黑芝麻雪糕！忍唔住一路食，一路讚好食！由於舖頭好多產品有得試食，所以試咗黑芝麻丸，味道天然、純正，唔甜，滿滿的黑芝麻味，最後買咗2盒。雖然今次冇買佢的黑芝麻醬，反而揀咗同場的The Nutter Company（TNC），不過坦白講，黑芝麻醬兩者的質素差唔多（TNC味道濃稠啲，但缺點係唔純正，混咗花生，而且較易乾身）。當食完呢度的黑芝麻雪糕，然後再食TNC原價$44的杯裝開心果雪糕，後者莫講話被比下去，直情係輸足幾條街。杯裝開心果雪糕只有奶味（重仲似係奶粉味）同少少果仁味（完全食唔出係開心果），而鋪面係一撮已經淋曬的開心果碎，大失所望！試過呢度的杯裝黑芝麻雪糕，願望清望加多1項：去舖頭食埋佢的黑芝麻軟雪糕！😋l

暖心之作嘅黑芝麻甜品，對我嚟講，路過一定要食，喺太子食飯一定要食，有時諗起仲會專登去食。 黑芝麻布甸$25布甸嘅口感滑得黎都相當厚實，介乎燉蛋同 crème brûlée 之間，舌頭一壓就化開，係平衡得相當唔錯嘅口感。食布甸最驚魚膠粉太多搞到膠得滯。入口即感受到啖啖香濃嘅芝麻味。中間仲有少少芝麻糊流心，帶嚟一陣微微嘅驚喜。雖然睇落只係細細一杯，但係成杯食完都有飽足感，好滿足！黑芝麻雪糕$28入口芝麻味爆發！！表面澆上嘅黑芝麻醬稠密，透出熟透嘅烘焙焦香，唔會苦又零土腥味！ 雪糕嘅黑芝麻味同乳脂香味平衡得好好，混入超幼芝麻粉，質感似絲絨摩擦舌尖，完全無冰晶感。 甜度拿捏得啱啱好，唔會過甜或者膩。識食建議如果兩樣甜品都想試，建議先食 黑芝麻布甸，因為雪糕嘅芝麻味會更香濃，可能會令布甸顯得相對淡啲。但如果想專注欣賞單一款甜品，咁每次淨係食一樣就啱晒。 嘻嘻，我就會下次去試芝麻糊！