晶晶甜品 (已搬遷) 新店位置

幾年前已經開始鍾意幫襯! 用料十足! 豆腐!花滑不在話下，紅、綠豆沙亦唔會"水流流"! 晶晶係我食過咁多間甜品舖中最用心整甜品o既糖水舖!

mango-Tofu花好食, Fresh and soft.others dessert are 唔錯, 水準穩定.i read a few post by others challenged this shop, and i can assure you, the dessert are of good quality and 水準穩定.(I go there quite often). 水準穩定.新鮮,仲想點?

真係好唔明...唔明點解呢間甜品舖日日都咁多人幫襯....或者係同區冇其他同頪型對手掛..平心而論...佢D甜品味道都係一般...冇乜邊款叫人留低深刻印象...仲要價錢都唔係特別平..時時都有D 日本人攞住本雜誌專登黎幫襯...真係好唔明...究竟係羊群效應...定係我唔識欣賞呢???

以前好好味,豆腐花好滑,糖水都不錯...但就坐得好迫...而且近日來的品質已不夠以前好...不能維持以前水準,失望....價錢就可啦....衛生都可..

星期六晚興之所至o黎食甜品，嘩！比起上次o黎真係多o左好多人。好在門口都搵到車位，等o左冇幾耐就有得坐。兩口子，叫o左個熱黃金燉鮮奶($20)同湯圓芝麻糊($19)潤一潤。黃金燉鮮奶面頭係燉蛋，裡面係燉奶，賣相唔錯；味道唔太甜而燉得滑一滑，好正！芝麻糊磨得幾滑，但略嫌淡口；上次試過個酒心薑汁湯圓，今次食番普通麻蓉湯圓，但原來味道麻麻，早知叫淨芝麻糊好過啦～走o既時候門口企滿晒人，個搏抄街邊位仲幾架車搶住要；睇o黎香港真係旺翻好多。

本人由晶晶剛開業便嘗試他的甜品,兩公婆真的睇好時機創業,由小鋪只得少數糖水到現在,真的很好運. 不過水準已經有改善, 糖不甩ok, 大致上算一般,方便泊車及多款式揀!

尋晚o黎呢度試o左D糖水；都okay播！我地食o左：-生磨芝麻糊：$15，磨得都夠滑；不過芝麻味淡o左D。-酒心薑汁湯圓：$16只得5粒，略貴啦...不過味道幾特別，湯底夠薑味，湯圓都幾煙'un'；反而湯圓裏面唔夠酒味，差o左D。-栗子芋茸喳喳：$16，好多料，又夠椰汁，唔錯o播！呢度鋪位唔算大，如果人多都會幾迫。Menu有英文譯名，睇o黎SARS之前都有唔少遊客幫襯，不道依家就比較冷清lu~~

我住在天后區,晶晶的甜品試過都掉頭走,<br />$14一碗合桃露... 用粉開...<br />如果無名氣... 執左好耐啦!

試了芒果黑糯米, 實在係太甜啦, 甜到我食完飲o左兩杯水之個口都有一陣甜味, 對於超級嗜甜者或者覺得好味, 但係對於我o黎講就麻麻地, 而且我覺得都成$19, 不是太值

椰汁黑糯米煙煙韌韌, 好有口感, 唔太林唔太硬, 椰汁味剛好又唔太甜芝麻糊豆腐花唔夠滿記滑同香濃, 不過價錢平!地方淺窄, 不過招呼算係咁~

可能因為自己唔太食甜野,所以覺得佢D野好甜,不過睇下佢個餐牌,又好似幾多特別野咁,地方好細,十零個位,唔好要求話坐得好舒服囉!

用新鮮、好味、Yeah ！　形容晶晶秘制芒果布甸就至貼切，新鮮大粒芒果加上入口即溶布甸，再配多多花奶，食得樂也！　仲有呢度出名任你將D 糖水左溝右溝，食得樂就至鐘意用紅豆沙溝西米露，唔錯。 由細鋪轉到大鋪，雖然位係多左，但都周不時見到D 人要響出面搭檯，亦見到好多正車泊響出面，直情可以比美西環源記添！