智多星 (已結業)

呢日我地拎野去洗衣鋪準備搭車出街既時候老公指指間鋪「呢度炸脾都幾出名」炸    脾    ?!!!!簡真係啪著左個總制!!炸脾/炸雞呢D一向賣飛佛仲要出名喎, 唔係唔試呀下話?望下個名叫智多星..咁熟既?! 之前原來某雜誌個「區區有脾脾」就係有佢份!!!一場黎度梗係狗衝啦!!正值兩點幾三點, 我地黎一個下午茶炸脾 + 粉麵 (沙爹牛肉麵 / 雪菜米)個粉麵冇乜特別, 同平時食開差唔多重點黎喇!YEAH!!炸脾!其實我之前都試過「區區有脾脾」另一間上榜既店不過個間真係麻麻地喇, 原因係佢唔係一隻傳統生炸脾至於呢度, 佢確確實實係一隻好薄脆好香口既炸脾!!!雜誌入面形容佢既入味指數得3星食落口, 層皮夠脆同食到華鹽味之外D肉有醃過,唔錯丫肉唔o鞋口, 冇雪味/怪味, 非常OK一路切一路標哂煙, 真係即整喎總括黎講,呢個炸脾好岩我心水一來肉係入味同JUICY二來,佢個皮有華鹽!! 食炸脾個皮冇華鹽點得GA!!智多星, I WILL BE BACK!!

哩間位於長沙灣的快餐店，由我讀小學已開始食，原因大份，價錢平，味道不錯。搬離長沙灣後，已多年沒吃了。 今早特登搭車來食早餐，回味一下。價錢加了不少，但仍比其他茶餐廳便宜。我點了牛扒煙肉餐，隨餐附火腿通粉，牛油多士及餐飲。牛扒大件多汁，煙肉竟有五塊之多(唯煙肉質地不像從前)，一邊聽著90年代的張學友，王菲，劉德華歌，突然有回到那些年的感覺...

我係長沙灣返工，所以好鐘意係e頭揾食。e店差唔多係飯堂。最鐘意食蟹柳班球煲次次都食。今次想食新野。食西抄飯@39hkd。好有鑊氣。腸仔用斯華力腸同火腿先煎過。价以腸粒係脆又多料。好好食。一定再去

我係長沙灣返工，所以好鐘意係e頭揾食。e店差唔多係飯堂。最鐘意食蟹柳班球煲次次都食。今次想食新野。食西抄飯。好有鑊氣。腸仔用斯華力腸同火腿先煎過。价以腸粒係脆又多料。好好食。一定再去

今日難得放假好想食啲嘅野由細到大我都好鍾意食呢間快餐店因為好多野揀而且好抵食今日叫了個炸雞翼飯同熱O水先係$38翼尖如果無咁燶會更正飯size又岩岩好推

出面落雨，唔想出街，屋企啲杯麵又食晒! 叫外賣啦，今次想食炒飯。智多星嘅『精選午餐』其實都幾抵食，$41，有飯加凍飲連例湯：海鮮炒飯，炒得香口，飯是一粒粒的，不太腍也不太硬，配料亦絲毫不苟：有紅蘿蔔絲，青椒，洋蔥切條，炒蛋花，雜菜粒等；主角是海鮮，有多隻新鮮中蝦，很鮮味，再加蟹柳及魷魚，口感一流！

真係餓到我肚都凹! 一定要醫肚la，午餐，就係 智多星 Lucky Star Delicious Food 落腳啦。 呢間快餐店，係呢區黎講算係一間老牌快餐店。應該OK嘅。先來個是日例湯，睇睇究竟係乜傢伙??原來係「紫菜雞腳湯」OH NO!!! 我唔鐘意啜腳趾嘅。真係行衰運!湯都算得上好飲嘅，紫菜味好香，只不過當我睇見d腳趾，就有反胃嘅感覺。跟住來嘅係「凍奶茶」，茶味一般，奶下得過多，勁甜。鮮茄牛脷飯，茄汁又香又甜非常開胃! 牛脷大塊又夠厚，不過咬落就靱佐d，唔夠腍，又好以冇乜調味咁，淡mou mou，都有肉味嘅。總括來講，算係平平無奇，入得口，又一餐咁囉。

薑越老越辣, 酒越舊越陳, 不過這間據聞有三十多年歷史的快餐店卻沒有預期的好味...店面帶有一種經歷過風浪, 見証過繁華的蒼茫。室內環境其實比較窄, 莫說午市時段, 學生哥放學後都坐滿人。難得走到舊式快餐店, 那當然要叫一客黑椒炸雞肶飯及紅豆冰才像樣；黑椒汁就只得一種味...辣！沒有黑椒香味, 怎可叫做黑椒汁!?  炸雞肶是翻炸款, 表皮是炸得又脆又實, 皮下的雞肉肉質不算滑, 過得去而己...紅豆冰是要加錢換購, 紅豆又細粒又有渣, 煲得不腍所以起不出沙,白白浪費了數元。

那天同個朋友去教堂，因有個朋友結婚，便走到長沙灣天悅廣場附近，眼見時間還未到。又不想吃M記，又不想去吃米線。見到間似快餐店物體，便走進去試試看。見到又$38的快餐，眼見有人叫了個涼瓜排骨飯，分開上，有個湯有個飯又有野飲。不用選擇是我強項，於是便叫了，見他新鮮熱騰騰的炒出來，心裡想應該不錯掛。急不及待便馬上吃了，其實味道本是不太差，但他們為了快趣，便先將涼瓜和排骨拾了，搞到原本應有的味道淡了，涼瓜淋了不太爽脆，味道又淡了。排骨淋了，冇乜咬口，不過我太肚餓了，是旦啦，加了些我愛的桂林辣椒醬，總算又餐美味食物。湯吾飲啦，味精什重，不過都叫做吾係好加水，味道都可以。全場最好就係杯奶茶，不過一般啦，未至於淡如水，冇乜茶味。今餐粗粗地啦。飽肚便算了。

我同老婆以前讀間小學係附近, 所以對呢間快餐店特別有感情,老婆叫左個什扒飯,黑椒汁,但加左唔小價$36 冇野飲, 好彩份量都唔少, 收銀見老婆冇叫野飲, 仲特地去拿杯水俾佢我就叫左個鐵板蘇格蘭牛扒,有杯野飲同啫喱送,呢個加得仲多$50, 牛扒有少許雪味, 一定係趕住整冇提早溶雪,但條邊煎得趣,幾好食, 同埋個黑汁好夠味唔錯 附近開左兩間新甜品店, 人流又多左, 好驚業主加租,連呢間舊式快餐店都頂唔順, 睇來我都要多d來幫襯

今日下午和朋友到長沙灣洗車, 之後就走到附近這間老字號舊式快餐店食下午茶. 這間快餐店我也只是來了兩次. 雖然食物不算是好出色, 但勝在有懷舊快餐店的風味. 叫了兩只雞冀和一杯凍檸茶. 雞翼不算熱, 但味道ok, 而且食落沒有雪藏雞味. 這杯凍檸茶和出面茶餐廳的凍檸茶不同, 茶色比較特別, 喝下有點苦. 可能我叫了少甜的關係.

日前因為同我阿SO入院(寶血醫院), 係附近搵下野食, 比我發現左呢間香港舊式快餐店係入面食左個下午茶餐, 只係二十個大洋我仲加左個粉麵($5), 份量好足,仲有菜係入面食物質素比較依家既大型快餐店唔會差得去邊, 而且味道+風味更勝一籌.D腸仔粒上, 而且好入味.西多雖然半塊,但係好軟脆(最重要牛油+HONEY比例控制得好).雪菜米唔洗講啦, 5蚊抽WIN大型快餐店, 大大碗+D 份量真係GOOD差唔多走之際, 比我發現到呢間快餐店仲做埋到會, 即刻偷影張相.我都成日搞PARTY, 下次真係係要試下呢間D到會先食完呢間舊式快餐店都好感觸, 睇番呢家大型快餐店開到邊到都係, 我地根本無得擇希望香港多D呢類既快餐店可以保全, 因為都係香港既文化之一

今日約左個中學同學敍舊突然興起 就番左中學 (德貞) 附近行行...行行下 見到中學時期成日食GE智多星快餐店冇諗過7年後 呢間快餐店依然屹立不倒 (宜家係香港除左M記 大家X 呢D大型連鎖快餐店 已經冇乜智多星呢類型GE小型快餐店)所以我同我個老友就入去左食啦學生時期我地成日都去食 因為平同埋有中西式 (D野食都幾大碟)我叫左個雜扒飯 個餐跟埋JELLY 著條 飲品 四十蚊都唔使...真係好抵 D料都幾多 最重要係好味道 (係D汁唔夠多)(本人比較重口味 鍾意多汁!!! 哈哈) (我以前都成日食呢度D扒餐)不過老闆&伙記都好好人 可以之後叫佢地俾多D汁!我個FD要左咸蛋肉餅飯個餐跟埋中湯同飲品 我個FD都話同當年GE味道一模一樣 佢話E然甘好味 係個2條菜差小小今次同我個FD舊地重遊 去番呢間快餐店 諗番起好多往事 呢間快餐店有GE係人情味 有GE係平價又食物好味如果香港多D呢D快餐店就好 唔使D大家X 大快X 個D成日加價都要焗住食!所以要特意打呢個食評LA ^^

光顧了這間傳統快餐店這麼多年, 也未試過它的焗飯. 趁周五晚家裏沒飯開, 就前來一試.問老闆焗飯有甚麼汁可選, 他說不如選茄汁啦. 就按他意思吧. (雖然可能只是有茄汁可選)焗飯的汁十分充足, 足以用來撈飯, 而且茄汁味酸酸的, 不錯.飯是炒飯的, 至於雞扒有三塊, 肉質有少少韌, 但不是太韌, 可以接受.羅宋湯十分足料, 有很多蔬菜, 紅蘿蔔等, 味道酸酸甜甜, 質素很好.焗飯連餐湯只需$32, 比大X樂的便宜, 而且質素不錯. 有時, 不要只懂光顧連鎖店, 嘗試給傳統商店一個機會吧, 否則只會讓它隨年月慢慢消失.傳統快餐店就是有一份連鎖店沒有的人情味. 水吧的太子爺認得我, 主動問我晚市很少去光顧, 又問我要不要多一杯茶. 這份人情味, 連鎖店很少存在.當水吧阿姐叫咪幾次, 顧客也未前往水吧領取食品, 年邁的老闆還會親自將食品拿往給顧客. 但我認為...雖然學劉華說, 今時今日的服務態度要有所提升, 但身為顧客, 也不應該要老人家替你拿取食品吧.

身心俱疲, 去完醫院在附近填肚就算.智多星是現在少有的個體戶快餐店, 但每隔幾年它也會進行裝修, 所以看來也是光猛, 沒有殘舊的感覺, 而且有兩部電視, 可以讓顧客用電視送飯.由於不是太肚餓, 所以沒叫飯類或炒粉麵, 只點了一個全日供應的常餐, 有沙嗲牛肉麵, 腸仔煎蛋, 牛油方包, 餐飲要了凍檸茶.沙嗲牛肉麵的味精湯底幾好味, 雖然知道不健康, 但我也飲了頗多. 要健康, 湯中也有幾塊菜, 稍為補償一下吧. 牛肉當然不會是新鮮牛肉, 只是雪藏貨, 但吃落也不韌.兩款佐食選了腸仔及煎蛋, 要求太陽蛋也做到. 相中也看到太陽蛋煎得頗漂亮, 將它放入湯麵中搗穿蛋黃吃, 味道一流. 腸仔只是普通貨, 不評論.凍檸茶忘了叫少冰, 結果冰塊佔了三分一, 冰塊溶化連茶味也沖淡了, 若果茶味能夠濃一點會更好.大約$30一份常餐, 在午飯時間就不值, 但是在晚市時間, 也差不多了.