普洱

营业中

休息中

因為一小專題,介紹一杯朱古力普洱。好朋友又動議到來吃吃。晚上坐無虛席,幸好剛有二人吃罷。我們便可入坐,但都是搭枱模式。吃的,主要是米線,和焗飯。既然主力是飲野,所以二人也只叫了一飯,一小吃,兩飲品。凍杏仁普洱,很水汪汪,莫說普洱味,連杏「霜」味也極淡!勿忘,已叫了少冰,也可這麼淡而「無味」。熱黑芝麻普洱,這杯好飲好多!起碼看到很多芝麻「粉」,而且有微微的茶味。回想起來,我們明明想試「朱古力普洱」,何解order兩杯,都沒一杯是既?這裡的服務,時常問叫什麼?又看看你枱上東西收得未。枱與櫈的距離又近,頗逼夾,吃也吃得不盡興。燒汁豬頸肉炸饅頭,幾得意的配搭。很欣賞,饅頭夠脆夠熱。燒汁的咸,餸滿淡而香口的饅頭,豬頸肉頓時變成大茄(配角),整體味道不錯!咖哩茄子豬扒飯,茄子俾朋友吃光,她說好好味喎。豬扒炸得酥香,焗咖哩飯,相信很多人也喜歡吧。雖然不太好坐,for醫肚,食物是ok的!會再來。

唔知由幾時開始, 普洱成為左我既下午茶飯堂廿幾蚊一個下午茶 (麵//包類//小食類都有)餐飲係包埋$16蚊以下既特飲!!太抵食了吧! 最鍾意呢度既豬扒包, 炸到脆卜卜既豬扒真係好好味!下午茶黎講夠飽又唔會太膩!最緊要就係特飲非常出色藍莓香蕉奶: 新鮮水果再加鮮奶, 唔係出面台式店咁開粉沖比你飲!其他特飲有點子咖啡, 朱古力普洱等等呢d 特色小店一定要多多幫襯, 唔想將來得番d連鎖快餐店!

今日冬至...一個人食...好多地方都要成差唔多$50先食到飯..結果去了尼間黑椒焗金菇牛扒飯+朱古力普洱今次先講個朱古力普洱,原來我唔小心叫左佢個招牌飲品D朱古力唔太甜,應該係因為普洱沖和左,普洱唔苦,反而出左種清幽的感覺XD成黑椒焗金菇牛扒飯都好正下D黑椒好濃味,但又唔會蓋過牛扒的味道~金菇好爽,又好清潔不過散左少少...牛扒大大塊,仲好細心切好,偶斷絲連的樣子,輕輕一拉就成一塊塊的,而且一口一塊牛扒得少少根,啖啖肉,肉質鬆軟,色香味俱全順手拿了佢地D菜單給大家XD

週日停煮日 , 出外搵食去呢一邊啲食店我地比較少地好幾間食店見佢地開開關關都冇乜試過行到去吉豬島買米亦見佢地有卡位一試無妨 , 但冇下次 ! 去片好似茶餐廳咁行去洗手間條通道放晒食材好鬼大廛好污糟唔知幾耐冇清潔過我手機係影得唔好不過大家唔信嘅可以去睇睇我唔想食佢地啲焗飯太餾麵類老公都唔想食但又想有米到肚So.....佢選擇咗個二人Set呢啲乜汁物汁同碟頭飯有咩唔同?事實上有啲客人嘅料理真係似碟頭飯一Pat Pat極咸嘅手撕茄子茄子咁索味洗唔洗博命調咸呀?冇茄子味, 淨係食到啲汁味味道已經零分煮到咁爛賣相更係負分食咗一條成碟丟咗去咸 ! 啲鹵水汁有冇用水開過架純鹵水汁去煮咸到爆炸喎豬肉又鞋又乾柴雞亦鹵水味入皮唔入心唔夠淋係得嗰半粒蛋好啲..點樣形容呢碟..??老公選擇嘅...將排骨雞亦炸左去淋葡汁邊到係葡汁吖...少少椰汁味都冇反而係好重忌廉味啲炸粉勁到呢...炸到乾柴...冇啲汁濕濕地點攪

我記得第一次食服務態度好好!我叫左個酸辣米線我以為唔辣(佢個樣唔似辣)食落真係線不可以貌相!但係第2次食又唔同因為第一次既經驗對碗米線好大期望.但係原來唔辣@@但係之後都有KEEP住去食.

呢日 lunch 同堆同事仔黎試 <普洱>一行 6 人, 等左好耐先有位....望望 menu 價錢都唔平喎, 不過都試下啦~左諗右諗, 最後要左個.....黑椒雞扒飯 配 凍薄荷朱古力 ($36)再 +$6 要左 2 粒滇式煎包仔大約等左 5-8 分鐘上枱!!賣相唔錯喎, 大大碟, 大量黑椒汁, 讚!!雞扒係骴黎既, 仲有少量配菜~食味唔錯, 肉質唔"鞋", 黑椒汁好味, 送飯一流 而果 2 粒煎包仔就......好失色唄~超細粒之餘, 味道唔好一般, 其中有粒仲係無左個底 = =!至於果杯凍薄荷朱古力, 一上枱真係比佢嚇親......因為佢係......................暗灰色的!!!!! (影出黎個 color 好少少)正常都應該係綠綠地有黑粒粒碎架嘛...驚驚怕怕之下啜左一啖.....咦! 味道真係怪怪的.....雖然佢都係有 D 薄荷味又有 D 朱朱力味, 之但係.........總之就係唔同出面飲到果種啦~至於食米線既同事就話, 米線唔多好食 (不過我無試到)食物都...唔錯既, 不過飲品就麻麻囉~

芝士焗嫩豆腐脆魚柳飯($36)個白汁幾好味 , 但係得少少芝士味 豆腐真係好嫩魚柳係炸過 , 但焗完就唔脆 , 亦無咩魚味呢個飯無下次!咖哩薯仔焗雞扒意粉($36)咖哩係港式咖哩 , 有椰汁味 , 有少少辣薯仔係炸過ge , 好好味雞扒有煎過 , D肉焗完仲好嫩 , 份量都幾多荔枝糯米香茶(右)開頭以為係杯茶會有糯米 , 覺得幾得意 , 所以叫啦黎ge時候先發現係自己誤會左 , 原來糯米香茶係一種茶 , 餐牌上英文係green tea飲落發現都唔錯 , 有茶味 , 仲有椰果 , 錯有錯著XD蘆薈芒果汁(左)真係用芒果打 , 唔係沖出黎架 , 真材實料 , 好好飲!$36一個飯 , 跟餐果杯仲要係特飲 , 真係好抵!!

同朋友第一次食普利我揀左流沙包拼雲腿素鮑魚(鮑魚菇)粥($16)朋友仔要左鹵水雞翼通心米線配凍泡沫咖啡($19)鹵水雞翼通心米線～色水幾靚,但據朋友仔講味道一般,唔係特別好食或者難食,試左一條通心米線,口感介乎通心粉同米線之間,份量唔太多,只係用個砵仔裝賣相特別d凍泡沫咖啡～朋友仔話唔似泡沫咖啡,只係一般茶餐廳既咖啡流沙包～等左好耐先同煲仔粥一齊上,新鮮用籠仔裝住上,本來無乜期望,但結果令我好surprise,飽身鬆軟,入面d餡仲真係流沙,金黃色,甜度適中,食完覺得呢個點心值4分雲腿鮑魚菇粥～配料份量一般,叫呢個只為清清地,粥底幾綿,好在唔太多味精,食完成個下午都唔覺口渴,不過d鮑魚菇有部份淋身,但有部份就未煲軟身,如果可以改善呢點會更好!

幾個月之前經妹妹介紹E間食店,她說這間的焗GE ITEMS是不錯的,之前同佢黎食過焗白汁香菇雞排意粉好好吃的,雞排很嫩的!不過我搵唔到香菇在哪!!!今日同朋友黎食飯,順便傾下心事!佢E度大部分都係卡位,FOR 2 PEOPLE,如果無人搭你枱果陣係唔錯GE,不過80%都有人搭你枱但今晚我地都係食左8成野,店員先安排其他客人坐對座!!!講返食物,我今晚叫左個醬燒雞塊南瓜豆燜飯,而朋友就叫左個芝士焗豆腐魚柳飯!我平時唔食南瓜的,不過E度D南瓜好甜, 焗到好似蕃薯咁, 好好食,但我就略嫌D雞塊有DD乾!而朋友個飯, 我就淨係試左D豆腐, 都幾嫩滑,可能我平時食開果D仲滑,所以我就覺得這裏D豆腐只係在「不錯」的程度!!!其實E度D餐真係好抵食LO!$40不到已經好大份!!!!會繼續去呀!!!!不過我地叫錯野飲LO,我地兩個都叫左朱古力普洱,食完個飯再飲已經頂到上喉嚨啦!好滯呀!!!可能叫茶類飲品會更好!!!

今日第一次跟朋友黎食佢地推介話焗飯好味可惜本人喉嚨痛咁見下午茶有米線食就叫左喇食左五香腩肉米線湯汁唔夠濃郁比唔上平時食五香肉丁公仔麵d五香呢個近乎清湯咁款=３=但腩肉不錯！肥瘦肉平均分佈..食落幾甘香！可惜只得3片朋友話朱古力普洱好味所以就試左喇～～確係幾特別..而且幾好飲！但冇果種想再飲多杯既感覺.....下次試下其他野飲

下午兩時多抵達「醫肚」第二站，此店乃本人出遊荃灣必經之地。本人點選的套餐是醬鹵單拼滇醬骨喬麥麵連熱芝麻普洱餐飲(HK$30)，男朋友點選套餐是山珍•辣子雞米線鍋連熱朱古力普洱餐飲(HK$36)，外加HK$6多要一碟烚青菜。整體大致上保持水準。想評的是醬鹵無湯但應熱，送來吃了一口發現變成涼拌即叫侍者更換，等了約莫五分鐘後再吃發覺麵條仍冷，碗身散出來的熱力歸因於碗內澆了一些湯汁而已! 廚師真會敷衍了事。烚青菜份量太少，付錢加餸就不值。

今早又和媽媽到普洱食早餐!我叫左早餐A 火腿米 煎太陽蛋/方包 柑桔密食評: 2隻大 太陽蛋夠半生熟 good 火腿米 夠大碗熱柑桔密 夠味 不太甜 正*媽叫左早餐B沙嗲牛麵火奄列腿/方包 熱咖啡食評: 火奄列腿 太少 太熟 普通..不太喜歡食!沙嗲牛麵 夠味 coffe good taste, 岩口味。我常同媽到普洱食早餐 , 抵食又平 !我覺得勁抵係 所有飲品 凍熱都不用加$!仲有好多特色飲品! good

一行4人去睇SAW 3D, 為左唔好睇完食唔落, 為有食左先....去左荃灣的普洱, 朋友話好食WO~入到去叫左辣子雞米線炒飯: 一開始以為有一碗米線一碗炒飯....原來佢係斬碎哂D米線撈埋落去一齊炒...- -D辣子雞..辣又香~但係食得多又係得一隻味~....焗咖哩薯仔雞排飯: 咖哩好香,夠味,但好似冇乜特別,度度都食到...焗嫩豆腐魚柳飯: ,豆腐原本以為佢會好焗到好莓~但係原來係勁滑~!!@@同埋芝士都好香口~芝麻紅豆冰: 幾特別呢個~!!好有芝麻味~同埋又唔會嚴重甜~GOOD~!!服務呢,都OK快上菜既, 得3個人咁上下啦~環境都乾淨舒適~!!不錯

呢個星期，都係馬不停蹄做緊兩樣野：睇焗爐同埋見工。基於屋企附近冇電器鋪既關係，結果去左荃灣廣場，同時去埋呢間以茶出名既鋪。叫左雙餸紅薯粉 + 聽講幾出名既杏仁普洱 + 豆腐圓子。滇醬骨唔夠熱，食落去其實有少少Heavy，之後香酥肉醃得幾夠，頗入味；杏仁普洱其實得個杏仁香，你唔講我都唔知係普洱。最後個豆腐圓子，豆腐同絞肉兩個味都Balance到，分量係差唔多。P.S：紅薯粉好難咬斷，小心食。不過服務方面，其實佢地集中精神去聽顧客既需求，D人如我咪少D擔心囉@@”

本人第一次寫食評, 多多指教! 其他不說了. 講講食物~~1. 凍朱古力普洱飲得出有淡淡的普洱味, 但要我說是否跟別的好呢~~我又覺得未至於. OK啦! 2. 咩咩砂鍋米線... 唔記得個名=3=從相中所見十分足料! 味道香濃, 要連湯一齊吃呢 ;)不過我認為肉碎太多, 而沒有其他餸例如水餃呢D~~咁就有D齋...食物以外餐廳非常嘈! 環境一般.可以一試 ;)