晟源小廚粉麵

营业中

休息中

九龍城一向食肆多，開飯時間沒什麼心水的時候，揸車到九龍城走一轉，總會有合心意的。剛好附近有錶位，泊車成功，就到晟源小廚開餐了。是夜的豐富晚餐，有菜有肉有海鮮，大滿足！梅菜扣肉煲 $108上枱熱燙，汁還在跳動中！扣肉肥美，肥肉蒸炆至鬆化，加上惹味的梅菜，伴飯一絕！黑松露蝦球炒蛋 $108蝦球夠大隻🍤，有醃有調味，雞蛋軟硬適中，加上大量的黑松露，香氣撲鼻，好味道！啫啫生菜煲 $98同樣煲仔直上，熱辣辣的；蒜頭蝦米等料頭，爆得夠香，生菜🥬新鮮嫩綠，正！鹹魚蓮藕餅 $48，雖說是小食，但份量一點不遜，二人享用，甚為滿足！

是晚試下新餐廳晟源小廚，有小炒、粉麵、餃子等，價格定位親民😋坐低睇睇餐牌，揀左幾樣小菜，落完單後十分鐘內已經上齊，好有效率呀👍⭐京都炸大腸香口脆身有咬口，大大盤食得滿足。⭐芹菜炒餃魚丸唐芹香口餃魚丸蛋牙，加少少辣椒油更惹味😋⭐椒鹽鮮魷又係炸物😆鍾意食香口野嘛，脆漿唔厚魷魚鮮味有嚼勁，正！⭐白飯無乜飯香同唔夠熱，扣分。⭐咸檸七 & ⭐青檸梳打食炸野配凍飲特別爽😝店內冷氣十足坐得舒服，食物味道唔錯份量大，值得一試👍

又響九龍城搵食 新發現呢間小炒性價比高 企企理理 而且味道都做得好 正式收納為飯堂🫶🏻❣️ XO醬西蘭花蝦球雞柳雞柳煎到好香口 重點係蝦球真係大大隻 仲要唔係一般無味無道嘅梳打蝦 係真係爽口彈牙有鮮味㗎西蘭花翠綠得來 用XO醬爆到好香口 送飯一流❣️ 火腩大鳝煲超級有鑊氣 上檯嘅時候吱吱聲 個煲燒到好紅大大煲勁抵食 火腩好多肉 唔係啲頭頭尾尾 大鱔表夠厚 食落彈牙 係膠原嘅味道 魚肉實淨仲有啲腐竹、冬菇做配菜 感覺好豐富❣️ 菠蘿脆皮咕噜肉食緊嘅時候已經盛讚個皮好脆 原來個名就係叫脆皮咕噜肉個糖醋汁黏黏嘅感覺 放耐咗完全冇變腍咬落啖啖肉 冇肥膏 仲有成條新鮮嘅菠蘿 係清新開胃菜

今日去食一間九龍城好出名食粉麵既餐廳，最近佢地做埋晚市小菜，決定去試一試公司小炒皇 $128小炒皇好夠鑊氣，有豆角，腰果，炸魚乾，蝦仁同埋魷魚，口感一流，餸酒絕配紅燒BB鴿 $42BB鴿炸到熱辣辣好香，肉嫰又juicy,肉質好好夠甘香海南雞 半隻 $90海南雞大大隻好抵食，個味道好好，肉質都好夠滑韮菜餃10隻 $42餃子個皮超級煙韌彈牙，d料都好新鮮好香，配辣椒酒超正青島 $32凍檸茶 $18好多飲品選擇，啤啤佢都唔錯

今晚去啟德主場館睇波前，特登去九龍城搵食！記得以前南角道間「晟源粉麵」好正，而家搬咗去福佬村道，新舖唔止有招牌粉麵，仲加咗小炒菜式，一於試吓！ 果然冇跌watt！個沙茶粉絲肥牛煲超濃味，粉絲索晒啲汁，肥牛又夠淋；公司小炒皇，鑊氣十足，豆角同蝦乾炒到脆脆哋，送啤酒一流；最驚喜係黑松露蝦球炒蛋，蛋滑到癲，黑松露香得嚟唔會搶味，蝦球又爽口！ 份量仲要夠晒大碟，兩個人食到捧住個肚走～侍應姐姐好nice，主動換碟又介紹菜式，抵讚！**搬舖後多咗小炒揀，水準仲keep到**，下次一定會再嚟試埋其他菜式😋

呢晚嚟咗呢間喺九龍城嘅「小廚粉麵店」食晚餐，呢度叫「小廚粉麵」，除咗粉麵之外喺晚飯時間有港式小菜小炒提供🤣「海南雞半隻」：「半隻海南雞」都幾大隻份量相當多🤩，雞肉不同部位有不同口感而總體嚟講都算夠滑，仲有兩小碟可能係自家製嘅蒜蓉辣椒汁可以要嚟沾雞肉食，咁就更加惹味啲啲🤣「紅燒BB鴿」：BB鴿大小適中，外皮燒到啡紅色兼脆脆哋，乳鴿肉有少少咬頭，總體香口好食🤣「公司小炒皇」：材料有豆角、魷魚、蝦乾、蝦仁、腰果、魚乾仔等，炒得香口好食🤣「上湯時菜」：時菜揀咗菜心，菜心新鮮大大條非常粗壯咬落幾爽脆，上湯浸加埋啲炸過嘅蒜頭簡單好食🤣「韭菜餃 拼 芹菜餃」：「韭菜餃」食到有韭菜「芹菜餃」食到有芹菜，似乎係自家製，真材實料🤣「無糖可樂」：大熱天時飲凍冰冰嘅可口可樂就梗係好飲啦🤣仲聽到有客人話晏晝嚟食完而家又嚟食晚餐真係非常捧場🤣

朋友家附近晟源小廚粉麵(九龍城)傳統粉麵舖，大眾化價錢抵……抵❣️咖哩牛腩飯+例湯牛腩軟嫩，肉質鮮嫩，入口即化，配搭香濃咖哩撈飯yummy❣️例湯節瓜+排骨材料豐富，味道鮮美，不油膩，帶有淡淡的甜味❣️招牌牛筋牛筋軟滑，有豐富骨膠原，口感柔韌富有彈性😋😋❣️招牌雲吞麵細滑麵條配皮薄餡靚雲吞，每隻帶有鮮甜爽口鮮蝦，肉質鮮嫩，湯底鮮美❣️泰式魚餅金黄酥脆漢堡型魚餅👍👍魚肉鮮嫩彈牙，配搭檸檬葉和爽脆青豆，增添清爽口感

生炸BB鴿**真的是一個讓我驚喜的菜式。外皮炸得金黃酥脆，咬下去的瞬間，鴿肉的鮮嫩和香氣瞬間在口中爆發，讓人忍不住想要再來一口。搭配上特製的椒鹽。鹹香適中，讓這道菜更加美味。這道小吃不僅適合當作下酒菜，還是聚會時的絕佳選擇，**沙嗲粉絲肥牛煲**，肥牛片在熱鍋中煮熟，吸收了沙嗲醬的濃郁味道，搭配著滑嫩的粉絲，口感豐富。每一口都讓我感受到沙嗲的香辣，這道煲的湯底也非常入味，喝上一口，暖心又暖胃，粉絲滲入醬汁味更濃更豐富口感。讓我感受到家的溫暖。**沙薑豬手粒**則是我心目中的完美小吃。豬手的肉質軟嫩，沙薑的香氣讓整道菜更加提味。每一口都能感受到豬手的膠質和沙薑的獨特風味，讓人欲罷不能。這道菜的搭配非常巧妙，既有肉的豐富口感，又有沙薑的清香，讓人感受到一種獨特的享受。晟源小廚粉麵 (九龍城)九龍城福佬村道63號地舖