晶晶甜品 (已搬遷) 新店位置

23 July 2006 (Sun) - 甜品晚飯食得唔太愉快，所以要食甜品補數！叫咗芒果豆腐花，好好友叫咗芒果西米露，佢嗰個ok，而我嗰個我覺得最古怪係有椰汁，其實豆腐花都唔駛再落椰汁啦，攪到好其怪咁啲味道，可能我自己又唔’好’椰汁啦！！不過總覺得冇以前咁好食，所以都少咗人黎！以前好爆架嘛，而家？？真係唔駛等位！

點了栗子芋茸喳喳無芋頭味,非常一般在附近食飯,而這裡不有等位,可以一試不用專登來

聽人講話好正﹐結果係兩回事。叫左個芒果西米露﹐淡到無味。唔知點解甘多人等位????????

一班人行完花市, 走左黎食人太多, 唔知佢地食左d 咩我就叫左芝麻糊非常之咁難食, 冇芝麻香冇口感, 好似食緊甜o既生粉水咁食唔晒係超市買即沖果d 都好過佢其他朋友都冇好comment十分普通, 唔食都得可能好生意, d 侍應極串

每次到晶晶都是每年行花市之後, 信步吃個甜品才回家. 今晚再到晶晶, 發覺桌椅換了, 但依然擠. 沒辦法, 舖面細, 互相將就.言歸正傳, 我叫了凍芝麻糊豆腐花, 女友叫了熱合桃糊豆腐花. 我那碗好味, 芝麻糊比一般的沒那麼甜, 不會蓋過豆腐花的味道, 豆腐花滑而有淡淡豆味, 芝麻糊質感綿密, 不知是否真的手磨? 女友那碗則她嫌淡了一點, 她嗜甜.晶晶雖然不是最好的糖水店, 但也算不錯, 只是舖面太擠, 累得經常要等罷了.

朋友介紹, 專登黎試下叫左栗子芋茸豆腐花, 個賣相嘛嘛, 加左花奶同椰奶. 椰奶味蓋過栗子味. d栗子芋茸係水狀, 但食落有栗子碎, 我覺得好似食緊杏仁糊入面有杏仁碎咁, 好怪. 芋茸就食唔出有無落. 而且唔甜.

去晶晶食糖水,要識得選擇呀.個D正正常常的中式傳統糖水周圍都有得食.去晶晶梗係食佢最拿手的馬豆西米涼粉和栗子喳喳啦,湯圓的確唔好食,若然再去,食呢兩樣實無走雞!好味又慳番啖氣! 話時話,連老板都木口木面,D員工又店會唔係呢! 我次次都係外買,米唔使同人迫亦唔使比人叫借借囉!

打完邊爐想搵糖水食下，行行下就搵到呢度，聽朋友講都薄有名氣，就試下啦。我要左碗杏仁糊湯丸（$19），講真我覺得冇乜特別，唔係唔好食，只係冇可能令我有深刻印象，湯丸餡少，唔及大良八記，總之就普通過普通，價錢亦偏貴，唔值得專程去食。可能多人，環境都幾迫下，基本上食完你都唔會再坐一會。

我今日係去食下午茶, 湯圓綠豆沙,佢地永遠都咁有水準,d湯圓皮薄, 痕好多芝麻係入面...正

幾年前曾有朋友介紹嚟食過一次, 唔覺有乜特別, 最衰啲湯丸仲有小強既屎味, 嘔...我同佢從此無緣.老實講, E+酒樓飯後都送甜品, 通常都唔會太差, 如個唔係特別好, 邊得閒幫襯?

星期六去過, 叫左芝麻糊+湯丸($19)味道一般唔太甜, 湯丸煙\"UN\"但少饀待應們都木口木面無表情,雖然唔知原來依間野咁出名, 但我覺得無乜特別囉

14-9-2005 2216大家食罷阿鴻小食後，部份食友(包括我在內)當然要食個甜品，都行了差唔多20分鐘先到，雖然九月，天氣仍然這麼悶熱。我叫了芒果西米露，芒果不太甜，幾淋身，西米都幾多，椰奶還有少少味，一般不太突出，至在出出火，係身體上的熱氣而已。

尋日同今日都有去食,都係食合桃糊.尋日肚餓加左兩粒湯圓,好好味,一次都無失手既糖水舖

d糖水d 甜味次次都適中,綠豆沙,炒米薑酒茶夠辣,酒心湯圓夠特別,冬天可以暖胃.

第四站：飯後甜品一看menu，真是花多眼亂，很多款都想試；我的朋友推介這兒的芝麻湯丸和炒米薑茶，但最後我選擇了何首烏桑寄生蛋茶，呢味糖水唔係間間有得食，自己煮又多功夫，十零蚊，比人賺好過啦!我其他的朋友們叫了燉蛋(幾滑)、麻蓉湯丸(都幾香)、炒米薑茶(好辣) 至於我那碗何首烏桑寄生蛋茶味道都都ok，不太甜，但蛋稍為硬了一點。服務質數方面：那個幫我們落單的女子，木口木面，一點笑容也沒有，問兩句先答一句，個面口跟我吃的那碗糖水(見圖)有得fight，都唔知邊個得罪佐佢。吃罷糖水，完成了一日自由行節目，跟朋友們say goodbye各自歸家。久唔久放自己一日假，與朋友輕鬆自在的吃喝一天，真是一樂也！