時新快餐店 (已結業)

上年泥過時新食佢既包.實在好好食.見到openrice時新既ranking不停跌.就更加去食多次想知點解會咁.仍舊係雙層芝士漢堡包with咖哩汁同黑椒汁.冇問題呀仍舊好好食!!! 肯肯定定比M記既好食得多!!!今次再叫左雞脾同埋薯條.講真.雞脾真係唔係特別好食.更好食既其實真係好易可以響其他地方搵到.下次如果再去一定唔會叫雞脾.肉質一D都唔滑.仲有少少鞋鞋地.同埋都唔係太有味.. 而薯條都係叫唔叫可以喇.佢個茄汁實在係好味既.不過個薯條我老公話真係太堅.食到好痛D牙肉..我明白佢波浪型係好少地方有..不過我肯定佢可以再進步下.唔知係唔係因為太多人去個度食.最後時新都係令到食物質素下降...今次專登去食都令到我同老公失望左...但係下次再俾我路過既我都會去買佢個包食架!!!

媽媽話好想試下係咪咁好味，我即刻落去買~一去到，個情景真係...果度應該有成廿、三十人等緊~ 咁我order 完等拎野食，次次佢叫都以為係自己果張飛...我order左雙層芝士漢堡包、魚柳包、炸雞脾~魚柳包︰呢隻ok喇！其實佢既魚我覺得冇驚喜，我仲以為可以食到炸魚柳tim...雙層芝士漢堡包︰好鹹呀！！！係就係juicy，但佢個包咁，我真係冇心機食落去...不過d漢堡真係幾厚，佢真係真材實料既~炸雞脾︰um...都ok既，同一般出面買既真係冇乜分別，唔好有太大期望~其實我覺得佢地應該整個speaker 黎用作叫number之用~間店又細又迫，個個人order左之後唯有出去等，但你叫飛而唔夠聲，出面d人係咪入去問係咪到自己喇，搞到個門口長期有人企o係度，又唔方便人，又迫住哂~

本人是次不愉快經歷發生於三星期前o既星期六, 由於事忙沒有立即將事件記錄, 現希望跟各位食友分享以下不愉快事件......當日是下午兩點幾, 已經排緊長龍. 因為多人我同友人決定買外賣. 友人突然聽到已叫到過左我地o既外賣紙冧把, 我就即刻入去問31號有未? 有位女士就捧左盤野係我面前叫我等等. 我就誤以為個盤野係我o既, 我就指住個飽: 要分邊架~ 佢回應叫我自己切, 另一個男人仲俾左把刀我添. 點知隔左一陣, 個女人就放左張34號o既外賣紙係個盤到, 我就即刻話這盤是31架, 佢話唔係是34 的! 咁我知道是一場誤會啦, 我就話咁我切左個飽喇......跟住那個男人就大大聲聲同廚房d人講: "呢條女切左人地個飽!" 仲係重複講左幾次!!!! 我聽到真係好嬲, 我當時冇同佢嘈, 免得好似做馬騮戲咁! 講真, 我覺得都係一d語言上o既誤會我先會切左個飽, 何況佢地知我是31 號而d食物是屬34但也沒有阻止我, 大家都有責任! 最大問題係用不用咁冇禮貌係個客面前咁話佢?! 咩叫"呢條女"?! 時新係食店, 不是夜店!! 我只係買幾十蚊野食, 可能佢唔旨在! 不過打開門做生意每個客人也應該

很少經過紅磡，也不太知道食店的位置，與友人看演唱會，當然不忘到附近地方找尋美食，這一間是首選。原來一出火車站過一條橋就到，都算很近很方便。見到開飯網的十大時時出現，自己一直也很好奇這店子到底有什麼魔力，少少的漢堡包可日買過千，點了一個漢堡蛋包。由於太多人，在七時左右的吃飯時間，也要排近十張單，加上全店滿座，人人手持漢堡包，香港人真的可以用漢堡包當晚餐吃嗎?所有漢堡包也是新鮮即做，客人可以看整個製作過程。等了良久，我想也有二十分鐘，包出場了，時間關係要外帶，在路上邊行邊吃，免得涼了。包是簡簡單單的嘉頓麵包，是鬆軟的包身。芝士也是一般超市賣的芝士片。漢堡牛肉不算厚身，咬下去沒有肉汁四濺，算是鬆軟，最喜歡的是竟然是那隻蛋，煮蛋的時間剛好，半生熟軟身的蛋黃又如何可以不愛呢。沙律醬、溶了的芝士、漢堡、半生熟蛋和包五者很配合，平凡的幾款mix在口中，又的確是不錯。我對它是十級期待，須然不如我的預期，也是合格有突很多了，比演唱會的感覺還好。當日的包和演唱會剛剛相反，個別歌曲如囍帖街、十字架、 悟入歧途等唱出功價，但以演唱會整體來說少了點氣氛呢。聽聽歌，吃吃包，會有下一次的，孫燕姿你會來嗎?

特登入紅磡食,平時食開m記一定會拎黎比較一下既!!叫左薯條炸雞脾,雙層芝士漢堡旦包,魚扒包,因為當時lunch 時間都多人,叫完先搵位,好彩剛有人起身走人,而出面亦都好多人等外賣,所以野食都要等十至十五分鐘左右啦!我睇晒d包既價錢,其實差m記唔係好多!試左個雙層芝士漢堡旦包,一個女仔都食到晒,我咬左幾啖都話好味架,但係我問男朋友好唔好味,佢話d牛肉無牛肉味同埋都無芝士味,叮!又係喎,真係無牛肉味同芝士味,我食到既係個包味同有d甜既味道,應該係o個小小既醬同埋d洋葱味!到薯條同炸脾,薯條真係可以唔洗叫,唔好食,又唔熱!炸脾有味既,皮就要問男友,因為九成比佢食左,佢話炸得唔炸!!最後到魚扒包,姐係似龍俐柳夾包咁樣!總括黎講好味在於兩樣既新鮮新鮮整比你同埋平時食m記多黎呢度有份新鮮感~

喺呢區做野都差唔多年半,成日話要黎食,一路都冇機會,今次終於可以完成心願可能朋友怕我希望愈大,失望愈大,佢成日同我講,叫我唔好抱咁大期望.......所以今次我嘅評價係...正!我叫咗雙層牛肉雞蛋漢堡(朋友話,要食就要食個勁嘅),起初怕食唔哂,最後...哈..全部落哂我個肚度 佢即叫即整,新鮮熱辣辣,哎落去d肉汁多到差d漏出黎d牛肉佢地自家炮製,加咗d洋蔥粒,好惹味,但略咸朋友眼闊肚窄叫咗雙層牛肉雞蛋漢堡.仲要加隻炸雞比,最終要打包走,不過友人話佢食過佢地d炸雞比好好食p.s.如果要減肥嘅朋友,試一次便夠了,因為始終都係快餐,食物都係會偏油,不宜食得太多

一間好難街又有名氣，又不失傳統同食物質素既快餐店，雖然已經係第三次黎，每次都係食呢兩款包，但係每次食都唔會覺得厭，因為真係實在太太太好味，每次一咬落去，肉汁都會喺個口度彈出黎，包既鬆軟加汁秘製沙律汁，真係每次食都想大叫＂好味到喊呀＂今次終於有機會食到炸雞脾，雖然雞脾無咩特別，但佢平凡在佢有炸雞脾應有既味道，平凡既味道已經足夠了，食落去皮脆肉滑，炸既時間配合得啱啱好，唔會生，但亦唔會過熟，真係只想過一個字＂perfect＂炸薯條都一樣好好色，總之一個字＂正＂。

專登嚟試我最愛既漢堡飽&薯條......結果係好好味呢lol 啲薯條好香口好脆.....好熱氣tongue漢堡都好香好有份量, 好食過麥記嗰個足三両~環境係差啲啲, 熱少少&迫少少, 不過好味又抵食喎smile

唔知係未因為食得多麥當勞D包,所以食呢到一定覺得係非常好,唔係詰唔好, 但我會俾OKAY 啦雙層芝士漢堡 : 唔記得係10幾蚊, 牛肉煎到熱騰騰,外面脆脆地,但好似汁唔夠多, 不過個包OKAY軟 , 招牌點都要食下既魚柳包 : 呢個反而吸引到我, 因為平時食開果D唔係咁既魚,佢用龍利柳夾係中間,雖然好似怪怪地,但係又WORK WOR, 想試新野,唔食漢堡既,TRY THIS.薯條 : 冇咩特別,只係即炸咁解, 我食果次仲好似炸過左龍小小, OVERALL IS OKAY, 不過一定要得閒先好黎,成日要等位,再唔係外賣走囉 不過都係要等 = =上次坐入面大部份既人都係決為等睇演唱會先去, 可能係演唱會前食野落腳地 哈哈

專登嚟試我最愛既漢堡飽&薯條......結果係漢堡飽.....個飽暖既~算....味道算OK薯條......勁呀!!!炸到燶咗!!!唔知擺咗幾多個鍾.....又燶又凍點食呀??時新好出名...出名又有何??食物既品質呢??

今日西鐵線去到紅磡, 就特登由天水圍搭車去紅磡, 由車站B1出口行去想試好耐的時新快餐店去到四點左右, 都唔少人, 等咗一陣先有位兩個人, 叫咗三個包: 雙層芝士蛋漢堡, 芝士漢堡&魚柳包, 仲有薯條&可樂好好味呢 啲薯條好香口好脆.....好熱氣漢堡都好香好有份量, 好食過麥記嗰個足三両~環境係差啲啲, 熱少少&迫少少, 不過好味又抵食喎會再幫襯的.....天氣涼啲先

上次黎開紅磡, 就去食想食好耐既時新漢堡包啦一入去見到個格局, 真係好"快餐店"同埋位與位之間條"la"真係好窄囉捧住個餐盤真係好容易仆親不過環境算啦, 黎呢度係食好野既我見到d價錢...真係好抵bo...所以要左個"芝士雙層漢堡包"la包一到手, 見到塊牛肉好juicy, 一入口, 芝士無特別la, 牛肉就有好多洋蔥囉都算好味, 但係又唔可以話好食到上天咁下次會再幫襯的:]

間餐廳幾唔起眼, 環境MAMA雙層漢堡芝士蛋包 - 口感幾特別 味道唔錯 有少少油滷水雞脾 - 好油 但係好好味 炸薯條 - 好脆 女女話幾好食女女仲話想試下

being an islander, hung hom is somewhere pretty far for me and its where id def NOT go casually during weekends. but seeing that i am watching the jsvb match,i have decided to try this really famous si sun burger for my dinner. i ended up taking the right bus but getting off at the wrong station, so i had to walk in kowloon city for like 30 mins before i cud find the next bus to hung hom...luckily it was not hot or else i cud have died out of sweat.i finally reached the si sun fastfood shop-it w

自從同朋友好耐之前食過一次時新近來又見到有飲食節目介紹依度見近來時新d食評好多都係喊但同朋友又好想再黎食多次!所以就決定黎依區食野!芝士蛋漢堡包oh講得冇錯同朋友異口同聲地說:「真係差左!」塊漢堡同上次食果塊 完全係2個味道上次食果塊漢堡係有好強烈既洋蔥味同牛味但今次食果塊係.......冇味 淨係覺得只係食緊舊肉 冇左juicy既感覺!好彩有舊蛋係度襯托下但芝士冇芝士味-0-又唔覺有沙律汁 明明講明要沙律汁所以冇滴汁既畫面出現失望~