景村雲南米線 (已結業)

下午茶時段周圍都好多人，走了一圈， 見有位即刻入去試吓d牛，因為門口d 相都幾靚 , 幾吸引…… 哈 原來下午茶時間有飲品送，真開心我怕食辣野又出到一頭汗， 於是要唐生菜牛小鍋米線哇 …… 實物比張相仲靚喎有好多䓤.韮黃.sparsely ...加上小小咸酸菜味道很清新米線煮的時間適中,所以幾彈口我由少至大都唔鐘意食米線， 食完呢碗之後簡直愛上佢

牆上紅彤彤的PLA木刻板畫, 跟一般吃川辣麵線的風格很不同, 然而食物仍相類, 只是沒有我想選的豆漿, 而只有西茶. 要了碗腩肉小鍋米線, 酸菜略酸多了, 也許是個人口味. 腩肉帶點辣, 不過火. 因突然接到電話需詳談, 米線浸久了才吃, 還擔心太淋, 出奇地又沒問題. 是它原來未夠淋? 還是不受一點時間影響? 份量和價錢相比也算合理, 值得再試.

還記得幾個月前，"景村"在美孚開張，作為米線愛好者的我急不及待試一試。第一次食堂食，試了碗酸辣米線(小辣)，加腩肉、芥蘭。當時的侍應對工作程序雖有點生疏，但態度誠懇，且有熱誠。湯底十分惹味，未食之前聞到湯的酸辣香味，已令人舌上生津，湯入口酸辣度適中。湯底功力不亞於其他米線主流店，如：南記、荃灣雲桂、三哥等。而且配菜(是次為腩肉、芥蘭)也見心機，只略嫌米線份量較少，男士未必夠飽。之後定期有幫親，有時堂食、有時外賣，約試過所有配料的一半，都不錯。除了讓我這個美孚人不用乘車出外，就嘗到有水準的米線外，也可作為支持自家製作的誠意小店吧。

平時響美孚都係食小食，睇食評第一次黎呢度食LUNCH，原來都好好味 今次叫左中麻辣米線，送就叫左豬紅同埋豬耳，豬紅都好入味，豬耳就切得夠薄又入味，正呀!米線口感好好，中麻辣初時覺得同平時中辣差唔多，但就越食越辣，但好好味 (對鍾意食辣既人黎講 )!!遲D再黎食過

First of all, I need to declare that I am not fans of 米線. Secondly, I need to tell you that I am fans of any 酸辣 food. Thus, I was there and had my first 米線 in the last 12 months. I ordered thebasic 酸辣米線 (with diced pork, peanut, and some green!?) which costed me HK$22. The staff looked at me and waiting for me to add more items on the base. Although I have no intention to add any other items, I ordered to add a lettuce (HK$5) to avoid furhter embrassment. It took over 10 minutes to have it

呵呵, 講真, 美孚無乜好味的粉面,米線好食的真係少景村雲南米線 開左無耐就去試!!立即俾酸辣同麻辣米線吸引住!辣也分很多款,依稀記得有小,小中,中,中大,大等等....選了酸辣的小辣! 因為不想在店子中流大汗==對喜歡吃辣的人來說這個基本上是不辣,而且味道很香,之前試了中小辣,卻相差很多! 辣度倍增!至於麻辣, 小辣已經辣到汗水鼻涕都流了!!湯的味道很濃郁, 肉粹也很多, 配菜也很夾!!下午茶仲有野飲送!不錯不錯!!!!

好得, 美孚終有好野食! 又係美孚住客, 呢到不嬲都冇物好野食, 兩星期前行過蘭秀道, 見到有新米線鋪, 即刻入去試下. 叫左酸辣米線小辣, 有鮑片, 五香牛肉同竹笙, 點知一食上引, 超鍾意個鮑片, 好好味呀! 個湯酸辣度又適中, 宜家已成為我既飯堂! 仲有最緊要係坐得舒服同乾淨, 係少D位lor!

星期日諗住試下呢間雲南米線, 一試之下, 嘩~~~我和朋友一人叫一個,我就叫清湯, 朋友就叫小辣, 兩個湯底係無味!! 完全無味!!! 唯一既分別係佢辣少少, 辣少少既水!!我和朋友吃了米線上的餸便離開了。價錢不比譚仔雲南米線平, 兩碗米線加兩凍飲都要 73 蚊~下次一定唔會再去!!!

小妹家住美孚來來去去美味的餐廳一隻手數得晒今日試一試呢間 好似開左唔係好耐鋪面裝潢很有特色小妹唔太食得辣所以叫左個酸辣米線 小辣辣味適中 夠惹味又易入口不過酸味就稍為遜色 配料豬耳同腩肉本身都好入味小食叫左一碟尖椒皮蛋同麻辣八爪魚咀皮蛋辣中帶酸 非常醒胃八爪魚麻辣得好過癲整體食物質素好好價錢合理又多一個搵食好地方